ඉක්මන් සුවය පතමු ! කිසිවෙකුටත් කිසි කලකත් මෙවන් විපත් නොවේවා !

 (දැන දැන කරන වැරදි වල ප්‍රතිවිපාකයන් ඔබ පසුපස පැමිණීමෙන් ඔබව ගලවා ගත හැකි විධායකයක් මෙලොව නැත)

ණය වීම, රට විකුණන් කෑම, දශක ගණනාවක මජර දේශපාලනය නොදුටුවා සේ බලා සිටි අවස්ථාවාදී පාපකර්මය උදෙසා මේ භවයේදීම ඩමියක් බවට පත් වූ රට වැසියෙක් !

නිකමට විවේකයට විනෝදයට නොවේ! by the way

නිකමට

බංකොලොත් වී ලොකු රටවල්
අපට ණය දෙන පොරවල්
එමට වැටුණොත් ලෝකේ !
අපට වෙයි බෝ සෝකේ !

සුනාමි ආවේ නොකියා ය. ගියේ අපව වනසාය. අපි එකට පහන් දල්වා එකිනෙක කටින් පිඹ නිව්වෙමු. කෝවිඩ් ආවේ ලෝකයට ම ය. ගියේ ලෝකය හඬවාය. බොහෝ විට අහසින් එන පේන විපත් වලට වඩා පොළව නොපෙනී එන විපත් වලට හරි සක්‍රීය යි. කෝවිඩ් ඇවිත් ගියේ ළඟ නිසා අපට ආයේ එහෙම බියක් දැනෙන්නට තව කල් මදිය. විශේෂයෙන් අවස්ථා අනුව රටට ව්‍යවස්ථා හදන අපි ත්‍රස්තවාදය හැර  මේ මොහොතේ බලන්නේ සුදිය හා ජොලිය පමණක්ය. යන විදිහට තව ටික කලකින් හදිසියකට වත් අපව රකින්නට රාජ්‍ය උරුමයක් නොතිබෙනු ඇත. කරුමයකටවත් එදාට ස්වභාවික විපතකින් වේවා, යුධ ගැටුමකින් හෝ රසායනික අවි අත්හදා බැලීම් වල පිහිට ආනුභාවයකින් වේවා ලෝකයේ ප්‍රබල රටවල් දණ ගැස්සෙන තැනකට හදිසියේ ලෝකය ඇද වැටුණොත් ලෝකයෙන් ණයට ණය වුණු රාජ්‍ය උරුමයක් නැති අපට කුමක් වෙයිද?

බංකොලොත් වූ තැන මහජනයාගේ සුබසාධනය කප්පාදු කර බදු සංග්‍රහය වැඩි කර රාජ්‍ය උරුමය සින්න කරන්නට සිදුවූ රටක, ඉන් ඔබ්බේ අපට ස්ව කැමැත්තෙන් අනිකෙකුගෙන් මැරුම් නොකා ගෙල වැල දමා ගැනීම වඩා යහපත් තීරණයක් විය හැකි සමාජ වටපිටාවක් ගොඩ නැගෙනු නැතිද?
බලය හමුවේ තුච්ඡ ලෙස මජර දේශපාලනයේ ඊළඟ සැලසුම් හදන මහා ප්‍රාඥයින්ට නිකමටත් නොසිතෙන්නේ මෙවැනි හිතලු ය. නමුත් එහෙව් හිතලු හැබෑ වූ අවස්ථා අපි අසා දැක ඇත්තෙමු. එවිට ඒවා හිතලු නොව තුන්කල් දුටු දිවැස් වැකිය. කෙසේ නමුත් දේශපාලන ආලයෙන් අවස්ථාවාදයෙන් අන්ධව වහසි දොඩන්නට පෙර ඒ බැව් සිහි තබා ගැනීම අතීතය අමතක පොර කුකුළන්ට සේම සිහියෙන් අනාගතයකට යන්නට හදන කාටත් වැදගත් නොවනු නැති ය.

විවේකයට

රැල්ල වෙරළට එන තුරු
හිරු මුදුන් වන තුරු
ණයට කා පිනවමු ද ?
පිනට කා ණය වෙමු ද ?

රටක පුරවැසියන් ලෙස සාධාරණය, යුක්තිය, තම මූලික අයිතිය දිනා ගත නොහැකි වීම නිසා එදා මෙදා බංකොළොත් වූ සාමාන්‍ය මිනිසුන්ගේ ජීවිත, රට ආර්ථික වශයෙන් බංකොලොත් භාවයට පත් වීමට පෙරම බාර දෙමින් තිබුණේ කරුමයටයි. ආර්ථිකය බිඳ වැටීම නිසා බිත්තියටම හේත්තු වූ ජීවිත වල බරපතළම සැබෑ බේදවාචකයන් අදටත් අත්විඳින්නේ රටේ අහිංසක ම මිනිසුන්.
එදා ඔවුන් පීඩනයට පත් වූයේ දුර්වලයන් ලෙසින් නම් අද ඔවුන් තමන්ගේ රට තුළම අනාථ කොට දැමූවන්. අත්හැර දැමූවන්. ඔවුන්ට සිහින තබා නින්දත් ඇතැම් විට ජීවිතත් අහිමියි. ඔවුන්ගේ ප්‍රශ්න ගැටළු අදාළ වන බලධාරීන් නිලධාරීන් මෙරටේ එදත් හිටියේ නැත අදටත් නැත. නීති සරණට දිරියක් මුදල් නැති උන් මෙහි කෝටියක් යැයි කීම එනයින් වරදක් නැත.

ධනය, බලය, කුලය, නිලය, වර ප්‍රසාද මුල් කොට සිය පැවත්ම තකා ලාංකීය සමාජයේ වටිනාකම් කොල්ලලකා විනාශ කළ මජර දේශපාලකයෝ ඇතුළු මජර ලෝලීහු ණයට ණය වී නැවත හදන වැලි මාළිඟා ඔවුන්ගේ කෙළි සෙල්ලම් පිණිස පමණක්ම වන්නේ ඒ තුළ අයුක්තියට අසාධාරණයට දූෂිත ක්‍රමයන් වලට පිළියමක් නොලැබෙන නිසායි. වැල්ලට ගොස් වැලි මාළිඟා තැනීමෙන් සාමාන්‍ය ළදරු ජනයාටත් අයිස් කැටයම් හා අයිස් මාළිඟා තැනීමෙන් පොෂ් ළදරු ජනයාටත් අද විනෝද විය හැකියි. රැල්ල වෙරළට එන කාලයත්, අයිස් දියවන කාලයත් සොබා දහම තීරණය කරාවි, කිසි වෙක්ම මැදිහත් නොවුණත්!
නමුත් ඒ තවත් අර්බුධයෙන් අර්බුධයකට මග මිස විසඳුමක් නොවේ. වැල යන අතට මැස්ස ගසමින් යා හැකි දුරක් ඇත. අපි රටක් වශයෙන් ඒ දුර පසු කොට බොහෝ කල්ය. වැල අවුලක් අවුල් ජාලයක් වූ විට කපා දමන පරිද්දෙන් දැන් ජන සමාජයක පැවැත්ම කපා දැමීම පහසුද සුදුසුද? ජන සමාජය දැවැන්ත අර්බුධයක් කරා ආවේම අයුක්තිය අසාධාරණය අන්තනෝමතිකත්වයන් සමඟ රට අනවරතව ණය බරට සින්න වීමත් සමඟින් ය. මේ ක්‍රමය ප්‍රවර්ධනය කළේ කවුරුන්ද? කුමක් අරඹයාද ? එහි ම දිගුවකින් රට ගොඩයාමට පවතින ක්‍රමය කොතරම් දුරට ඉඩ දෙයි ද ? ජනතාවගේ සැබෑ අවශ්‍යතා ඉටු නොවන රාජ්‍ය පාලනයකට රට වෙනුවෙන් කියා මහ ජනතාව මත කොයි තරම් දුරකට අඥාදායකත්වය පැටවිය හැකිද?

විනෝදයට

අපි දුකෙන් දුක නසමු !
ණයෙන් ණය ගෙවමු !
වෙනස්වම හිතමු !
ලෝකයම දිනමු !

ඉදිරියට එන්නේ සැප විඳීම ම නිසා ඒකාකාර වු ජීවිතයේ වෙනසක් පතා දුක සොයා යන ලෝකයයි.
ස්වභාව ධර්මය විසින් අපට බංකොලොත්භාවය සමඟ විශිෂ්ඨ ප්‍රඥාවන්ත නායකත්වයක් උරුම කළේ ඒ අවස්ථාවෙන් ලද හැකි ප්‍රතිලාභ පින්වත් ලාංකිකයාට උදාකර දීමටමයි .
අෂ්ඨ ලෝක ධර්මයට අනුවත් හැමදා දුක නැත. සැපට හැරවිය හැකි ස්වභාවයක් දුක තුළම ඇත. කෙනෙක් සැප අලෙවි කරද්දී තවත් අයට දුක අලෙවි කළ නොහැකි ද?
උපරිම සැප ~ කාමසුඛල්ලිකානු යෝගයෙන් වෙද්දී අපට උපරිම දුක ~ අත්තකිලමථානු යෝගයෙන් ලබා දිය හැකිය.
සිංගප්පුරුව කාමසුඛල්ලිකානු යෝගය අලෙවි කරන අතර අප  නිතරඟයෙන් අලෙවි කළ යුත්තේ අත්තකිලමථානු යෝගය යි. එනම් දුක් විඳීම වෙළඳාමක් කිරීමයි. එතනට ආයෝජන ගෙන ඒමයි. සැපය අත්විඳීමට මෙන්ම දුෂ්කර ජීවිතය අත්විඳීමටත් මිනිස්සු අසීමිතව ප්‍රියය. ඒ වෙළඳ පොළ ජාත්‍යන්තර ව දිනා ගැනීමට මේ හොඳම අවස්ථාවයි.

තව දුරටත් ඒ දුක වැටහුණු අයට සතුටින් සිටීමේ මැද මගත් අවශ්‍ය අයට දුකින් මිදීමේ මාර්ගයත් පිළිබඳ දේශනා ලැබීමටත් මෙහි අවස්ථාව විවෘතය.
ඔවුන්ට කැමති දවසක් කැමති දුෂ්කර දුක්ඛිත තත්වයක් සමඟ ජීවත් වීමට අවස්ථාව ලබා දිය යුතු ය. නිදසුන් වශයෙන් ~ රෑ මැදියමේ වල් අලි ප්‍රහාරයක් සමඟ, දිවි සරිය උදෙසා සැබෑ වැල් පාලමක එගොඩ මෙගොඩ යන ජීවිත සමඟ, අඩුම වියදමෙන් දිවි රැක ගන්නවුන් සමඟ, වේලක් දෙකක් නිරාහාර ජීවිත සමඟ, ජීවත් වීම පිණිස හිඟා නොකා හිඟා කන අය සමඟ, ජීවත් වීම පිණිස වත්කම් උගස් කරනවුන් සමඟ, කියන කියන පදේට ගොවිතැනේ යෙදෙන්නට සිදු වූවන් සමඟ, නොපැහැදිලි අනාගතයට ඉව අල්ලන දරුවන් සමඟ, අයුක්තියට අසාධාරණයට ලක් කෙරෙමින් පාගා දැමෙන ගමේ රටේ තරුණ්‍යයේ ඛේදය සමඟ,  බිඳ වැටුණු ජනයාගේ ජීවිත වල දුක සමඟ,... මේ ආදී වශයෙන් අවම උපරිම මිල ගණන් සහිත පැකේජ සඳහා දුක් සිද්ධි වර්ගීකරණය කළ හැකිය. වැඩි දුකට ගාණ වැඩි ය. අඩු දුක ගාණෙන් අඩුය. එවිට ජනතාව දුක තවදුරටත් විඳවීමක් නොවේ. ආදායමකි. බිස්නස් කියන්නේ එහෙම එකකි.
එවිට සංචාරක කර්මාන්තය තව දුරටත් ගම් නියම්ගම් වල නොවිසිදෙන දුක් ගැටළු සමඟින් නව ප්‍රවේශයක් තුළ පුළුල්ව ප්‍රවර්ධනය කළ හැකිය.
බෝඩ් අල්ලා ගෙන සුද්දාට අරගල කරන්නට එන්න කියු කතාවට වඩා මේ කතාව ප්‍රායෝගිකය. වැඩ පිළිවෙල රාජ්‍ය හිතවාදීය. යටිතල පහසුකම් බිඳ වැටෙන තරමට වෙළඳාම විවෘත ය. පුළුල්ය. සමහර විට වැඩේ නැගලා ගියොත් මිනිස්සුම පාරවල් කඩා දමා දුෂ්කරතාවයන් වැඩිකොට ගෙන වුව වෙළඳාම සරු කර ගනු ඇත.
අපට රටට රාජ්‍යට පාලකයාට පහසුම හා ප්‍රතිපත්ති නැති රටක් වශයෙන් ණයෙන් ණය ගෙවීමේ දියුණුම හා සාර්ථකම ක්‍රමය වනුයේ ඒ අනුවර්තනයයි. සමාජ පරිවර්තනයකට වෙහෙසීමට වඩා සැබවින්ම බංකොළොත්භාවය යනු රටකට අත් නොවිය යුතු ඉරණමක් ය යන්න අධ්‍යයනය කරන්නන්ට පවා මේ ඛේදය අලෙවි කිරීමක් බවට පත් කිරීම කළ යුතුය. දුක වටහා ගැනීමට වෙහෙසෙන්නන්ට රටේ ජන දුක වටිනා මිලකට ලබා දෙන අත්දැකීමක් බවට පත් කළ යුතුය. පවතින වටපිටාව තුළ ණයෙන් ණය මත මේ දුකෙන් දුක නැසිය හැකි මග පෙනෙන්නේ එහෙමම ය.

ඉතින් අපි ඇන ගමුද ?

ගොඩ ගැහුණු කුණු කඳු බැහැර කිරීමට පුළුල් පරිසර හිතකාමී, දීර්ඝ වැඩ පිළිවෙලක් අවශ්‍ය ය. කුණු කඳු සුදු රෙදි, ඉටි රෙදි ආදියෙන් වසා ඒවා පූජනීය ස්ථාන ලෙස නම් කළ හොත් ! 

ඔබ නහය කපා ගන්නවාද ?

අපි නඩත්තු කරමින් පැමිණියේ එහෙම ක්‍රමයකි. 

රටේ කුණුවුනු දේශපාලනයත්, දේශපාලන කුණු ගොඩවලුත් එහෙම පිරුවට වලින් වසා නැවත නැවතත් එකම විහිළුව සැපයීමෙන් සමාජය බංකොලොත් භාවයෙන් කොතැනකට යනු ඇති ද ?

අද රටේ නැවත සිදු වන්නේ එහෙම දෙයකි. අරමුණ යහපත් කියා කෙරෙන්නේ ඇස් බැන්ඳුමකි. ස්වකීය දේශපාලන බලය තහවුරු කර ගැනීම උදෙසා මැජික් පෙන්වන්නට යාමකි. 

පිහිය රත්තරන් කියා ඇනගෙන ඇනගෙන යයි. නොමැරෙන බව කියමින් තව දුරටත් ඒ ණයට ගත් රන් යයි කියන පිහි ජනතාව අතට පත් කොට විහින් ඇන ගන්නට පොළඹවයි. දිරි ගන්වයි. අනුග්‍රහය දෙයි.

සිංහයා විනිද්‍රාවකට පත් කොට චිකිත්සකයා කඩුව පැහැර ගෙන ! by Reporter

දැන් මම සිටින්නේ අදාළ ස්ථානය අහල පහළ ය. (මෙය ස්වංආරක්ෂක කළාපයක් බැවින් ඒ සියළු කටයුතු පරිගණන රොබෝවන් කරන නිසා ඒ පිළිබඳ වාර්තාකරණය වගකීමෙන් බැහැර කරමි)

හිස් කොඩියක් අබියස ලොකු ඝෝෂාවකි. කොඩියේ ලණුව අල්ලන මුදුන තට්ට මිනිසෙක් වට කොට ගත් පිරිසක් දෙකට තුනට හතරට බෙදී මහ ගාලගෝට්ටියකි.

ටයි කෝට් ඇඳි හීන්දැරි උස එකෙක් කඩුවක් දෑතින් ම ඔසවා වැනෙමින් හිඳිනු එතනට මේ මොහොතේ ගුවනින් පාත් කොට ඇති අප ඩ්‍රෝන යානයක කැමරා දර්ශන (අන්තර්ජාලයට යොමු කොට ඇති සජීවි දර්ශන) ඔස්සේ පෙනෙයි.

මුදුන තට්ට සර්

ඒයි මුදුනේ .. තට්ටේ..

ඇයි අපිට අවස්ථාව නැත්තේ !

ඩ්‍රෝන යානාව තවත් අඩි කීපයක් පොළවට පාත් වෙද්දී දැන් සමීප රූප පෙනෙයි. සද්දේ නම් මයික් නැතුව ම ඇසෙයි. එච්චරට සද්දේ ඒකයි.

එයා ආචාර ධර්ම උල්ලංඝනය කරලා ! ~ නිරීක්ෂකයෝ කෑ මොර දෙති.

ආචාර ධර්මයක් නැහැ, තිබ්බත් කඩුව දෙන්නෙත් නෑ ! ~ චිකිත්සකයා තනිව බෙරිහන් දෙයි. කලිසම උස්සයි. හිස ගස්සයි.

අපි සපෝට්. අතාරින්න එපා, ඔයා තමා මෙහෙ වැඩ්ඩා, පොර ! ~ මජරයෝ චිකිත්සකයා රකින්නට මෙන් ඔහු අසලට යති.

උමතුවෙන්, ඔහු උමතුවෙන්. අපට කඩුව පෙන්වමින් තර්ජනය කිරීමෙන් එය පැහැදිලියි ! ~ නිරීක්ෂකයෝ 

මමයි එකම සිංහයා ! ~ චිකිත්සකයා

පිස්සුව වැඩිවුණොත් විශාල හානියක්, ආචාර ධර්ම වලට ගරු කරන්න !~ නිරීක්ෂකයෝ

එයා සිංහයෙක්, මූණ ඕනෙ නෑ නමේ නැට්ට බලන්න. එයා තමයි දැන් සිංහයා ! ~ මජරයෝ

දැක්ක නේ, හරි නේ. Shut up ඇන්ඩ් සිට් ඩවුන්, මෙතන පුටු නෑ නෙ. අයි සෙඩ් බිම ඉඳගන්නවා ! ~ චිකිත්සකයා

ඔව්, ඔව් ඒ සිංහයෙක් තමයි. නමත් හරි, වැඩත් හරි ! ~ මජර ලෝලීයෝ 

අන්න අන්න මුදුන තට්ටේ ලණුව අතෑරලා පැන්නා, වගකීමෙන් පැනලා යන්ඩ දෙන්ඩ එපා !~ නිරීක්ෂකයෝ හා පිරිසක් ඔහු පස්සේ වැටෙනු පෙනෙයි.

ආ ඊ එකඟද !

හා යි අල්ලන්න ඔට්ටු නෑ ! හරි ද:

බයි බායි !

කියමින් මුදුන තට්ට මිනිහා පාත් කරපු ඩ්‍රෝන එක උස්සද්දිම මේන් ඒකෙ එල්ලුනා. මිහිහ සමබර නිසා ඇඟ බර නැද්ද! කැමරාව මිනිහගෙ සුදු කමිස සාක්කුවේ.

අන්තර්ජාල දර්ශන සුදු විය.

චිකිත්සකයා හිනා වෙනු ඇසේ. 

ඔව් දැන් දර්ශන ලැබෙන්නේ ළඟ ඉන්න කාගෙ හරි ෆෝන් එකකින්.

හහ් හහ් හුහ් හුහ් ... හිතෙන් නැද්ද මීළඟට ගුජු ගුජු කෝච්චියක් එනවා කියලා. හහ් හහ් හුහ් හුහ් ~ චිකිත්සකයා

ගුජු ගුජු ගුජු ගුජු  ~ මජරයෝ

හහ් හහ් හුහ් හුහ් ~ චිකිත්සකයා

ස... ර් ~ තඩි මජරයෙක්

එහෙම කීවේ ~ තව මජරයෙක්

තේරුන් නැද්ද , ඒ හෝන් එකේ සද්දේ, හරි දැන් මං පිටිපස්සෙ පෝලිං වෙන්න ~ චිකිත්සකයා කඩුවෙන් ජියර් දමා කෝච්චි එංජිම පණ ගන්වයි.

හහ් හහ් හුහ් හුහ් ගුජු ගුජු ගුජු ගුජු ස... ර්

~ සියල්ලෝ

හෝන් එක ගැහුව ඉක්මන් වැඩී, තව ටිකාක් යන්ඩ තිබුනේ ~ කළු මජරයෙක්

දැක්කෙ නැද්ද සිංහයා, අහු වුණා ද කෝච්චියට ~ සුදු මජරයෙක්

කට කට, කෝච්චියක්, මේක බඩු කෝච්චියක් කියලා කෑ ගහනවා ~ තුවායක් කරේ දමා ගත් මජරයෙක්

බඩු කෝච්චියක්, බඩු කෝච්චියක් ... මේක ! ~ සියල්ලෝ

බඩු කෝච්චියේ හඬ උස්ව ඇසෙන්නට වු නිසා වෙලාවක් යන තුරු කිසිවක් ම ඇසුනේ නැත.

බඩු කෝච්චිය බඩු බෑවේ ලු. එතන සංග්‍රහයක් තිබුණාලු. කන්න, බොන්න, නාන්න, තව ගෙදර ගෙනියන්න බඩු මලු ගමේ අයට බෙදන්න, මට සතුටුයි ඒ නිසා හැමෝටම දෙන්න කියා චිකිත්සකයා කීවාලු.

දැන් මජර ලෝලියෝ ගීයක් ගයනු ඇසේ.

එයා තමා දමා ගියේ කටේ පස් එදා

ගියා වුණත් ආයෙ ආවනෙ අනේ පප්ප පා

කඩුව ගත්ත හැටි බලන්න මාර පොර එයා

දැන් කොටනව දැන් කොටනව මිනිහ සිංහයා

එයා අපේ සිංහයා

කෝච්චියක් අරන් ගියා හිස් එකක් එයා

බඩු පුරවන් ආපු විදිහ අනේ පප්ප පා

දැන් බෙදනව දැන් බෙදනව මිනිහ

වීරයා

එයා අපේ වීරයා

දැන් දැන් රටේ සුරයා

තව තව එයා සිංහයා

කැරකිලා !

ඒ ගීතය ණයට ගත් ගීයක ට්‍රැක් එකක් තුළ ප්ලේ කරන අතර අවසානයේ මජර ලෝලීහු රතිඤ්ඤා දමා සතුට පල කර සිටියෝය.

මම රිපෝටර්, හැරී පෝටර් නොවෙයි.

දැනට මෙතන සජීවී තතු එපමණයි.

අපි ප්‍රධාන බුකියේ නිව්ස් ෆීඩ් එකට යොමු වෙනවා :

~ බංකොළොත් වීරයාගේ ගීතය ~ (නිවටුන් නිදොස් කොට නිදහස් කළ වග ද !!??)

දැය වණ කෙරූ උන් රජ කෙරූ

පීඩිත දනා වින්දිත කෙරූ

පීඩක මජරයින් ළඟ කුමට ලැග

අමන බණ මැද නිහඬ ඇයි නුඹ

රට බංකොළොත් කෙරූ සිංහයා

කඩුවත් අතින් ගෙන වැනි වැනී

ප්‍රේමෙන් රැකපු උන් දිවි දුනී

පැහැයෙන් සළකුණින් අරුත කිම

තවමත් කිමද කඩුවක් සමඟ නුඹ

රට බංකොළොත් කෙරූ සිංහයා

කැනහිලුන් නෙක වෙස් පැළඳ ගෙන

රඟන විට කරළිය සොලවමින

නිහඬවම එ හැම රංගන ම

ඉවසු නුඹ වගකිව යුතුය

රට බංකොළොත් කෙරූ සිංහයා

තේජස් බොහෝ කොට පෙන්වමින්

උස් තැන් වලම හැම වැජඹෙමින්

එන පිරිස් මැද හිඳ එඩි ප පා

කිම නිහඬ වූයේ සිහරජා

රට බංකොළොත් කෙරූ සිංහයා

පැන උන් මතට හැම පෙරළලා

යුත්තියට අසිපත ඔසවලා

රට විස කෙරූ හැම වින කෙරූ

පාපතරයින් සුන් නොකළ නුඹ

රට බංකොළොත් කෙරූ සිංහයා

මේක රටක්!

J R හොඳයි Ranil හොඳා..යි! (මේ පොලිටිකල් නො වේ)

වැඩියෙන්ම රනිල්ට බෑ කියපු මිනිස්සු දැන් එයාටම විතරයි පුළුවන් කියනවා !

රටේ ප්‍රශ්නේ ~ පොළේ බඩු විකුණන විදිහට ඒ ඒ වෙලාවට විකුණ ගන්න පුළුවන් දේශපාලන ගැජමැටික්ස් වගකීමක් නැතිව විකුණමින් ලාබ උපයන ජඩ දේශපාලනය නිසා රට හිඟමනෙන් හිඟමනට වැටුණු එක.

ඒ ජඩ දේශපාලනය නැවත රට ගොඩනැඟීම වෙනුවෙන් ඇප වෙනවා. කැප වෙන්නේ නෑ. යථාර්තය ඒක. මේ විදිහෙන් අපි හදන්නෙ දෙයියන් වහන්සේවත් රවට්ටලා සුගතියට යන්න. නැත්නම් කෙටි මාර්ගයෙන් නිවනක් ලබන්න. 

විවෘත ආර්ථිකේ හොඳයි කියනවා ~ අපිට හොඳක් කර ගන්න පුළුවන් වුණා ද ~ මේක ව්‍යවස්ථාව තරමටම වේදිකාවේ පට්ට ගහපු දේශපාලන මාතෘකාවක්

ණය ආර්ථිකේ නැතුව බෑ කියනවා ~ 17 පාරක් ගියා කියනවා අල්ලගෙන ඉන්න බැරුව. මේකත් පතුරු ගහනවා.

කෝක පතුරු ගැහුවත් අපි රටට ගැලපෙන ක්‍රමයක් හදා ගැනීමට අසමත් මිනිස්සු කොට්ඨාශයක් බව ව්‍යවස්ථා සංශෝධන ගණනින් පේනවා. වම් අත උස්සලා සම්මත කරන දේ ඒ මිනිහාම දකුණ උස්සලා පරාජය කරනවා. එහෙම දේශපාලනයක් අවස්ථාවාදී ව අනුමත කරමින් දශක ගණනාවක් ඇවිත් රටේ ජනතාව ලබා ගත් ජයග්‍රහණ මොනවාද?

එකම දේ තාම රටත් වැසියාත් භෞතිකව සමස්ථයක් හැටියට පවතිනවා. එහෙම හිටි පමණින් රටක් ශක්තිමත් වීමක් හෝ ගොඩනැඟීමක් වෙන්නේ නෑ. නොමැරී ඉන්නවා කියන්නේ ජීවත් වෙනවා කියන අර්ථය අංග සම්පූර්ණ වීමක් නොවෙයි. 

මනුස්සයෙක් ගෙ පුද්ගලික ජීවිතයක් වගේ නෙවෙයි රටක ජීවිතය. කොටස් හැටියට පංති හැටියට පැළැන්ති හැටියට එක එක් කොට්ඨාශයට එක එක අයට රටේ රාජ්‍යයේ සැළකීම එක එක විදිහ වෙන්න බෑ. සමානාත්මතාවයක් සාධාරණයක් යුක්තියක් රටක ජනයාට එක ලෙස විය යුතුයි. ජනතාවගෙන් රටට පූර්ණ ශක්තිය උකහා ගෙන ජවයෙන් නැගිටින්න පුළුවන් එතනදි. එහෙම නැති ව කාලෙන් කාලෙට එක එක නායකත්ව ප්‍රතිරූප උත්කර්ශයට නංවා යැපෙන්නේ මජර දේශපාලනයේ පැවැත්ම පමණයි. අපි අද දක්වාත් කරන්නේ එහෙව් දේශපාලනයක් උදෙසා රටක් නඩත්තු කරනවා මිස රට වෙනුවෙන් යහපත් දේශපාලනයක් ගොඩනඟා ගැනීම නොවේ.

ඉඳින් විවෘත ආර්ථිකය හොඳයි කියූ ලෙසම අපි ණය ආර්ථිකයට හොඳා..යි කියා අවස්ථාවාදී වීම හැර මේ අවස්ථාවාදය නඩත්තු කරන මජර දේශපාලනයට බායි කීමට තවමත් සුදානම් නැතිද?

අලුත් අලුත් දෑ නොතනන, නොතකන, එයට ගරහන, ඊට බිය, කැප විය නොහැකි, ෂේප් න්‍යායෙන්ම යැපෙන, විලි ලජ්ජාවෙන් තොර හා කෙටි කාලීන මතකය හැර වෙනත් අනන්‍යතා නැති ජාතියක් ලොව නොනගී. නැගීම තබා ණය බරකින් වත් එවැනි ජාතියක් අත්මිදෙනු නැති.

දැඩි දඬුවම් ! ( ගහන්ට ගහන්ට වැන්දේ නැත්නම්)

පාලකයා ඔබේ අයිතිය නැවත නැවතත් කෙළෙසුවද ඔබ පාලකයාගේ හිරි ඔතප් නොබිඳීමට වග බලා ගත යුතුය. එය ඔවුන්ගේ පරම පවිත්‍ර වරප්‍රසාදයකි.

ණය බස පෝෂණය කරන අයුරු ~(ණයාලංකාරයෙන් ණයට)

සුබ ණය වසරක් වේවා

සුබ ණය අවුරුද්දක් වේවා

ණය බෝ වේවා

ණය සරණයි

ණයපති / ණයාධිපති

ණයාභිමාන / ණයාභිමානී

ණයබන්ධු

ණයපුත්‍ර

ණයපාර

ණයග්‍රාම

ණයනගර

ණයභූමි

ණයෝත්පාදක / ණයෝත්පාදන

ණයමංගල්‍ය

ණයවාදී

ණයචාරී

Repeat🔄

හරි අමාරුවෙන් එතුමලා මාතෘ භූමිය ලෝකෙට උගස් කළා, සින්න කළා ~ ඔවුන්ට අපි සදා ණය ගැතියි ද ? ඔවුන් අපිට සදා ණය ගැතියි ද ? ඇන්ටිගනී වගේ කතාවක් ද ? දන්නෙ නෑ, වැඩකුත් නෑ, කොහොම වුණත් අදින් පස්සෙ අපිට ප්‍රීති වෙසක්!

ස්වදේශික රජ උරුමය ~ (වැද්දන් රට ෴ රාජකීය කළු සුද්දන්ගේ හිරිඔතප් බිඳී)

ස්වදේශික රජ උරුමය සේ වැද්දා 

අපි කියෙව්ව ස්පිට්ල් ගෙ සුදු වැද්දා

ආපහු අදී වැද්දා ගැන කළු සුද්දා

සුද්දට වුනත් දඩමං කීවේ වැද්දා 

ලොක්කා කියන්නෙත් වැදි බණ උදේ හවා

සොක්කන් අහන්නෙත් වැදි බණ උදේ හවා

ගොරකා කරන්නෙත් දඩ මස උදේ හවා

වැද්ද ද නොහොඳ කළු සුද්ද ද හුරේ හුරා

හැත්තෑ ගණන් ඇද බැඳ ගෙන හිටියාට

සුද්දා තරම් වත් කෙරුවද මතුදාට

හතළිහ පනහ බල සැමරුම කෙරුවාට

වැද්ද ද නොහොඳ කළු සුද්ද ද මේ රැහැට

හිංගල දෙමළ බර්ගර් වැදි මරක්කලේ

ඒකද පුරවන්ට බැරි වුණෙ රන් කොතලේ

කරපු හරිය බංකොලොත්ය නල්ල මලේ

වැද්දද වැරදි කලු සුද්දද නඟේ මලේ

සූප්පු / බැලුම් / දුනු හී

දැන දැන වැරදි කරන්නවුන් හුරතල් කරන සමාජයක් කිසි දින අලුත් අවුරුද්දක් උදා කර නොගනී. පරණ වැරදි කරපින්නා ගෙන හැමදා බණ කතා කරමින් විනාශ කරන රටකි මේ. 

දුෂිතයින්ට ගජ මිතුරු හොරුන්ට නිදහසේ සරන්නට වායු බැලුන් සපයන පාලකයෝ වංචාවට දූෂණයට තවත් කාලය හා ඉඩ අවකාශය සළසා දී තිබේ. මේ පිළිබඳවත් තමන්ගේ දුක්ඛ දෝමනස්සයන් පිළිබඳවත් මහජනයාගේ සැබෑ අදෝනාව වළක්වනු පිණිස ඔවුන්ගේ මුවට බලහත්කාරයෙන් සූප්පු ඔබ්බවමින් සිටිති. 

ඔබ ඒ දුෂිත බැලුන් වලට ඉලක්කය ගත යුතුය. ඒ එල්ලය බැරි බව හැඟවීම දුර්වල ආණ්ඩු වල කාර්යය වුවත් ඒ නොහැකියාව හැකියාව බවට පෙරළීම රට වැසියාගේ පරම යුතුකමකි. ඒ බලය ඔබ සතුය. එළැඹෙන අලුත් අවුරුද්දේ එය ක්‍රීඩාවක් විය යුතුය. රටට හානිකර මිනිසුන් පිටු දකින්නට ඔබ ක්‍රියාකරනවා යනු ඔබෙන් රටට හානි වීමට ඇති ඉඩකඩද ඇහිරීමකි. එසේ නොමැතිව කිසිවකු විසින් ඔබේ යුතුකම ඉටු කරන තුරු බලා හිඳීම ම යුක්ති භංග මජර සමාජයට, ආණ්ඩු වලට ඔබ යට කර දමා යාමට ඉඩ දීමකි.

මේ බැලුන් සිදුරු කර දුෂිතයින් බිම හෙලන්නට අසමත් ජනතාවකට සූප්පුවක් කටේ ගසා ගෙන ව්‍යාජ නැළවීමක් තුළ සදාකාලික නින්දක් දක්වා වුව ගමන් කළ හැක. ඒ නින්ද ගජ මිතුරු දූෂිතයින් සමඟ එක්ව සවාරි යන්නට හීන දකින මජරයින්ගේ පරම පැතුමකි.

අවුරුදු කෑම වෙසක්, පොසොන් සැමරීම, නත්තල් සංස්කෘතික උත්සව අස්සේ හැමදාම ඉදිරියට ගොස් ඇත්තේ පාලකයින් විසින් පෝෂණය කළ රට බංකොලොත්භාවය දක්වා දක්කා ගෙන ගිය වත්මන් මජර දේශපාලන සංස්කෘතිය පමණි.

(දූෂිත ගජමිතුරු හොරුන් යනු අදින් කල් ඉකුත් වන ගම් සබාවක සිට ඉහළ මන්ත්‍රී මණ්ඩල, විධායකය දක්වා ඔවුන් හා එක්ව හෝ පසු පසින් හිඳිමින් තමන්ගේ ව්‍යාපාර, ව්‍යාපෘතීන් සඳහා විවිධ අනීතික සහයෝග ලබා ගනිමින් විශේෂ වරප්‍රසාද ලබා ගනිමින් රටේ යහ පැවැත්මට හානිකරමින් රට බංකොලොත් භාවයට පත් කිරීම සඳහා දීර්ඝ කාලීනව දායක වෙමින් රටේ සාමාන්‍ය ජනතා අයිතීන් අභිබවමින් සමාජයේ අති විශේෂ සමාජිකයින්, පුද්ගලයින් ලෙස ක්‍රියාත්මක වෙමින් ගොට්ටන් එහෙයියන් ආදී පිරිසක් සමාජය තුළ ස්ථාපිත කිරීමේ මෙන්ම මේ මජර සමාජ සංස්කෘතිය නිර්මාණයේද මූලික ම තැරැව්කරු, සාධකය සේම සමාජයේ ඉදිරි ගමන හරහා ඇති මහා බාධක සජීවීකරණයයි.)

විකල්ප අල අපට එපා ~ පල නොකියම බෙදනව අපි පලා : හුදී ජනතාව, ජාතිය අමතන්නා අමතයි !(වියරණ නැත)

දේශපාලුවො පින් රැස් කරන්නෙ වයසට යන කොටද

කැරට් වෙනුවට ජන විශ්වාසෙට දැන් දේශීය අලද

මේ හෝද හෝද මඩේ දාන්නෙ ඉල්ලම් පස් ගොඩද

කාපු තරමට දුන් ලණු ආපහු නොකා ඉද්දි දුකද

ක්‍රමයක් මිස විකල්ප අල අපේ පතට එපා

විශ්වාසය නැති කළ අය එදා පටන් මෙදා

දවසක් එයි සළකන්නම් එපා කියන්නෙපා

අපි දන්නව බෙදන විදිහ පල නොකියා පලා

වාර ගාණ මතක නැද්ද හිඟමන් බඩ ගාපු

ලැජ්ජ නැද්ද කල කී දේ ඡන්ද ගෝරනාඩු

කාල බීල බඩ පිරුණ ම බුදිය ගත්ත යාලු

ආපහු හිඟමනේ ගිහින් ඒ පාරෙම වාලු

ඔලුව කඳ බඩත් තියනව රටකට දෑවැද්ද

හිටගන්න කකුල් දෙක තවමත් අපගේ පණ නැද්ද

දෑත දෙපා බැඳ දමලා පණ ඇපයට ගත්ත

රේස් දුවන්නට තුවක්කු හඬ විතරක් ඇද්ද

2/3>🐛

💭

÷

×

by එහෙයියා (එහෙයියා~ව)

මෙරට විසූ සහ අදටත් වෙසෙන සත්ගුණවත් යුක්ති ගරුක සාධාරණ පාලකයින්ට එදා මෙදා බාධා කරන උන් නොවන්නට අද අප සියල්ලෝ කේතුමතියක වසන ප්‍රීතිමත් මිනිසුන්ය. 

ඉතා යහපත් පාලකයින් අදූරදර්ශී අයහපත් තීරණයන්ට පොළඹවා ඇත්තේ මේ බාධා කරුවන් ය. ඉතා යහපත්ව පැවති දේශපාලනය අයහපත් මාර්ගයට ඇද දමා ඇත්තේ මේ බාධාකාරී ජනතාවය. ඇත්තෙන්ම ඔවුන් පහර දී එලවා දමා සත්ගුණවත් දේශපාලන ප්‍රභූන් රැක ගැනීම රාජ්‍යයේ ආරක්‍ෂකයින්ගේ වගකීමය. රටක වැදගත්ම පිරිස රටේ පාලනාධිකාරිය හොබවන දේශපාලකයා ය. ජනතාව විශේෂයෙන් අරගලකාරී ජනතාවක් නොව රටක දියුණුවට ඇවසි රටේ පාලනාධිකාරිය ප්‍රශ්න නොකරන ජනතාවකි. කොටින්ම කීවොත් එහෙයියන් පිරිසකි. පාලකයාගේ යහපත් සිත මුදු මෙලෙක් වන්නේ එවිටය. 

ගත සිත නොරිදවා , කී දේ කර දෙවා , බැති පෙම් උපදවා , වැඩ කර ගනිව් රජුට වැඳලා යනුවෙන් අතීතයේ ප්‍රබුද්ධ කවියෙක් පවසා තිබුනේ නිකම් නොවේ. නමුත් මෝඩ ජනතාවකට එය නොවැටහීම රටේ ඛේදයකි. 

විධායක බලයක් හොබවන ආන්ඩුවකට ව්‍යවස්ථාදායකය බලයත් තමන්ට අවශ්‍ය ආකාරයකට හැසිරවිය හැකි නම් ඔවුන්ට අති මහත් බහුතර ජනතාවක් මෝඩ අරගල කළ ද 

එලක් නැත. එබඳු විටෙක විචක්සන පාලකයින් කෙසේ හෝ අප රට තව කලකින් ලෝකයේ ඉහළම තැනකට ගන්නා බව අවිශ්වාස නොකර හිඳීම ප්‍රමාණවත් ය. ඊට හේතු උවමනා නැත. ජනතාවගේ වගකීම ඔවුන්ට ඉඩ දී බාධාවකින් තොරව ඔවුන්ගේ කටයුතු කිරීමට ඉඩ හැරීම ය. ප්‍රශ්න නොකර ඔවුන්ට සහයෝගය දීමය. එහිදී තම ජීවිත පැවැත්මට මුල් තැන දීම වැරදිය. රාජ්‍ය පාලකයා පළමු තැන තැබිය යුතුය. මතක තබා ගත යුතු වැදගත්ම කරුණ නම් බලවත් ඔවුන් යන්නය. එබැවින් තමාගේ දුර්වලතාව තේරුම් ගෙන අරගල නොකොට පාලකයා කරන සියල්ල ගුණ යහපත්කම් ලෙස දකින්නට හුරු වීම රටක පොදු ජනයා බුද්ධිමත් වීමක් ලෙස අර්ථ විග්‍රහ කොට ගැනීම කිසියම්ම ලෙසකින් ලජ්ජා වීමට හේතුවක් ඇති දෙයක් නොවේ.

ඔබ කිසියම්ම ලෙසකින් පාලකයාගේ සදොස් බව ප්‍රශ්න කළ ද තමා සතුව බලය පවතින තෙක් ඔහුට උවමනා පරිදි එය නොසළකා ක්‍රියා කළ හැකිය. එබැවින් මෝඩයෙක් වෙන්නට එපා! විවිධ අයියන් මැද ඔබ අඩු තරමින් එහෙයියන් ගොඩවත් නියෝජනය කළ යුතුමය. මේ සත්ගුණවත් රාජ්‍යයේ පරම සේවකයෙකු නම් ඔබට ඒ සඳහා බාධා තවත් අවමය. 

ජන අරගලයකින් පසු හදිසියේ ... මල්වර වූ තුරුණු, වියපත්, සියලු රාජ්‍ය පාලකයින් පණ මෙන් රැකිය යුතු, 🌹🌺🌸💮🌻🌼💐

මුර බල්ලනි පෙළ සැදෙව්! මුරකාවල් තර කරවි!

ඊයේ පෙරේදා වැඩිවිය පැමිණි රාජ්‍ය පාලකයින්ගේ පාරිශුද්ධත්වය රැකීම රාජ්‍යයේ පළමු හා එකම වගකීමය. දිවි පුදා හෝ ඒ සුපිපි මල් ආරක්ෂා කළ යුතු ය!

විදුලිය සැරය ~

මනුස්සකම මරා හදන රුපියල්

බණ කියනා හොරුත් මාර පොරවල්

වින කළ උන්ට සැප දී මෙහි හැම කල්

හදනා රටක් වැජඹේවිද දිගුකල් !!!!!!!

by හාමු ~ දිව්‍ය ලෝක ගමන 1

හාමු අලියාගේ වල්ගය තදින් අල්ලා ගත්තේ ය. ඉන්දියානු ඉන්ධනය. චීන ඇංජිමය. ඇමරිකානු මෙහෙයුමය. මෙහෙන් හාමු හා පිරිසය. මේ තෝරාගැනීම ගැනම අප රටක් වශයෙන් ලෝකයට ණය ගැතිය. මින් පෙර අලියාගේ වල්ගයේ එල්ලී දිව්‍ය ලෝකයට ගොස් තිබුණේ මේ හාමුගේ මී මුත්තා ය. එබැවින් පරම්පරාවේ නම්බුව මී මුණුපුරා තබනු ඇතැයි කව්රුත් විශ්වාස කළෝය. මීට පෙර හාමු සමඟ අමනාපයෙන් හිටි බොහෝ දෙනා මෙවර හාමු සමඟ දිව්‍ය ලෝක ගමනට එක්වී සිටීම ඇතැමුන් සිහිසුන් කරවන තරමේ පුදුම සහගත තත්වයක් විය. ඇත්තෙන්ම එහෙම නොවුණා නම් පුදුමය. හාමු සමඟ ජන්මාන්තර වෛරයෙන් පසු වූ ඇතැමුන්ගේ වෙනස ගම්මුන් උමතු කරන තරමේ එකක් විය. කෙසේ නමුත් හාමු සිටියේ සතුටිනි. දිව්‍ය ලෝක ගමනට කලක් තිස්සේ උත්සාහ කළ ද "පූරුවේ පින ඵල දෙන්නේ දැන් තමා" ඔහු හාමිනේටත් තමන්ගේ අත වැස්සන්ටත් කීවේ දැනට දින කීපයකට කලින් මේ ප්‍රීතිය සැමරීමට සාදයක් පැවැත් වූ හවසකය. මධුවිත තොළඟා බටහිර විලාසිතාවට හාමිනේ ගේ නළලට හාදුවක් දුන් ඔහු "මුන් මට ඒ දවස් වල කීවේ හාමුට බෑ කියලා" යයි ඔලොක්කු සිනාවක් නැගුවේ ය. කොහොම වුණත් දිව්‍ය ලෝක ගමනට රටේ සබාවෙන් තමා තෝරා ගැනීමටත් වඩා ලෝකයේ රටවල් වලින් ගමනට ආධාර ලැබීම හාමුට ගෙන ආවේ සතුට කි. "අපේ උන්ට වඩා මට උන් එක්ක ගනුදෙනුව ලේසියි" අලියාගේ වලිගය අතගාන අතර හාමු තොල මැතිරුවේ ඒ හෙයිනි. ඉන්දියාව ඉන්ධන දුන්නත් චීනය එංජිම දුන්නත් ඇමරිකාව ගමනේ සැලසුම ඇන්දත් දිව්‍යලෝකයට යා යුත්තේ වලව්වේ ගහේ බැඳ ඉන්න අලියාගේ වලිගේ එල්ලිලා ය. අලියා වලව්වට ආ ගමන හාමු ඉපදෙන්නටත් පෙර කතාවකි. අලියාගේ හොඳ කාලයෙන් හොඳටම වැඩ ගත්තේ මී මුත්තා ය. "මගේ හොඳ කාලෙදි මූත් වයස වුණා නොවෙන්න මං නවතින්නේ දිව්‍ය ලෝකෙ නෙවේ. බ්‍රහ්ම ලෝකෙට ගිහින් " 

ඒත් ඉතිං මක් කරන්නද මේ වෙලාවෙ රාජා මුදලාලි තමයි හැම දේටම කියල හාමු ගෙ දකුණු අත වගේ හිටියෙ. කොටින්ම දිව්‍ය ලෝක ගමනට වෙන සුදුස්සෙක් නැත ය කියල හාමුටම වැඩේ පoගාතු කළේ උන්නැහැ තමා. එක පැත්තකින් රාජ මුදලාලිට තිඋන අවස්ථාවක් මේක. නමුත් හාමුගෙ වෙලාවට අලිය විකුණල නොතිබ්බ එකයි වසනාව, ඊටත් වඩා හෙන්ඩුව. හාමුගේ හිත ගර්වයෙන් රත් වුණා. "මගේ හිතේ විශ්වාසෙ හොඳයි" හාමු ඉංග්‍රීසියෙන් තමන්ගෙ ගර්වය ගැන සෑහෙන උද්දාමයකින් තමන්ට ම කතා කර ගත්ත.

වලිගෙ තදින් අල්ලගත්ත හාමු ගෙ සෙට් එක හාමුගෙ ඉණ වටෙන් අත දාල එක එක්කෙනා පෝළිමට එල්ලුනා දිව්‍ය ලෝක ගමනට. ඔය ඔක්කොමත් හරි හාමුට විතරක් නෙවෙයි රාජ මුදලාලිටත් ඉහිලුම් නොදෙන දෙයක් තිබුණා. ඒ තමයි ගමේ කොල්ලො කුරුට්ටො මේ වැඩේට දාන පල් එක. උන් කියන්නෙම මෙහෙම දිව්‍ය ලෝකෙ යන්ට බෑ ය. වයසට ගියාම කොහොමත් බෑය. අඩු තරමෙ දිව්‍ය ලෝකෙ යනව නම් හැට පිරෙන්නට වත් පෙර යා යුතු බවය. අනික උන් මෙහෙම ගමන පිළිගන්නේ ද නැත. වලිගේ එල්ලී දිව්‍ය ලෝකේ යා නොහැකි බව ද උන් කියති. විශේෂයෙන් ම රාජාගේ මුදලාලි කමටවත් තමන්ගේ හාමු කමටවත් උන් ගරු නොකරති. රාජා මුදලාලි සමඟ විරසක ව හිටි කාලයේ නම් ඔහුත් කොල්ලන්ගේ පැත්ත ගෙන මුදලාලිට වෙට්ටු දැමූ මුත් මුදලාලි මිතුරු වෙස් ගෙන කළ උපකාරයෙන් පසු තමා ගිරයේ ලෑ පුවක මෙන් හිරවුණු බව හාමු දනී. දැන් කොල්ලන්ගේ වැඩ හාමුට සුළු පටු වදයක් නොවේ. වත්තේ මුරකරුවන් ලවා ලයිසොන් තුවක්කු බයිනෙත්තු පෙන්නුවාට ඉස්සර මෙන් කොල්ලන් ඒවාට බය වෙන්නේ ද නැත. රට්ටුන්ගේ අවධානය නිසා මුන්ගේ රැස් බැස්සවීමට ඔයින් එකක් දෙකක් පත්තු කිරීමට හිතුනත් එය ලේසියට කළ නොහැකි ය. ඒ මදිවාට කොල්ලන් වලව්වට ගල් ගසනවා යැයි ළඟදී මුරකරුවන් කීප දෙනෙක්ම වග පල කියනවාද හාමුට ඇසී තිබේ. හාමු මුරකාර දීමනාව සියයට විස්සකින් වැඩි කළේ උන්ගේ යටි හිතේ ඔය වලව් ගර්වය මෝරන්නටත් එක්කලාය. වත්ත මායිමේ කරක් ගැසූ කොල්ලන් වැට පොලු උගුල්ලා බය කොට පැන්නූ බව මුරකරුවෙකු කියනු ඇසුනු හාමු ඔහුට ප්‍රසංශා කළේ මුත්තා හා ඊට පසු කලක තමන්ගේ කෙරුම් සිහියට නඟමින් "ඔය වගේ දහයක් හිටියනම් මට ඇති ගමකට" කියමිනි.

මේ හිතිවිලි එක්ක හාමුට අල්ලගෙන හිටි වලිගය මිරිකුණා විතරක් නෙවෙයි. තව ටිකෙන් විකෙනවා ඒක. ඒ තරමකට එන කේන්තියක්. චීන  ඇංජිමට ඉන්දියන් ඉන්ධන යොදා ඇමරිකන් සැලැස්මට තමයි අලියට උඩ යන්න රොකට් පවර් එක දෙන්නේ. අලියගෙ වල්ගෙ එල්ලිල තමයි සෙට් එක දිව්‍ය ලෝකෙ යන්නෙ. එහෙම ගිහිල්ල මී මුත්තගෙ මතකෙ අලුත් කරල නම්බුවයි ගරුත්වෙයි බේරගෙන ආපහු එන්න බැරි වුණොත් එහෙමම නවතින්නයි හාමු හිතාන උන්නෙ. යන යන තැන හාමිනේව එක්කන් යන්න හිතුවෙත් ඒකමයි.

මතු ~

අදත් ලජ්ජා නැති දවසක් !

විදේශ විනිම

කාන්තා ඉනිම

හූරා කෑම

හොරා කෑම

නුඹට පුතේ ණයක් ඇතේ!

හිවල් කටා

හිඟන මොටා

බත් දෙකටා

පුත නුඹටා

对不起

ඔහොම යමන්...

අපි ඉන්නෙ රට කන්ඩ

උඹල ඉන්නෙ ගොඩ ගන්ඩ

අපි කරත්තේ

උඹල හරක් නේ

' මම '

 shut up get sit 

(get sit for my ride) 

රට හදන්න අපිට උවමනා නෑ උවමනාව තිබ්බත් අපි රට හදන්නෙත් නෑ 

~ සබාවේ සිනා

මහත් හොරුන්ගෙන් !

 

මමත්වය සමඟ බලකාමයේ සම්මුතිය ~ (දිගින් දිගටම මැතිතුමා කී සඳ උන්ට ~ අමාවක එළැඹිණි රටක මහ ජනයාට)

අවුරුදු හතළිහ පනහේ දේශපාලන අද්දැකීම් ඇති හැඳින්වීමෙන් පරිණත හැඟීමෙන් ක්‍රියාවෙන් ආත්මාර්ථී හිස් මිනිසුන්ගේ බලකාමය නිර්මාණය කරන්නේ කවර නම් සමාජ සංස්කෘතියකට මාවතක් ද?

ඔවුන්ගේ වැඩ හෙට දවසේ දරුවන්ට නොවේ. අද දවසේ දරුවන්ගේ හිත සුව පිණිස නොවේ. අද දවසේ තරුණයන් හෝ වැඩිහිටියන් සඳහාද නොවේ. 

ඔවුන්ගේ සියලු කාර්ය බාරය තමන් සඳහාය තමන්ගේ ඉටු නොවුණු අපේක්ෂා වෙනුවෙන් ය. ප්‍රාර්ථනා වෙනුවෙන්ය.

බහුතර ජනී ජනයාගේ ජීවිත කාලකන්ණි වීම, ඔවුන් උපන් ගෙයිම ණයකරුවන් වීම, ඔවුන්ගේ යහපත් ජීවිතයක්, පරිසරයක්, රටක් වෙනුවෙන් ඇති ඉටු නොවූ අපේක්ෂා, ප්‍රාර්ථනා පිළිබඳ අංශු මාත්‍රික හැඟීමක් ඔවුන්ට නැත.

එසේ තිබුණා නම් අද අප වෙසෙන්නේ වචනයේ පරිසමාප්ත අර්ථයෙන්ම යළි උපදින්නට හේතු වාසනා ප්‍රාර්ථනය කෙරෙන රටකය. 

යළි බලයට එන්නට, බලය හොබවමින් මියෙන්නට ඔවුන් හේතු නිර්මාණය කරන තාක් ඔවුන්ගේ වාසනාව රටේ අවාසනාව වනු ඇත.

එබැවින් එබන්දන්ගේ අවසනාව වෙනුවෙන් බහුතර මහජන එකමුතුවක් විසින් හේතු සම්පාදනය කිරීම යළි උපදින්නට පෙර ජීවත් වන්නට සරු බිමක් තනන්නට මහෝපකාරී වනු ඇත. 

බලයට ගිජු මමත්වයෙන් උන්මත්තක වුවන්ගේ ඒ ස්වභාවයට පරාජය අත් කර දීමෙන් මිස යහපත් රටක් කිසි කලෙක කිසිවෙකුට පොදු රට වැසියා වෙනුවෙන් නිර්මාණය කළ නොහැකි බවට අපමණ අද්දැකීම්, අත්විඳීම් ඇති මෙවැනි රටක කවර නම් සබුද්ධික තැනැත්තෙකුට තවත් කිසිවෙකු විසින් අටුවා ටීකා ටිප්පණි සහිතව පැවසිය යුතුද?

ලයිසන් තුවක්කුවක් හිසට තබා මුදලිහාමි තරඟයෙන් ඉවත් කෙරේ.(හාමුට හුරේ! අරූට හොඳ වැඩේ! තුවක්කුව නීත්‍යානුකූලයි!)

රට විනාශ වූයේ වඩා යහපත් ක්‍රමයක් නිර්මාණය කර ගැනීමට ඉඩ හසර විවර වුණු හැම විට ඊට හරස් වුණු නරුම කාලකන්ණි නිවට චින්තනයක් නිසාය.

ඒ බාල බල අවස්ථාවාදී චින්තතනය අපව බංකොලොත් කොට දැමුවේය. 

රට කිසිවෙකුට පාවා දුන්නේය.

එවැනි දොන් ජුවන්ලාටම සරිලන නිවටයෝ එදත් අදත් හිඟ නැති හෙයින්ම මෙරට පරපුර ම සිඟන්නන් විය යුතුය. කුජීත ක්‍රමයක් කර පින්නාගෙන මජර දේශපාලනයේ ඩීල් කාර හාමුලාට වහල් කම් කළ යුතු ය.

රටේ සාමාන්‍ය ජනතාව මෝඩ රැළක් හා තම අවස්ථාවාදී කෛරාටිකත්වය මහ කෙරුම්කාරකමක් ලෙස කයිවාරු ගසන ~ තිරිහන් වන මේ දේශපාලනයේ මළගිය පරාණකාරයා තවදුරටත් ආවඩන්නේ හිඟමනටය. 

මේ හිඟමන අවසානයේ බංකොලොත් භාවයෙන් අපව උස්සා පොළවේ ගසන්නේ යළි නොනැගින්නට මය. 

එදිනටත් හාමු තම පට්ටම වෙනුවෙන් ඩීල් දමන අතර කුඩුපට්ටම් වූ මහ ජනතාවගේ කුඩු එක් කර පුනුරුත්ථාපනය සඳහා යළි හිඟමන යෝජනා කරනු ඇත.

දෙපයේ හයිය නැති හාමුලාට පිට්ටනියේ මොන මීටර් සියයද ? 

ලයිසමයි තුවක්කුවයි පරිස්සමට තියා ගන්න.

ද ගේම් ~ නාකි බල උන්මාදයට එරෙහිව !

ආයුධ සන්නද්ධ උන්මත්තකයෙකු විසින් කුට ලෙස බලය අත්පත් කර ගත් රාජ්‍යයක සාමාන්‍ය ජනතාව ප්‍රාණ ඇපකරුවන් බවට පත් ව සිටී. පොලිසිය හා හමුදාව උන්මත්තකයා විසින් තමා යටතට ගෙන ඇති අතර අදාළ රාජ්‍යයේ සේවයේ යෙදෙන යම් පිරිසක් ද ස්වකීය ආත්ම ලාබය තකා උන්මත්තකයාට තම සහයෝගය ලබා දෙයි. මේ උමතු නාකි කෝළමෙන් මහ ජනයා ගැලවෙන්නේ කෙසේද? රාජ්‍යය ගලවා ගන්නේ කෙසේද? ජීවිතයත් මරණයත් විනෝදයත් විලි ලජ්ජාවත් අතර දෝලනය වන සජීවීකෘත ක්‍රීඩාව ~

හැක හැක බක බක උමතු විකෘතිය ~ !

ප්‍රකෘතිය ඉක්මවන අසමාන්‍ය විකෘති සිනහවකින් යුතු මිනිසෙක් කිසියම් ම ක්‍රමයකින් කිසියම් (විශේෂයෙන් බංකොලොත්) රටක විධායක බලතල සහිත ජනපතිධුරයකට පත් වීමට එරට ජනතාව කිසි ලෙසකින් ඉඩ නොදිය යුතුය. එය ජනතාව සියතින් ගෙල සිඳ ගැනීමක් වන අතර බරපතළම කරුණ ඔබට මිය යාමට සිදුවන්නේ බරපතළ උන්මත්තක භාවයකින් සිහි විකල් තත්වයකට පත් වීමෙන් වීමයි. 

යම් අතපසු වීමකින් හෝ එබන්ඳෙක් යම් රටක එවැනි තනතරකට පත් වුවහොත් රටේ බහුතරය ඒ උන්මත්තක තත්වයට ගොදුරු වීමෙන් වළක්වා ගැනීමට නම් එරට සුබුද්ධික ජනතාව එකාවන්ව ශක්තිමත්ව ඒ උන්මත්තක ස්වභාවය අභිබවන මානසික ශක්තියකින් නොසැලී ක්‍රියා කළ යුතු වෙයි.

මළ පෙරහැර යන්නා ! සේ ...

රාජ්‍ය ලකුණ ඇතා උඩ

අයි එම් එෆ් හි දෙපා මුළ

කපටි හිත බලයට යට

රජගහේ තාම නාඩගම

හෙටට වගකියන්නේ කවුරු ?

https://youtube.com/shorts/XG2YflVIqkY?feature=share

චින්තනයක් තිබුණ නම් එදා. මෙහෙම වෙනවද මෙදා. වගකීමක් තිබුණ නම් එදා. රට රටවල් වලින් හිඟමන් යදින්න වෙනවද මෙදා...! රටට ගැලපෙන විධික්‍රමයක් පිළිබඳ චින්තනයක් එය ක්‍රියාත්මක කළ නොහැකි දේශපාලනයක් හෙටට රටක් ඉතිරි කරාවිද ?

no money : තියරියක් !

https://youtube.com/shorts/RNpuZYQGwAE?feature=share

සල්ලි නැති මිනිස්සුන්ව තවත් වේළලා හදන රටේ මොනවා පැළවෙයිද අලුතින් ...! තියන තුට්ටු දෙක හරි යොදවලා පස පෙරලිය යුතු ඒකයි ඒ මිනිස්කම මැරෙන්නට කලින් !

පහ වෙනකම්, එපා ඉන්න !

https://youtube.com/shorts/GSqhHwn8qo0?feature=share

හැම දේටම කාලයක් තියෙනවා. එන්න වගේම යන්නත්. යන්න ඕන වෙලාවක අදාළ තැනක බලෙන් පඹයෙක් වත් රැඳවිය යුතු නෑ. මිනිහෙක් නම් කොහෙත්ම ...

බිල රනිල්ට + හිතවතුන්ට (ඒ පව් කළ උන් ඔක්කොම යාළුවෝ මල්ලී)

මජර දේශපාලනේ නඩත්තු කරපු

හොරා කාපු 

දූෂිතයින්ට ගොටු අල්ලපු

එවැනිවුන්ගේ පව් 

කිසිවිට නොගෙවමි

අහන් බලන් ඉන්න!

https://youtube.com/shorts/bADwDyFcxeY?feature=share 

සැබෑ ජන හඬ ~ ජනතාවගේ හදවත ගැහෙන රිද්මයයි. ඒ රිද්මය හඳුනන මිනිසුන් අප විසින් හඳුනා ගත යුතුමයි. ව්‍යාජ අනුකරණ වලට නොරැවටෙනු පිණිස කාට කාටත් බුද්ධිය පහළ වේවා!

අපට හෙටට රටක් නැතත් ලංකාවට නම් රනිල් තමයි (ෆස්ට් ප්‍රයෝරිටි)

එක්ස්පයර්ඩ් ජෙනරේෂන් එක

රෝන්ග් ජෙනරේෂන් එකට හිනා වෙනවා දැකලා

හැරමිටිය තම රැකියාවෙන් ඉල්ලා අස් වුණා

අනේ පව්,  උන්ට වගකීමක් නැතත් මට යුතුකමක් තියනවා කියලා

බලන් ඉන්න ~

https://youtube.com/shorts/bADwDyFcxeY?feature=share 

සැබෑ ජන හඬ ~ ජනතාවගේ හදවත ගැහෙන රිද්මයයි. ඒ රිද්මය හඳුනන මිනිසුන් අප විසින් හඳුනා ගත යුතුමයි. ව්‍යාජ අනුකරණ වලට නොරැවටෙනු පිණිස කාට කාටත් බුද්ධිය පහළ වේවා!

දොන් ජුවන් වන් එකෙක් ඇත ~ දෙකෝටියකට (රාජකාරිය + පිම්පි කාරිය)

දේශපාලන වද්ධයින්ගේ තිරිහන් වන බලකාමය උදෙසා පිම්පි කාරිය කරන ඉහළ රාජ්‍ය නිළධාරීන් සිටින රටවල පැවැත්ම සදා සොත්ති ම වන නිසා එබඳු රටක සංවර්ධනය පතන්නෝ පළමුව මේ දෙකොට්ඨාශය කෙබඳු ක්‍රමයකින් හෝ රටින් පිටුවහල් කළ යුතුය.

ඒ වෙනුවට එවැන්නෙක් නොවන ඔබ මව් රටින් පිටුවහල් වීම ද කළ යුත්ත?

අහන් ඉන්න ~

https://youtube.com/shorts/bADwDyFcxeY?feature=share 

සැබෑ ජන හඬ ~ ජනතාවගේ හදවත ගැහෙන රිද්මයයි. ඒ රිද්මය හඳුනන මිනිසුන් අප විසින් හඳුනා ගත යුතුමයි. ව්‍යාජ අනුකරණ වලට නොරැවටෙනු පිණිස කාට කාටත් බුද්ධිය පහළ වේවා!

සද්දේ...

 

~ආපහු වටෙන් එන කුප්‍රකට මජර තක්කඩි පිසාචයන් එලවන එකම මන්තරේ~

පළමුවත්

දෙවනුවත්

තෙවනුවත්

මේ දේශපාලනය රටට පිළිලයක්.

අද රටේ පවතින දේශපාලනය ම බොරුවක්. අවස්ථාවාදයක්. කාලය කා දැමීමක්. මුදල් කා දැමීමක්. බංකොලොත් රට සුන්නද්ධූලි කොට දැමීමක්.

මේ වගේ කාලයකත් සභාවේ සිනා සඳහා දවසට ලස්ස අනූවක් ! දේශපාලන පළිගැනීමට දවස් අනූවක් ! ආණ්ඩු විරෝධයට ගුටි බැට පූජාවක් ! උමතු තක්කඩි සිනහවක් !

දැන් ආපහු තක්කඩි කමෙන් අනූන මජරයින් හැරෙන්නේ දුර්වලයන්ගේ කර පිටින් ඊළඟ වටයට එසවෙන්නටයි.

මේ දේශපාලනයෙන් රට ගොඩනැඟීම යනු සියවසේ කැත ම නින්දිත විහිළුවක්.

ඒ දේශපාලනයෙන් බැහැර ව මහජනයා තම රාජ්‍ය ගොඩ නඟා ගැනීම ගැන නොසිතනතාක්, ඒකරාශි නොවනතාක් අප සියල්ලෝ එකම සමාජීය පිළිකාවකට පැරදුණු රෝගීන් පිරිසක්. නිල බල අධිකාරී පිළල නිසා කුහක වුණු කේඩෑරී වුණු ජනතාවක්.

පොදු අවශ්‍යතාව වෙනුවෙන් තමන්ට රුචි පාට පක්ෂ කල්ලි වාද පසෙකට කිරීමේ හැකියාව නොමැතිකම විනාශකාරීත්වයකට මං පාදන්නක්, දුර්වලකමක්. ගැඹුරින්ම ගත් විට කුහක කමක් .

ඒ දුර්වල මෝඩ කුහකකම් පරදා එක රටක පොදු ජනතාවක් ලෙස මේ පවතින දේශපාලන බොරුව විනාශ කර දමන්නට දායක වන දිනක, එවන් එකමුතුවක, වැඩ බිමක, ඔබට ලැබේවි නිරාමිස සතුටක්. ගොඩනඟා ගත හැකි වේවි ඒ සතුට භුක්ති විදිය හැකි රාජ්‍යයක්.

බොරු දේශපාලන කතා වලින් බැහැර හෙටක්, අපි වෙනුවෙන් අපේ රටක්, අපේ දැක්මක්, අපේ ක්‍රමයක්, හදා ගන්නට ගත වේවි කාලයක්. දෙමු ඊට තම තම හැකියාවෙන් ශ්‍රමයක්, ශක්තියක්. 

කවදත් ඇත්ත වෙනුවෙන් මුලටම ඉන්නෙ පුංචි පිරිසක්. නමුත් කිසිවෙකුටත් ඇත්තේ නැහැ බොරුවෙන් සැබෑ ජයග්‍රහණය වෙත යා හැකි මාවතක්.

රටවල්, ඉතිහාස, පූර්වාදර්ශ මතම  (කෝඳුරු තෙල් හත් පට්ටයකුත් ටිකක් ලැබෙන තුරු) නොඉඳ තනි තනි විශ්වාසයෙන් ගොඩනඟමු සාමුහික අපේ විශ්වාසයක්, අපේ රට වෙනුවෙන් ඔබේ මගේ සබුද්ධික විශ්වාසයක් ! එතැන ගොඩනැගේවි සැබෑ ජනතා අරගලයක්, දේශපාලන බල අරගල වලට යට නොවන නියම අවිහිංසාවාදී ජනතා බලයක් ! මේ යහපත් හෙටක් සොයන රටට ආදරේ ඕනෑම ලාංකිකයෙකුගේ අද දවසේ ශුද්ධ වූ ප්‍රාර්ථනයක් !

ටීම් ගේම් විතවුට් ටීම් ~ එසැණ ජොලිය

තිස් වසරක ත්‍රස්තවාදය රට සලිත කරන්නට සමත් විය.

දස වසරක අවස්ථාවාදය රට බංකොලොත් කරන්නට සමත් විය.

දශක තුනක ත්‍රස්තවාදයකට පසු දශකයකට සැනසුමක් උපයා ගැනීමට අසමත් ජනතාවක් ,

දශකයක අවස්ථාවාදයකට පසු පස් වසරකට ක්‍රමයක් නිර්මාණයට අසමත් ජනතාවක් ,

ඉතිරි වී ඇත.

මීළඟට !!?

සින්ඳ යුතු කරුමය ~

 චින්තනයක් නැති කළ රටක ජාතියක පරපුරක උරුමය ~

පළමුවත් ..

දෙවනුවත් ...

තෙවනුවත් ....

සිඟමන !?

අසාධාරණ පිළිතුරු මතින් ...

 මිනිස් ශ්‍රමය ශක්තිය රාජ්‍ය ලේබලය යටතේ රස්තියාදු කෙරෙයි. රස්තියාදුව නීති විරෝධයක් ලෙස අර්ථ දක්වා මිනිසුන් සිරගත කෙරෙයි. අතකොලු රාජකාරී මුහුණෙන් අනාථව රහසේ සුසුම් හෙලති. දෛවය නොව ඒ ක්‍රමයේ සරදමකි. ඒ ක්‍රමයේ පිළිතුරු සියයට වැඩි ප්‍රතිශතයකින් සාධාරණ විය හැකි නොවේ. එය රටේ බොහෝ සාමාන්‍ය මිනිසුන්ගේ අද්දැකීමකි.

ඒ බඳු අසාධාරණ පිළිතුරු හැදූ චින්තනයන් නිසාම විනාශයේ මගට ඇද දමාගත් රටක ඒ මාන්නක්කාර උද්දච්ඡ පැළැන්තිය උනුන් අතරේ සූදුවකට තවමත් රට ඔට්ටු තබති. එය ඉවසිය යුතු කවර නම් පිරිසක් ද? නොඑසේ නම් එවැනි දෑ තවදුරටත් ඉවසන්නේ රටේ කවර නම් පිරිසක් ද? ඊට සාධාරණ පිළිතුරු මොනවාද?

තනි මහලේ ගෙයට දැමූ අත්තිවාරමක් මත දෙමහල් තෙමහල් බරටත් එහා ගිය සිවු මහල් ගොඩනැගිලි තනන්නට ගොස් තිබු තනි මහලේ නිවෙස පමණක් නොව අත්තිවාරමත් අහිමි කරගත් රාජ්‍යය යක් දැන් අත්තිවාරම් නැතිවම ගෙවල් හදන්නට යන්නේ හිතේ තිබෙන පරණ අත්තිවාරම මතකයට අරගෙන ය. 

ප්‍රශ්නය මුලටම විග්‍රහ නොකර අපි අපවම නොහොත් රාජ්‍ය රාජ්‍ය රවටා ගැනීමෙන් වන්නේ ඉතා නුදුරු දිනක විනාශ වූ අත්තිවාරම පිහිටි මහපොළවත් අපට අහිමි වී යාම පමණකි. 

මේ රටේ සාමාන්‍ය මිනිසෙක් හැටියට කල්පනා නොකොට  යාන්ත්‍රික ලෙස දත්ත විශ්ලේෂණයකින් පමණක් මහජනතාවකගේ හෝ රටක හද ගැස්ම විශ්ලේෂණය කර ගැනීම අපහසුය. මහජනතාවගේ සද්භාවික සහාය දිනා ගැනීමකින් තොරව රටක් රාජ්‍යයක් කෙසේ නම් ස්ථාවර වේවි ද?

ස්වභාවික සම්පතින් අනූන රටක වුව එක් පිරිසිදු දිය බිඳක වටිනාකම රාජ්‍ය‍යක් ලෙස අපි තවමත් නොතකන්නෙමු. මිනිසුන් හැර වනාන්තර සතා සීපාවා ගැන අපි කතා නොකර ඉමු. මන්ද ජලය පිළිබඳ ආකල්පය රාජ්‍යයේ දැක්ම තේරුම් ගැනීමට හොඳටම ප්‍රමාණවත් වන හෙයින්ය.

යුක්තිය, ඉදිරිය උදෙසා අන් කවරදාටත් වඩා සාධාරණය, සාමුහිකත්වය අවැසි අද වන් අවදියක පුද්ගල පාපෝච්ඡාරණ තරමටත් අවංක නැති ඉහළ සංගීත පුටු තරඟ බඳු හුදු ආත්ම භාෂණ පොලිටිකල් ~ නොඑසේ නම් මෙලෝ රහක් නැති කලටිපොල් වලින් තවදුරටත් රටට කවර නම් ඵලක් වේද?

එක්ව කැපවිය යුත්තේ ගඟට ඉනි කැපීමකට නොවේ (පොත්ම කියවූ වෙට්ට පිත්තල මොළයක කඩතොළු)

හරි කණ්ඩායම් නොසැලී තරඟ කරන තැන රට දිනනවා, ලාංකිකයන්ගෙ ධී ශක්තිය ඉහළයි, අපි දකිනවා..

රාජ්‍ය රකින්නම උපන් බව කියන දියසෙන්ල වැජඹෙද්දී, රට පරදින්නෙ, බංකොලොත් වෙන්නෙ කොහොමද? 

වංචනික කණ්ඩායමක් නිසා. නොසැලී ම කෙසේ වෙතත් චීත්ත ගති ලක්ෂණ වලින් යුතුව කටයුතු කරන නිසා. කොල්ල කා ගත් පරමාධිපත්‍යයේ ශක්තිය වෙන තැනක තිබෙන නිසා රටක පරාජය අපි අත්දකිනවා..

ඇත්තටම අපේ රටේ සාමාන්‍ය මිනිස්සු අතරේ වහලුන් හැදුනෙ පහසු පැවැත්ම ස්ථිරසාර කරගන්නද? නූගත් කමට වඩා අපේ දිළිඳුකම ජඩ පැළැන්තියකට ආයුධයක් වුණා. ජාතිය ආගම ඒ පැළැන්තියේ ගිනිගල ~ ඒකෙන් අර ආයුධය හොඳට මුවහත් කළා. ආණ්ඩු අච්චු ගහල හරි මිනිස්සුන්ට සල්ලි බෙදුවෙ රටේ ජනතාවට ඇති ආදරයකට නොවෙයි, වහල් ඡන්ද පදනම රැක ගන්න.

අද මොකද්ද වෙන්නෙ.. වහල් රාජ්‍ය රැකීම උදෙසා කටවල් වසා දැමීම ක්‍රියාත්මකයි.

ඇයි බැරි සංවාදයෙන්, වැරදි පිළිගැනීම තුළ නිවැරදි තැනට හැමෝටම එන්න. 

රටේ දියුණුව එතැන තිබුණාට පැළැන්තියක පැවැත්ම එතැන නෑ.

රටට වඩා රට කරවන පැළැන්තිය ආරක්ෂා කිරීමයි අද ප්‍රායෝගිකව රාජ්‍ය ආරක්ෂා කරනවා කියන්නේ.

රටේ මහජනතාවත් ලෝකයාත් ඉදිරියේ රාජ්‍ය ආරක්ෂකයන්ට මේ රඟපෑම තව කොපමණ කාලයක් කළ හැකිද?

අඩුම තරමින් ක්‍රීඩාවෙන් ක්‍රීඩකයෝ කියා දුන් පාඩමවත් පාලක චීත්තධාරීන් උගත යුතුයි.

සමස්ථ මහජනයාගේ ප්‍රබුද්ධත්වය සෙවීමට පළමුව තමන්ගේ සාමාන්‍ය බුද්ධිය අවදිකර ගැනීම හැමගේ අනාගතයට සුබදායී වනු ඇති.

චී

චීත්තාරක්ෂකයෝ ~ රට ජාතිය/පොදු මහජනතාව වෙනුවට රකිනු චීත්ත, කම්බා හොරු, ඇඳපු චීත්ත !

චීත්ත ~ ගැහැණුත් පරදන කලාවකි!

චීත්තයක් විධායක පුටවක වැනීමත් තවත් මල් චීත්ත ව්‍යවස්ථාදායක පුටු මත එලීමත් කැබිනෙට්ටුවේ චීත්ත ගොඩ ගැහීමත් ඒ රට චීත්ත වලට ඇති ආදරය පෙන්වයි.

💧

 

✍️

විකෘති රාජ්‍ය ප්‍රකෘතිමත් වන තුරු නැවත අදහස් ප්‍රකාශ කිරීමෙන් වැළකී සිටිමි.(අතිශයින් පාඩු පිට තවදුරටත් මෙරට අදහස් උදහස් වෙනුවෙන් බදු ගෙවීමේ අර්ථයක් නැත)

මහජන සේවා භූමි ~ තවදුරටත් නාකි සිනහවෙන් හා තරුණ අඳෝනාවෙන් යුතු කෝලම් මඬු බවට පත් කිරීමේ අර්ථයක් ඇත්ද.!

සියළු පළාත් පාලන ආයතන වලට හා පාර්ලිමේන්තුවට පත්වන සියළු මහජන නියෝජිතයින්ගෙන් තමන්ගේ මන්ත්‍රී දිවුරුමට අදාළව එනම් තම තනතුරේ වගකීම තවදුරටත් රාජ්‍යයේ බංකොලොත් භාවයට හේතු නොවන පරිදි මූල්‍යමය වශයෙන් බන්ධනයකට ලක් කෙරෙන ~ රාජ්‍ය පක්‍ෂපාතිත්වය හා මහජන සේවය වෙනුවෙන් භූක්ති විඳින වරප්‍රසාද වලට යටත් නොවන පරිදි ~ ගවන්මන්ට් ලෝයලිටි / රාජ්‍ය ලැදියා බද්දක් අය කළ යුතුය.

මහජන සේවය හා රාජ්‍ය වෙනුවෙන් සේවය ගෞරවාන්විත වගකීමක් ඇති එකක් වීමට නම් මජරයින් බඩ පිනුම් ගහන රටක ඒ වෙනුවෙන් කැපවීමට කැමති රට වැසියෝ ගෙවා සේවය කළ යුතුය. අනික් අතට රාජ්‍ය පාක්ෂිකත්වය වෙනුවෙන් දිවිදෙන්නට උපන් අය ගෙවා සේවය කරන විට හොරා කන්නට තවත් නම් කිසිවෙකුට හැකි ද? 

එබඳු ඇරඹුම් වලින් තොරව අවංක නීති ගරුක සාධාරණ මිනිසුන්ට මෙබඳු රටක සාමාන්‍ය ක්‍රමවේදයක් තුළ නම් කිසිදාක යුක්තියක් ඉටු වන්නේ නැත. ඒ බවට තවත් තර්ක නම් කුමකටද .

🐾

 අක ලංකා

වීරයෝ හිත් වල

මජරයෝ රජ පුටු වල

කවි කතා පොත් වල

බලි කුරුටු ඇයි ද හිස් පිටුවල

හෝඩියේ අම්මා

රටට බැන්දේ පෙම් මා

සිරි ලකම සින්ඳා

රුපියලත් රහසේම ඉකි බින්ඳා

කර පටි නිසා සුදු

කපුටොත් විඳිති ගරු සරු

අයුක්තිය විසකුරු

සිපිරිගෙය රුකකි විටෙක රස ඵල දැරූ

❌

 මා හැර අනෙකෙකු බිලි ගන්න ~ පෝලිමේ හැකිතාක් පස්සට... 

අවුරුදු හතළිස් පහක් සපුරා ගත නොහැකි වූ සිහිනයක් අවස්ථාවාදයකින් සපුරා ගැනීම උදෙසා සිහි මූර්ජාවෙන් මිදෙන දේහයක් නැවත බලයෙන් සිහි විසංඥ කොට ඊට අනුබල දෙන සමූහයක් සමඟින් එක්ව දුෂණය ~ නිහඬව බලා සිටිමින් ඊට දෙන අනුබලය ~ ඊළඟට ?

🇱🇰

 අපේ සිරිලංකාවද ? රාජපක්ෂලාගේ රට ද ! වික්‍රමසිංහගේ රට  ද !

෴ පිස්සෝ හා වස්සෝ බලය හොබවන රටක සෙස්සෝ කුමක් කළ යුතුද?

තරුණයින්ගේ සාධාරණ ආණ්ඩු විරෝධය ~ රාජ්‍ය බලය අවභාවිත කරමින් රාජ්‍ය විරෝධී ත්‍රස්තවාදයක් බවට හිතා මතා ම අර්ථ දක්වා ගැනීමට වලිකන අපරිණත උමතු පාලකයින් හා ගත් කළ තරුණයෝ සැබවින්ම රට පිළිබඳ හැඟීමෙන් ඉතා පරිණත ය. අප තවමත් කරන වරද නම් අදටත් රට කරන එබඳු අමනයින්ගෙන් දිව්‍යමය ආශ්චර්ය පැතීමය. සාපය බිම නොදමා කරේ හිඳුවා වඩම්මාගෙන යාමය. ඕකට සරලව කියන්නේ නිවට නියාලු ~~~ ජාතියක ගතිය කියාය. කළ යුතු දේ තනි තනිව ඒ රෝගයට බෙහෙත් ගැනීම යි. නැතිනම් මරණයෙන් මතු තබා මරණය තෙක් වත් ඔබට මේ රටේ සැබෑ සැනසීමක් නම් නොලැබෙනු ඇති.

⚖️

 අටවන අජාසත් වත!(තිරය පිටුපස අට මහා නිරය)

රට කන එකට විරුද්ධ වීම ත්‍රස්ත්‍ර වැඩක් නොවේ. ඒ අත එසවීම නිර්භීත කමක්. 

රට කන පිරිස් සමඟ ඩීල් දැමීමත් ඒ හොරු ආරක්ෂා කිරීමට බිලි පුදදීමත් ත්‍රස්ත වැඩක්. ඒ සඳහා රාජ්‍ය බලය උපයෝගී කර ගැනීම බියගුළු නිවට නින්දිත දුෂ්ඨ කමක්.

📒

 

~~~

 

මහා සූදු කෙළිය නවතමු :

 ෴දශක ගණනාවක දේශපාලන සූදු අන්තුවන් අතුගා දැමීම, රටේ යහපත පතන පුරවැසියන්ගේ පළමු වගකීමකි. 

මේ ඔවුන්ගේ කෙළි බිම නොව අපේ මව් බිමයි.

134 + 1 +

 ශක්‍රයා /වයිමා තුමනි,

   විකල්ප ආකල්ප බල ගැන්වීම

පවතින හදිසි තත්වය තුළ හැකි ආසන්නම දිනයේ බඹ මොහොතට හෝරා කීපයකට පෙර මුකවාඩම් සහිතව සේනාසන්නද්ධව වහා අප රටට පැමිණ පුරවැසි සයිමාට තම ඡන්දයෙන් අරගලයෙන් වත් එලවිය නොහැකි ලෙස තවදුරටත් බල පෙරේත කමෙන් මල පෙරේත ලෙසින් රටට වින කරමින් රැඳී සිටින දියවන්නා වේ උන් හා උන්ට උඩ ගෙඩි දෙනවුන් සියලු දෙනා පොලු වලින් පහර නොදී මෛත්‍රියෙන් ඔවුන්ගේ නින්දිත ක්‍රියා පිළිවෙලවල් අනුව දණ්ඩනයට ලක් කොට නමුත් පශ්වාත් භාගයට හණ ගසා හඳුනා ගැනීමේ ලකුණු තබා බහු ජනයාගේ හිත සුව පිණිස මෙරටින් එලවා ඔවුන්ගේ වයස හා රෝගී තත්වයන් අනුව මහලු මඩම් වලට හා රෝහල් වලට ගෙන ගොස් දමනු මැනවි !

ස්තූතියි,

සීමාව /

 ගමේ මහ පාරේ පෝලිමේ සිට රටේ මැතිසබේ දක්වා දැන් අවශ්‍ය හොරකම මැරකම ජඩකම පරදන එකම මානුෂීය අරගලයකි !

බල ලෝභය, උද්දච්ඡ බව හා මාන්නාධික බව නිසා සියළු අවස්ථා පැහැර හැර ගත් පාලන ක්‍රමයකට සහ එය පවත්වා ගෙන යාමට උඩගෙඩි දෙන නො මිනිසුන් උදෙසා වෙනත් විසඳුමක් නැත.

හැමදාම ~ හැම තැනම

 

🇱🇰

ලංකා ඉතිහාසයේ එතෙක් මෙතෙක් දේශපාලනය යුද්ධය අරගලය ආදී එකී මෙකී නොකී සමාජ සංසිද්ධි තුළ එකී අරමුණු ඉලක්ක මත හෝ ඉන් පිටත හෝ මිය ගිය, පරිත්‍යාග වූ ජීවිත වල නාමයෙන් බල තණ්හාව පරදා ලාංකීය ජීවිත පිළිබඳ වටිනා කමක් හදමු මිනිසුනේ!

9

 හොඳට සහ හොඳටම කරනවා වෙනුවට නිවැරදිව හා බුද්ධිමත්ව කටයුතු කරන්නට! 🇱🇰  සියල්ලෝ පෙළ සැදෙත්වා !!! 🙏

නොතේරෙන සිංහල

ගුඩ් බායි

 මෙහෙම රටක් ලෝකෙ තිබිලත් නෑ ඉස්සරහට තියෙන එකකුත් නෑ

ගුඩ් බායි ශ්‍රී ලංකා

~ ක්‍රමයක් ගෙනෙන විප්ලවයක් ~

යුද්ධයෙන් ~ වීරයෝ දුෂ්ඨයෝ මිස ක්‍රමයක් හැදුනේ නෑ

ඡන්දයෙන් ~ පාලකයො පාක්ෂිකයො මිස ක්‍රමයක් හැදුනෙ නෑ

අරගලයෙන් ~ නායකයො ආනුගාමිකයො මිස ක්‍රමයක් හැදුනාද ?

අවශ්‍ය රටක් හදන ක්‍රමයක් දෙන විප්ලවයක් නොවෙයිද ?

එකමුතු නැති අකුරු

 

හිස දන් දී බඩට කෑම !

යුද්ධය ගැන පම්පෝරි ගැහුවා, ධර්මය අවභාවිතා කරා, උරුමයන් ගැන කයිවාරු ගැහුවා ~ දැන් රට රටවල් ඉස්සරහා අඬා වැළපෙනවා, දුක කියනවා, මේ රටේ මිනිස්සුන්ගෙ ශක්තිය, වටිනාකම මොකක්ද? වැඩි කාලයක් අතීතයට යා යුතු නෑ. යුද්ධයෙන් පස්සේ රට ගොඩනගන්න ඕන තරම් කාලයත් මහජන සහයෝගයත් තිබුණා. තුන්කල් දැකපු පාලක මුත්තෝ එදා මොනවද කළේ ? ඒ හිටවපු අඹ ඇටවල ඵලදාවද මේ ? මතක තියා ගන්න අද පැල කරන දේවල් වල ඵලදාවත් ජීවත් වෙලා හිටියොත් හැට හැත්තෑවක් ගිහින් හරි අපිටත් භුක්ති විඳින්න වෙයි මේ ලෙස හෝ මීටත් වඩා හොඳින් ම!  අද යැපීම වෙනුවෙන් රටත් පරපුරත් බිල්ලට දෙන පාලකයෝ කිසිවෙක් හෙට දිනේ අපත් සමඟ මේ රටේ තබා ලොවෙත් සිටී දැයි ඔබම තේරුම් ගත යුතුව ඇත.

බැට් කරන්න බැරි නම් රෙස්ට් කරන්න

 

කොඩිය

 🏳

ගෝඨාභය දිරච්ච ලණුවක් 

රනිල් දිරච්ච මුක්කුවක්

මලකඩ කාපු රංචුවක්

අනේ! රටකට දාපු කොඩියක්!

ගෝඨාභය

 ස්වේච්ඡා බලකායක් හදපන් මිනිහෝ රට ගොඩගන්න !

🏴 කැණිමඬල බිඳින්න

අපේ රටේ වීරයින් බිහි වෙන්නේ මරලා හෝ මැරිලා පමණක්ද ?

අද වෙනකම් වීරයින් විසින් මරලා හදපු රටකුත් නෑ
අද වෙනකම් මැරුණු වීරයින් නමින් හැදුණු රටකුත් නෑ
එතකොට නොමැරුණු වීර ජීවිත විඳවනවා, මැරුණු ජීවිත වල සමීපතයෝ විඳවනවා

කොහෙද හැබෑ වටිනාකම ?

අවසානෙ සැබෑ වීරත්වය මැරිලා, මරලා
මරලා හෝ මැරිලා ආවේගයන් නිදහස් වුණත් රටක්, ජාතියක් නිදහස් වුණේ නෑ.
ඒක මේ ක්‍රමයේ රැවටිල්ල
අපි මරාගෙන මැරෙනවා
ක්‍රමය පවතිනවා
දක්ෂතා මළ කනවා
සුදුස්සෝ ලත වෙනවා
රට විනාශ වෙනවා

මේක විනාශකාරී ක්‍රමයක් 

ගොටාබයට, රනිල්ට කරන්න බැරි දේ කරන්න පුළුවන් මිනිස්සුන්ට 

හැබැයි 

මරලා හෝ මැරිලා නෙවෙයි

එකමුතු වෙලා

අරගල නොකර උරගල ~ රටේ හෙට කොයිබට : ? (ශ්‍රී ලංකා මාතාව කියන ඥානමාතා නොකී කතාව)

අපේ ආදරණීය මව් බිමේ මෑත පාලන ක්‍රමවේදය 'මහසෝන්' වූයේ කවදාදැයි කීමට මම නොදනිමි. නමුත් මතුපිටින් දේවාලයක් කොට පුද පූජා කළද අද වන විට ක්‍රමයේ මහසෝනා එළියට පැන ඇත. අතීතයේ ඉටු කළ කාර්ය බාරය හැරුණු කොට වර්තමානයේ කිසිවක් කර කියා ගත නොහැකි ගෝඨාභය මහතා රටට එක දෙයක් කළේය. එනම් මහසෝනා හා සටනට වැද මහසෝනාගේ හිස කඳින් වෙන් කිරීමට සමාජයට ඉඩ දීමය. දැන් හිස නැති මහසෝන් කඳ ~ කවන්ද ක්‍රමය ~ තිබෙන්නේය. ඊට සුදුසු හිස බද්ධ කොට විකෘතිය ප්‍රකෘති තත්වයට ගෙන ආ යුතුය. එනම් නිවැරදි, පැහැදිලි, ශක්තිමත් ක්‍රමවේදයක් බිහි කිරීමයි. නමුත් ගෝඨාභය මහතා නොකරන්නේ ඒ වැදගත්ම ටිකට දායකත්වය නොදීමයි.

හිසක් නැති ක්‍රමයක් තුළ ලංකාවට පැවැත්මක් නැත. වැඩි ජාතක ඕනෑ නැත. ඒකට උම්මග්ග ජාතකය ඇති ය. උපක්‍රමික සැලසුම් නැතිව පැවැත්මක් රටට නැති ය. තාක්ෂණය හා චින්තනය වේගවත් සමාජයක උපක්‍රම යනු තවදුරටත් සතර කන් මන්ත්‍රණ හෝ තොරතුරු සැඟවීම නොවේ. කලු කඩ හෝ ඩීල් හෝ නො වේ. පවතින දියුණුව හා වේගයම තම සවිය කොට ගැනීමයි. ප්‍රතිවිරුද්ධ බලය ම අවිය කොට ගැනීමයි. ගෝඨාභය බලය තිබියදීත් අදටත් එම අවිය අතට ගෙන නැත. හේතුව ඔහුට කාවින්ද දේවින්ද පුක්කුස හා සේනක හිටියත් මහෝෂධ කෙනෙක් නැති නිසා ද ? රනිල් අගමැති කේවට්ටයෙකු දැයි මා දන්නේ නැත. ඔබේ අඩ පණ වියත්මග කුමක්දැයි මා දන්නේම නැත.
රටේ භාණ්ඩාගාරයේ ස්වං ආරක්ෂනය සඳහා ප්‍රමාණවත් ඉතිරියක් නැත්නම්, අපට නැති වීමට තවත් එතරම් දෙයක් නැත්නම් නැවත ගොඩ නැඟීමක් උදෙසා වේගවත් සටනක්, ඒ සඳහා සැළසුමක් නැතිව අපි තවත් කුමක් කරමුද?
හරි මතයකට එකඟ කළ හැකි බුද්ධිමත් ජනයා වැඩි බහුතරයක් සිටින මේ රටේ ජනතා බලය වරප්‍රසාදයක්, දේව වරමක්, කර්ම ඵලයක් සේ සලකන මහින්දට වෙනස්ව හිතන්නට ගෝඨභයත් බියය. ජනතා බලය ශක්තියක් කොට පෙන්වූ අරගලය උරගලක් කොට පාඩමක් ඉගෙන ගන්නට තරම් සහෘද මනසක් තවමත් ඔහුට නැත. තම දේශපාලනය උදෙසා මේ අවස්ථාව භාවිත කරන දේශපාලකයා අභිබවා රටට පුනර්ජිවයක් උදෙසා මේ අවස්ථාව හසුරවන්නට තීරණ ගන්නට ඔහු දුරටත් බිය ය. වැරදි අවස්ථා වල ගත් ස්වං තීරණ වල අසාර්ථකත්වය තුළ තවමත් හෙතෙම පීඩාවෙන් ය. මේ පීඩාවෙන් තමාට මිදීමට හැකි එකම මග දුෂ්කර සමය පසුවන තුරු රැඳී හිඳ සාමාන්‍ය තත්වයකට රට ගෙන එ්මයයි ඔහු සිතන බව පෙනේ.
පැය විසිහතර ක්‍රියාත්මක වෙන ගෝල් ෆේස් අරගලයේම මග ගනිමින් තමන් හොඳට ම කළ කෝවිඩ් අත්දැකීමෙන් උගනිමින් ම පැය විසි හතරම ක්‍රියාත්මක විවෘත ආර්ථික ආපදා කළමණාකරන මෙහෙයුම් මධ්‍යස්ථානයක් හදන්නට ඔහුට හැකියාව තිබිණි. අද රට තිබෙන්නේ ඉතිහාසයේ නොවූ විරූ ආර්ථික ආපදාවක නම් ඉදිරියේදී තවත් ආහාර අර්බුධයක පෙරනිමිති පවතින්නේ නම් අප දැන් පැය විසි හතරම සුදානම් විය යුතු හා මුහුණ දිය යුතු හා පුමුඛතවම අත ගැසිය යුතු දැවැන්තම කාර්ය භාරය එය නොවේ ද? සියලු කාර්යන් ඒකාබද්ධතාවයකින් යුතුව කළමණාකරනය නොවීම නිසා මේ තාක් වන අපතේ යාම්, නාස්ති වීම හා විනාශ වීම් මේ මොහොතේ සහ ඉදිරියට තවත් බරපතළ බලපෑම් වනු නැතිද?
ඉන්ධන වල සිට විදුලිය දක්වාත් අත්‍යාවශ්‍ය ආහාර ද්‍රව්‍යයේ සිට එළවලු පළතුරු ටික දක්වා මෙන්ම මේ මොහොතේ නිවරද වශයෙන් සන්නිවේදනය විය යුතු දත්ත හා තොරතුරුත් දක්වාත් සමස්ථ පද්ධතියක වැදගත් කම කොතරම්ද? එහි වගකීම් ගන්නවා හැර තව දුරටත් අස්ථාවර රාජ්‍යයක රාජ්‍ය පාලනය මෙහෙය වීම සතර කන් මන්ත්‍රණයෙන් කළ හැකි දෙයක් ද? ජනතාව විවෘත අවංක මාර්ගයක් ඔස්සේ ඉදිරියට ගෙන යන්නේ කෙසේද?
මහ ජනයා සමාජ මාධ්‍ය තුළ දේවාල, අංජනම්, සාස්තර බලමින් හෙට වෙන දේ, රටේ ගමන් මග පිළිබඳ තීරණ සෙවිය යුතුද?
ඔබට හැංගී හැංගී බැඳීමට තවත් වෙස් නැත.
ආහාර
සෞඛය
කෘෂිකර්මය
බලශක්තිය
නිෂ්පාදන
සේවා
අධ්‍යාපනය
මේ හැමදේම ආර්ථීකයයි. මේ හැම දේම මහජනයාගේ පැවැත්මයි. එලෙසම නැවැත්මයි. මේ ආදී කොට ඇති සියල්ල  අමාත්‍යංශ නම් ඒ සියල්ලේ ඒකාබද්ධතාවය හැදීමත් කෙටි කාලීනව මහජනයා සමඟ සහයෝගයෙන් මේවායේ කාර්ය ඉදිරියට ගෙන යාමේ වැඩ පිළිවෙලක් හැදීම මේ මොහොතේ අත්‍යවශ්‍ය ය. වගන්ති සම්ප්‍රදායන් තුළ තමන් විලංගුලා රටටත් මහජනයාටත් විලංගු දැමීමෙන් අප සියලු දෙනාට සාම්ප්‍රදායික නොවන මරණයකට නම් උරුම කම් කීමට හැකි වනු ඇත.
මේ ඒ සම්ප්‍රදායට පයින් ගැසිය යුතු මොහොතයි. කොපමණ යුද්ධ කළත් ඔබට අද මේ මොහොතේ මේ සාම්ප්‍රදායික බෝඩරය සමාජීය අවශ්‍යතාව මත යුග පරිවර්තන අවශ්‍යතාව මත පවා අතික්‍රමණය කළ නොහැකි නම් කිසිසේත්ම අපට දෙපයින් හිට ගැනීමේ අදහසක් හෝ රටේ ඉදිරි යහ පැවැත්මක් ගැන කල්පනාවක් එතැන නැත.
ඉදින්, ජනතා සහායෙන් තොරව රටට ඉදිරි ගමනක් ද නැත. අඩු තරමේ ඔබ ඉවත් වන දිනයක් දක්වා හැම දිනකම හැම පැයකම මහ ජනයාට තමාගේ හෙට දිනය ගැන කතා කරන මෙහෙයුමක් රට තුළ තිබිය යුතුමය. එය මහජන බලයෙන් ශක්තිමත් විය යුතු ය. ඊට වෙනත් විකල්ප නැත. සියල්ලෝ ඔබ යටතට නොව එක මගකට ගත නොහැකි නම් තව දුරටත් එතන රටක් කොයින්ද?
වෙදදුරන් රෝග හදන්නේ නැත. ඔවුන් දෙන්නේ රෝග නිධානයට බෙහෙත යි.
රටක නායකයන් අර්බුධ නිර්මාණය කළ යුතු නැත. ඔවුන් කළ යුත්තේ අර්බුධයන්ට විසඳුම් ලබා දීමයි.
වෙදදුරාගේ ප්‍රමාදය රෝගය උත්ස්සන්න වීමටත්, සමහරවිට රෝගියා මරණයට පත් වීමටත් හේතු වන්නට පිළිවන.
රටේ නායකයාගේ ප්‍රමාදය රටේ අර්බුධ උත්ස්සන්න වීමටත් රටේ විනාශයටත් හේතු වන්නට පිළිවන.
ඔබ මේ ඉඩ දෙන්නේ කපුටු ගමනටද? මහජන මතයටද ?
වාසනාවටද? උස්සාහයටද?
අවාසනාව සහ විනාශයටද?
1.මේ ගෙවෙන්නේ අපගේ ජීවිතවල වටිනාම අවසන් තත්පර කීපය විය හැකියි !
2. මේ කඳුළු අවසන ඇහැට ගෑස් නැතිවම අප කාටත් කඳුළු බොන්න වෙනු ඇති !
3.තවදුරටත් මේ සමාජය දේශපාලනිකව විහිළුවක් කර ගන්නට රටක් ඉතිරි නොවනු ඇති !

👑🎩💰 ඔහෙලා කතා කරමින් ඉන්න ~ 👨👩 මිනිස්සුන්ට අමාත්‍යංශ දෙන්න

එහෙම හිත් දෙකෝටියක් ! හිතිවිලි ප්‍රකෝටියක් ! වැඩ කෝටියක් ! සුදුසුම ක්‍රමයක් ! ඔබ / රට සුරකින නීතියක්

හිතින් යන අය අතින් අල්ලා නවත්තන්නට නොහැකි වුවත් ~ අතින් අල්ලා නැවතිය නොහැකි රට, හිතෙන් අල්ලා නවතනු නොහැකි ද!!!

ඒ හිත් හිමි මිනිසුන්ට වැඩ බාර දෙන්න.

ජාතක කතා වලට එහා හේතු ~ ඵල දහම ඉගෙන ගන්න.  එහෙම දැක්මක් තුළින් අනාගතය නිර්මාණය කර ගන්න.

ඊයේ සහ අද වැරදුණු තැන් විමසන්න.

රට වෙනුවෙන් බෙදා ගන්න බැරි වුණා ඔබට ~ මේ මොහොතේ බෙදා ගෙන වැඩ කරන්න තිබුණා ~ කටයුතු කළේ පිල් බෙදෙන්න, කාට කාටත් කැපී පේන්න ඕන වුණා, ලකුණු ඕන වුණා.
පිල් නොබෙදී බෙදා ගෙන වැඩ අපට පුළුවන් නම් !

රට වෙනුවෙන් කැප කරන්න බැරි වුණා ඔබට ~ මේ මොහොතේ කැප වෙලා වැඩ කරන්න තිබුණා ~ සිද්ද කළේ කාලය නාස්ති කිරීම, පාර්ලිමේන්තුවම විහිළුවක් වුණා, මහජන විශ්වාසය නැති වුණා
විශ්වාසයෙන් කැප වෙන්න අපට පුළුවන් නම් !

රට වෙනුවෙන් වැරදි පිළිගන්න බැරි වුණා ඔබට ~ වැරදි පිළි අරගෙන නිවැරදි වෙන්න තිබුණා ~ රටම ගිනි තැබුවා, වෛරයට මග හැදුවා, ලෝකෙටම විහිළුවක් වුණා
වැරදි පිළි අරගෙන නිවැරදි වෙන්න අපට පුළුවන් නම් !

රට වෙනුවෙන් අත් හරින්න බෑ බෑ බෑ කීවා ඔබ ~ අත් හැරීමෙන් අලුත් අවස්ථා හදන්න තිබුණා ~ රට ආපහු පරණ පීල්ලෙම තැබුවා, ක්‍රමය සරණං ගච්ඡාමී කීවා, අඳුරු අහසේ රිදී රේඛාව දරුණු හෙනයක් බවට පත් කළා
රට වෙනුවෙන් අත්හැරිය යුතු දෙයක් අත් හරින්න පුළුවන් නම් අපට !

රට වෙනුවෙන් බැරි දෙයක් නැත ~ එකකින් පටන් ගත් කළ ~ එකින් එක ගොඩ නැගිය හැක. රටම තල්ලු කළ පසු එතනට ~ හෙට පටන් ගන්නේ එතැන් සිට !

උපුටනය ~ එහෙම හිතකින්

ක්‍රමයක් ~ නීතියක් ~ යහපත් රටක්..! ( මල් වට්ටියක් කොට අත ගැසිය යුතු පින්කමක්)

පාර්ලිමේන්තු මන්ත්‍රීවරුන්ගේ සැබෑ ජීවිත වල දුක්ඛ දෝමනස්සයන් මෙපමණ නම් ඔවුන් නියෝජනය කරන සාමාන්‍ය මිනිසාගේ දුක්ඛ දෝමනස්සයන් කෙබඳු වනු ඇතිද? 

භෞතික දේපළට වඩා ජීවිතත් ඒ ජීවීත ජීවත් කරවා ගැනීම උදෙසා රටේ සාමාන්‍ය මිනිහා කොපමණ දුකක් දරන්නේද? 

කිසිඳු අමතර බල වරප්‍රසාද නැති සාමාන්‍ය මිනිසා තමාගේ එදිනෙදා ජීවිතයේ විවිධ අවස්ථා වලදී නීතිය හා සාධරණත්වය ඉටු නොවීම තුළ කොතරම් පීඩාවකට ලක් වෙනවා ඇත්ද? 

ඒ අසාධාරණයන්ට එරෙහිව හුදෙකලා සටන් කොපමණ වේදනාත්මක වනු ඇත්ද?

නඩුත් බඩුත් හාන්දුරුවන්ගේ වන නොවන කොයි විටත් සාධාරණය උදෙසා සාමාන්‍ය මිනිහාට කොපමණ මිලක් දැරිය හැකිද?

තමා සහ තම පවුල පීඩාවට පත් වෙද්දී දුක වේදනාව සමඟින් හැඟීම්බර වන මහජන නියෝජිතයන්ට ඒ බඳු කාරණා ගැන හැඟීමක් දැනීමක් අඩු තරමේ තමා නියෝජනය කරන්නේ එබඳු අවශ්‍යතා වලින් මිරිකෙමින් සිටින පීඩිත මහජනතාවක් බව බොහෝ විට මතකයේ නැති ය. නැත්නම්, අමතක කොට හැසිරීම බලය සමඟින් අවස්ථාව ලබා ගැනීමට මඟක් කොට ඇති හෙයින් තම දේශපාලනය උදෙසා ම මේ ක්‍රමය පවත්වා ගෙන  යනවා ය. දෙන දේ අරගෙන වෙන දේ බලාගෙන ඉන්න පුරවැසියාට ඔවුන් හරි ආදරේ ඒකය.

ඡන්ද කාලයට මොන මොන මහප්‍රාණ කීවත් වැඩේ පිළිවෙල එහෙමය. සැළකිල්ල තමාගේ ළඟම පාක්‍ෂිකයාට මිස පොදු මහජනයාට නොවේ.

මේ ක්‍රමයම ප්‍රචණ්ඩය. නීතිය තුළින් වුව යුක්තිය ඉටු කර ගැනීමට අනවරතව සටන් කළ යුතුව ඇත. ඒත් සාධාරණය අවිනිශ්චිතය. ඇතැම් විට මිල අධිකය.

හැමෙකා බලය පසුපස දුවන්නේ බලයට මෙහෙවර කිරීමෙන් මිස සුව පහසු දිවි පැවැත්මට අදාළ නිදහස් නිවහල් ක්‍රමයක් රට තුළ නොවන නිසාය. නමුත් පිළිතුර පවතින්නේ බලය තුළ නොව සාධාරණ ක්‍රමයක් ඒ ක්‍රමය නඩත්තු කරන විනයක් / නීතියක් තුළ බව දැන් වඩාත් පැහැදිලිය. එසේ තිබියත් සාම්ප්‍රදායික වහල් මනස ආවඩන්නේ පවතින ක්‍රමයටම මුක්කු ගැසීමටය. දුර්වල විට හිස් සඟවා බලය සහිතව කවදා හෝ යළි ඒ ප්‍රචණ්ඩ හිස් එසවීමටය. 

රටේ භාණ්ඩාගාරය හිස් වන තුරුත් කිසිවෙකුට කිසිවක් ගැන වගේ වගක් නොතිබුණි. පාර්ලිමේන්තුව විනෝද සමයක් විය. ප්‍රචණ්ඩත්වයට බිම් සකසා එහි බීජ වපුරා සුපුරුදු සම්ප්‍රදායෙන් අස්වැන්න නෙළීමට අසමත් වූ කළ ප්‍රචණ්ඩත්වයේ ඵල විපාක ගැන බණ කථා කිරීමේ ඵලය කිම. 

දේශපාලනයේ ඉහ නිකට පැහැණු මොවුන්ගේ කටේ නිතර තිබුනේ හැත්තෑ අසූ ගණන් වල භීෂණ සහ ත්‍රස්තවාදයට එරෙහි යුද්ධය ගැන ආප්තෝපදේශම ය. ඉතින් ඔවුන් සාධාරණ ජන ආවේගයකට ගිනි තැබුවේ ඒ අතීතයෙන් ප්‍රචණ්ඩත්වය පිළිබඳ පාඩම් අමතක වූ නිසාද? 

කුරුමානම වරද්දා ගෙන සමාජ වෛරයකට ගොදුරු වී අවස්ථාවාදීන්ට එහි අනිසි ඵල නෙළන්නට ඉඩ හැදුවේ මහජන මන්ත්‍රී කියා ගන්නා ඔවුන්ගේම කණ්ඩායමක් නොවේද? 

ඔවුන්ගේ ඒ දේශපාලනික ආවේගය සමාජය පරණ තැනට ම තල්ලු කරන කාලකණ්ණි ප්‍රචණ්ඩ ක්‍රියාවක් පමණක් බව දැන් තව දුරටත් පැහැදිලි ය. 

මිනිසෙකුගේ නොව සතෙකුගේ වුව පර පණ නැසීම, දේපළ විනාශය හෝ කොල්ල කෑමේ තිරශ්චීනත්වය ගැන අමුතුවෙන් කතා කිරීමට දෙයක් නැත. 

එබැවින් යුක්ති සහගත සමාජයක්, යහපත් සාධරණ ක්‍රමයක් දක්වා රට තල්ලු වන තුරු අප විසින් පවත්නා ක්‍රමය වෙනස් කිරීමට සාධාරණ ආවේගයක් තව දුරටත් මුදා හළ යුතුමය. එය ප්‍රචණ්ඩත්වයක් නොව සමාජ ප්‍රගමනයට අවශ්‍ය මහජන දායකත්වයක් විය යුතු ය. එය විවිධ පැහැයෙන් යුතු මලින් පිරුණු මල් වට්ටියකි, ඊට අත ගැසීම පින්කමකි.

ප.ලි.

තුනෙන් දෙකක බලයක්, හැටනව ලක්‍ෂයක ජනපති කෙනෙක්, වික්ෂයක් ස්වාධී මන්ත්‍රී කණ්ඩායම් සියල්ල මැද රනිල් අගමැති අද අපට හිනා වෙයි. ඒ හිනාවෙන් පැවසෙන්නේ තමාගේ ස්ථාවරයයි. රටක අස්ථාවරයයි. අපි මෙතෙක් නඩත්තු කළ දේශපාලනයේ ස්වරූපයයි. අප උපයා ගෙන ඇති වත්කමයි. 

අනෙක් අතට මිය යන හෝ ඝාතනය කෙරෙන හැම ජීවිතයක් හෝ ජීවිත පරිත්‍යාගයක් ලෙස සැළකෙන හැම මිනිසෙකුම සිහි කරන්නට මිනින්තුවක් නිහඬ වෙන අපි එබඳු ජීවිත දස දහස් ගණනක් වෙනුවෙනුත් එවැනිම මිනිත්තුවක් වැය කරනවා මිස වසර ගණනාවකට අප කථා කළ යුතු උගත යුතු කිසිවක් සමාජයක් වශයෙන් උගෙන නැති බවද අවධාරණයට ගත යුත්තේත් රටක් හැටියට ම ය. ඒ නිහඬ මිනිත්තු තුළ කියවන්නේ අපගේ රාජ්‍යයේ නිර්ලජ්ජිත ශෝකාන්තය ය. තවමත් අප මිනිස් ජීවිතයක් පිළිබඳ තබන අවම ලංසුවේ කතාවය.

පීලි දෙක✌️

 

පිළිමල් ඇඟිල්ල 👍 (තරු පටි බදා , සුදු කර පටි හදා නොඉඳ ~ යමු අපි පටිපදා වෙතට !)

ධර්මය වැඳලා ඇවිත් රට ගිනි තැබීමේ සංස්කෘතිය රටෙන් අතුගා තමාගේ එකාට, පිට එකාට, විරුද්ධවාදියාට වශයෙන් තොරණ් පෙන්වන වෛවර්ණ නීතිය වර්ණ අන්ධ කොට සැමට යුක්ති සහගත කළ යුතුයි.  බොරු සෝබන අමූලික ශ්‍රද්ධාව පසෙකලා ප්‍රතිපත්තිමය පින්කම් වලින් රට පෝෂණය කෙරුණොත් අපිට සැනසිලිදායක හෙටක් හැදේවි !

සුළඟිල්ල

 ( රූපය ~ අන්තර්ජාලයෙනි)

පරමාධිපත්‍ය බලය අප සතු බව දැනෙන විට / වටහා ගන්නා විට අප සතු එයම පමණක්ය.

දින සති මාස කිහිපයකට නොව ජීවිතය ඇති තුරු ඒ බලය සාධාරණව යුක්ති සහගතව සිහි නුවණින් භාවිත කරන්න.

 

පිස්සුද හැටිද ! ~ ! ඒ අපේ ...(කට ප්‍ර බලය, හිත දු බලය)

රටේ මේ තරම් දේවල් සිදු වෙද්දී දේශපාලන නායකයින් කියා ගන්නා මිනිසුන්ට කොන්දේසි වලින් එහා එකඟතා නැතිද? 

ඉහළම පූජ්‍ය පක්‍ෂයේ සිට මහමග යාචකයා දක්වා සියළු වෘත්තිකයෝ, ශිෂ්‍යයෝ, උගත් නූගත් රට වැසියෝ කියන්නේ කුමක්ද?

අත්‍යවශ්‍ය සියල්ල සීමාකාරී වෙමින් යයි.

අවසන ගෝඨාභයගේ හිතේ ඇති දේ දන්නේ ඔහු ම පමණි. අප වැනි සාමාන්‍ය මිනිසෙකු නොවන තවමත් රටේ නායකයා වන ඔහු බොහෝ ප්‍රමාදවූවා වැඩී. 

දැන් ඒ පමා වේ එල්ලී අපි තවත් කොපමණ පමා වෙමුද?

ඔහුගේ වරදටම එක් වී අපත් වරද්දා ගන්නවා ද?

කෙටි කාලීනව ගත හැකි අත්‍යවශ්‍ය ක්‍රියා මාර්ග නොපමාව ගත යුතු නොවේද?

ඔහුගේ ඉල්ලා අස්වීමේ එල්ලී විපක්ෂයේ පක්‍ෂ වගකීම කල් දමති. 

පැවති ආණ්ඩුවේ ස්වාධීන වූවා යැයි පවසන පිරිස් විවිධ නායකත්වයන් යෝජනා කරමින් කල් මරති.

සියල්ලෝ ම කල් බලති. යෝජනා දමති. කවදා වන තුරුද ඒ?

කුමකටද ඒ?

අත්‍යවශ්‍ය සියල්ල තවදුරටත් සීමාකාරී වෙමින් යයි.

මෙහෙන් නොනවතින අරගලයකි.

සකි,

මහ බැංකු අධිපතිවරයාත් සිය තනතුර අත්හැර දමා යන තෙක් ම අපි හැම කල් බලමුද?

හිටපු අගමැති රටම ගිනි තබා ගියේය.

ජනපති තීරණයක් ගන්නට ඉන්නේ කුමකින් කුමක් වූවාට පසුව දැයි දන්නේ ඔහුම පමණි.

ඔහු නැවත සොරි කියනු ඇත.

දැනටමත් රටේ ආර්ථිකය ඔස්සේ අනාගතයට සොරි වී ඇති බව මහ බැංකු අධිපතිවරයා දැන් අවධාරණය කර ඇත්තේ වරක් දෙවරක් ද?

මේ මහජන නියෝජිතයින් කියනා මිනිසුන්ගේ සති ගණනාවක හැසිරීම කුමන නම් පිස්සුවක්ද ? ඒ ඔවුන්ගේ හැටිද? සියළු දෙනා තම වගකීම් වලින් මිදී මහජන නියෝජිත කම් අතහැර ගෙදර හිඳීම මේ කොන්දේසි මත නැහීමට වඩා හොඳය. දැන් කියා මහ වෙනසක් තිබේද? අද රාත්‍රී ජනපති විශේෂ ප්‍රකාශය මේ රටට විසඳුමක් ගෙනෙන තැනකට නතු කර නොගන්නේ නම් ~ හැම ගේ කැපවීමක් නැත්නම් මේක පිස්සුවක්ම පමණි.

නහයෙන් උඩටම වතුරේ ගිලුණාට පසු ටික වේලාවක් හුස්ම පවතිනු ඇති. ඉන් පසු සියල්ලන්ටම ඒ උමතුව තුළ සතුටින් විනාශය අත්දකින්නට හැකි. රටේ උන්ට පිස්සු හා ඒ අපේ හැටි බව අවට ලෝකයා එවිට තහවුරු කර ගනු ඇති.

අලුත් ක්‍රමයක් ~ විනයක් (මගේ රට කිය කියා කරන මජර කුපාඩිකම් වලට බළල් අත් වෙනු එපා)

පොදු අරමුණු තුළ තමන්ගේ පුද්ගලික වෛරයන් පිරිමසා ගැනීමත් අවස්ථාවාදී ව කඩා වඩා ගැනීමත් නිර්ලජ්ජිත කුහක දේශපාලුවන් ආ වැඩූ පරණ සංස්කෘතියේ නෂ්ඨාවශේෂයන්ය. විනාශ කළ යුතු දශක ගණනාවක් නැවත නැවත අපව විෂම චක්‍රයක ලූ ඒ අධම පන්නයයි. මගේ රට කිය කියා මජර දේශපාලකයන් සිදුකළ දේම තවත් අය දිගින් දිගටම කරයි නම් ඔඋනුත් මජර මය. 

සමාන්‍ය පුරවැසියා ප්‍රතික්ෂේප කරන්නේ ඒ මජර බලය යි. යහපත් රටකට අවැසි නිවැරදි ක්‍රමයක් හා ඊට සරිලන විනයක් ම යි. ආවේගය පළ කරමු. ඉවසීමත් පුරුදු කරමු. සාධාරණ වෙමු. ශක්තිමත් වෙමු. යුක්තිය වෙනුවෙන් පෙනී සිටිමු. 

රුධිර පිපාසිතයන් වැඩූ අරමුණු පරදවමු. කෙළවර ~ යහපත් රටක් හදා ගනිමු!

නූගත් පාඩම් උගන්වා ගෙන ~ හදා ගමු රට ලොව දිනා ගෙන

 

පරණ දේශපාලු මග එපා! ඒ ඔවුන් අපට පෙන්නා ගිය විනාශයේ පාර මිස අලුත් රටකට මග නෙවෙයි !

ඕනෑම දෙයක් සාමාන්‍ය තත්වයන් තුළ විසඳා ගැනීම නිවැරදි ක්‍රමයයි.  ආණ්ඩුව ඒ සීමාව ඉක්ම වූයේය. රටම නාඩගමක් වූයේ ඉන් අනතුරුවයි. ආණ්ඩුව ඒ සීමාවද ඉක්ම වූයේය. සියල්ල විගඩමක් වූයේ ඉන් පසුවයි. රට යළි ගොඩ නගන්නට නම් ~ පළමුව ආණ්ඩුව හැදූ විගඩමෙන් යළි සාමාන්‍ය තත්වය දක්වා රට ආපසු ඇදගෙන ආ යුතු ය. එය කළ යුත්තේ අප හැමය.

විනයකින්, නීතියකින් තොරව යළි ගොඩ නැගීමක් තබා ආපසු හැරීමක්වත් සිදු කළ නොහැකි වනු ඇත.

තරුණ පරම්පරාවක කැපවීමේ ප්‍රතිඵලය, සමස්ථ මහජනයාගේ සැබෑ උවමනාව අපතේ හැරීම හෝ ඒ අවස්ථාව අපතේ හැරීම කිසිසේත් කළ යුතු නොවේ. ආවේගය නිසි තැන නිසි විට මිස ආවේගයෙන් ම රටකට ගමනක් යා හැකි නොවේ. 

එබැවින් අප ආවේගයෙන් ඉදිරියට යාමට පෙර නැවත ආපසු හැරී ඉවසීමේ අරගලයට පැමිණය යුතුමය.

දේශපාලුවන් බලයෙන් මත්වී අත්දුටු විනාශය මහජනයා වශයෙන් රටක් වශයෙන් ආවේගයෙන් මත්වී අප උදා කර ගත යුතු නැත.

සුදු කලු

 

-------------------------

 අද රටේ පාර්ලිමේන්තුවක් නැත. ඇත්තේ නාඩගම් මඩුවකි. අදත් හෙටත් එහි රටටම නාඩගම් පෙන්වනු ඇති. වගන්ති වලට වහං වී  ජනතාවගේ අටු කඩා හපුටු උන් පුටු හදා ගත්තා පමණකි.

උන්ගේ පරපුටු කඩා ජනතාවගේ අටු සකස් කර ගනු විනා දැන් අන් මගක් නැති.

 එදා මෙදා අවස්ථාවාදය උරෙන් උර මාරු වූවාට ඔබට මට යහපත් රටක් හැදෙන්නේ නැත ~ ජරාජීර්ණ ක්‍රමවේදය ම වළ පල්ලට යැවිය යුතුය. ක්‍ෂණික විසඳුම් වලට එහා ප්‍රතිපත්තිමය අවංක භාවයකින් තොරව රටක් ගොඩනංවනු නොහැක ෴ හැමට වගකීමක් ඇත. ඊයේ, අද, හෙට හෝ අනිද්දාට පසුවත් එය එසේමය !

 

෴

ධර්මය හා විනය ශාස්තෘන්ගේ ඇවෑමෙන් ගුරු තනතුරට පත්වන්නේ වටින්නේ අනුගාමී හිසක් නොව ප්‍රතිපදාව හෙයිනි.

රටක ට නිවැරදි ඔළුවක් ~ නායකත්වයක් යනු හුදු හිසක් මත නොවෙනස් වන ප්‍රතිපත්ති මාලාවක්, ජාතික ප්‍රතිපත්තියක් !

අපට ඕනෑ යහපත් හෙටක්, යහපත් රටක්, ජරාජීර්ණ කුණු වුණු පිළුණු ක්‍රමවේදයට විකල්පයක් මිස පරණ ඉඳුල් වලට අළුත් පිඟානක් නොවේ !

෴

රට ජාතිය කියා බොරුවට තැටමුවා මිස පාලකයො කිසි දිනක රට සංවර්ධනයට ජනතා දායකත්වය ගත්තේ නෑ. තරුණයන් ව යුද්ධෙට දැක්කුවා මිස තරුණ ජවය රට සංවර්ධනයට දායක කර ගන්න කිසි නායකත්වයක් වැඩ පිළිවෙලක් තිබුණෙ නෑ. අලුතෙන් හිතන්න, රටේ ඉදිරිය ගැන හිතල හදපු කාලරාමුවක් තිබුණේ නෑ. තමන්ට දේසපාලන අනාගතයක් තියෙනවද කියන එක මිසක් රටට අනාගතයක් තියෙනවද කියන එක හිතුවෙ නෑ. ජීවත් වෙන්නෙ මේ පොළොවෙ කියන එක ගැන හැඟීමක් තිබුණේ නෑ. අපිව රස්තියාදු කළා. ගමේ ග්‍රාම නිලධාරිගෙ කාර්යාලයේ ඉඳන් ජනාධිපති ලේකම් කාර්යාලය දක්වාම රස්තියාදු කළා විතරයි. කරපු සොච්චම ගැන කෝටියක් කයිවාරු ගැහුවත් නොකෙරුණු කෙළ කෝටියක් කාරණා ගැන කිසිම විචාරයක් තිබුණෙ නෑ. කෙරුණ සාධාරණ සදය විචාරයක් වත් සත පහකට මායිම් කරපු ඉතිහාසයක් අපි දැකල නෑ.

බලය ඉස්සරහ උවමනාවටත් වඩා දෙකට තුනට නැමිල

අතිගරු

ගරු

කියමින් ඇත්තෙන්ම ගරුකටයුතු මිනිස්සුන්ට තිබ්බ වටිනාකමත් නැති කර ගත්ත සමාජයක් අපි. ඒ කාලෙම ආචාර්යවරු පැටව් ගැහුවා. දේශමාන්‍ය කම් වීරයො ජාති හිතෛශීන් හැම තැනම. ඒ හින්දම වෙන්න ඇති අද අපි මෙහෙම තැනක.

සුදුස්සා සුදුසු තැන ගන්න සටන් කරන්න ඕන රටක් හැදුනෙ ඔන්න ඔහොම.

තවදුරටත් අපේ මහ වුන් වැරදුණු තැන්, වරද්දාපු තැන් පිළිගන්න සූදානමක් නෑ. හිස කඳෙන් වෙන් වුණාට පස්සෙත් කෙටි වෙලාවක් පණ ගැහෙන කවන්ධයක් වගේ දැන්. මහසෝනෙක් හදාගන්නෙ නැති වෙන්න නිවැරදි ඔළුවක් ඕන වෙලාවක් දැන්. ආපස්සට ගමනක් නැති ඉදිරියට පමණක් යායුතු වෙලාවක් දැන් !

2022 +

 යහපත් දේශයකට ආයුෂ බොහෝ වේවා ! මේ අලුත් අවුරුද්දේ 🙏🌞🇱🇰

රට වෙනුවෙන් අපි වෙනුවෙන්... පෙරට ම යමු !

 

බියසුල්ලා ?

අපමණ බලපොරොත්තු රාශි ගත කොට අසීමිත බලයක් ජනතාව විසින් පවරා ඇති කලද, කළ යුත්ත පසෙක ලා තම පවුලේ හා පුද්ගලික අභි~මානය තකා සැබෑ මහජන මතය මඟ හරින්නා බිය සුළු නිවටයෙකි. 

සැබෑ බහුජන මතය, සැබෑ වියත් මතය විමසන්න ෴

යහපත් රටක් හදා ගනිමු!

 

දින නියමයක් නොමැතිව වසා දමනු ලැ‍‍බේ.(ණය පියවිණි, පොළියක් ඇවැසිදැයි නොදනිමි)💙💚💛👍🇱🇰

අට වසරකට වැඩි කාලයක් තිස්සේ කිසිඳු පෙළඹවීමකින් තොරව (75000 කට වැඩි වාර ගණනක්) සුළු වශයෙන් හෝ යමක් පවසා, නොපවසා මුත් ‍මෙහි ආ ගිය (සෑම රටකම වෙසෙන සිංහලෙන් කියවන) ඔබ හැමට ස්තූතියි.

💟

අයුබෝවන්!

මීට, හලෝවි රස්ටා/ ශුද්ධ වු රස්තියාදුව

ආත්ම වංචාව

 

ඇබෑර්තු

පරාර්ථකාමී, බුද්ධිමත්, යුක්තිගරුක නායකත්වයන් සඳහා ලංකාවේ දේශපාලනයේ ඇබෑර්තු ඇත.

මහ ජනතාව විමසන්න.

රිපීට්!

 පුද්ගලයා සේම රටක්ද "ඡන්දයෙන්" වුව අගතියට යා යුතු නැත.

අපි - ඡන්ද, දෝෂ, භය, මෝහ - සතරෙන්ම අගතියට යමින් හිඳිමුද...

අපේ ගෙදර..

 "නීතිය ඇමට" මෙහි "ඇමට" යන්න "හැමට" ලෙස නිවැරදිව සංශෝධනය විය යුතුය.(නීතිය අකුරට)

රාජ්‍යයේ බාසාව (කළු ඉත්තෝ සුදු කරන විරංජන කාරක නොහොත් "සිස්ටම් එක")

එදා මෙදා "රාජ්‍ය භාෂාව" නිසා මෙරට ඇතිවූ ප්‍රශ්න බොහෝය. මා කියන මේ රාජ්‍යයේ බස ඒ භාෂාව නොවේ. ඒක අමුතුම එකකි. එය තේරුම් ගැනීම ලේසි නොවේ. සිංහල දෙමළ මුස්ලිම් කාටත් ඒ බස එකක්මය. බලය ධනය සමඟ ඇති ගජ මිතුරු පන්නය එහි පදනමය. 

කෝවිඩ් කියා හෝ ඒ බාසාවේ නම් වෙනසක් නැත. මේකට බොහෝ අය කියන්නේ "සිස්ටම් එක" කියාය. 

රටේ හැම කොනකම වාචික හෝ ලිඛිත භාෂාව ට එහා බලපවත්වන්නේ සන්නිවේදනයට වචනයක්වත් උවමනා නැති ඒ බාසාවයි. බොහෝවිට දේසේ හැටියට බාසේ යැයි කියා ඇත්තේ මේ බාසාවට මිතුරු අනෙක් බසට විය හැකියි. 

ඒ බාසාව මැනවින් උගත්තෝ මෙරට දිනන්නෝය. පාසලේ හෝ මළපොතෙන් අකුරක් ඒ සඳහා ඕනෑ නැත. හතර විලිලජ්ජාවක් නොගෑවුණු කපටිකම මේ සඳහා හොඳටෝම ප්‍රමාණවත්ය. 

රටේ ඉහළම තනතුරට, පදවියට පත් කරන මිනිසා මහජන ඡන්දයෙන් වෙනස් කළ හැකි වුවත් දියුණු ලක්වාසියාට අදටත් රස විඳිනන්ට සිදුව ඇත්තේ ඒ බාසාවමය. 

ක්රමේ නොහොත් ඒ කරුමය වෙනස් කරගැනීම ලාබෙට කරගත නොහැකිය.  රන්ජන් ලාගේ බාසාව උපදින්නේ ඔතැනය. සමහර වචන හැර ඒ බාසාව නැතිව  මෙරට ජීවිතය ද විහිළුවක්මය.

2021

ආයුබෝවන් ශ්‍රී ලංකා 

2021

සැමට නීරෝගිමත් සුබ නව වසරක් වේවා!