මමත්වය ගෙන මනසේ
අවබෝධයේ අයස්ථානය සෙවීමේ
නිවනේ තැන නොතැන සෙවීමේ
විහිළුව හෙළුව නම් වැටහේ
බමුණන්ට නොවැටහේ
සෝපාකට වැටහේ
චුල්ලපන්ථක නූගතා වටහා ගනී
අංගුලිමාල මැර ට ග්රහණය වේ
ඒත් මුග්ධ බමුණන්ට නොවැටහේ
ඒ තෙමෝ ගණන් හදති
සංඛ්‍යානයෙන් විචාර ති
අඛ්‍යානයෙන් අරඹති
අමරාවික්ඛේපවාදයෙන් වස්ති කරති
අවබෝධය අතින්ම අල්ලන්නට හදති
නිවනේ ඇඳුරු නොකී තියරි සොයති
ගෝලන් අඹරට අවුළුවති
අපර අහසේ තරු රටා දැක
ගෝලෝ ස්වර්ගස්ථ වෙති
දැනුමේ අනුභාවයෙන් මත්වෙති
නින්දෙන් ඇහැරී දිව්‍යමය බසෙන්
දනන් අමතති
ජුගුප්සාවෙන් ඔක්කාරය හදති
එතැන් සිට අර්ධ සත්‍ය ඔක්කාරයෙන් පිට වේ
බමුණෝත් වෙස්ගත් බමුණෝත් ඔක්කාර සත්‍යය ජූස් කරති
ඔක්කාර සත්‍ය ජූස් වෙළඳපොළ කළඹයි
ඔක්කාර සත්‍ය ජූස් බී උත්තම වූ බමුණු වැසියෝ
නැවත නැවතත් ඔක්කාරයම කරති
ඔක්කාර සත්‍ය විෂ වේ
වටිනාකම දිය වේ
සත්‍ය නිහඬව වැළලේ
මමත්වය පැළවේ
දෙව්දත් සිහිවේ
දෙව්දත් සටන සිහිවේ
අජාසත් රැවටුනෙ ඇයිද සිත්වේ
නලාගිරිට කව්ද රා පෙව්වේ
බුදුන් වදාළ ධර්මේ
අප්‍රමාදය සිහිවේ
වර්ජන ගර්ජන තර්ජන මැද්දේ
සමාජය ක්රොස් කර බුදුන් දැක්කේ
ධර්මය පෙනේ
රජුන්ද පෙනේ
බමුණන්ට නොවැටහේ
එනමුදු
එව බලව
තව බලව
රස බලව
ධර්මයේ
No comments:
Post a Comment