Friday, December 21, 2018

ස්මාර්ට් ප්‍රමේය තුන කි... හැකිනම් සාධනය කරන්න

ස්මාර්ට්
සරලත්වයට වඩා
සරලත්වය ස්මාර්ට්ය
ස්මාර්ට්
ප්‍රේමයට වඩා
ප්‍රේමය ස්මාර්ට්ය
ස්මාර්ට්
මනුස්සකමට වඩා
මනුස්සකම
ස්මාර්ට්ය

Monday, December 10, 2018

නග්නත්වය

මේක්අප්, කොස්ටියුම්
නැතිව බෑනෙ තදාත්මයෙන් රඟන්න
එතකොට බැහැනෙ මිනිස්සුන්ට අඬන්න
ජනතාවාදය, විනිවිදභාවය
මිනිස්සුන්ගෙ පරමාධිපත්‍යය නමන්න

Sunday, December 9, 2018

රැඟුම

සිරි දළදාව දකින්නේ හැමදා ළඟින්ම
සිරිමා බෝ මත ගසන්නේ නළලත තදින්ම
පිරුවට අඳින්නේ හැමදා කිරිසුද නැවුම්ව
ඒකයි මායාව රට රකිනුය කියමින් රඟන්න

Saturday, December 1, 2018

අපාය ආලය

අපාය හරි
සුන්දරයි ලු
මෙහෙට වඩා

මෙහේ ඉන්නෙ
ජඩ යමයොලු
එහෙට වඩා

Monday, November 26, 2018

මට්ටු

රටේ සිදුවන බොහෝ අමනකම් වලට වගකිවයුතු ගෙදර ආණ්ඩුව හා රටේ ආණ්ඩුවයි. නිසි ආණ්ඩුමට්ටුවකට අසමත් තැන බිය ලජ්ජාව පලාගිය තැන සිදු නොවිය හැකි දෙයක් නොවේ. අද රටම සිටින්නේ එවැනි සිරිකාලකණ්නි තත්වයක කීම අතිශෝක්තියක්ද නොවේ.
අප විසින් වෙනස් කළ යුතු තැන එතැනයි. ලංකාණ්ඩු මට්ටුව ගෙදරින්ම ඇරඹිය යුතුයි.

Saturday, November 24, 2018

ඉතිරි කොටස ළඟදීම..

ඔබ විශ්වාස කළද නොකළද වැසි ජලය තමාගේ වත්තෙන් පහළට ගලා යන්නට ඉඩ නොදෙන මහා සිංහල බෞද්ධයන් සිටින රටකි මෙය.

Saturday, November 10, 2018

💓


💓ජන හදවත් දිනවමු💕❤(ජනාදර දේශපාලනයක් උදෙසා හදවතින් එකාවන්ව)

සත්‍ය
යුක්තිය
සාධාරණය
සමානාත්මතාවය
සංවර්ධනය
නිදහස
ප්රජා +
තන්ත්රවාදය
තව බොහෝ දේ
ඉල්ලයි
ජන හද
ඒත්..
බොහෝ දේ
තවම
ඉල්ලෙයි
රටේ හදවත හෙල්ලෙයි
අමනුන්ගේ
අමන කම් මැද
එබැවින්ම
දිනවමු
හිස් ප්රතිරූප පරදා
අපේ ජන හද
💓❤💕
අපේ යහ ප්රාර්ථනා
එකාවන්ව එකපෙළට අත් බැඳ...

මගේ ඡන්දය හදවතට


💓❤💕 ජයගමු

💓❤💕
අපේ ලකුණ හදවතයි. ජනයාගේ රතු රුධිරය රැඳි හදවතයි. ඒ හදවතට එකඟව ජඩ, පර, නින්දිත, ජාගර, කාලකණ්ණි දේශපාලන ක්රමය පරදන්නට අපේ හදවතේ ගැඹුරින්ම ඉඩක් දෙමු. මෙවර අපි ජයගමු.

ඔබ



යහපාලන උතුමා


පැහැරුවා


උලාපන් බමතුව


Tuesday, November 6, 2018

ඉට්ස් අ මූවි


රට හොරු මුං, රට කන හොරු (වා වනු බැරිය සතුට)

අපේකමම නම් මෙතරම්ම පතන්නේ
ඇයි මහතැනම වැද්දෙකු හට නොදෙන්නේ
ආදිවාසි උරුමය උන් රකින්නේ
ලක් රජයකට බිංතැන්නයි ඔබින්නේ

අමුඩය ගසා කලිසන් කෙටි ගලවා ලා
රෙද්දක් ඇඳන් ගැහැණුත් උරුමය පාලා
කාර් වෑන් නැව් මුහුදේ ගිල්වාලා
දුන්නයි අත්පොරෝවයි ගමු වැඩදාලා

සතෙක් පොඩිවටම දුන්නෙන් එලාගෙන
බාබකියු එකක් උරුමෙට දමාගෙන
සංස්කෘතිය කිරිකොරහක් නටාගෙන
ඉමු අපි තුටින් අපගේ කම බදාගෙන

පච පච හලා පචයෙන් රට නැළවූවෝ
සිල් රෙදි බෙදා දසසීලෙන් ඇන්දූවෝ
උරුමය දෙසා දළ රැවුළෙන් පොර වූවෝ
ටයරය දමන් අපි දක්කමු බිංඌරෝ

රට රට යන්න හරි ආසයි දත කනවා
මෙහෙ පොර වෙන්න දෙසරැස ගැන දොඩවනවා
ලැබෙන තැනදි ගෙම්බන් බොහොඬන් වෙනවා
අපි කවුරුන්ද උන් අපෙ රට කරවනවා

Monday, November 5, 2018

කැසිකිළි


රට නැගීම (බලු වීම/බ්රේකින් බ්ලව්ස්)

කලක පටන්ම රජයේ අමාත්‍යංශ පොදු වැසිකිළිවලටත් පහළය. එ නම් ඒවායේ අමාත්‍යවරුන් යනු සාමාන්‍ය වැසිකිළි පවිත්ර කරන සේවක මහතුන්ටත් වඩා පහත් එහෙත් වැඩි පඩි ලබන අසාධාරණ වරප්‍රසාද ලබන ගරු වැසිකිළි ශෝධකයන්ය.

සුදුස්සාට සුදුසු තැන දෙනු (විවස්ථාව දරුවන්ට දෙමු/ හොඳම දේ දරුවන්ටයි)

ජනාධිපතිකම දීලා වල් බල්ලෙකුට
අගමැතිකමට අපි දාගමු ඌරෙක්ව
පාර්ලිමේන්තුවම දන් දී පින් නරියන්ට
ඩිවිෂන් රීජනල්  පවරමු පිස්සන්ට

ගරු ගරු හැමතැනම ගරු ගරු ගරු සරුව
පච පච හැමතැනම පච පච පච හැලුව
හතු බඳු උතුමන්ට වැඳගෙන රෙදි නැතුව
බුදුනුත් විකුණගෙන සිරිලක රැක ගනුව

විකුණනවාලු පෙරදා සිට රටේ හම
එහෙම කියා තැලුවේ මුතු ඇටේ මය
පුළුවන්කම තිබේනම් ගලවලා හම
අපි හැම මියෙන තෙක් ගහපන් අමන පද

කාලය කකා අපගේ ලේ අවුලුවලා
ගහලා ගැට බෙල්ලටම තොණ්ඩුව දාලා
මිනිස්සු කඩේ යවලා බඩු ගෙන්නාලා
උන් රස කරති අප මත බර පටවාලා

ලාබය තකා බෙදනා විට ඒ හැන්දෙන්
ඡන්දය ඇඳිවතත් ලාබෙට විකුණාපන්
ඔන්න ඔහොම සුදුස්සාට තැන දීපන්
ආපහු හෙට දිනෙත් ඉල්ලාගෙන කාපන්

Sunday, November 4, 2018

දෙවියන්වහන්සේ ගේ අවධානය පිණිසයි!(යමරජු සමඟ ගිවිසුමට පෙර, සංක්ෂිප්තව)

රනිල්, මෙෙත්රී, මහින්ද මේ උදවිය දැන් හැට පහත් පැන්න උදවිය. ආසන්න වශයෙන් කව්රු ඉස්සර වුනත් මේ අයත් මැරෙන මිනිස්සු. තව අවුරුදු කීයක් දේශපාලනේ කරන්නද. මේ දේශපාලනේ අනිත් නායකයොත් ආනුගාමිකයොත් අපි කවුරුත් අන්තිමට මැරෙනවා, රට පවතිනවා, පරම්පරා අලුත් වෙනවා. නමුත් අදටත් මේ රටේ ප්රාදේශීය සභාවකින්වත් තමන්ගෙ ප්රදේශයේ ජනතාවට සාධාරණය යුක්තිය ඉටු කරල දෙනවද?
දෙවියන්වහන්ස, අපට විලිලැජ්ජයි.
සරල ප්රශ්නයක් විසඳගන්න ජීවිත කාලයක් බලාන ඉන්න වෙනව, සමහර දේවල් ජීවිත කාලෙකවත් විසඳන්න බලාපොරොත්තුවක් නෑ.. එතකොට මේ දේශපාලනේ මොකක්ද? ප්රාදේශීය මට්ටමේ සිට රටේ සමස්ථය දක්වාම නොමැරී පවතින්න  පන්සිල් අරගෙනම ප්රතිරූප හදනවා. රටක පැවැත්මට ක්‍රියාපිළිවෙළක්, ඒවා යාවත්කාලීන කරන ක්රමවේදයක්, යහපැවැත්ම සඳහා ප්රතිපත්ති හදනවා වෙනුවට තමන්ගේ පැවැත්මට පක්ෂයේ පැවැත්මට කබරයා තලගොයා කරගත හැකි කූට ලියවිලි රටේ නීතිය, මූලික රාමුව කරගෙන, රටේ සිහියෙන් ජීවත්වෙන උන්ව නොමරා මරණවා.
දෙවියන්වහන්ස, අපට විලිලැජ්ජයි.
එක්කෝ මේ රටේ ඉන්න සැබෑ  කාලකණ්ණි ටික සුනාමියකින්වත් අහවරක් විය යුතුයි. නැත්තම් මේ රටේ ඉන්න සැබෑ මනුෂ්‍යයන් වහවහා නිවන් දැක්කිය යුතුයි. ස්වර්ගයට ගත යුතුයි. හැමදාම නොමැරී මැරෙන මේ රටේ අහිංසක සාමාන්‍ය යුක්තිගරුක සත්‍යගරුක මිනිහට කවදා කාගේ සරණද?
හොරුන්, මැරයන්, දූෂකයන්, අසාධාරණ නීතිගරුක නැති, යුක්තිගරුක නැති පාදඩයන් ට පවා සුප්රසිද්ධව වැජඹෙමින් හුරේ දැමිය හැකි රටක, යහපත් වෙන්නටැයි දරුවන්ගේ පෙළපොත් වල විහිළු කතා ලියන එක පමණද ඒ යහපතට දෙන ඇගයීම. 70 ගණන් වල 80 ගණන් වල රැවටුවා, 30 වසරක් විඳෙව්වා. ඊළගට මුන් දරුවනුත් රවටා තමන්ගේ දරුවන් රට දොක්කන් පතන්නේ කුමක්ද?
දෙවියන්වහන්ස, විලිලැජ්ජාවේ සීමාව අහවරය.
දේශපාලනයම ගසා මුන් සියලුදේ කාලය. දැන් ඇත්තේ යහපත් මිනිසුන්ගේ රීරි මාංශය පමණි.
කෝවිලේ, දේවාලේ දෙවියන්ගේ සිට පන්සලේ බුදුන්ගේ සිට පල්ලියේ ජේසුතුමා, නබිතුමා , දෙවියන්වහන්ස, ඔබතුමාගේ පූජකයින් පවා විවිධ අල්ලස් දී මිලදී ගත් කළ කර පෙර කී සාමාන්‍ය මිනිසාව තවදුරටත් ඇහෙන්නේ පෙනෙන්නේ කාටද? නීතිය හරි ගණන්ය. එහි සාධාරණය පතා පරම්පරා ගණනක කැපකිරීමක් කළ යුතුය. කිරි කෑ මුත්තාගේ තීන්දුව ලැබෙන්නේ හෙට උපදින්නට බඩේ ඉන්නා දරුවාගේ අතට වියහැකිය.
එහෙනම් ථෙරපුත්තාභය දහමේ චිරස්ථිතිය පැවසුවා සේ යහපතුන්ගේ චිරස්ථිතිය උදෙසා අපත් යමරජු සමඟ ගිවිසුම් ගසන්නටද?
අපව දරමිටිය බදින්නට ගත් ලෙස අප මේ අපකන අමනයන්ගෙන් දුනුදිය නගන්නම්!
දෙවියන්වහන්ස, ඔබ වහන්සේට හිස නමමි, යමරජුගේ දෑත් ශක්තිමත් කිරීමට අවසර!

Saturday, November 3, 2018

වර්චස් පිඩේ නීත්‍යානුකූලභාවය නොහොත් ප්‍රසිද්ධියේ රමණයට මරණයට අවසර?(අත්පොළසන්,ජයඝෝෂා,ප්රීතිඝෝෂා,වෙඩිහඬ)

කන්ට ඕනෑ විට කබරයා තලගොයා කරගන්නා නිවට කොන්දක් නැති නායක ප්රතිරූපධාරීන් නොමැරී ජීවත්වන තාක් අපේ රට ජාතිය බිඳකින් නැගෙන්නේ නැත. (අත්පොළසන්,ජයඝෝෂා,ප්රීතිඝෝෂා,වෙඩිහඬ)

Thursday, November 1, 2018

ඉල් ලංකා (අතුරුපසට ගම කා)

කියන දේ කරන
කරන දේ කියන
කටින්ම කතා කරන
මිනිසුන්  නැතිය රට හදන

අධෝ මුඛයෙන් බණ දෙසන
හැරෙන අතට වැඳ වැටෙන
අසූචි වළෙන්ම රන් පතන
සිහිමඳ උන්ය රට නසන

පක්ෂ ගහගෙන කිහිල්ලේ
පාට ගාගෙන නළල්ලේ
ගොටුව අල්ලන් කැකිල්ලේ
තොපිය බොන්නේ රටේ ලේ

Wednesday, October 17, 2018

එමින් ගමන්..

ජාතික හැඳුනුම්පත් එක් දින සේවයේ පරිශ්‍ර තුළ වරුවක් කල් මරණ මහජනයාට ඒ තුළ ඇති රූපවාහිනී තිර මත ළමා චිත්‍රපටයක් වෙනුවට  තම හැඳුනුම්පත පැය කිහිපයකින් සැකසෙන හැටි දැනුම්වත් කෙරෙන රූපමය වැඩසටහනක් තිබුණි නම් කෙතරම් අගේද හිතුනා!

Monday, October 8, 2018

සමාජයේ විද්‍යාව භාවිතයට (තියරියෙන් පිට ග්‍රාම්‍ය මං සහස් වටී°)

හක්ක, බොක්ක හා ලිප්බොක්ක  අතර ඇත්තේ අසාමාන්‍ය කුටුම්බ සම්බන්ධයකි.
මේ තුනම හොඳින් හඳුනන්නා හුදෙකලාව වුව හෘදය සමාජානුයෝජනයක් ලබන සහෘදයෙක් වන අතර ජන විඥානය සංස්පර්ශයේ උරුමය ලබයි.
නැත්නම් එහි ප්‍රරත්යාවර්තයද විය හැකිය.
මේ ලිප්බොක්කේ සමාජානුයෝජනයක් නැති පාලකයන්,රදළයන් අතට රටේ බලය හුවමාරු වීම අප කිසියම් අංශයකින් සැබෑ සංවර්ධනයක් නොලැබීමට ප්‍රධානතම හේතුව බව අද දක්වාම දක්නට ලැබෙන රාජ්‍ය අනුග්‍රහ සහිත නා නා විගඩම් සංස්කෘතියෙන් මොනවට පැහැදිලි වේ.-

*සේවයට සමානුපාතද පඩිපත අනුලෝම?
*සේවය සමානුපාතද මහජන ඉල්ලුමට?
*වියදම දරන්නේ පාලකයන් ගෙදරින්ද?
*හක්කේ බොක්කේ ලිප්බොක්කේ මොනවාද?

+හක්කේ ධර්මයත් බොක්කේ දඩමසත් ලිප්බොක්කේ ගින්දරත් තුළ සමාජය සැමදා වියවුලකම හෙළා යථාර්ථයෙන් පලා ගොස් විසඳුම් සොයන රටක් බවට අප පත්ව ඇත්තේ මේ සමාජයේ සරලවම ඇහැට පෙනෙන විද්‍යාව භාවිතයට නොගන්නා විපාකයෙන් නොවේද?
පහේ පන්තියේ ප්‍රශ්න පහෙන් එහාට යා නොදී අතේ පයේ හයිය අපතේ යා නොදී හිතේ හයිය ගංවතුරේ ගලන්නට ඉඩ නොදී ලිප්බොක්කෙන් බොක්කත් බොක්කෙන් හක්කත් සවිමත් කෙරෙන ප්‍රත්‍යාවර්තී පාරමිතාවකට රටම පෙළගැස්විය යුතුය.
ජපානය නැගුවේ කොහොමද? මං දන්නේ නැත, හිත ඇත්තන් එය සොයා බලන්න. චීනය වැඩුනේ කොහොමද?
මිටි හල් මුට්ටිය ගඟේ ගියාවේ ගඟට උඩින් කොක්කු ගියාවේ.. නුඹේ අම්මා කිරට ගියාවේ..ඒ අම්මාගේ හා ඇගේ සැමියාගේ අනවරත කැපවීමෙන් තොරව අපට හෙටක් ඇත්තේම නැත. කොන්ක්රීට් පොළොවක් පමණක් තිබේ වි. ණයට කුලියට ඒ මත හතර රියනක් හිමි වේවි. කටින් රට වෙනුවෙන් පාරමිතා නො පුරා ක්‍රියාවෙන් ඔප්පු කරන්න ඔබේ බොක්ක හක්ක සේම ලිප්බොක්කත් එකම අරමුණක බව, අප රට නගන අරමුණක බව.
කපන්න කපන්න කැප වෙන මුවහත් වෙන සාමාන්‍ය මිනිස්සුනේ සමාජයේ විද්‍යාව භාවිතයට රොක් වෙන්න. පාට පක්ෂ නාමධාරීන්ගේ බලුගැත්තන් බත්බැලයන් නොවන්න. රට පෙරළන ශක්තිය ඔබගේ දෑත තුළයි. එය වටහා ගන්න.

Sunday, October 7, 2018

අසාමාන්‍ය පුරවැසියෙක් මි

අපිට ඕව වැඩක් නැත
අතීතයෙන් ඵලක් නැත
හරි වැරැද්ද ඕන නැත
නීතිරීති අපට නැත

පොලීසියත් මොකද්ද ඔය
ඉහළින් එන ඕඩර්ස් යම
දෙවියන් දෙන බෝනස් මට
උගේ මලය ෆුල් කික් එක

බලයේ ලෝ එක  අපිමය
ධනයේ ෂෝ එක අපගෙය
උඹලා අපේ අතයට මය
යුක්තිය අපටය ජාතක

Friday, October 5, 2018

කිතුලේ මළ තල

ඇඳ ප්‍රශ්න විසඳන්න
යහන් කඩා බිම බුදියන්න
අනියම් ප්‍රශ්න විසඳන්න
හූනියම් හදි කරපන්න
මනී ප්‍රශ්න විසඳන්න
බනී වගේ පැන යන්න
රටේ ප්‍රශ්න විසඳන්න
පදිංචියට රට යන්න

Thursday, September 13, 2018

Monday, September 10, 2018

ටෙක්ස්ට්

 / ජාතියත් ආගමත් විහිළුවකි අද දවස
හොයාපන් එහි වරද නොවේ එක පරපුරක
පිළිගනිමි හඳුනනා බුදු රඳුන් පමණක්ම
ඉන් එහා දෙයක් නම් චුයින්ගම් පමණක්ය

Tuesday, August 21, 2018

පොරොත්තුවන්න


වලිග (සටන්)

මාන්නයට ධන බල
නමන තෙක් යටි හිත
මෙරට නැගුමක් නැත
නටන නැටුමක් මිස

පුස්සමයි දකින්නේ
සෙස්සමයි රඟන්නේ
නිස්සමයි නසන්නේ
විසින්මයි නැහෙන්නේ

දෙසන තරමට මුසා
වැදෙයි අත් පොඩි පුතා
සහෝදර කම් හොඳා
කැටත් අරගෙන රටවටේ යං පුතා

විස්ස තිහ හතළිහක්
පනහක් හැටක් හැත්තෑවක්
ට්රයි එකක් දුන්නොත්
වලිග මුත් හොලවාවි බල්ලත්

Sunday, August 19, 2018

මටත් සම්මා ණයක්!

ඇස් ඇරන්
කට ඇරන්
නිදි වරන්
ගෙදර ඉඳන්
බලාන ඉන්නෙ
හම්බවෙනකන්
අඩු පොළියට
සම්මා ණයක්
රැඩිකල් හම විකුණගන්න
සීල් එක ගහන්

Friday, August 17, 2018

මම රහතෙක් නොවේ

මමත්වය ගෙන මනසේ
අවබෝධයේ අයස්ථානය සෙවීමේ
නිවනේ තැන නොතැන සෙවීමේ
විහිළුව හෙළුව නම් වැටහේ
බමුණන්ට නොවැටහේ
සෝපාකට වැටහේ
චුල්ලපන්ථක නූගතා වටහා ගනී
අංගුලිමාල මැර ට ග්රහණය වේ
ඒත් මුග්ධ බමුණන්ට නොවැටහේ
ඒ තෙමෝ ගණන් හදති
සංඛ්‍යානයෙන් විචාර ති
අඛ්‍යානයෙන් අරඹති
අමරාවික්ඛේපවාදයෙන් වස්ති කරති
අවබෝධය අතින්ම අල්ලන්නට හදති
නිවනේ ඇඳුරු නොකී තියරි සොයති
ගෝලන් අඹරට අවුළුවති
අපර අහසේ තරු රටා දැක
ගෝලෝ ස්වර්ගස්ථ වෙති
දැනුමේ අනුභාවයෙන් මත්වෙති
නින්දෙන් ඇහැරී දිව්‍යමය බසෙන්
දනන් අමතති
ජුගුප්සාවෙන් ඔක්කාරය හදති
එතැන් සිට අර්ධ සත්‍ය ඔක්කාරයෙන් පිට වේ
බමුණෝත් වෙස්ගත් බමුණෝත් ඔක්කාර සත්‍යය ජූස් කරති
ඔක්කාර සත්‍ය ජූස් වෙළඳපොළ කළඹයි
ඔක්කාර සත්‍ය ජූස් බී උත්තම වූ බමුණු වැසියෝ
නැවත නැවතත් ඔක්කාරයම කරති
ඔක්කාර සත්‍ය විෂ වේ
වටිනාකම දිය වේ
සත්‍ය නිහඬව වැළලේ
මමත්වය පැළවේ
දෙව්දත් සිහිවේ
දෙව්දත් සටන සිහිවේ
අජාසත් රැවටුනෙ ඇයිද සිත්වේ
නලාගිරිට කව්ද රා පෙව්වේ
බුදුන් වදාළ ධර්මේ
අප්‍රමාදය සිහිවේ
වර්ජන ගර්ජන තර්ජන මැද්දේ
සමාජය ක්රොස් කර බුදුන් දැක්කේ
ධර්මය පෙනේ
රජුන්ද පෙනේ
බමුණන්ට නොවැටහේ
එනමුදු
එව බලව
තව බලව
රස බලව
ධර්මයේ

පරම පර වී..(ජර මර)

පරම බොදුනුවා
පරම කිතුණුවා
පරම ඉස්ලාමිකයා
පරම හින්දුවා
පරම හේතුවාදියා
පරම ...... වාදියා
පරම සත්‍ය නම් හොයන්නේ
ගරහන්නේ කිමද නින්දිතව
කිසිවෙකුත් පරම නොවන බව පෙන්වමින්
ශුද්ධවන්තයන් නොවන හැමදෙනාම
සළකමින් එකිනෙකාට මිනිසත්කමට
අමතාපන් පරම නුවණැසට

Thursday, August 16, 2018

(ආනන්දයෙන් අමන්දානන්දයට) අවබෝධය අතින් ඇල්ලීම-

-ට යාම "බය නැති එකා" ඔබේ කන ඇල්ලීමට හේතුවේ. ඔහුට මොළය තිබුනොත් ඔබගේ කන අතගෑමත් ඔහු සිදුකරාවි.
අවබෝධය ඇත්තේ කොහේද? මොළයේ, මනසේ,
ගින්දර ඇත්තේ කොහේද?
අවබෝධයට හේතුවන සාධක ඇති තැන අවබෝධය පවතී.
ගින්නට හේතුවන සාධක ඇති තැන ගින්න පවතී.
අවබෝධයට හේතුවන සාධක ස්ථාවරයෙන් අවබෝධය ස්ථාවර වේ.
ගින්නට හේතුවන සාධක ස්ථාවරයෙන් සදාකාලිකව ගින්න ස්ථාවර කරගත හැකිය.
අවබෝධය අතින් ඇල්ලිය නොහැක, විමසා පරීක්ෂාකොට බැලිය හැක. බෙදාගත හැකි වුවත් බෙදුවාට පසු ඇමීබා පරිදි ස්ථාවරය තමතමන් සතුය.
ගින්න අතින් ඇල්ලිය හැක, අත පිළිස්සෙනු ඇත. බෙදාගත හැකි අතර ඒ බෙදීම අවුළුවා ගැනීම නමි.

නූතන නොමග

බමුණෝ කිති කවති
එදත් අදත් තම ගෝලයන්
ගෝලයෝ රුචිය කිතියට
එදා තරම්
රාමු හදති බමුණෝ
එදා සිටන්
ඇඳ පුටු මේස මත
සත්‍ය ගවේෂං
භාෂා ඥානය අස්සේ
සත්‍ය රිංගා සෝමපාලගේ උළු අස්සේ
ෂුවර් එකට සත්‍ය ඇත්තේ
ලිප් බොක්කේ අළු අස්සේ
මගේ ලෝකේ
උඹේ ලෝකේ
අපි නොදන්න ආලෝකේ
බෙදන්න තේ හැන්දේ
ස්ටෙන්ලස්ටීල්
අලුත් පිට උවමනාවට වැඩියි දිස්නේ
තර්ක අතර මැද්දේ
මධ්‍යම ලක්ෂේ
හරියට හොයාගත් දවසේ
ඒ අතරමැද හිඳ
දෙපැත්තෙන් තලා ගත්තම
සත්‍ය වෑහේ
මොළේ වී ඉස්මේ

Wednesday, August 15, 2018

ශුද්ධ කරපන්න හද - ලංකා

ඇහැට පෙනෙන පමණින්ම වුව, පිරිසිදු වූ සියල්ල අපිරිසිදු වෙයි. අපිරිසිදු කෙරෙයි. චුල්ල පන්ථක අත වූ රෙදි කැබැල්ල පිරිමැදීමෙන් අපිරිසිදු විය. කාර්මීකරණයෙන් පසු සීග්රයෙන් ගගන දෙරණ අපිරිසිදු වන්නට විය. මිනිසාගේ ආයුෂය විද්‍යාවේ මුක්කු වලින් දිගට දරා සිටියත් බෝ නොවන රෝග, පිළිකා වලින්  තක්කු මුක්කු වීම දිනෙන් දින වැඩිවෙයි. මානසික පීඩාව උග්‍ර වෙයි. පීඩනය වැඩි වෙයි. පිරිසිදු ජීවන රටාවක් තව දුරටත් ඇත්තේ නැත. අපිරිසිදු වූ අප හැම කාලයේ ආකාලයේ රස්තියාදුවකය. දේශපාලනික මිතුදම හරහා ලද බුදුන්ගේ ධර්මය දේශපාලනික භාවිතාව තුළම අපිරිසිදු කර ඇත. පිරිමැදීමෙන් අපිරිසිදු වුනු රෙදිකඩ සේ භාවිතයේ ස්වභාවයෙන් අපිරිසිදු වන ජීවිතය ගැන තේරුම් ගෙන ඉන් මිදීමේ මගක් කියාදුන් බුදුන් අපට කීවේ සාංසාරිකවම අපේ රස්තියාදුවෙන් අප මුදවන මගය. නන්නත්තාරව ජීවිතය සොයා ගත නොහැකිව රස්තියාදු වුනු බොහෝ දෙනා උන්වහන්සේ විසින් ඒ අනවරත රස්තියාදුවෙන් මුදවාගන්නා ලදී. බුදුරඳුන්ගේ මහා පෞරුෂය හදවතේ ගැඹුරට ගත් කිසිවෙකු දේශපාලන හෝ වෙනත් ළාමක තර්ක මත උන්වහන්සේගේ ධර්මය පටලවා නොගනී. බුදුන් දෙස බැලිය යුත්තේ උන්වහන්සේ පවසා ඇති පරිදිම ධර්මය තුළින් මිස බියර් බෝතලයක් හා සිගරට් දුමක් මැද්දෙන් නොවේ. තමන්ට තමන්ව විග්රහ කරගත නොහැකි තරමට අපිරිසිදු වුණු අපි පට්ට ගසමින් ලෝකය ධර්මය නානා ශාස්ත්‍ර විචාරමු. එබඳු විචාර දර්ශන වාද තුළින් යමක් අසු නොවෙනවා නොවේ. පරමාණුව බිඳ බලශක්තිය නිපදවන්නට හැකි සේම එයින් ලොවම මොහොතකින් නසන්නටත් හැක්කේ ඒ විද්‍යාව තාක්ෂණයක් මිස සැබෑ ඥානයක් නොවෙනා බැවිනි. දැළිපිහි දැනුම අවබෝධයෙන් තොරය. අපිරිසිදුය. ලෝකයේ ස්වභාවයද ගතිකය. සත්වයාද ඇතිවී නැතිවී යයි. එන්නේ කොහෙන්ද යන්නේ කොතැනටද භෞතිකව සිතා කටයුතු කිරීම පමණක් සෑහෙන්නේ නම් ලෝකය පිළිබඳ ගැටළුව බොහොම සරල  එකකි. බඩෙන් ඇවිත් කනත්තෙන් ඉවර වෙනවා නම් සියල්ල අපේ පංචේන්ද්රියන්ට හසු වෙනවා නම් ලෝකයට මෙතරම් උපකරණ උවමනා ද නැත. එසේ උපකරණ අදත් නිපදවෙනවා නම් එහි අරුත එකවර අපේ පංචේන්ද්රියන්ට හසු නොවන තවත් කොතෙකුත් දෑ පැවතිය හැකි බවය. බුදුන්ගේ ඥානය විමසීමට අප භාවිත කරන්නේ අපූරු නිර්ණායකය. හොඳට පදමට මොළය මත් කර අපි ධර්මය විචාරමු. එසේ නොවන අවස්ථාවන් ගැන කීමට ඇත්තේ අයින්ස්ටයින්ගේ ඥානය සේ බුද්ධ ඥානය නොසැළකිය යුතු බවයි. තවදුරටත් කීවොත් ඇපල් ගෙඩිය ඔලුවට වැටීමෙන් නිව්ටන්ගේ චින්තනය අවදිවීමත් සතර පෙර නිමිති දැක බෝධිසත්වයන් සිදුකළ අභිනිෂ්ක්‍රමණයත් කිසිසේත් සමාන නොවන බවයි. බුදුන් ගැන ඉඳුරා කිව හැකි තවත් බුදුවරයෙකුට පමණක් බව බුදුරඳුන් ශාසනයේ ප්‍රඥාවන්තයින් අතර මුල් තැන සිටි සැරියුත් තෙරුණට පැවසුවා නම් අපේ ප්රමාණයෙන් බුදුරඳුන් ගැන තීරණය කිරීම අපටම බාරය. ලෝකයේ සුපිරිම පරිගණක සමහරවිට ඇත්තේ එකකි? බොහෝවිට තවත් එවැනි එකක් නැත. එය සරල කතාවකි.
එසේ වූ පමණින් තමන් අවබෝධ කොටගත් ගැඹුරු දහම අපටද අවබෝධ කරගත නොහැකි බව උන්වහන්සේ කීවේ නැත. දක්ෂ ගුරුවරයා යනු තමන්ගේ අවබෝධය සිසුවාගේ පමණට ගලපා දිය හැකි තැනැත්තාය. සම්මා සම්බුදුු ලෙස උන්වහන්සේ හැඳින්වෙන්නේ එබැවින්ය. විද්‍යාව විග්‍රහ කිරීමට විද්‍යාවේ පද තිබේ. ඒවායේ අරුත බැඳෙන්නේත් විද්‍යාව විග්‍රහ වන තැනටයි. ධර්මයටත් එසේමය. බුදුන් හෝ උන්වහන්සේ සම්බන්ධ කරුණු සමහරක් වෙනත් වචන වලින් විස්තර කිරීමම අදටත් අපිරිසිදු කරගෙන ඇති ධර්ම විග්‍රහ තවත් පටලවා ගැනීමකි. ගැඹුරේ අත පතගාන්නට හදන බොහෝ දෙනාට බුදුන්ගේ ධර්මයේ ඇවිත් බලන්නට කියා කියන තැනම ඇති ගැඹුර නොපෙනේ. ත්‍රිලක්ෂණය, හේතු ඵල දහම, චතුර්ආර්ය සත්‍යම නුවණ ඇත්තෙකුට නම් සෑහෙන සෑහිමකි. තව දුරටත් සත්‍ය සොයා බුදු නුවණ ලබා ගැනීමට අවැසි තැනැත්තාට බුදු බව දක්වාම යෑමටත් උන්වහන්සේ මග කියා ඇත. නමුත් සත්ය අවබෝධය යනු බුදු නුවණ නොවේ. සත්‍ය අවබෝධය යනු ලෝකයේ සැබෑ තතු සත්වයා පිළිබඳ සැබෑව අවබෝධ කොටගෙන කළ යුතු දෑ කිරීමයි. එය හඳුන්වා ඇත්තේ නිවන යනුවෙනි. අනියත ලෝකයේ සසරක සැරිසරන සත්වයා ඉන් මිදී යාම සරලවම නිවන යි. සම්මා සම්බුද්ධත්වයෙන් මෙපිට ඒ අවබෝධය ලබාගත හැකි අයුරුත් බුදුරජාණෝ දේශනා කළෝය. ඉතිං ඒ වන් උතුමෙකු වෙත පහන් සිතින් වන්දනා කිරීම හෑල්ලුවක් වන්නේ රැජිණගේ නම්බුවෙන් සර් නාම ගත් අයටද? නැත්නම් සහතික කොළයකින් පදවි නාම ගත් අයටද? එහෙම දෙයක් නැත. උඬගු කමින් උද්ධච්ඡ වී තවත් අපිරිසිදු වීමට පෙර බිඳක් සිතිය යුත්තේ බුදුන්ගේ දහම නොතිබෙන්නට අප ලෝකය ජීවිතය පිළිබඳ සොයා තවත් කොපමණ නම් රස්තියාදු යන්නට තිබුණාද යන්නයි. අවසන කියන්නට ඇත්තේ මා වැනි සාමාන්‍ය මිනිහෙකුට නම් බුදුරඳුන් යනු ඥාන උල්පතක් බව පමණය. සකළ ලෝකයේම සැරුවද රස්තියාදු වුනද නොලැබෙන යථා අවබෝධය තමා තුළින්ම අවබෝධ කරගන්නට කියා දුන් උන්වහන්සේට වන්දනා කිරීමට ලේබල් බොදු වීමට උවමනා ද නැත. එසේ නොකිරීමට තරම් පුහු ලේබල් රැඩිකල් හීන මානයට ගොඳුරුවීමටද මට නම් උවමනා නැත.
අද බොහෝ දනා සුප්රබුද්ධය, සමාජ ජාලවල පවා ඒ ඇමතීම් අප්රමාණය. එහෙව් සමාජයක අපිරිසිදුකමට රස්තියාදුවට අපි දොස් නගාගත යුත්තේත් අපටමය. ඉන් එහාට යාමට හිතනවා නම් ශුද්ධ කර ගත යුත්තේ අපේ රස්තියාදු ජීවිතයි. අවංකවම අපට අප ගැන හැබෑ හැඟීමක් නැතිතාක් අපත් රටත් පුහු රැඩිකල් රැවටිල්ලකම පමණයි.

Tuesday, August 14, 2018

..........................................

අභියෝගයන් අභිබැවීමට නොහැකි විට සාමාන්‍ය මිනිසා දෙවියන්ගේ බුදුන්ගේ පිහිට පතති. අතිශයින්ම දුර්වලයෝ දෙවියන්ටත් බුදුන්ටත් ලෝකයාටත් අතිශයින් නිගා දෙති. ශක්තිවන්තයෝ අභියෝගයට තමාට හැකි උපරිමයෙන් මුහුණ දෙති. වීරියවන්තයෝ අභියෝගය නිමාව තෙක් අත නොහරිති. ප්රඥාවන්තයා අභියෝගය විච්ඡේදනය කොට බිඳ දමයි.

මිනිස්කමේ සවාරිය - කෘතියෙන්

තණකොළ ඩිංගක් කැපීම පිණිස කිතුලේ රස්තියාදු වුනෙමි. තණකොළ ගස මුදුනේ නැත. ඒවා දුෂ්ට මිනිසුන් විසින් කලින්ම කපාගෙන ගොසිනි. මිනිස්සු සත්තු වෙලාය. සතෙකුට කන්ට තණකොළ ටිකක් ගස මුදුනක ඉතිරි කරාම වෙන පාඩුව..ගොනා මං එනකම් බලාහිඳී. ගසේ තිබූ රා මුට්ටිය ඌ වෙනුවෙන් බිමට බෑමට තරම් මනුස්සකමක් මාතුළ නොවේ නම් මාත් සතෙක්ම තමා.
කවදාවත් නොවිඳි රසයකින් තෘප්තිමත් වු ගොනා මොහොතක් දෙකකුලෙන් සිට ගති. උගේ අවයව, මා කියන්නේ අං ගැනය. ඒවා දිග නැත. අං කොට බැවින් අංකොටා යැයි වටේ අය මූට කියතත් මං කීවේ "මචං" කියාය. මචං මට කතා කරන සතෙකි. ඌ මට මනුස්සකම ගැන බොහෝ කතා කියා තිබේ.
ඉතිං මචං කකුල් දෙකෙන් අපි ගහමු රස්තියාදු.. අපි දෙන්නා එකට ආහාර ගෙන දෙකට දෙපැත්තේ වැතිර ගතිමු. මට අහස පෙනේ. මචං හොම්බ දික් කරන් බලාසිටී. ඒ බලන්නේ මං දෙසය. ඒ බැල්ම සැබවින්ම රැඩිකල්ය. මචං වමාරා කන්නේ තප්පුලන්නේ හොම්බ දික් කරන්නේ රැඩිකල් කතා අහන්නට ඕනෑ වූ විටය.
මං ඌට කතාවක් කියමි. ඒ මිනිසුන් ගේ දුෂ්ට කම් ගැනය. කුරිරුකම් ගැනය. මා හැර අනිත් උන්ගේ හදවත් ගැහෙනා හැටි මම ගොනුට කියමි. ගොපළු අවතාරය බොරු බවත් රන් කෙවිටක් නැති බවත් මම කියමි.

Monday, August 13, 2018

අපල(ක්ෂීර පථයේ නැත)

ශ්රද්ධාවෙන් තොර ප්රඥාවෙන්
ප්රඥාවෙන් තොර ශ්රද්ධාවෙන්
හදවතක් නැති බුද්ධියෙන්
බුද්ධියක් නැති හදවතෙන්
තැනෙනා මිනිසුන්
විමුක්තිය සොයා
පිළක් ගෙන
පලක් බැඳ
සොයත් ඵල
නැත ලබන්නේ
බිඳකුදුත්
ඉන්..

තෙත නැති පපුවක
දෙතන පුඩු තුඩ
නොඑන ලෙස
කිරි කඳුළක්?

තෙත ඇති පපුවක
දෙතන පුඩු නැති
උනන ලෙස
නෙත කඳුළක්?

සුරේඛා ගේ රස්තියාදුව

ඊර්ෂ්‍යා ඇතිවේ
බුදු රඳුන් වෙත
තර්කයෙන්
ඥානයෙන්
බුදු නුවණ
බැරිය අල්ලා ගන්නට
කොහෙන් හෝ මඟහැරේ
සංකල්ප
සංවාද
දෘෂ්ටි විතානය අස්සෙන්
කහ ලපයෙන්
මොළයට
යන්නේම නැත
එතැනදි
ශාරීරික උත්තේජක
මනස කුල්මත් කොට
නැවත විමසීමි
සාරාසංඛ කල්ප ලක්ෂයක
සියුම් ශක්තිය
නොසළකා හැර
අසු නොවන මානයටම
අත දමා
ඔ ඔ ඔන්න අහුවුණා
නැත
නැත කිසිත්
අහුවෙලා
ඒක මෙන්න මේ විධියයි
වචන ගොඩක හිර කරගෙන
දාන්න හැදුවත් එළියට
ශාරීරික උත්තේජක තරම්
ඒ ග්රහණය ලේසි නෑ
ඔව් මම රස්තියාදු වුණා
ඒත්
සුරේඛා
අහුවුණේ නෑ
ඉතිං මං
කොහොමද කියන්නෙ
යුරේකා!

Sunday, August 12, 2018

රැඩිකල් - ගුරු - කුල..ය (සාධූ.. සාධූ..සාධූ..)

ඒක අළුත්ම එකක්
ඉල්ලුම් පත්තරේ
හොයාගෙන රස්තියාදු වී
පුරවලා දෙන්න බොක්කෙන්ම
අලිඛිත ව්‍යවස්ථාව ගමෙන් ආපු පොරවල් හදපු
අම්මල අප්පල සාමාන්‍ය බොදු කිතුණු
අඳුනගන්න ඉවෙන් ඉවෙන්
ආශ්රය කරන්න බොක්කෙන්
පෝරමය කොළඹින් අනුමත වුණ ගමන්
කොල්ලෝ උඹත් රැඩිකල් බං
බය වෙන්න එපා
නම රිජිස්ටාර් වුණ ගමන්
උඹේ පිට කහන්න අය ඕන තරම්
ඔන්න ඕකයි පුතේ
අපි නොදන්න රෝස්පාන්
නැත්නං පුතේ
උඹ නිකංම පරළු පාන්
ධනේශ්වරයට ගල් ගැහුවට මදි
සමාජවාදයට දර ඇද්දට මදි
කුශලතාව උපතින් ගෙනාවට මදි
උඹට කෙළි කරන්න බෑ
රස්තියාදුවෙලා පාදා ගනින් ඥානේ
මේවයෙ ලයිසන් ඉන්ෂුවරන්ස්
කප්පං යන හැටි
දැන උගෙන ගනිං
මොක වුනත් පුතා
සෙට් වෙන්න
බොක්ක රැඩිකල් කර ගනින් සනා
පියවරින් පියවරේ ප්රතිරූප අභිනිෂ්ක්‍රමණය කරලා
උඹ
පොදු වෙයන්
පිදු වෙයන්
පිදිය යුත්තෙක් වෙයන්
එතකොට උඹත් දවසක
ඔය ගුරුකුලේ ලොක්කෙක්
නෑ පොරක්..
නෑ ලෙංගතු වචනයක්
කුහකයින්ගේ ඊර්ෂ්‍යාවට ලක් වෙන
මී විතක්
පැණි පොදක්
පිපාසයට දිය බිඳක්..
ඒත් අපි ප්‍රතිරූපවාදී නෑ පුතා..
තේරුම් ගණින්
.....
ඒක එහෙමයි සිද්ධ වෙන්නෙ
නොදැනීම
ඒව රැඩිකල් රහස්
රැඩිකල් සෞන්දර්ය එතනයි
තාම උඹට තේරෙන්නෙ නෑ බං මේවා
පළවෙනි පියවරට පලයං

Saturday, August 11, 2018

එක එකා දත කට පූට්ටු වී මට්ටු වන තුරු - මැරෙන්ට පෙර නඩු සීට්ටුවක්!!!

විකෘති වී අහවර අපි
අෑතට යන ප්‍රකෘතියට බායි කියනවා
කෑගහලා අඬන අතර හිතේ දුකට කවි පබඳිනවා
ගිලෙන නැවේ සමහරු මණි බඩු විකුණනවා
පොරක් වෙන්න මැරෙන්න පෙර සමහරු මුහුදටත් පනිනවා
අඩි ගහලා රත්වුණු අය දාර්ශනික මත දෙද්දී
ගිලෙන නැවේ වතුර ඉහින මිනිසුන්ට වතුර ගහන අයත් ඉන්නවා
වැඩ එක එක ගොඩ වෙනකොට පඩිය පඩිය යට වෙනකොට වැඩි පඩි නැත්නම් වැඩ නැති අකුරට යන අයත් ඉන්නවා
දෙයියො බුදුන් ගැන සිහිවෙන මිනිස්සුන්ට වලිදාගෙන තර්ක වලින් මැරෙන්න යන අයත් ඉන්නවා
අපෙ අයිතිය ඉල්ලාගෙන ගිලෙන නැවෙන් නොසෙල්වීම උපවාසත් තව දළුලනවා
ඇතුළට වතුර පිරෙනවා
නැව තවම ගිලෙනවා
ඈතට යන ප්‍රකෘතියට බායි කියනවා
අපි බයිල කියනවා
සමහරු තදට නටනවා
ගිලෙන තුරුම අපි හැමෝම වලියෙ ඉන්නවා
අනුන්ට විහිළු කරනවා
නැව ගැන ඩීල් දානවා
සමහරු ඔට්ටු දානවා
තව තව තට්ටු දානවා
නැව රළට ඇදෙනවා
සුළඟට තදට වැනෙනවා

ටටා..බයි බායි.. ප්‍රකෘති
(නැවේ කාර්යමණ්ඩලය නොසළකමි)

Friday, August 10, 2018

හදාපන්න එහෙම එකක් (යථාර්ථයේ ගැට්ටෙන් නොහැරී)

පොත පතේ
හදවතේ
බුකියේ
ලෝකයේ
අනේක තැන ඇති
සත්‍ය වෙනුවෙන්
ලියැවුණු කියවුණු නිමැවුණු විසිරුණු
ශක්තිය
හරවන්න
එකම එක
උපකරණයක්
සියල්ල නිවැරදි කරන
දහසක් බුදුන්
අමතක කරන
හැකිවෙන ස්වර්ගය
මෙහෙට ගේන්න

Wednesday, August 8, 2018

නික්මණ

අත හැරුම හැර
අත් හරිමි සියල්ල
බිඳ දැමුම හැර
බිඳ දමමි සියල්ල
විඳ ගැනුම හැර
විඳ ගනිමි සියල්ල
හැර යාම හැර
හැර යති සියල්ල

මේ අපේ ආදරයයි?

පිරිමැදීම්
ඇතිල්ලීම්
තට්ටු
දඟ
වේග
සීමාව
හතර
හය
පන්දු
ප්‍රහාර
සබඳතා
ත්‍යාග
කුසලාන
ඔට්ටු

එළිවැට

ඈතම ඈතින්
යන්තමට
නළියන
කණ මැදිරි
එළි දිගේ
නොදුටු මාවතේ
නොපෙනෙනා
අන්තයට
අනන්තයට
නොඉඳුල්ව
යන අතර
දුටුවෙමි
ලෝකයම
එක පහන් කණුවක් යට තිබූ
ඉඳුල් පිරි
බක්කියක් තුළ

Sunday, August 5, 2018

වනසන්

කපටිකම තබාගෙන ඉහ මත
හොර හිතින් හදාගෙන අමුතු මත
සෙව්වත් වෙනස ජීවිත පෙරළගෙන
මගෙරට කැරකි කැරකී පෙර පුරුදු තැන

වෙනසක් සොයන හැම මිනිසම පෙරට පැන
වෙනසින් හිතන්නටවත් නැහැ ඉඩක් ගෙන
කටමැත අඬහැරය හැම විට ගොඩම ගැන
ඒ ගොඩ තරකරන් නිවනට යමන් නුඹ

ගන්නට පමණි දන්නේ බෝ දනා අපේ
ඉල්ලූ විටයි මතුවන්නේ සසර ලොබේ
කළගුණ තබා යුතුකම වත් නැතිය හිතේ
එනමුදු ඒ තරම් "මිනිසුන්" නැතිය ලොවේ

හරබර කතා රැඩිකල් කුණු සරුප අගෙයි
ඒ කුණු කතා ඥානයෙ මහ පහුරු සදයි
ඒ මත රටේ අමුතුම ආයුෂය සැදෙයි
අපි විශ්‍රාමිකයි රට දැන් තොප ගෙ අතෙයි

Thursday, July 26, 2018

නොදනිමි

කීවට අපි ගහ කොළ මල
ඒ වග නොදනී ගහ කොළ
වින්දට අපි ඇළ දොළ නළ
නොදනී ඇළ දොළ ඒ ගැන
සෙව්වත් නිරතුරු වතගොත
අපි නොදනිමු තව අප ගැන
හෙට පා යන ඉර හඳ මැන
පේන කියනු කිම නුබ ගැන


Wednesday, July 18, 2018

ශක්ති සංස්ථිතිය(භෞතිකවාසී මං)

කිසියම් රටක ශක්තිය හානි නොකර දියුණුවට යෙදවීම.. (පරිවර්තනය)  එය අපට පාසලේ භෞතික විද්‍යා පාඩමේ නම් ඉගැන්වූයේ නැත.
භීෂණයෙන්, යුද්ධයෙන්, සුනාමියෙන් හානි වූ රටේ ශක්තිය තව දුරටත් අද අපි නසා ගනිමින් සිටිමු.
ලෝකෙට ලොක්කෝ හදන්නට අපේ දෙමාපියන් වෙහෙසෙන තරමට හෙට දවසේ ලෝකයටම ලොක්කන් මෙහෙන් අපනයනය කළ හැකිවනු ඇත.
අද අපේ අධ්‍යාපනයෙන්ද යහගුණති දරුවෙකුට ඇති පරිසරය ක්රමයෙන් දියවී යනු පෙනේ.
පොත පතට හිමි තැන කුඩු පතට නොගියත් පොත පතේ නීරසයද තාක්ෂණයේ මායා රසයද දරුවන්ගේ මොළයේ ශක්තිය පසෙකින් කුඩේ කුඩුකර ඇත.
පාරේ කුණු හලන්නාගේ සිට පාර්ලිමේන්තුවේ කුණු කෙළ හලන්නා දක්වා තිබෙන්නේ එකම ආත්මාර්ථී චින්තනයකි.
අතේ පයේ ශක්තිය පාරේ තොටේ රස්තියාදු අරගලයටත් කටේදිවේ හයිය ඒ අරගලවල සාධාරණය පතාත් හිතේ හයිය මේ සියල්ල මැද ජීවත්වීම උදෙසාත් යොදන සමාජයක, දෙමාපියන් දකින එකම විකල්ප සිහිනය දරුවා කොතැන හෝ ලොක්කෙකු කරවීමයි.
ඒ අපේක්ෂා ඉටු වීම කෙබඳු වෙතත් එවන් දෘෂ්ටියෙහි පෙළ ගැසෙන බහුතර සමාජයකම ශක්තිය අපතේ යන්නේ රටක සංවර්ධනයට ඇති ජවය හීන දීන කරමින්.
දෑතේ, දෙපයේ, වචනයේ, හිතේ ශක්තිය රටක් ලෙස එක දිශාවකට දිශානුගත කරගන්නට අසමත් අපි තනි තනිව පුංචි රටේ ලොක්කන් වීමට සැරසෙමු.
නූතනයේ අප කාගේත් චින්තනය පෝෂණය කෙරෙන්නේ ඒ අයුරින්මය. ප්‍රභාකරන් ගැන කතා කරන්නවුන් ගේ මෙන්ම හිට්ලර් ගැන කතා දමන්නවුන්ගේත් චින්තනය එබඳු මැයි. දැන් දැන් රටේ සියලුම නායකත්වයන් පෙර කල අපේ බස් රථවල අල්වා තිබූ සුප්රකට ස්ටිකරයේ ප්රතිපක්ෂ භූමිකාව නිරූපණය කරන්නේය. ඒ ස්ටිකරයේ වුයේ "ලොක්කෙකු නොව නායකයෙකු වන්න" යන කියමන හා ලොක්කාගේ හා නායකයාගේ ගති ස්වභාවයේ වෙනසයි.
පුංචි රටක නිවහල් කම යනු රට වෙනුවෙන් රට වැසි සමස්ථයාගේ අවංකව කැපවීමයි. පුරවැසි නායකත්වයයි. ලොක්කෙකු නොව එබඳු නායකයෙකු වීමෙන් දිය හැකි ශක්තියයි. අපේ ශක්ති සංස්ථිතියෙන් දිනාගත හැකි අග්රඵලය එතැනයි.
එනමුත් රටක ශක්තිය සියලු මර්මස්ථාන වලින් අසීමිතව හානි වන තුරු අපට නොලැබෙන්නේ..ත් ඒ ශක්ති සංස්ථිතියමයි.
එබැවින් නොනසා ගන්න ඔබේ ශක්තිය, රටේ දරුවන්ගේ ශක්තිය විවිධ මායාවන්ට දිය වී යා නොදී. යොදවන්න ඉන් හැකි උපරිමය ඔබගේ රට වෙනුවෙන්ම, රටේ දරුවන් වෙනුවෙන්ම.

Monday, July 16, 2018

ආයුබෝ.. පුංචි රටේ ආයුෂය පිණිස!

මේ පුංචි රටේ යම් ලෙසකින් නිධන්ගතවූ වාසනාගුණය වනසා පුංචි මිනිහාගේ නොහැකියාව දඩමීමා කරගෙන ඔවුන්ගේ පුංචි හීන අප්රමාණව අවුළුවා උන් සිය ආශාවන්ගේ වහලුන් කරගෙන යමක් ඇත්තන්ට ප්ජාතන්රවාදයත් කිසිවක් නැත්තන්ට සුභසාධන වාදයත් විකුණමින් සියල්ලන්ගේ හැඟීම් දැනීම් උදෙසා ජාතිවාදයේ ආගම්වාදයේ අන්තවාදී තෙල් ඉසිමින්, පුංචි රටක එකාවන්ව එක්වන්නට ඇති ඉඩ කඩ වෙනුවට බෙදෙන්නට ඇති වැට මායිම් පුළුල් කරමින් කොන්ක්රීට් කරමින් තමන්ගේ බලය නිලය තත්වය පවත්වාගෙනයාම පිණිස මේ පුංචි රටේ ආයුකාලය නසන වනසන කෙළතොලු දේශපාලකයන්ට ද අනෙකුත් බලධාරී නිළධාරී සිවිල් සකළ ප්රජාවගේද නැණස් බද්ධය සඳහා මුන්ගේ කණැස් උගුල්වා දැමේවා!
පුංචි රටක සවි එසවුම යනු කැපවීමම පමණි. ඊට අවැසි විනය විද්‍යාවට අකමැති නම් පුංචි රටේ ආයුෂය තවත් බොහෝකොට පුංචිම කරගැනීමට අපට හැකිය. තම යුතුකමට වඩා ගොඩ ලොකු කරගැනීම උදෙසා වන වත්මන් අරගල බොහොමයක් තුළ ඇත්තේ අපේ වළ අපි විසින්ම කපා ගැනීමේ අන්ධභාවය හැර කවරක්ද? විනයක් විද්‍යාවක් තුළ මිස බලු කපුටු පොරයක් තුළ කවදත් කොතැනත් කිසිවෙකුගේ කුස පිරුණිද? පුරුදු කා කොටා ගැනීමට පාන් ආප්ප වාටි අදත් හෙටත් විසි වනු ඇත, ඒවා මත කා කොටා ගන්නේ බල්ලෝත් කපුටෝත්මය. හැබෑ මිනිසුන් නම් බලු කපුටු දාන දෙන්නේ සිවුපා සුනඛයන්ටත් පක්ෂී කාකයන්ටත් මිස නැණස කණැසක් කරගත් නිවටයන්ට නම් නොවේ. මිනිසුන් වෙනුවෙන් එබඳු දාන සකසන්නේ නීචයන්ය. ඒවා භුක්ති විඳීමට කා කොටා ගන්නේ පිසාචයන්ය. ඉඳින් අන්තයේ මේ භූමියේ ඉරණම කොතැනද යන්න රඳා පවතින්නේ මෙහි වෙසෙන මැදහත් නොනිවට පොදු ජනයාගේ සත් ක්‍රියාවන් මතම පමණය. එහිදී පුංචි මිනිහාගේ වුව සත් ක්‍රියාවන් රටේ ආයුෂය උදෙසා කිසිසේත් පුංචි වන්නේ නැත.

අලුත් පෙම

සූත්‍රිකා
නෙවෙයි
එයා
එල් ඊ ඩී
එකපාරට
යන්නේ නෑ
තාර්කිකයි
පිච්චෙන්නට
රත්වෙන් නෑ
ඇහැට සැපයි
ඇඟට හොඳයි
මං කැමතී
හැම රැයකම
ඉන්නවනම්
තනියට ළඟ

Tuesday, July 10, 2018

දෙවියෝ


'සතිය'

පෙතිය පෙතිය මලක පෙතිය
ගතට සිතට දැණුනි වශිය
රතිය මතිය බිඳුණු සතිය
අබල දුබල නැතිය කෙළිය

රතිය රතිය රතිය කිතිය
සිඳුනෙ මිඳුනෙ රතුව රතිය
සතිය සතිය ඉදිරි සතිය
උදා කළේ උමතු ගතිය

මතිනි දුවන දිවිය සවිය
දැවිනි දැවිනි දැවිනි දිවිය
බිඳෙන ලෙසට රතිය කිතිය
නැවත වැඩිය යුතුය සතිය

සැකිල්ල හා ඇලවිල්ල ((මත මරාගෙන මැරෙති මිනිස්සු ))

ජීවිතය පුරාවටම ඇත්තේ සැකිලි මත ඇලවිලි ය. නැත්නම් සැකිල්ලෙන් ගැලවිලි ය. ඒ කෝක වුවත් ඒ හැම තැනදීම සැළකිල්ල අතිශය වැදගත්ය.
ස්වභාවික, කෘතිම, යකඩ, ප්ලාස්ටීක්, ඩිජිටල්..සැකිලි මේ ඕනෑම දෙයකින් විය හැකිය.
වෙසක්, පොසොන්, තොරණ්, සරුංගල්..මේ ඕනෑම තැනක සැකිලි තිබිය යුතුය.
වෙද, හෙද සිට ගරාජයේ බාස් මහතා දක්වාත් වෘත්තීයමව දිනපතා සැකිලි අතපත ගාන්නෝය..
ඇටසැකිලි මත ඇලවුණු සිරුරුය.
සැකිලි මත නිමැවුණු නිවෙස්ය.
වාහන එන්නේ සැකිලි මත අමුණාය.
ජීවී මෙන්ම අජීවී බොහෝ දේ මෙආකාරයෙනි.
එකී මෙකී නොකී අපේ නිමැවුම් බොහොමයක් මේ සැකිලි මතය.
 අපගේ සමහර තේරීම්ද විටෙක සැකිලි මතය. බොහෝකොට ඇණවුමට ඇලවුම හේතුවක් වනු ඇත.
ජීවීන්ගේ නම් සැකිල්ලේ සවියත් ඇලවිල්ලේ ගුණයත් නිරෝගිකමට බලපානු ඇත.
අජීවී දෙයෙහි වුව ශක්තිය රැඳෙන්නේ බොහෝකොට සැකිල්ලේය.  ඇලවිල්ල යනු පෙනුම හා සුවපහසුවයි.
මිල, තක්සේරුව අධික වන සැකිල්ලෙන්ම සුපිරි වැඩ දෙන යන්ත්රයද මෙලොව ඇත්තේය.
සමහර කලාවකද ඇත්තේ සැකිලි පමණය.
විදර්ශනාව වඩන්නට ඈටසැකිල්ල ඉදිරියේ භාවනාවෙහි යෙදෙන්නෝය.
ලෝ ප්රකට වූ ජැක්සන් ශෙෙලියේ වඩාත්ම ඉස්මතු වන්නේ මිනිස් සැකිල්ලේ සන්ධිවල සංසිද්ධි නොවේද?
බොහෝ නර්තන කලාවන්ගේ දී මේ සැකිල්ලේ අසිරිය ඇලවිල්ලේ සිරිය කරගනු දැකිය හැක.
නමුත් ඇලවිල්ල පොෂ් හෝ පොලිෂ් කළ පමණට  සැකිල්ලේ පොදු සමානතාවය වෙනස් වන්නේ නැත. හරියට මිනිසාගේ වගේය. එනමුත් ස්ත්රී පුරුෂ සැකිලි ලෙසින් නම් බර, හැඩය සුළු වෙනස්කම් සහිතය.
පරිඝණක සජීවීකරණයේදී ද සැකිලි භාවිත වේ.
එනයින් භාවිත ලෝකයේ චලනය කළ නොහැකි සැකිලිවලට  චලනමය වටිනාකම දීමට හැකිය.
රහස් පරීක්ෂණයේදී රස පරීක්ෂණයේදී සැකිලි වලින් වන හෙළිදරව් බොහෝය.
වැදගත්ම දේ සැකිල්ල යනු පාදමක් වීමයි. එහි සමබර බව ශක්තිය සේම බෙදීම් සන්ධි මේ සියල්ල ඇලවිල්ලට අතිශය වටිනාකමක් වීමයි. සික්ස් පැක් හෝ රාත්රී කෑම වර්ජනයෙන් පතන සිරුරේ බෙදුම් රේඛාවන්ගේ වර්ණය එතැන වන්නේ එබැවින්.
ඉතිං වැඩිය ඇලවිලි නොදැමූ මේ කතා සැකිල්ලට මෙතැනින් තිත.

සපි අරලයි???


Monday, July 9, 2018

....චාර.....

අසම්මතය ප්රගුණ කළෝ ඒ අසම්මතයේ උපරිම ශිල්ප දක්වමින් සමාජය විචාර ති.
සම්මතය ප්රගුණ කළෝ ඒ සම්මතයේ උපරිම ශිල්ප දක්වමින් සමාජය විචාර ති.
මඩේ සිට මඩ ගැන කතාකිරීම එකකි. ගොඩේ සිට මඩ ගැන කතාකිරීම තවෙකකි. මඩේ සිටවූ ඉන්න එකකි. මඩේ පිපෙන නෙළුම වෙනමම එකකි. කළු සුදු අළු වලට වඩා ලෝකයේ වෙෙවර්ණ පවතින බව තේරුම් ගැනුම වටී. ඒ වර්ණය පෙනෙන්නේ ඇසටයි. දැනෙන්නේ හිතටයි. එහි අවසන් අර්ථකථනය පෙන්වන්නේ අප ටිකිරි මොළේ තරමයි.

ට්‍රැජඩි-පුංචි හිලෙන් නොපෙනේ අහස

ෆිල්ටි
ගිල්ටි
මල්ලි ගේ
බල්ටි
එච්චරයි
වනන්නෙම
අපේ රට
කලටි
පතුරුගියෙ
නැතිතාක්
හමස්බොක්ස්
පැරණි
උඩ දමා
තලන්නෙම
අද මෙහේ
ට්‍රැජඩි

Wednesday, July 4, 2018

මුග්ධ කාම


පී..කේ...

මිනිස්සු කියන්නෙ එක්තරා දියුණු සත්ත්ව කොට්ඨාශයක්. ජීවත් වෙන මහද්වීප අනුව රටවල් අනුව මිනිසුන්ගේ බාහිර ස්වරූපයේ සුළු සුළු වෙනස් කම් තිබෙනවා. සමේ, පැහැයේ, ඇසේ, නාසයේ, උසේ, මහතේ එනම් ශරීර ප්රමාණය මත ආදී වශයෙන්. ඒවා බොහෝකොට පරිසර සාධක හා ආවේණිය ඔස්සේ ප්‍රවේණි ගත වූ සාධක. එමෙන්ම භාවිතයන් අතින්ද ඔවුන්ගේ වෙනස්කම් තිබෙනවා. එහිදී ප්‍රධාන වන්නේ භාෂාව. ඔවුන් එකිනෙකා සමඟ සන්නිවේදනය කරගන්නේ කට හඬ මුල් කරගෙන වැඩි දියුණු වී ඇති ඒ භාෂාව නැමති මාධ්‍ය ඔස්සේ. එවැනි වූ භාෂා සුවිශාල ප්‍රමාණයක් මිනිසුන් අතර තිබෙනවා. රටින් රටට මේ භාෂා වෙනස් වනවා සේම එකම භාෂාව විවිධ රටවල ප්‍රචලිත වී ඇති අවස්ථාව තිබෙනවා. ඊට අමතරව එකම රට තුළ එකම භාෂාවේ විවිධ ප්‍රභේද සේම එකිනෙකට වෙනස්ම භාෂාවන්ද භාවිත වෙනවා. ඉන් සමහර භාෂා ඉතා දියුණු තත්වයේ පවතින අතර භාෂාව කටහඩින් තොරව භාවිත කළ හැකි ක්‍රමවේදයන් මිනිසුන් අතර තිබෙනවා. එය භාෂාව සටහන් තබන ක්‍රමයක්. ඒ සඳහා ඒ ඒ භාෂාවට අදාළ නීති රීති පද්ධති තිබෙනවා. මේ භාෂාව මිනිසාගේ දියුණුවට සේම විනාශයටද බලපා තිබෙනවා. රටක රාජ්‍ය භාෂාව ලෙස භාෂාවක් නම් කිරීමේ සිට මේ බසෙන් රට ගැන කීමට තැනූ ගායනා විලාශයක් වන 'ජාතික ගී' ගායනයේදී පවා භාෂා ප්‍රශ්න මතුවිය හැකියි. විශේෂයෙන් භාෂා කීපයක් එකම රටක භාවිත වන විට එය මේ ගැටුමට හේතුවෙනවා. තවත් හේතුවක් වන්නේ මිනිසුන්ගේ ඇදහිලි විශ්වාස දැනුම සියළු දේ මේ භාෂාව ඔස්සේ සන්නිවේදනය වීමයි. එතුළ මේ සියල්ල ඒකාබද්ධව සැකසෙන සංස්කෘතිය නැමැති සමාජ පැවැත්මේ වැදගත් සාධකය ඉස්මතු වීමයි. එනිසා භාෂාවෙන් ඇතිවන අවහිරය නවතින්නේ සංස්කෘතියෙන්. ඒ අවහිරය ගැටුම් යුද්ධ දක්වා වර්ධනය වූ අවස්ථා තිබෙනවා. නමුත් දියුණු ලෝකයේ තාක්ෂණය නැමති සාධකය මත අද වන විට මිනිසා වඩාත් ප්‍රචලිත භාෂාවන් ඔස්සේ පුළුල් සන්නිවේදනයකට ප්‍රවේශය ලබා මිශ්‍ර සංස්කෘතීන්ට ගමන් කර තිබෙනවා. එහිදී දියුණු මිනිසා වටහාගෙන ඇත්තේ අනවබෝධය අවබෝධය තුළින් ජයගන්නටයි. ඒ සඳහා වන මෙවලමක් ලෙස උහු තාක්ෂණය භාවිත කරනවා. අන්‍ය සංස්කෘතික අවබෝධය මෙන්ම ඇගැයීමටත් රසවිඳීමත් ඔස්සේ එකිනෙකා සමීප වීම මෙතුළ සිදුවනවා. තමාට සමාන මූලික අවශ්‍යතා, සමාන හැඟීම් දැනීම් පද්ධතියක් අනෙකා සතු බවත් භාෂාව හෝ සංස්කෘතිය පරිසරමය සාධකයක් බවත් අද මිනිසා හොඳින්ම දන්නවා. නමුත් තවමත් ඈත එපිට රටවල විවිධ ජනකොටස් අතර මේ භේද පවතිනවා. ලෝකයේ දියුණුයැයි කියන රටවල පවා නොදියුණු මිනිස්සු සිටිනවා. නොදියුණු රටවල දියුණු මිනිස්සු සිටිනවා. ජානමය සාධක මත මිනිසුන්ගේ බුද්ධියේ අවබෝධයේ පවතින වෙනස්කම් සේම හැඟීම් දැනීම් පද්ධතියේ ඇති අසීමිත සංස්කෘතිමය බන්ධනයක්ද මේ නොදියුණු කමට හේතුවනවා. මේ නොදියුණු කම දැනුම හරහා යම් මට්ටමක් දක්වා දියුණු කළ හැකියි. ඒ සඳහා අද සමාජයේ බොහෝවිට භාවිත වන්නේ දැනුම අවබෝධය කරා සමාජගත කිරීමේ විධිමත් ක්‍රමවේදයක් වන අධ්‍යාපනය. මෙය විධිමත් ලෙසින් මෙන්ම අවිධිමත් අංශයකින්ද යුතු වනවා. අද අධ්‍යාපනය ආපසු අකුරට යන්නට උත්සාහ කරන විට අපට අධ්‍යාපනය සඳහා මෙවැනි අවිධිමත් අංශ භාවිත කිරීමට සිදුවෙනවා. මිනිසුන් තම පාලන කටයුතු වෙනුවෙන් පත්කර ගන්නා නියෝජිතයන් ඔවුන් කරනා දේශපාලනය ඒ උදෙසා පැවැත්වෙන ඡන්ද මේ සියල්ලට අධ්‍යාපනයෙන් දෙන අවබෝධය බලපෑම් කරනවා. එම නිසා ඒ හරහා මිනිසාගේ නොදියුණු ලක්ෂණ දියුණු තැනකට එසවීම රටවල සංස්කෘතීන්ගේ නොදියුණු ලක්ෂණ වලින් දේශපාලනය කරනා නියෝජිතයන්ට ගැටලුවක්. භාෂාවෙන් සන්නිවේදනයෙන් විසඳා ගත හැකි සරල ගැටළු වර්ණවත් කර සංස්කෘතිය දක්වාත් අවසන ජාතීන් වශයෙන් වෙන් වීම් දක්වාත් ගෙන යන්නට මේ දේශපාලකයන්ගේ දේශපාලනයට හැකියාව තිබෙනවා. ඒ සියල්ලට නොදියුණු මිනිස් ලක්ෂණ, සංස්කෘතිමය බන්ධන වල සිට නොයෙක් වර දාන ලබාදීම ඔස්සේ තමන්ම ගොඩනැංවූ විවිධ සමාජ කණ්ඩායම්ද ඔවුන් භාවිතයට ගන්නවා. මිනිසාගේ දියුණුව ආපසු හැරී ලෝකය විනාශය කරා පන්නන දක්කන තත්වය නිර්මාණය වන්නේ එතැනින්. මිනිස්සු කියන්නෙ 'එක්තරා' දියුණු සත්ත්ව කොට්ඨාශයක් කියා මුලින්ම සඳහන් කෙරුණේ මේ නිසා. ඒ 'එක්තරා' කොටසේ ඇති ගෝත්‍රිකත්වය අභිබැවෙන තත්වයේ සිහියකට එනතෙක් මිනිසා යනු ලෝකයේ දියුණුම සත්වයා නොවේ.

(වො ෝ ට්)ස්


Tuesday, July 3, 2018

වි කලා


ඔය වත වසා ගන්නට උවමනා නැත


පස් මහ බැලුම් - අතිශයින්ම සරල නැත

නිව්යෝක් ටයිම්ස් අපේ ටයිම්ස් වලින් වෙනස්ය. ටයිම්ස් කියන්නේ කාල යයි. බොසතාණෝ කල් බැලුවේ මිනිසුන්ගේ මනසට නැණස පාදා ගන්නට සුදුසු විවේකය සහිත කාලයක් උදාවන තෙක් ය. නිසි කාරණයට නිසි කාලය නොලැබීම අරගලයට කාරණයකි.

කොළඹ පදිංචිය දියුණුවට පහසුකම් සපයතියි අප රට වැස්සන් අතර අදහසක් වෙයි. බෝසතාණෝ තමාට සුදුසු පෙදෙස තෝරාගත්දේත් හොඳ ඉගෙනුමක් දියුණුවක් ලබාගන්නට විය යුතුය. සුදුසු පෙදෙසක නොවීමද අරගලයට කරුණකි.

අපේ රටේ බොහෝ දක්ෂයෝ සිටියත් අඩු තරමේ ඉංග්‍රීසියේ ප්‍රාගුණ්‍යයක් නැත්නම් ජාත්‍යන්තරය යනු අන්තර්ජාලය පමණක් වන්නේය. ජාත්‍යන්තරයේ පෘථුල ඇදහීමක් තබා පෘථුල ලෙස නම රැඳවීමත් අප වැනි චූල සංස්කෘතිකයන්ට අදද පහසු නැත. නමුත් ඒ අතින් ඉන්දියාව, ගැඹුරත් උසත් දිගත් පළලත් සරල සංකීර්ණ මෙන්ම සුන්දර අසුන්දර සීමා මායිම් වලින්ම මහා සංස්කෘතියකි. ඒ පිළිබිඹුවේ සුරක්ෂිතතාවය දැවැන්තය. පැතිරීමද විහිදීමද දැවැන්තය. බෝසතාණන්ට අවශ්‍ය හරබර ස්ථාවරත්වයට එය හොඳම තෝතැන්නක් නොවේද?.. සමහරු පදිංචියට එවැනි දේශ වෙත සංක්‍රමණය වන්නෝය. දේශය නොනැංවීමද නිරන්තර අරගලයට හේතුවකි.

කුල ගෝත්රයට අදට වඩා එදා තිබූ සමාජ පදනම නොකිවමනාය. හුදෙකලාව හෝ හිස ඔසවා ගන්නට, බත් මුඛය පාදා ගන්නට, විලිය තිබුණා වුව තමාට අවැසි ලෙස එය වසා නොවසා ඉන්නට අඩු කුලයන් ලෙසින් නම් දැරූවන්ට අවසර තිබුණේ නැත. බෝසතාණෝ මේ පදනමට පහර දෙන්නට සුදුසු තැන එතැන තෝරා ගති. කුල හීන නිහීන යටපෙළ අදද අරගලයකි.

මවගේ ඒඩ්ස් දරුවෙකුට නවීන සමාජයේද හදිකළ තරම්.මව් මතක් කිරීම නින්දිත ලෙස බුකියේද කෙරෙන්නක්. ගෙදර බුදුන් නම් අපේ ගෙදර ද අනෙක් ගෙදරද වෙනස්ව සිටින්නක. ඇගේ ගුණය දරුවාගේ ගුණය නංවන්නේය. මව අප සමාජයේ ප්රමුඛ ස්ථානයේ අදටත් වන්නේ එබැවිනි. ඉතිං බෝසතාණෝ ඒ ගුණයට සුදුසු තැනම ලබා දුන්නෝය. ජීවනය ලැබීම, කළලය නොමරා ගැනීමම නූතන අරගලයයි.

මේ බොහෝ අරගල වල මූලයන්ය. සසර පුරා මේ අරගලයේ නිමාවක් නැත්තේය.

බෝසතාණෝ උපතින්ම මේ සියළු අරගල වලින් මිදුණ නිසා නිවන වෙනුවෙන් අරගල කරන්නටත් බොහෝ දෙනා මේ අනවතර සසර අරගලයෙන් ගලවන්නටත් හැකිවිය. ඒ  තමන් විසින්ම සසරේ උපයාගත් ශක්තියේම ඥානයේම අනුහසිනි.

පදාර්ථයෙන් ශක්තියෙන් සපිරි ලෝකයක එයින්ම සුසැඳි මිනිසා සියල්ල වෙනුවෙන් සොයන භෞතිකවාදයේ විසඳුම් අදටත් විග්‍රහ නොවූ පදාර්ථ හා ශක්තීන් වෙනුවෙන් අකාලිකව නම් වලංගු නැත. එබැවින් සසරේ ප්රශ්න සදාකාලික අරගල තුළමය-කියන්නට සිදුවේ.

Saturday, June 30, 2018

යථාර්තය පිරිසිඳිමි

ජීවිතය ගෙවී යයි..
හිරු නැගී බැස යන්නා සේ..
බාල වියෙන් තුරුණු වූ සිත කතර මැදින් වියපත් බවට පා නගනා සැටි..
පාට උලා සායම් පොවා වසා ගත නොහැකි ලප කැළැල්ද රැළි පෙරළිද නොමැති කිසිවෙකුත් නැත මෙ මිහිපිට..
දහස් ගණනින් අප එකිනෙකා හමුවූ ලෝකයේ දීම අප එකිනෙකාගෙන් සමුගන්නට නියමිතය..
අප කුඩා කළ ඇසු දුටු බොහෝ දේ අද වියපත්ය..
එදා සජීවී ඇත්තෝ සමහරෙක් අද මළවුන් අතරය..
අප පියවර මැන ගිය නගර මංමාවත් අද නැවුම් සළුපිළිවලින් සැරසී නව ජීවයක් ලබලාය..
එහෙත් නැවුම් පිළියෙන් සැරසී නැවුම් ජීවයෙන් පිබිදෙන්නට අපට නොහැක..
අපි වියපත් වන ජීවීන් වන්නෙමු..
බාල වියේ එකිනෙකා හා සුරතලයෙන් කෙළිදෙළෙන් හුන් කාලය යළි නොලැබෙන්නේය..
බැක් ටු ස්කූල් වූවාට ජීවිතය යළි ආපසු නොහැරෙන්නේය..
අපි ජීවිතයේ එක් පරිච්ඡේදයක් අවසන් කළ බව හැඟේ..
කවර ලෙසින් කොතැන කොයි තරාතිරමෙන් සිටියත් සමකාලීනයන්ට ඒ මානසික පෙරළිය දැනේ..
තුරුණුවියට එළඹෙන්නන් සේම එයින් නික්මෙන්නන්ද ලබන්නේ අලුත් අත්දැකීමකි..
වටහා ගන්නේ ලෝකයේ තවත් ලෝකයකි..
එය ජීවිත ආලෝකය පිණිස වන්නේ නම්, ජීවිත අවබෝධය පිණිස වන්නේ නම්,
ස්තූති වේවා....!
සකළ ලෝක වාසීන් හා මෙතෙක් අප නිර්ලෝභීව පෝෂණය කළ ස්වභාව ධර්මයාට..
තවත් ලෝකයක් දකින තෙක් අප මේ ලොව අවබෝධයෙන් පියමං කළ යුතුය..
බොහෝකොට කතා නොකරන යථා බව හඳුනා අවසරයි එසේ නම් යන්න තව ඉදිරියට..

පොල්පිති...සහ පොල්ලෙලි


Friday, June 29, 2018

නුඹ....!

අහස යනු ඇගෙ හිත නම්
හඳ යනු සිසිල වේ එහි
හිරු යනු එළිය නම්
තරු යනු වරුණ වේ එහි

වැහි වළා යනු දුක නම්
නිල් ගගන සතුටම වේ මැයි
අකුණු ත්‍රාසය වේ නම්
ගිගිරුමද බිය දේ මැයි

වැසි බිඳුව කඳුළක් වේ නම්
සිනහ පවනේ රැළිමයි
තත්පරයකුත් පාසා
එක ලෙසට ඉන්නට බැරි ඇයි

සිතින් විඳ විඳ හුන්නත්
අතින් අල්ලනු බැරිවෙයි
දිනෙක නැළැවෙන නිළඹේ
සොරා ගනු රිසි නුබමැයි

(තනිකරම කතාවක්)2

උඹ මීඩියා කාරයා.. මෙච්චරට අච්චරක් දේවල් ලියන්න තියෙද්දි උඹ කුණුගොඩවල් අයිසින් කරනවා විකුණන්ඩ.. දාහක් ඇත්ත මිනිස්සුන්ගෙ උත්සාහයන් තියෙද්දි උඹ සෙප්පඩ යාළුවන්ගෙ කුකුල් කටු වෙනුවෙන් කහිනවා.. මේකව ඇදල දාපන් අතනට..
මට කතාකරන්න දෙන්න ඒක මගේ අයිතිය...
උඹේ පැටික්කිරිය බලලයි උඹව මෙතනට ඇද්දේ..උඹේ කුපාඩිකම් වහගන්න ජනතාවාදී වෙන්ඩ හදන්ඩ එපා ටින්කිරෝ...ටිකිරි මොළේ තියාගණින් කෙල්ලන්ව රවට්ටන්න, ඒත් උඹට ආයෙ ඒවට වෙලාව දෙන්නෙ නෑ මම.
අනිකව ගණින්..
මූ කලාකාරය..කොහොමද ආයුබෝවන්ඩ.. ගෙදර දොරට නම් වැඩ කරගත්තා, තවම කලාවට යමක් කරන්න තමා බැරිවුණේ නේද..කතාකරමුද කණට පාරක් පිරිනමන්නද...
එහෙම කතා කරන්ඩ එපා. අපි තුට්ටු දෙකක් හම්බ කරන්නෙ මිනිස්සුන්ව කොච්චර සතුටු කරලද...
අම්මප. මට නම් පේන්නෙ හැම අතටම කලාවට වනල තමුන්ව සාධාරණීකරණය කරගන්න එකයි තමුසෙගෙ කලාව..
ඊර්ෂ්‍යාවෙන් කතා කරන්ඩ එපා...
ඊර්ෂ්‍යාව..ඈ.. බොල උඹල කරන්නෙ කලාවද, මුළාවද.. මිනිස්සු හිතන පතන දේවල්වල නිවැරදිකමට බලපාන්න උඹල කරපු කලාව මොකද්ද...කැපකිරීම මොකද්ද..ගලන ගඟටම අතු ඉති පාහිනව මිසක්..
එහෙම කියන්ඩ එපා කලාව කියන්නෙ සමාජෙට පණිවිඩ දෙන දෙයක් නෙවේ. අනික අපි කොච්චරනං කැපවෙනවද.. නිකං නොදැන කතා කරන්ඩ එපා.
ඔව්..මම දන්නෑ.. හැම බඩකඩත්තුවම විවේචනයේ කරන උඹලට කිසිම සමාජ වගකීමක් නෑ.. කැප වෙනව තමන් ගොඩ යන්ඩ නම් ...කොහොම හරි එල්ලිලා ඇවිත් තැනක් හදාගෙන හම්බුකරනවා..උඹල අනිත් උන්ට වැඩිය විශේෂයි වැඩිපුර මිනිස්සු අඳුනන නිසා. උඹලත් ඒ පානෙන්ම  එළිය බලනව. උඹලත් මිනිස්සුද, මහලොකුවට කියන්නෙ කලා කාරයො...
එහෙම කියන්ඩ එපා..
උඹල කලාව කරේ උඹලගෙ ගුරුවරු දෙයක් මිහිපිට ඉතුරු කරපු නිසා... දැන් උඹල මොනවද ඉතිරි කරල තියෙන්නෙ..
ලබ්බ තමයි උඹලගෙ කලාව.. උඹල දේශපාලනේටයි දොස්තරලටයි කොන්දොස්තරලටයි බැන බැන දවසෙ ගාණ කපනව, ඊළගට ප්රතිරූප, තත්වෙ මේන්ටේන් කරනව..වියදම කරන එවුන්ට රෙදි නැතුව කඩේ යනව.. නම දාගත්තු පොරවල්ගෙ වළං හෝදනවා ...ඔන්න බොලාගෙ කලාව...කෝ බොලාගෙ ඇට්ටකුණා නොවුන අලුත් වැඩ. මං අහන්නෙ බොලාගෙ සමාජේ කොළඹට එහා කෝ... කෝ දැන් කට.. පිටිසරින් ආපු වස්සො ටිකත් අවසානෙ බොලාගේ ගොබ්බ රැඩිකල් ආතල් එකට උම්බෑ කියනව. උන්ට එතනින් එහා කොන්දක් තියාගන්න ඉඩක් නෑ.. රැඩිකල් තත්වෙ මේන්ටේන් කරනව..වැදගත්කමට..ඒකද බොල අපි නොදන්න කලාව..ටෙලිවිෂන් වලට ජීවත්වෙන්න උඹල කලාව සිල්ලරට විකුණනව. වර දාන ගිලින්ඩ දේශපාලුවන්ට නොදෙවෙනියි උඹලත්..
තමුසෙ දන්නෑ අපේ ගැන. මේ අපේ කට වහන්න තමුසෙට බෑ හරි. අපේ මීඩියා එකෙන් මං තමුසෙව නැති කරලම දානවා.. කොහෙද ඕයි විදග්ධ සමාජෙකට ගැලපෙන්නෙ උඹ වගේ හරක්..
ටීඉඉඉඉඉංංංංංංංංං
ටීඉඉඉඉඉඉංංංංංංංංංං
කණටයි කටටයි බෙහෙත් දා ගන්නවා ඉස්සෙල්ලම....
තව කට්ටිය එහා පැත්තෙ, මෙතනට ගේන්ඩද...පොලිටික්කොද, කලවැද්දොද, බොරු වීර කාලකණ්ණි ඔක්කොම ඉන්නවා..
පොඩ්ඩක් ඔහොම හිටපන්කෝ..  එක එකා ගමු අපි..

-ඉදිරි කොටසින් හමුවෙමු-

(තනිකරම කතාවක්)1

මං මූට ඇත්ත කියන්න කීවා.. ඒත් ඇත්ත එළියට එන්නෙ නෑ, තත්වය නිසා උගුරෙ හිරවෙලා.. මොකද්ද තත්වෙ... මේ මහාචාර්ය කෙනෙක්.. ලංකා රත්න කියන්නෙ.. ගහපන් කන පුපුරන්න...ටීඉඉඉඉඉංංංංංංංංංං ලංකා රත්න ගේ කන් අඩියට දෙවියන්ගේම පිහිටයි. ඒත් කට ඇරුණා..
මං කියන්නම්.. අදින් පස්සෙ පාරෙ හිඟා කන්න උනත් කමක් නෑ.. මම ඇත්ත කියන්නම්.. (ප්රකාසන විකාසන ප්ලොට් අයිතිය තනිකරම මා සතුය©®)
හැමදේම නන්නත්තාරයි තමා, අපි තත්වෙ කළමණාකරනය කරනවා. ඉගෙනගත්තු හැම මිනිහට වගේ මමත් ... වතුර ටිකක්.. අ අ...මමත් කළේ ඉහළට ගිය එක. ඉහළම තැන ඉඳන් විවේචනය කරපු එක. අපි කියල වෙන මොනව කරන්නද, එක එක කාලෙට එන එන දේශපාලනයක් එක්ක වෙනසක් හොයනව ඇර මොනව කියල කරන්නද, මේක ගොඩදාන්න බෑ..
මේ මහාචාර්යතුමෝ, අපි අහන්නෙ තමුන්ගෙ දුක ගැන නෙවෙයි..අපේ දුකට හේතුව හරි...
හරි හරි මම කියන්නම්, මමත් පිටිසරින් ආපු මිනිහෙක් තමයි. අද ඉන්න ගොඩක් කොල්ලො කෙල්ලොන්ට වගේ ඒ කාලෙ මටත් ඕන වුනා ඇමරිකන් යුරෝපියන් හීන දකින්න...
උඹලත් එක්ක එකට හිටපු ගොඩක් දෙනා තමයි දැන් රට කරන් යන්නේ  දෙපැත්තෙන්ම....ඒකයි තත්ව කළමණාකරණෙ ඈ.... පොඩ්ඩක් ඔහොම හිටපං. ඔය අනිත් කෙඳිරිගාන එකා අරන් වරෙන්...
කංසා බිව්වම... ඔව් බිව්වම..ගංජා ගැහුවම.. ඔව්... අරක ප්‍රාණවත් වෙනවා කියලා අයියා කෙනෙක් කීවා..
අරක, ඈ බොල උඹට ප්‍රාණවත් නොවන ලෙඩක් තියෙනවද..කතාකරපං...නෑ.. නැත්තං තොට මංඤංද, පංඤංද ... ඉහ මොළේ කරකරගන්නේ.. ලෙඩක් තියෙනව නං මං බේත් අරන් දෙන්නං ඉස්පිරිතාලෙකින්, පොඩි කමට පිස්සෙක් නොවී ඉඳපං ඇච්චෝ...
අනිත් එකා ගෙනෙන් ..
මූ රැඩිකල් චින්තනේ වෙනුවෙන් බොන එකෙක්, සියළුම මත් බීම වර්ග, මත් ඉරීම්..මත්..
ඇති..
මහාචාර්යතුමා උඹල මේවට වගකියන්න ඕන..... මේ රැඩිකල් තුමා, බලන්න කියපං කවියක්...
මං කියන්නං..
උඹ..උඹ මීඩියා කාරය නේද, ඕන දේකින් උම්බලකඩ විජිටේරියන් සම්බෝල හදන එකා, උඹ තොත්ත බබා..
මං ගාව තියෙනවා ගංජාලංකාරගෙ කවියක්,එයා පේස් බුකි දාපු
කියවපං ..
දණ ගහන්නෙ නෑ..
මං කවි කියන්නෙ නෑ
මට ගැහුවොත් උඹෙ
කණට ගහනවා
මම ගංජ ගහනවා
මේ තිරිසන් සමාජයේ
රති කෙළි යයි දූ
කෙළිය මගේ
ඇගේ සිනිඳු කොපුල් තලේ
උඹෙ මළෙවි කරළිය ඇයි ඌට අලෙවි කළේ...
වසන්තයේ එන සති අන්තයේ
නඩුවට මට කොටුවෙ යන්ඩ තියේ...
විශිෂ්ටයි නේද, මං කීවෙ ශෘංගාරාත්මකයි නේද..
නඩුවද..උඹෙ ගෑනිද..බොගෙ මීඩියා ඇම්මද
දැන් අපි සේරම මේවායින් ගැහුවා ම චින්තනේ හැදෙයිද, කාමය රතිය සාංදෘෂ්ටිය, මොළේට ලේ උනයිද, නැත්තං ඒක කරවෙලා ගිහින් අර මහාචාර්ය ඉහළ අතින් කොරපු දේ උඹල පහළ අතින් නොකරයිද.. දාපන් මේ මළ ජරාව කුණු ගොඩට, ඒක ගිනි තියල දාපං.
ඔක්කොම කාලකණ්ණි.. කොටසක් තමුන්ගෙ තත්වෙ වෙනුවෙන් නැහෙනවා..කොටසක් තමන්ගෙ දුර්වලකම විඳවනවා..හැබැයි සේරම හිතාන ඉන්නේ තමන් තරම් ජීවිතේ විඳින සකීර්ල නෑ කියල..
...ඊලඟට...ආ උඹ

-ඉදිරි කොටසින් හමුවෙමු -

පෞද්ගලීකකරණය

ඉර යි තරුයි
විතරයි තව
නොඇල්ලුවේ අප
හඳත් පයින්
පාගාලා
ඇත්තේ අපෙ අය
සිහිල් ජලය
ගුවන් තලය
උණුහුම් කළෙ අප
රළුව වදින
පවන් දහර
හැදුවේ අපෙ අය
සොබාදහම
ඔබට බැරිය
පාඩු විඳින්නට
ඔබෙ දේපළ
අපට දෙන්න
ලාභ ලබන්නට

Tuesday, June 26, 2018

අතුරු සිදුරු

මදුරුවෝ වගේ නොවන අලි කොටි වග වලසුන් අතින් තලා විනාශ කළ හැකි හෝ පරිසරයේ පිරිසිදු කමෙන් යාමනය කළ හැකි හෝ සත්ව කොටසක් නොවේ. සතුන් මරා දමා පරිසර සමතුලිතතාව බිඳ තිරසාර විසඳුම් ලද හැක්කේද නොවේ. ඩෙංගු මැලේරියා නොහැදුවද අලියා මිනිහා අතර ඇති අරගලය, ඉඳ හිට වාර්තා වන කොටි වලස් කතාවට වඩා සමාජයේ ගැඹුරට ගිය එකකි. වරද අලියාගේද මිනිසාගේද යනුවෙන් වදවීමට වඩා වග වීම සපුරා ඇත්තේ මිනිසා සතුව බව වටහාගෙන ක්‍රියා කිරීම නොවෙද කළ යුත්තේ.
බලය සහිත වූ පමණින්ම බලධාරී හෝ නිලය දැරූ පමණින් නිළධාරී බව දරන්නන් නොව මොළය සහිත මොළධාරීන් පිරිසක් රටේ මහජනයාට නිරන්තර බලපාන ගැටළු සඳහා දිගු කාලීන දේශපාලනමය නොවන සමාජමය ප්‍රතිපත්තිමය විසඳුම් ලබාදීමට තෝරාගත නොහැක්කේ ඇයි. පත් නොකරෙන්නේ ඇයි.
අණ සහ බණ පටලවාගත් එකතැන පල්වන සමාජයක් හිට්ලර් සොයා අතීතයෙන් අනාගතය දකින්නට හදන්නේ පල්වීමෙන් කුණුවන මොළගෙඩි වලට ඉන් එහා කල්පනාවක් ඇති නොවන්නේ මෙ බැවින්මයි.
වරද පෙනෙයි, දැනෙයි. ඒත් අපි එකතැනයි. උත්තර සරලයි. අපේ අමනෝඥකම ඉහළයි. එකඟතාවයන් හීනයි, මතවාදයන් බහුලයි. අවසන් ප්‍රතිඵලය උදාසීනයි, නිෂ්ක්‍රීයයි. බොහෝ ස්ඵෝටනයන්ගේ සද්දෙයි දුමයි විතරයි. මිනිසුන් අනෙකා නසා සතා සීපාවා මරා දමා හෝ තිරශ්චීනව විසඳුම් සෙවීමේ එක්තරා හේතුවක් එතැනයි.
අප රටක් හැටියට නිවැරදි කාල රාමුවකට පිවිසෙන්නේ කවදාද.. අප්පමාදෝ අමත පදං.. මතුබුදුවන බුදුන් දැක නිවනටත් ප්‍රමාදය පතන අපි අඩු තරමින් යහ ජීවනයක් උදෙසාවත් අප්‍රමාද නොවන්නේ මන්ද.. කාලකණ්ණි කම යනු එයයි.

අත බලා, පොත බලා, මූණ බලා, අහක බලා කියම්!

👳ඔබට අවශ්‍ය අද දවස කොහොමද දැනගන්න
👷නෑ, මම දන්නවා මට අද කරන්න තියෙන දේ
👳එහෙනම් ඔබ කැමතියි ඔබේ හෙට දවස ගැන දැනගන්න
👷ජීවිතේ අනියතයි හෙටයි කියල වෙනසක් නෑ මගෙ හිතේ
👳ඔබ ආසවෙයි ඔබේ වාසනාව හොයාගෙන යන්න
👷හොයාගෙන යන්න වෙන එක අවාසනාව නේද, ඕක උත්සාහය
👳සුදුසු රැකියාව ගැන දැනගමුද
👷සුදුසු දේ මම තීරණය කරොත් ඒක ප්රශ්නයක්ද
👳විවාහය ගැන, දරුඵල ගැන..
👷ඒක මට බලාගන්න පුළුවන්, වදවෙන්න එපා ඒ ගැන
👳අපල උපද්‍රව නොසළකන එක හොඳ දෙයක් නෙවෙයි නේද
👷මම කොහොමත් සිහි කල්පනාවෙන් ජීවත් වෙන්නෙ, ඒක හොඳයි නේද
👳එහෙනම් මම යන්නද
👷ස්තූතියි මං ගැන වද වුනාට, නැකතක් නැතුවම තේ එකක් බීල යන්න..

Monday, June 25, 2018

අණද බණද(ප්‍රාඥයා අඥ්ඥාන දායකත්වයට කිසිවිට බිය නැත)

අණට බය නිසා බණවත්
බණ සැර මදි නිසා අණවත් නොවේ
අවැසි තැන අණය
අවැසි තැන බණය
පැවැත්ම එතැනය
කොන්ද කෙළින් නම්
හිට්ලර්ලාද ඇඳ යට
රිංගන තැනට වැඩ ඇත
(හිට්ලර් යනුවෙන් අදහස් කළේ ඔහුම තමා)

Saturday, June 23, 2018

සේපියන්ලාගේ සේපියන්

කොන්ද කෙළින් කරන තරමට
පපුව ඉස්සරහට දාන තරමට
කොටු කරන්න උස වැටක් ඕන නම්
සී සී ටී වී හතරත වනන්න ඕන නම්
බුලට් ප්රූෆ් අඳින්න ඕන නම්
විද්‍යාත්මක නාමය මොක වේවා
ශතවර්‍ෂය විසිඑක වේවා
සත්තයි
ඒ මිනිස්සු නම් වෙන්න බෑ

මාද්දිය හර්දයට රිපීට් නොකරනු (හාර්ට් ෆුල් හර්ට් ෆුල්)

තිරිසනා කෙළෙසුවා ඇති, උගෙ වේදනාව විකුණාගෙන කන්න එපා. ඒව හිට්ලර්ට විරුද්ධ මිනිසුන්ට තරම් නෑ. පෙන්නන්න නැවත වධය නොව වධ විඳි බව පමණක්. මිනිස්සුන්ට නම් ඒ ඇති මයෙ හිතේ...යුද්ධෙට පස්සෙ මේ මිනිස්සුන්ගෙ තිරිසන් කම් අලෙවි කර ගැනීමත් ප්රවෘත්ති කලාවක් වෙලා.. ස්ත්‍රී දූෂණයක් විතරයි තව වීඩියෝවකින් දමල නැත්තෙ ටී වී නිවුස් වල..මේවට විසඳුම් ඉල්ලන්ට සිද්ධිය ඒ ටු ඉසෙඩ් විස්තරේ පමණ නොබලා නැවත නැවත දැමීම තවත් ජන මනස කෙළෙසීමක් නොවෙන්නෙ නෑ. අවකෙළි දහයකට උඩ ගෙඩි දෙමින් එකක් බේරා ගන්න හදනව කියන්නෙ ඔළුවයි මුට්ටියයි දෙකම විනාශ කරගන්න වැඩක් කියලයි කියන්න වෙන්නෙ. එහෙම තැන්වලයි හිට්ලර්ලත් හිටගන්නෙ.(හිට්ලර් යනුවෙන් අදහස් කළේ හිට්ලර්වම තමා)

Thursday, June 21, 2018

මෙහෙමයි,

චීවරය ගලවන එක ගැන කතාකරන්න පළමුව කතා කළයුත්තේ චීවරය පොරවා ගැනීම, එහි වටිනාකම රැක ගැනීම ගැනයි. භික්ෂුත්වය රංගනයක් කරගත්තම චීවරය ඩ්‍රාමා කොස්ටියුම් එකක් ගණනට වැටෙනව..එතකොට රංගනය අවසානයේ ඒක ගලවල දමන්නම වෙනව. වටිනාකමක් තියෙන්න නම් තමන් පොරවගන්නෙ තම ශාස්තෘෘවරයාගේ නමින් එන චීවරය කියන එක හද පතුලෙ විතරක් නෙවෙයි තම ඥානය පුරාවට සාරයක් වගේ පැතිරිලා තියෙන්න ඕන. ත්‍රිවිධ හමුදා ඇඳුම, පොලිසියේ ඇඳුම අවභාවිතයට ගැනීමට වඩා දරුණුයි ආගමික පූජ්‍ය, පූජක ඇඳුම් අවභාවිතයේ ගියොත්.. කට ඉස්සර වුනු ගමන් හිට්ලර්ටත් ඒ ඇඳුම දාන්න තරම් ජන ප්‍රජාවත් තොරතුරු සන්නිවේදනය සමඟ ප්‍රබල උත්කර්ශයකට යනව. අන්තිමටම අපි අත දිග ඇරල අඩිය රත් වෙන්න ගහගෙන තියෙන්නෙ අපේම කණට.
අපි බණ අහනව මිසක් කියන්න සුදුසු නෑ.. කියන්න ඕන අය බයිලා, සිංදු, කතන්දර කියන්නෙ නැතිව අදාළම කාර්යයේ සතිය පිහිටුවා වැඩ කරනව නම් ඔය ප්‍රශ්නත් නෑ..
දැන් කියන්න වෙන්නෙ වෙච්ච දේට එන්න සෙයියදු..
රෙදි කරට ගන්න කලින්, අඩු තරමෙ සරම උස්සගෙන ගිරි ගෝරියට යන්න කලින් ඇත්තටම තියෙන ප්රශ්නෙට හරියටම උත්තර දෙන්න ඕන කියන එක හැම විටම දෙතුන් පාරක් හිතන්නට සතිපට්ඨානය ටිකක් හෝ වැඩිය යුතුයි...ගිහියෙක් හැටියට මම ගැනත් මට හිතෙනව..

හිඳුවන කවි (හීතලට)

සාර භූමිය මාර වෙස්ගෙන වනසනා
කෘෘර කල්ලිය දනන් මන ගිනි අවුලනා
වනන්නේ නැති කඩුත් අරගෙන කොස් කොටා
බත් ගසින් වත් රට නගාපන් මැතිතුමා

කටින් බතලත් අලත් මල්පැල සිටවනා
කලත් පසුවී බබත් ලොකු වී ඇත මෙදා
තවත් කාලය බලන් ඉන්නට බැරි නිසා
මැජික් මරලා රටත් නළවා ගනු සොඳා

එදා සිට ඒ පැවතෙනා ගරු නම රකිව්
රෑට රෑටම අවකෙලිය මන්තිරි පැටව්
ගැටව් සේරම නුඹලගේ මග ඇදට යව්
අනේ අම්මප කක්කුටුය මුන්ගේ අඩව්

Wednesday, June 20, 2018

සාධු...සාධූ...සාධූ!

වෙෙරය වගුරවා
ත්‍රාසය උතුරවා
භීතිය පතුරවා
කෝපයෙන් ගුගුරවා
කියව් කියව්
දියව් දියව්
අපිට
තොපිට
ඔව් අපිට
සාධු ජන සමාජයක්!
වැඩ වරා
දන පෙළා
හණ ගසා
කඩ වසා
පතමු අපි
ප්‍රගමනික සමාජයක්!
මාවතේ ඇවිද
ලේ හලා ඇවිල
කාලය නසා හනික
හෙට එළි දක්වමු
අධ්‍යාපනික සමාජයක්!
තව දුරටත් බෙදෙමු
නිල බලය බදා ගමු
තනි තනිව බෙදා ගමු
ලද හැකිය
සමානාත්ම සමාජයක්!
ඔව් ඉතිං, අපි පතමු
එහෙව්
මෙහෙව්
සීමා රහිත
පීඩා සහිත
අසාධු
සාධු ජන සමාජයක්.

කැලේ..!


Sunday, June 17, 2018

රියලිටි තුළ රියලිටිය

රාමුව හතරැස්ය වාහිනියේ රූප
කොහොමද හැමදේම හතරැස් කරන්නේ ඕක
ඔළුවත් රවුම් සැටලයිට්ය දැන් ඒක
කලාව රවුම් නැත්නම් අටපට්ටම්ද

මට්ටම් නැති නමුත් ඔපමට්ටම් දාලා
විකිණිමු අපිත් බොරුවත් අයිසින් දමලා
රස කර ලුණු මිරිස් පදමට දෙහි දාලා
අත පය නළවනමුද කොරියෝ ග්රැපි දාලා

අද්ය යාපනේ වගේය යද්දි යාපනේ
ඒ නයින්ය ගියෙ උඩින්ය ඕ ලෙ වෙල් වගේ
මඩත් කරිය බඩත් වැඩිය කලටිපොල් වගේ
නටාපන් උඹත් නටන්නෙම් මාත්
බිංකුණ්ඩො බොල බිංකුණ්ඩෝ....

තෝත් නටාපිය මාත් නටන් නම්....
රියලිටියේ බොල කුංබිංඩෝ
කීයක් එනවද කීයක් දෙනවද
නැගලම වනමුද ජිට්කුංඩෝ

Friday, June 15, 2018

ලේ සුවඳ (කුඩ මසු පිළී ගඳමය)

ලෝකයම මස් මාර්කැට්ටුවකි
විටෙක අපි පාරිභෝගිකයාය
විටෙක කඩයට මස සපයන
තැරැව්කරුවාය
විටෙක දඩයම කරන මස් වැද්දාය
නැතහොත් දඩයම අපම
එවිට විකිණෙන රස මස අපය
නැතහොත් නොවිකිණෙන කුණු මස අපය
ඔබ විජිටේරියන්?
මා බාබේරියන්?
අවසන අපි මැරෙන තුරු කිරට මිරිසට මස් මර මරා බුදින්නන්
කීයද මේකෙ ගාණ?
මේකෙ ගාණ කීයද?

මූණ - හංගන්නෙපා(ඒත් ලැජ්ජයි නම් කමක් නෑ)

මම කැමති මූණ මට නෑ කියල හිතුනම මිනිස්සු වෙනස් මූණකට තමන්ගෙ මූණ මාරු කරනවා, ඒකට තේරෙන සිංහලෙන් කියන්නෙ ප්ලාස්ටික් සැත්කම.
ඇත්තටම හදවතේ තියන දේ මූණෙන් පේනවා කියල සමහරු කීවත් ඒක අන්ලිමිඩට් ලෝකයක හංගන්න, බොරු කරන්න වෙන කතාවක්. මූණෙන් තියා වීදුරු බෝල වගේ ඇස් අස්සෙන්වත් අද හදවත් දකින්න අමාරුයි. ඒකට ස්කෑන් කරන්නම වෙනව.
එහෙම කාලෙක උනත් තාමත් පුංචි පුංචි සිඟිති තැන්වලදි, රිංගලා ගියොත් හිර වෙන්න වෙන තැන්වල දි ඇස් වලින් මූණෙන් දෙන්න වෙන අවංක කම සමහර විට කැමැත්තෙන් හෝ අකමැත්තෙන් අපිට දෙන්නම වෙනව..දැන් රියලිටි ෂෝ වල නැතත්.
 සාත්වික අභිනය ප්රගුණ කරයි කියල ඒක තත්පරේකට හැඟීම වහගත්තත් ඇත්ත හැඟීම මුදා ගන්න නාන කාමරේ හරි ළිඳ ළඟ හරි අඬන්නත් වෙනව.
රබර් බොලේ දිය යට ඔබල තියන්න බෑ.. ඒත් ජීවිතේ සුළඟෙ පා කරල අරින්නත් බෑ. සරුංගලේට නූලක් තියෙන්නෙ ඒකයි. මූණයි, ඇස් දෙකයි හැඩ කරන ඔළුව ඇතුළෙ මොළයක් තියෙන්නෙ අන්න අර හදවත සරුංගලේ වගේ හුළගෙ පියාඹන්න ගත්තම කූරිය ගහන්නෙ නැතිව අහසෙ ඉහළටම ඒක අරන් යන ඕන කරන නූල ඔතපු නූල් පන්දුව කර ගන්නයි.
ඒ නිසා ඒ පන්දුවෙන් සෙල්ලම් කරන්නෙ ප්රවේශමෙන්..මොකද පටල ගන්න ලේසි උනත් පැටළුණු නූල්බෝල ලෙහාගන්න එක ගොඩක් දෙනාට ලේසි වෙන්නෙ නෑ..   එතකොට ආපහු මූණ මාරු කරන්න හිතෙන්න පුළුවන්..
ඇත්තටම ලස්සන තියෙන්නෙ කොහේද? මූණෙ, හදවතේ? මොළේ? සමහරු කියන්නෙ බලන කෙනාගෙ ඇස්වල.. තේරුම් ගන්න පුළුවන්නම් හැමදෙයක්ම නිර්මාණය වෙන්නෙ ලස්සන අවලස්සන දෙකම එකට එකතුවෙලා කියල..
ගොහොරු මඩේ පිපෙන නෙළුම් වගේ දෙපතුලේ මඩ තැවරුණත් හදවත බුද්ධියෙන් ඔසවා ගනීවි මූණේ මඩ නොගෑවෙන්නට....
එතකොට ආපහු මූණ හංගන්න ඕනම වෙන්නෙ නෑ.

Wednesday, June 13, 2018

අස්සයා ඉස්තාලේ නෑ, ඌ වැසිකිළි ගිහින්..(ඉස්නානය කර ඌ එනතුරු ඉස්තානේ රැකගන්)-මරු මරේ

හැමතැනම සිංහලෙන් කීවොත් මැකැනිසම් ප්රශ්නය. ඉංග්රීසියෙන් ගත්විට කැවුමේ ප්රශ්නය. දෙමළෙන් ගත්විට පොලිටිකල් ප්රශ්නය... මේ අනුව කරුණු ප්රක්ෂේපණය කර උද්දීපනය කළ විට පෙනෙනුයේ පාර භෞතික අධෝ භෞමික තත්වයකි. සිංහලෙන් නම් ප්රශ්නයට විසඳුම් දීමට හොඳ ගරාජ් බාස් කෙනෙක් රජ කරවිය යුතුය. ඔහුට මැකැනිසම් හොඳින්ම ප්රැක්ටිකල්ය. ඉංග්රීසියෙන් ගත්විට කැවුම් තහනම් කළ යුතුය. අසවලා මෝඩයා කැවුම් කණ්ඩ යෝධයා යන්න එමඟින් වෙනස් කළ හැකිය. ඒ වෙනුවට අවැසි නම් මැන්දිස් වැනි පානයක් හඳුන්වා දිය හැකිය. දෙමළෙන් විසඳුමක් ගැනීමට නම් අදියරෙන් අදියර ෆඬරැල් පොලිටිකල් විසඳුමකට අප යා යුතුය.
මගේ යෝජනාව නම් බන්ධු-ටෙනිසන් ආරේ ප්රහසන කලාව වර්ධනය කිරීම මඟින් අපට බොහෝ ප්රශ්න වලට සරල පහසු විසදුම් කරා ලේසියෙන් ආ හැකි බවයි. රට පෙත්තටම නැංගිය හැකි බවයි. සිනාවෙන් ජොලියෙන් වදයක් නැතිව දෙපා උඩ තබාගෙනම ජනයාට සංවඩ්ඩණය විය හැකි බවයි.

Tuesday, June 12, 2018

ගුරු-මරු මරේ

(අරුත පහක් දාන්න, යටින් පෙනෙන අවස්ථාවට සම්බන්ධයක් හදන්න, මල් වඩන් ලෙඩා බලන්න යන්න, ගත හැකි ආදුරුසය ලිප තබන්න, නැතිනම් ශිශිර තරණයේ තබා පසුව ලිප්බොක්කේ පැළ කරන්න)

ගුරු මුෂ්ටිය ද
ගෝලයාට දුන් පසු
ඩබල් එකේ
ඒ ඔළමොල ගෝලා
සිතා එය යෂ්ටියක්
ඩබලක් සේ
අමුණා දෙකොන
නන්චකුවක් සේ
වනා දුහුනන් ඉදිරියේ
වෙන්නට සිතා පොරක්
වැදුනාලු සොම්බටම
ඩබල් එකේ
වැනුවාවු වේගයේ
දැන් ඌ ඉස්පිරිතාලයේ
හදිසි අනතුරු ඒ කකේ
ඌ තේරුම් නොගත් දේ
ඩබල් එකේ
වන්නා හැටිය
කූල් එකේ

Monday, June 11, 2018

ගෝඩ් එනකං! (කොමන් මෑන් නිකං හිඳීද???)

බොරු පණ පිහිටුවා ඇවිදිද්දී
සත්‍ය කනත්තේ මර නින්දේද?
බොරු වේ සදාකාලික සතුරා
සත්‍යයේ පුත්රයා හෙට උපදින්නට නියමිතය..

ගොම රිටි මිටි පිටින්
උඩ දමති හරි තුටින්
ලැජ්ජාව වැඩි කමිං
සත්‍යත් රෙදි ඇඳන්..

Saturday, June 9, 2018

මං තරම් අශුද්ධ මිනිසෙක්!

රැවුල කොණ්ඩය නිසා වූවා නොවේ
ස්නානය අකුරට කළ නිසා හෝ එක්තැන් වීමෙන් වූවාද නොවේ
යහමින් පෝෂණ සත්කාර ඇති බව නොදැනීමෙන් බිනුවාද නොවේ
ශුද්ධ වූ මිනිසුන් දැක්මෙන් ම සිතෙන්නක්ද නොවේ
මා ගැන අනුන්ට වඩා දන්නා නිසා සිතෙන්නකි
රංගනය සන්නිවේදනයට මිස ජීවිතයට ආලෝකයක් නොවන බව දැක කියන්නකි
නමුත්, ඔබට වඩා අහිංසක මිනිසෙකි මා
එලෙසම දරුණු මිනිසෙකි මා
එනිසාම එතරම් අශුද්ධ මිනිසෙකි මා
එනමුත්, තවමත් චෝදනා පත්රයක් නොමැත
යෝජනා පත්රයක්ද නො දමනු මැනවි
මා කුප්රකට ඇලෝසියස් හැර තවත් ඇලෝසියස්ලා කිහිපදෙනෙකු නම් හඳුනමි
ප්රකට මහින්ද, ගෝඨාභය තබා රනිල් මෙෙත්රීත් නොහඳුනමි
යමරජ, සාතන්, යමයන් හැර සමයන් ගැනද අසා ඇතිවා පමණය
එනමුත්, නැවත කියමි
මම අශුද්ධය
සෙම්, සොටු, කිලි, බලි, බිලි නිසා නොවේ ඔබට සාපේක්ෂවද නොවේ
නිරපේක්ෂව මිනිසෙක් ලෙස
පවිත්‍රත්වය පෙනෙන තැනක
දැනෙන තැනක
අවැසි තැනක

Wednesday, June 6, 2018

ආදරය නොහඳුනන මිනිහෙක් මා තරම්

කළ නොකළ බොහෝ දනා බොහෝ දේ ලියූ බැවින් නොලීමි, නොවේ
ආදරය නොදන්නා බැවින් නොලීමි, මෙතැන්හි
කල්තබා ලියූවක් වී නම් ඉල්ලා අස් කර ගනිමි, මෙකල්හි
නොදැන කළ වරදට සමා වුව මැනවි
බැඳීම යන්න හැර එහි දෙබෙදුම් නන්වැදෑරුම් සූචි නොදනිමි
එහෙයින්ම අහිංසක මිනිසෙකි මම
අලවංගුවකින්ම උදුරා දැමු ලෙස මුලුත් අල,
ආල මුල් හෝ අල දැන් සාර පොළොවේ නැත
තල මෙනේරි කුරහන් ටිකක් වත් වපුරන්නට දැන් හැකිය
කුරුල්ලන් අලින් නෙක වන සත්තු ඇසුරට බාධා නැතිය
හේනක් කොටා ගෙන පැලක් හදාගෙන කුඹුරක් කර ගෙන ....
හිතුවාට එසේ, හුළඟේ ගසා යන වරා මලක්  වත් දඬුවැටට උඩින් පියඹා එන්නට බැරි නැත
තරහ අවසර..
ඒවා ඉවත ඇදෙන්නේත් සුළඟින්මය
නොසිතමි එවග, පලාඵල කුමට .. ආලය නොහඳුනනම මා හට

Thursday, May 31, 2018

ඔව්...නෑ...බෑ...රජෙක් ඔටුන්න පූජාසනේ තබා නහයෙන් හැඬීය. (මටත් කඩුවක් නෑ, මමත් හඬමි)

මේ රටේ සුදුස්සාට, සුදුසු තැන කවදා ලැබේවිද? බලෙන් ගත්තොත් මිස කවදාවත් නොලැබේ වි...මේ බලෙන් ගැනීම ත්‍රස්තවාදය නම් ඒ ත්‍රස්තවාදයට උඩගෙඩිදෙන්නේ කව්ද? මේ රටේ ඒ චින්තනය වඩන්නේ නගන්නේ පැලකරන්නේ කව්ද? බලය ගත්තු ඉහළම පුරවැස්සා අප ඉදිරියේම නහයෙන් අඬනවා නම්...
මෙෙත්රී බලය ගත්තේ නහයෙන් අඬන්නටද? බලය ක්, විධායක බලයක් නුඹ සතුව ඇත්තේම නැතිද, මහත්තයෝ... කඩුව වනනවා කීවා, අවිචිය නරකාදිය ගැන කිවා..තව බොහෝ දේ ඔබම කීවා...ඒව සියල්ල අර මහින්දගේ වගේ "අපෙ  හාමුදුරුවනේ" කථාද? සිංහයෙක් පරිදි සටනට ආවා නම් කුක්කෙකු පරිදි කෙඳිරි ගෑ යුතුද? අපි විශ්වාස කළ යුත්තේ නුඹලා බලය ගන්නට  පෙර දාන ගර්ජනාද? පසුව දමන කල්පනාද? මහින්දගේ මග හරවන්නට නුඹට දුන් බලය රනිල්ගේ බලයට යට බවද නුඹ නොකියා කියන්නේ.. කව්රුන් හෝ නිසා වේවා නුඹලාගේ නාඩගම් තව දුරටත් විනාශ කරන්නේ මේ රටේ යහ ජනතාවගේ හදවතේ විශ්වාසයයි. මේ රටේ හදවතේ සාක්ෂියට කොලොප්පම් කරන පාර්ලිමේන්තුවත් සමයං දේශපාලන උගුඩුවෝ රැළත් ඊටම සරිලන ඒ පස්සේ වැටෙන ඉඳුල් බත් කන බත්බැලයින් රැසත් දැන් සිටින්නේ එකම වැසිකිළි පෝච්චියකය. මට නම් පෙනෙන්නේ එපමණයි. එතැනින් එන කවරෙකුගෙන් එන්නේත් එකම ගඳ නොවන්නට නම් පරණ වළෙන් නාලා ඇවිත් බැරිය. ඒ වළ දැන් අසුචි වලකි.

අලුත් අලුත් දෑ නොතකා, නොතනා නූල් සූත්‍ර වලින් ජනතාව නටවා යන්නට ගියෝතින් නුඹලා හැම ඔය පෝච්චියෙන් වළට යන්නට ඉක්මන් සුදුස්සන් වනු ඇත.

කණගාටුව නුඹලා ගැන නොව අප ගැනමය. රට ගැනමය. හැමෙකා අවංකව හිතන්නේ රට ගැන නම් නැත්තේ ක්රමයක්ද? වතුර බිඳක් නැති, සාර බිඳක් නැති පොළව ඇති රටවල් සිය ඉරණම් කණපිට ගහද්දී.. අපි පාපෝච්චාරණය කරමින් හඬා වැටෙමු බලය හා බලවතුන් ඉදිරියේ..

වැටි සියයක්! ම දල්වමු..

ඕනෑ කුමක්ද
වැටියක්ද
දුමක්ද
දල්වන්න
එනවාද
එයින්
තව
වැටියක්ම
එහෙනම්
දල්වන්න
වැටියක්ම
පහන්
දල්වන්න
තව
එයින්
වැටියක්ම
පහන්..

Tuesday, May 29, 2018

අධි පොසොන් දා අධි න්‍යායන් නැති අධික ඇත්ත අධිකව කියමි (එහෙම යකෙක් වෙයන්)

පාදමක් නැතිව ගෙයක් හදන්නට බැරිය. හැදුවත් එය පවත්වාගෙන යන්නට බැරිය. මුළක් නැතිව ගසක් නැති සේම මූල පද්ධතිය කුණුවූදා ගස ඇද වැටෙන බවද සත්‍යය. එසේනම් අසම්පූර්ණ පාදමක්, කුණු වූ මූල පද්ධතියක් ඇති රටකට තවදුරටත් ඒමත පැවැත්මක් නැති බව නොකිවමනාය. පැහැදිලිවම මුක්කු ගසා රට නොවැටී තබාගන්නට තවදුරටත් කිසිවෙකු සමත් වන්නේද නැත. එසේ හැකි උන් සෙවීම වත්මන් දේශපාලනය නඩත්තු කරන එක් සර්වාංග කුපාඩිකමක් පමණි.

යුද්ධයක් නිමා කළේය. එය ශරීරයේ කොටසක් වණවී කුණුවී ගැලවී යන්නට ගොස් යන්නම් නොකපා බේරා ගත්තා හා සමානය. නමුත් නොසෑහෙන වියදමක් දරා ගොඩදමාගත් ශරීරය ප්‍රකෘතිමත් කර වැඩක් ගන්නවා වෙනුවට අපි ඒක සමරන්නට ඇඟ පුරා පච්ච කොටා ගතිමු. වැදගත් විදිහට අතේ පයේ වශයෙන් පටන්ගත් ටැටූ නැටුම ජය බෙදාගැනීමේ තණ්හාව මත කටේ, පිටේ, මුහුණේ පමණක් නොව බඩේ, පපුවේ, පශ්චාත් භාගයේද ටැටූ ගසා ගතිමු. දැන් ඇත්තටම තවත් වණයක් හැදෙන තරමටම ඒ ටැටූ කෙළිය අවකෙළියක් වී ඇත.

මේ සියල්ල අස්සේ ගතවූ කාලය පුරාවට සිදුවූයේ ලාවට ලාවට අටවාගෙන තිබූ රටේ පාදම බිඳී හැලීමයි. ඇද වැටීමයි. අවුරුදු ගණනාවක් තිස්සේ ඒ ගරාවැටීමේ හේතුප්‍රත්‍යය සම්පාදනය වූයේ උතුරු නැගෙනහිර යුද්ධය නාමයෙනි. ඊළඟට දකුණේ භීෂණය නාමයෙනි. සියල්ල ගිණුම්කරණයෙන් විසඳා බැලූ විට එක එකාගේ නමට ලියා ගත් හර බැර හැරුණුකොට අද රටට ඉතිරි වී ඇත්තේ පාසල් පෙළ පොත්වල ඇති දැනුමත්, පරිගණක වල ඇති ඩේටා, දවස් හතරක් කඩින් කඩ වැස්සත් නාසයෙන් ඉහළට වතුර නගින හා ගිලාබහින පොළොවක්, දවස් පහක් තවදුරටත් ගොඩ ගැසීමෙන් ගිනි ගන්නට අරඅදින කුණු කඳු හා ජාතිවාදයේ, ආගම්වාදයේ ආස්වාදයෙන් මනදොළ සපුරන ඇල්මැරුණු මුත් බඩගෝස්තරයේ අයිතිය වෙනුවෙන් නම් මරාගෙන මැරෙන, කැපවීමෙන් තොරව කේතුමතියක් පතන, කඳ ඊස්ටන් ඔළුව වෙස්ටන් කකුල් ලතින් ඇමරිකන්, නන් දොඩවන හුදී ජනතාවක් පමණි.

දැන් අපට ඇත්තේ පැහැදිලි විකල්ප දෙකකි. උපන් බිම ගෙඩිය පිටින්ම කුණු කොල්ලයට විකුණා දෙකෝටියටම කීය කීය හරි බෙදා ගැනීම එකකි.
නැත්නම් මේ අභියෝගයෙන් ගොඩ ඒමට ත්‍රස්තවාදයෙන් සමඟ කළ යුද්ධයට එහා යුද්ධයකට යා යුතුය. අනාගතය උදෙසා වාදබේදයෙන් තොරව අති දරුණු කැපකිරීමක් කළ යුතුය.

නමුත් ඊට පෙර මේ ටික නම් නිරාකරණය කර ගෙන සිටිය යුතුමය.

අපි පෙර යුද්ධයක් දිනුවා තමා. එහෙත් ඒ ත්‍රස්තවාදයට එරෙහි යුද්ධය දිනුවේ මහින්දවත්, ගෝඨාභයවත්, ෆොන්සේකාවත් ද? එසේ නැත. ඔවුන් කළේ වගකීමක් ඉටු කිරීමකි. ඒ වෙනුවෙන් කැපවීම් කළේ මහජනයාය. දිවි දුන්නේ ද රටේ ජනතාවය. හමුදාව යනු ජනතාවගේ දරුවන්ය. සතුරන්ද ඒ ජනතාවගේ දරුවන්ය.  දිනුවේ යහපතය, පැරදුනේ අයහපතය. එපමණකි.
භිෂණ සමයේ සිදුවූයේ කුමක්ද? එයත් සටනකි. යම් අරමුණක් උදෙසා පෙළගැසුණු සමූහයක් හා රජයක් ගැටිණි. සමස්ථ රටේ ජනතාවටම විනාශය අත්විය. සටනක අරමුණ කවරක් වුවත් අවසන රටට ලැබුණු ජය කුමක්ද? කවර භීෂණයක වුව අවසන් ප්‍රතිඵලය රටක පරාජය යි. යුද්ධයේදී මෙන් බර අවි නොදැරුවත් ගිනි අවි ගන්නා කවර අරගලයකදීත් ප්‍රතිඵලයේ බර මැනෙන්නේ ජීවිත වන්දියෙනි. දේපළ හානි, පරිසර හානි පසෙක වේවා..
ඒ නිසා රට නගන්නට යුද්ධ කළයුත්තේ සැබෑවටම කවර අවි ගෙන දැයි ඔබම කල්පනා කළ යුතුය. කව්රුන් දිනවීම සඳහාද යන්න ඔබම තීරණය කළ යුතුය.

කලක පටන් අප පරිසරය හා කරන මුග්ධ යුද්ධය උදෙසාද අද අපි වන්දි ගෙවන්නේ  ජීවිත වලිනි. නමුත් හැමදේටම තාවකාලික පැලැස්තර ගසන අපි දැන් නහයට උඩින් වතුර යෑමද නොදැනෙන තරම් මළකඳන්ව සිටිමුද?
පරිසරය හා යුධවැදීම යන්න තරම් වන ගොන් කමක් තවත් වෙත්ද?
ඒ නිසා අපි අපේ විකල්පය, ශුද්ධ වූ යුද්ධය  පටන් ගත යුත්තේ පරිසරය නැමති පාදමෙනි. ඒ ගොඩනැගීම සඳහා කටයතු කළ යුත්තේ දුර දකින බුද්ධියෙනි. ඊට ප්‍රාග්ධනය හා ව්‍යවසාය විය යුත්තේ ද අපේ බුද්ධිය, කැපවීම හා පරිත්‍යාගයමයි. අප රට ගොඩ නගා ගත යුත්තේ අප සඳහාමයි.    ජීවිතයෙන් රට වෙනුවෙන් වන්දි ගෙවූ මිනිසුන් හිටි රටක අපට අපේ ජීවිත කාලයෙන් කොටසක් රට වෙනුවෙන් පරිත්‍යාග කළ හැකිනම්.. රට නැඟුමේ විකල්පය එයමයි. නැවත කිව යුත්තේ අප  පළමුව හදාගත යුත්තේ පරිසරයයි. එතැනින් පටන්ගෙන රටම අලුතෙන් හැදිය යුතුය. අලුත් රටක් තැනිය යුතුය. අප ඒ අලුත් රටේ මිනිසුන් හැටියට අභිමානයෙන් ජීවත්වීම තබා මිය යාමටවත් සිතන්නේ නම් අධිකව ඇත්ත කතා කරන්නට පටන් ගත යුතුමය. නිවට කම හෝ ගැතිකම නිසා මහින්දගේ, ගෝඨාභයගේ, රනිල් හෝ මෙෙත්රිගේ, අනුරගේ තබා සම්බන්ධන් හෝ විග්නේශ්වරන්, හකීම්, තොණ්ඩමන් හෝ දිගම්බරන් ගේ වත් පාට පක්ෂ වලිග වල එල්ලෙන්නට නොයා යුතුය. මේ රටට දැන් අවශ්‍ය වැඩපිළිවෙළකි. අද ඊයේ නොවේ, යුද්ධය නිමාවේදීම අපිට අවශ්‍ය වූයේ ඒ වැඩපිළිවෙළයි.  මහින්ද ඒ පිළිවෙළට නොපිළිපන්නේය. මෙෙත්රී රනිල් දැන් ඕසෙ අදින්නේය. මිනිස්සු පිල් බෙදී වල් වැදී දැන් බඩගෝස්තරය නගාගැනීමේ පිස්සුවෙන් ය. රට භෞතික ගුණයෙන්ද  මිනිසුන්ගේ මිනිස් ගුණයෙන්ද සීග්රව පිරිහේ. වෘද්ධයෝ නන් දොඩති. උගත්හු තර්ක දමති. අවශේෂ දේශපාලුවෝ සිය අනාගතය සොයති. දුර්වලයෝ පලා යති. ආත්මාර්ථී නැණත්තෝ කැපවීමට නොහැක්කේ පලා යති. දිළින්ඳෝ මිහිපිට දෙවියන් යදිති. ජන මාධ්‍යය දේව දූතයාගේ සිට දෙවියන්වහන්සේටම අඳිති.

දැන් අප කළයුත්තේ අපට කළහැකි දේ කිරීමය. නිවැරදිවම කළ යුත්ත නිවැරදි කිරීමය. බොරදියේ මාළු බාන්නට හදන අඳ බාලයන් දැන්වත් තේරුම් ගත යුත්තේ බොර දියේ තමන්ට බා ගන්නට මාළු කිසිවෙකුත් දැන් නොමැති බවය. දිය බොර වීමෙන් තව දුරටත් වන්නේ අපට ගෙඩිය පිටින්ම මඩේ ගිලී  මියැදීමට ඉඩ සැලසීම පමණි.

ඒ නිසා දැන් කාලය නසන න්‍යාය ශාස්ත්‍ර මත්තේ නැහීමද අත්හැරිය යුතුය. මොන නැටුම නටන්නටත් ගිලෙන නැවක් මත්තේ අවකාශ නැත. අරක මේක කියා තම තමන්ගේ කොටස බේරාගන්නට සමස්ථය ගිලෙන නැවක ඉඳන් බැරිය. ගල්පරයකට හෝ හේත්තුවක් දමා වරායකට ඇදගෙන යන්නට කටයුතු සලසාගතහොත් නැව අලුතෙන් හදාගත්ත හැක. එච්චර හරියක් බැරි නම් නැව අතහැර ඉතිං පැනපන් මුහුදට තමා..

සද්භාවයෙන්ම ඔළමොලයින්ගේ කණට ගසා හිස් බිමට ඔබා නැගිටිය යුත්තෝ දෙපයින්ම කොඳු කෙළින් කොට නැගිටිත්වා!

මේ රට හැදෙන්නට නම් වැඩ කරන කරවන යකුන් මිස තමන් හැදෙන තම පරපුර හදවන උන්ගෙන් වැඩක් නැත.
කාගේත් දැනගැනීමට උවමනාව ඇතුවා නැතුවා, අභිමානයට කියා, කරපන්.. මම එහෙම යකුන්ගේ ගොඩට එක්වෙමියි, කියා.

Thursday, May 24, 2018

එ..නිසා....උපන් නාද

අසීමිත ආශාවන්
සීමිත ඉඩ කඩ
පරාද වනු අකැමැතිය
නිති පැරදුම හිමිය
එය මුදු වෙද
රළු වෙද
සුදුමුදුව නොපවතිනු ඇත
අබිමුව සලිතවද දුර්මුඛවද හඬා වැටෙත්
දෑත් විදා වැළඳගනිත්
කළ දේ මෙතෙක් තබා යත්
රැස්කළ දේ දමා යත්
හය හතර ගැබ තුළ
සැතපෙත් ගොළුවෙත් දැවී හළු වෙත්
එහෙත්...
ඊට මොහොතක් කලින්
අවසන් සුසුම් අග්ගිස්සෙන්
නැගෙනා වු විත්තක්ෂණයක්
ඇසිල්ලකටත් කලින් පියඹා
මතුවී තවත් තැනකින්
පැමිණෙන්නේලු ආපසු
නැවුම් නෑඹුල් වෙසකින්
අසීමිත ආශාවෙන්
සොයා සීමිත ඉඩකඩක වාසයක්
අත්හරිනු නොහැකිව
සසර බැමි
බැඳි වීණා හඬවමින්..

Tuesday, May 22, 2018

වැස්ස, අකුණු, ආපදා - ඔව් - ස්වභාවිකයි තමයි..

ස්වභාවය බොහෝ දේ කර තිබේ. අදත් බොහෝ දේ කර තිබේ. අපත් බොහෝ දේ කර තිබේ. කඳු නාය යද්දී රට සමතලා වෙද්දී වතුර දෙගොඩ තලද්දී ... අවුරුදු කීපයක් ආපස්සට යද්දී, අවුරුදු කීපයක් ඉදිරියට හිතද්දී... මිනිස්සුන්ගේ දිරිය එදිරිය සමඟ නොනවතින අරගල මැද... තවමත් වාසි සොයන්නේ කව්ද? යුගයෙන් යුගයට කරුමය උරුමය කොට ගන්නා, එතැනම ලගින වරද කාගේද? වැස්ස වසී, අව්ව පායයි, පායන කළ ගී ගයා තුටින් වෙසෙන තණකනපෙත්තෝ අපි වම්හ.. එක අතකට එය වැරදිය. පායන කළ අප මර ගී ගයන්නේ වැඩි පංගුව දිනා ගන්නටය. වැඩි පංගුව නැති ජීවිතය තිත්තය. ඒ අනුව අපි එක එකා හැටියටත් ලක්ෂ ලක්ෂ ගණනින් ලෝකෙට ණයකරුවෝය. වැසි සමය වෙනස්ය. බාධා වැඩිය. ඒත් ආධාරයේ වුව වැඩි පංගුව අපට ඕනෑමය. එනිසා අහස ට දෑත පා මුහුද දෙස බලා මාධ්‍ය චැනල් වීරයන් අප ගලවා ගන්නට එන මෙහෙයුමට වසරක් පාසා අපි දැන් හොඳින්ම සූදානම්! සුදුපිරුවට අඳින අයත් පව් මඩ වතුරෙන් හෝදාගන්න සූදානම්!
මේ ආපදා සමයයි! ස්වභාවයේ ස්වභාවයට නිගරුකොට ඇනගන්නා සමයයි.
කාළගුණය හරි ස්වභාවිකයි තමයි. ඒත් අපේ ජීවිත දැන් හරිම අස්වාභාවිකයි.
(මේ අපේ රට නොව ඈත රටක ස්වභාවයක් නිසා අපිට අපි ගැන හිතා හැම කලකම කොතරම් නම් සොමිබරව සිටිය හැකිද, ප්‍රීති බොහෝ වේවා!)

Sunday, May 20, 2018

මැරෙන්න පැලෙන්න ගොඩ ගොඩාක් ආදරේ... යි (අන්ධ භක්තිය නොහොත් ප්‍රණාමේ සමඟ හෙලුවෙන්)

අපි රණවිරුවන්ට පුදුම විදිහට ආදරෙයි, ඒ නිසයි උතුර ගැන ආඩපාලි කිය කියා දකුණෙදි බෙදි බෙදී දේශපාලන වාසි හොයන්නෙ.. ඒ වාසිය අරගෙන උතුරට තවත් දුර්මත වපුරන්න ඉඩ හදල දෙන්නෙ.. එහෙම වුනාම රටක හමුදාවක් කරපු අතිශය කැපවීමෙන් රැකුණු රට තව දුරටත් ඉදිරියටම යනව.. යුද්ධය ඉවර කරපු තැන ඉඳලම දකුණ වාසි තකා පිල් බෙදුණ, ඒකයි අපේ ඉහළම රණවිරු ප්‍රණාමේ. ඒ බෙදීම් අතින් කොයි කවදත් අපි හරි ඉහළයි. ඒ බෙදීම් සඳහාම පහළ වුණු දකුණ බෙදීමේ පාරමිථා පුරන වීරයො මෙහෙ ඉන්නව. මෙහෙ බෙදි බෙදී රට බෙදන්න දෙන්න බෑ කියල පාරට බැහැල සටන් කරන්න තරම් අපි මාර නුවණක්කාරයි.. දකුණෙ අපි පුහු වාද භේද මත නොබෙදෙන තරමට අපේ රට ශක්තිමත් රටක් වෙනව කියන මතයට එන්න, රණවිරුවන්ට නිසි ඇගයීම ලැබෙනව කියල හිතන්න බැරි තරමට අපි නම්බුකාරයි. ඒක තමයි හැමදාම රට ගැන අපිට තියෙන ආඩම්බරේ. ඒ බෙරේ ගහන් තව තවත් බෙදි බෙදී දකුණෙන් වාසි ගන්න ගිහින් අපි විහින්ම උතුරේ දුරාබෝධ තවතවත් ශක්තිමත් කරත්වා! ඔය බෙදීම් දැක දකුණේ නින්දිත අවස්ථාවාදයන් දැක රට වෙනුවෙන් දිවි දුන් රණවිරුවෝ ආසිරි සෙමර සලාවි අපි හිතනව... තවදුරටත් ඒ මියගිය සියලුදෙනා වර්ග බේදයකින් තොරව එකම කොටසක් ලෙස අපට නොපෙනෙන මානයක උපදින්නට පැතුම් පතා වි.. මට හිතෙනව.
තෙල් පහන් දහසක් දල්වන තැන එක නැණ පහනක් දල්වාගන්නට අසමත් ජාතියක් වෙනුවෙන්, දිවි දුන් මියගිය සියලු දෙනා පමණක් නොවේ ජීවත්වන අපත් අනේ අනිච්චං!
දෙවියන්වහන්සේ අප රැක ගනිත්වා!
බුදුදමින් නම් අශ්වයන් පුහුණු කරන්නා අතරැ දමන නොහික්මෙන අශ්වයන් සේ අප සළකනු ඇත්තේ නොරකින සිල් නැවත නැවතත් ගන්නා අප සරණේ වරුණ ගැන කීමට ඇති උදාරම නිසාම වනු ඇති. එනිසා මම බුදුසරණ ම කියමි.
(පොසොන් සඳහා සූදානම් කළ ඥාන කතා දන්සලේ පස්සා දොරෙන් කලින්ම උස්සා මේ විසිකරන්නේ කාගේ හෝ චිරස්ථිතියක් උදෙසාය, වැටෙන්ට පෙර බිමට අල්ලා දමා ගන්න සුදුසුම තැනට)

Friday, May 18, 2018

ඔපරේෂන් බයිපාස්-ෆො ජෙනරේෂන් නෙක්ස්ට් (full fun & fun full)

ජීවිතය විඳින්න ඕනේ..හැමදේම ලස්සනට වෙන්න ඕනේ.. අපි තේරුම් ගන්න ඕන මෙච්චරයි, කවුරුත් වැරදි නෑ එච්චරයි..
ටියුෂන් ගුරුවරුත් හරි, රජයේ ගුරුවරුත් හරි, වෙෙද්‍යවරුත් හරි, හෙදියොත් හරි,  දේශපාලකරොත් හරි, දේශමාමකයොත් හරි, ප්‍රයිවට් බස්, සී ටී බී, පෘතුගීසි, ලන්දේසි, ඉංග්‍රීසි, මල්වතු, අස්ගිරි, සීගිරි ගියෙ නැති, කොටින්ම ප්‍රභාකරන් විතරක් නෙමෙයි, හිට්ලර් වුනත් වැරදියි කියල අපි කියන්නෙ කොහොමද?
අතීතය පැත්තකින් තියලා ආපහු අපි ඉන්න තැනට එමු. මේ ඉන්න ටික කාලෙ ජොලියෙන් ෆුල් ෆන් එකේ ඉන්න නෙමෙයිද කොයි කව්රුත් කැමති, ඉතිං හැම දෙනාටම තම තමන් කැමති විදිහට ජීවත්වෙන්න ඉඩදෙන්න බැරි ඇයි?
රට යන්ට, රට කන්ට, හොරා කන්ට, හම්බ කරන්ට, දූෂණයට, වංචාවට, උද්ඝෝෂණවලට, මැරකම්වලට ඇයි මේ නොයෙකුත් බාධා.. මොකටද රටේ නැති නීති, ඕව තියෙන එකෙන් වෙන්නෙ මිනිස්සුන්ට ජීවිතේ විඳින්ට තියෙන කාලෙ නිකං හාන්සිවෙලා නැති නාස්තිවෙලා යන එක විතරයි. පගාවක් දීල වැඩක් කර ගත්තම මක් වෙනවද? ජාතීන් හැටියට ආගම අනුව බෙදිල ගහ ගත්තම, පක්ෂ හැටියට බෙදිල මරා ගත්තම ඒක කොච්චර නම් කික් ද? ඉපදුණු දා ඉඳන් අපි ගන්න මේ ආතල් එක තව තවත් වැඩි කරන්නයි අපි ජනතා නියෝජිතයො පත් කරන්නෙ.. මම කියන්නෙ මිනිස්සුන්ව මිනිස්කමෙන් බඳින්නෙ නැතුව ඔය නීතිය කියන දම්වැලෙන් ලෙහල අරින්න.. ඒක හොරාට කරන්නෙ නැතිව ප්‍රසිද්ධියෙ කරන්න.. අපි අත් දෙකම උස්සල කාල බීල මැරෙන්න ලෑස්තියි.. මම කියන්නෙ ඒකයි, හිතට හොරා මඟුලක් කතා නොකර අපි අර ළඟදි නම වෙනස් කරපු රට ස්වාසිලන්තෙටත් වඩා කොර කරමු මෙහේ.. රාජපක්ෂද, මෙෙත්රිද, රනිල්ටත් පුළුවන්, නැත්තම් අනුර හරි.. මොකා හරි.. අපි මේ ගේම එළිපිට ගහ මු.. මොකෙක් වත් කැප වෙන්න ලෑස්තිත් නෑ, කැප වෙන්න ඕනත් නෑ, කැපවෙන්න ගිහිල්ල කැපිල යන්න ඕනෙත් නෑ, හැබැයි හැම දෙනාටම, රටටම අාතල් පිට ඉන්න තියෙන්න ඕනා.. ඒක කරන එක රට කරවන උන්ගෙ වගකීම, හැබැයි එහෙම නොකරයි කියල අපි උන්ව මරාගෙන මැරෙන්නෙ නෑ.. සද්දයක් දානව, එතකොට උන් අපිට ආතල් එකක් දෙනව, පට්ට.. ඒක හරහා අපි පොර වෙනව, බොක්කෙ ෆිට් එක තමා, උන් හරියට කරන්නෙත් නෑ, අපි කරන්නෙත් නෑ, දෙගොල්ලම එක එකාට හොරා දාන ලව් සීන් තමා.. නමුත් කට්ට ලව් එක.. මං කියන්නෙ දැන් තාක්ෂණයත් දියුණු නිසා හංගලා ගහන එක එළිපිට ගහ මු කියල.. යටින් දෙන ගේම නෝ රූල්ස් ෆ්රීස්ටයිල් කියල ඒක ලිංගික, සම ලිංගික බැරිනම් ව්‍යභිචාරී කියල සත්තු දාල හරි එළියෙ ගහමු.. කාලයක් දැකපු එක්ස් කණ්ඩායම් වෙනුවට විකල්ප වයි කණ්ඩායම් හරි හැදිල, ප්‍රභාකරණ් වෙනුවට තවත් කව්රු හරි හැදිල, දකුණෙන් දියසෙන්ල නැවත හැදිල, 71,88 බැරි වුණ දේ 2020,21හරි අාපිට ගහල රටම හොට් කරල රොක් කරල රත්කරල ගිනිහල් කරල හරි මේක හොට් ඇන් ස්පයිසි ෆුල් ෆන් රටවල් අතර කූට ප්‍රරාප්තියට ඇවිත් ගිනි ගොඩවල් මැද්දෙ ෆුල් ආතල් පිට මැරිල යන්න අපි බලාන ඉන්නව... අපිට වඩා වැඩිහිටියන් ගෙන් කරන්න තියෙන ඉල්ලීම ඔබලාගේ නහින දෙහින කාලේ උපරිම ෆන් එකේ ෆුල් ඔප්ෂන් විගඩන් ටික කරපල්ලා.. පුළුවන් තරම් මේක කාපල්ලා...අපිට මාර සතුටුයි, කවද හරි ඉතිරියක් තිබුණොත් ඒ ටික අපි කන්නෝ...
අපෙ හාමුදුරුවනේ අපිත් කලින් පරපුර වගේ තනිව කන් නෑ.. මුල් පංගුවෙන් කොටහක් හරි, කාට නැතත් මල් වත්තට හරි, අස්ගිරියේ හරි දීලයි අපි කන්නේ...
මොකද, බුදු හාමුදුරුවන්ටත් වැඩිය ඔබ වහන්සේලා ගැන අපි අපමණ පැහැදීමෙන් ඉන්නේ...
කාටකාටත් දෙවි පිහිටයි, කවදාවත් නැතිව අද මං ටිකක් විතර වැඩිපුර බිව්වා
(alwater-non asanic label)

Tuesday, May 15, 2018

Scrap


විලි තේර...ඉල්ලෙෙ

පොත් පිරෙන්න ලකුණු දමාගෙන
සේප්පු පිරෙන්න සල්ලි දමාගෙන
ලිපිගොනු මිටියක් සල්ලි මිටියක් මවිල්
එනකම් කිහිල්ලෙ ගසාගෙන
කව්දැයි බොලේ යන්නේ මේ වටේ රට?

අපි ගත්තා අපි දුන්නා ලකුණුත් අපිටම ලැබුනා
චෝදනාද යෝජනාද නඩු අවනඩු බඩුම තමා
කළු සල්ලියි අපෙ මල්ලියෙ පිහිට තමා පිනම තමා පෙර කරුමය තොපට තමා
එන්නම් මල්ලි ආයෙ පාරක් යමුකො වටේ වැඩම තමා

Saturday, May 12, 2018

තරමට

නිවැරදි කමට එකඟවිය යුත්තේ ලකුණු දමා ගැනීමට නොවේ.
වැරැද්දට එරෙහි විය යුත්තේ වාසි තකා ද නොවේ.
එසේ කරන්නවුන් ඉන්නා තැන අපත් පිරිහේ, රටත් පිරිහේ.
අද සිදුවන්නේ එයයි. සිදුවෙමින් පවතින්නේ එයයි.
කිසිදා කිසි විට පගාව නොදුන්නවුන් අත් ඔසවන්න..
කිසිදා කිසිවිට පගාව නොගත්තවුන් අත් ඔසවන්න..
ඔවුන්ගේ පුරවැසි පොතට එක් ලකුණක් හිමිවේ.
තව කරුණු විමසන්න.. පුද්ගල, පක්ෂ, පාට, පිල් වාසි තකා කරුණු නොවිමසන්න. තමන් රවටා ගන්නට උත්තර නොදෙන්න, මම දන්නා හැටියට හෘදය සාක්ෂිය අවැසි කෝටු පහර ලබන පාසල් වයසේ නොව වමතට නොදැනෙන්නට දකුණෙන් මිනීමරණ මහ වැඩිහිටි වයසටය.
කරුණු කරළියට එන විට අවසන තම තම පුරවැසි පොතේ ඉතිරිවන ලකුණ ඔබ රට වෙනුවෙන් කළ ආයෝජනය බව තේරුම් ගන්න, අපගේ වයස අනුව ඒ ඒ පමණට අප මේ භුක්ති විඳින්නේ ඒ ආයෝජන ප්‍රතිලාභ බව වටහා ගන්න. ඡන්දය යනු ඒ පොතේ සටහන් වන තවත් එක් ලකුණක් පමණක් බවද සිහියට ගන්න.

Wednesday, May 9, 2018

මෙහෙව් රටක නපුංසක අඩව් (කාලකණ්ණින් කවුරුද)

මීඩියා රට හදති
රට හරක් ගොම දමති
ගොම ගොඩෙන් දේශපාලුවෝ නැගෙති
රටට වින හෙණ දෙවා තම පක්ෂ උන් නගති...
කැළණි විහාරය නොවැඳම විපක්ෂයෙ වාඩිලා සියළු පව් උන් නසති
හුරේ ලා කරේ ලා ඇරගනිව් උන් ලවා
කේතුමතියේ වැසිකිළි දොරක්වත්...
දනා දද දම දමා
හපා ගනිති තම තමා
කළ යුත්ත නොතකනා
තෙක් තාන තම් දෙනා

Saturday, May 5, 2018

මම ඉගැන්වීමටම උපන්නෙමි (පළමු දිනය නොමිළේ, ශාලාවේ ඒ සී ඇත.)

මගේම කියා දෙයක් ඇත්ද?
මගේම කියා මම හිතනා සිතිවිලි මගේමද?
මගේ කාය මනෝ කාය කියා මා ආත්මය කොට ගන්නේ කිමෙක්ද?
මගේ ඇලීම ඇලීමක් කොට ගැනීමක් පමණක් නොවෙද එය...
සුළඟෙන් හුස්ම උරාබොන්නේ කෙසේද? පසෙන් ගසත් ගසෙන් සත්වයාත්, සත්වයාගෙන් සත්වයාත් පෝෂණය වන්නේ යම්සේද මොළයේ ස්නායු සංජානනය කරන ඉන්ද්‍රිය ගෝචරයන්ගේ පිළිබිඹු මොළයේ ඉන්ද්‍රියන්ගේ හෝ මගේ වන්නේ කෙසේද? නැතිනම් ඉන්ද්‍රිය ගෝචරයන්ගේද ඒවා?
මේ සියල්ල ගැන දැනගන්න
ජීවිතය ජයගන්න
එන්න මගේ පාසලට

Monday, April 30, 2018

ලෝකෝත්තරයෝ සිතක සතියට විදිති? (බඩගෝස්තර ලාබ බාල වෙසක් මැද)

වෙසක් තොරණේ පෙන්වන්නේ බණ කථාය. අපේ ප්‍රබුද්ධත්වය මත අපි සාධු.. සාධූ.. නොකීවත් කීවත් බණ කතාවෙන් සමාජය පිරිහෙන්නේ නැත. ජාතක කතාවේ සතුන් කටින් කතා කළත්, හිතෙන් කතා කළත් එයින් වන්නේ සමාජ සංස්කෘතික පෝෂණයකි. ආගමිකයාගේ පහන් ශ්‍රද්ධාව ඉහළ නැංවීමකි.
එතකොට ටී වී තොරණ්.. ඒවායේ පෙන්වන්නේ බණ කථාද? ඥාන කථාද? මාධ්‍ය ප්‍රවර්ධන කථාද? ලාබයි, ලාබයි අපෙන් ගන්න කියන කථාද?
වර්තමාන මාධ්‍ය ව්‍යාපාර මෙහෙවර අතකින් හරි වටිනවා සේම මුදල් බෙදා මිනිසුන්ගේ කටින් තමන්ගේ වෙළඳ දැන්වීම ප්‍රචාරය කර ගන්නා බොහෝ මාධ්‍ය හැබෑ ලෝකයේ ලෝකෝත්තර ගේමක් මේ දිනවල ප්‍රවර්ධනය නොකරයිද? යන්නත් විමසනු වටින්නේය.

කව්ද මේ ලෝකෝත්තරයා... සැබෑවටම නම් ලෝකය පිළිබඳව ආධ්‍යාත්මිකව උත්තර සොයායන්නා සරලවම ලෝකෝත්තර මාර්ගයක යන්නෙකු යැයි කිව හැකි. නමුත් අපේ ව්‍යවහාරයේ ලෝකෝත්තරයා යනුවෙන් හඳුන්වන්නේ එහි සැබෑ අර්ථයට ප්‍රතිවිරුද්ධ අර්ථය දරන්නාය. එවිට ලෝකෝත්තරයා යනු ශූර කපටියෙකි, කෛරාටිකයෙකි. ඒ අරුතින් බොහෝ මාධ්‍ය මේ දින දෙකේ ලෝකෝත්තරයාගේ භූමිකාව කරති. ඊටම සරිලන බඩගෝස්තරවාසීන් පිරිසක්ද මාධ්‍යට ආල වඩන සඳ බුද්ධාලම්බන ප්‍රීතිය ලාබ වී බාල වී අදට වඩා හෙටට අඳබාල වෙසඟක පෙර ලකුණු පෙනී පෙනී නොපෙනී යයි.
අර මහා ජාති මාමකයෝ, නායකයෝ මේ දින දෙක වෙසක් නිවාඩු පිට නොහිටියා නම් අදම ඔවැනි මාධ්‍ය විරෝධී තවත් සිංහල බොදු බලවේගයක් රටේ අනාගතය වෙනුවෙන් හදනවා නිසැකය.

ඒ සියල්ල පසෙක තිබේවා! මේ රටේ සියල්ල අර්ථයෙන් බැහැරට යන්නේය. අධ්‍යාපනයේ අරුත, අධ්‍යාපනයේ නැත. ආරෝග්‍යයේ අරුත සෞඛ්‍යයේ නැත. කලාවේ අරුත කලාවේ නැත. දේශපාලනයේ අරුත දේශපාලනයේ නැත. ඉතිං දහමේ අරුතත් එයින් ගිලිහුණු පසු කාට බැන්නත් ඵලක් ඇත්තේද නැත. එනිසා  වඳින්න, පුදන්න බුදුන් බුද්ධියෙන් ශ්‍රද්ධාවෙන්, මාධ්‍ය සරණං ගච්ඡාමි නොකියා. ඒ අදාළ දුරස්ථ පාලකය පාලනය කරන්නේ ටී වී එක පමණක් නොවේ. සමාජයක ඉරණමට බලපාන සිකුරු, සෙනසුරුත් ඔබේ අතයට, හිතයට බව තේරුම් ගන්න.

Sunday, April 29, 2018

ස්පෙල් (සිම්පල් නැති සරලත්වයේ කැපිටල් දහම)

ලෝකයේ ලොකුම මැජික් කරු නොහොත් මායාකරු  ස්වභාව ධර්මයාය. අප ඔහුගේ ඉත්තන්ය.
ඒ මැජිකකරුට නැතිනම් මායාකරුට  තුන්කල් අභියෝගයක් වූ එකම තැනැත්තා බුදු රජාණෝය. උන්වහන්සේ ස්වභාව ධර්මයාගේ ඉත්තෙක් හෝ ගැත්තෙක් නොවීමට මාර්ගයක් කියාදුණි.
නවීන විද්‍යාව යනු ඒ මැජික් කරු නොහොත් මායාකරුගේ නරකම, හොඳම ගෝලයාය.

ස්වභාව ධර්මයා නොනැවතී සදන්නේය. උපදවන්නේය. නොනැවතී නසන්නේය. මරාදමන්නේය. ඔහුගේ කැමැත්ත එයය. ඒ මායාවේ ඉත්තන් අපය.
බුදුරඳුන් ඒ මායාව නැසුවේ කිසිවක් නැවත තැනීමට ඉඩක් නොතබමිනි. මරණයද ඊට හේතුවන උපතද ඉක්මවා ගිය උන්වහන්සේ විඳවීමත් විඳීමත් වදදීමත් වදවීමත් ඉක්මවා ගියෝය. එය ස්වභාව ධර්මයාගේ මහා මායා බන්ධනය කැඩීමක් විය. උන්වහන්සේ තවදුරටත් ස්වභාව ධර්මයාගේ ඉත්තෙක් නොවීය. එනිසා බුද්ධියේ රජාණෝ ගුරුන්ගේද ගුරුවරයා විය. කෙසේ නමුත් බුදුරඳුන් ස්වභාව ධර්මයා හා තිබූ සබඳ කම බොහෝ අගනා එකක් විය.
නවීන විද්‍යාව ස්වභාව ධර්මයා ගෙන් උගත්තේය. ඒ දැනුමෙන් නොයෙක් දේ අත්හදා බැලුවේය. ගුරා අනුමත නොකළ දේ කළේය. ඉන් ගුරාට අත් කළ විනාශය අති මහත් වූ නමුත් නවීන විද්‍යාව නැමති මැජික් කරුවා බිහිවුණි.
මේ විද්‍යාව ගුරාගේ මැජික් හෙළි කරමින් ගුරා අභිබවා යන්නට වූ බැවින් තවදුරටත් ගුරු චරිතයේ වටිනාකම හෑල්ලු වූ අතර නවීන විද්‍යාව පොර වන්නට විය. නමුත් අදටත් ඔය විද්‍යාවට සිය ගුරුවරයා වු ස්වභාව ධර්මයාගේ මහා මායා බන්ධනය විග්‍රහ කර ගන්නවත් හැකියාවක් ඇත්තේ නැත. හෙතෙම කොයිතරම් පාරම්බෑවත් තව දුරටත් ස්වභාව ධර්මයාගේ ඉත්තෙකි. එලෙසින්ම ගුරු උපකාරයෙන් සපුරා මිදී පැවැත්මක් නැති අප වැනිම ගැත්තෙකි

(නවීන විද්‍යාව නැමති මැජික්කරුගේ මායා දැල භාවිතයෙන් සැකසුවෙමි)