Saturday, July 30, 2016

ජීවත්වෙනවා..ය!

දෑස් වසන් භාව ආව
ඇස් ඇරගෙන භාව නාව
රැය දහවල ගෙවෙනවාය
හිනහ වෙමින් භාවනාය

වයින් කරපු බෝනික් කෝ
පේන්ට් කරපු සූටික් කෝ
හරි ලස්සන ඔලු බක් කෝ
නරි නලවති බලු කුක් කෝ

අත් පොඩි දී හාදු හාදු
පවසමු අපි සාදු සාදු
එලිවෙනකොට දාදු සූදු
සිත්ගත් අය මාරු මාරු

Tuesday, July 26, 2016

Friday, July 22, 2016

කතරක අග - අකුරු හතර

පිරිවර දහසින් සිටියද
හැම යන තනි ගමනක් ඇත
නොසිතන නොපතන මොහොතක
මෙහි සිට එහි නික්මෙනු ඇත

රතු පාවඩ මට කුමටද
අවසන යන මේ ගමනට
අතුළත් කහවණු දෙණ වට
එක කහවණුවක් හිමි නැත

රවටාගෙන හිස හා හිත
අමතක කළ ඒ මොහොතම
පමණකි තිර වූ හිමිකම
නොතිරවු ගමනේ කෙළවර

අග්ගිස්සෙහි අතු මල් කොළ
වියපත් කළ ලස්සන නැත
මිලිනව හැකිළී ගිය තැන
කුරුලු බඹර හඩ නොඇසෙත

අද හෙට හෝ කලෙකින් තව
ගමනට මා අමතනු ඇත
එම විට එය පිළිගන්නට
සිත සමබර විය යුතුමය

තුටුවිය හැකිනම් මා හට
අබිමුව වුව ඒ මරණය
ජීවිතයෙන් ලද පාඩම
නිසිලෙස මා හදුනා ඇත

Saturday, July 16, 2016

හේතු - හේත්තු වී අවසානය (යුගාන්ත බුද්ධි වරුණාව)

නිරුවත් වුනු ලෝකෙක අහුමුලු වල 
අස්සේ ඉතිරි වූ නූල් පටවල
වැටි වැටී රස්තියාදු වල
නැති රෙදිත් උනා හල
මොන මගුලක් කල
ඇත්තේ කවර ඵල
සල්ලි යි කොල
කපයි ඒ වල
මොළ වල
දැන් අල
ඵල ..
හිටපන්
බැන
බැන
කියපන්
බණ
බණ
හේතු
හෝ
ඵල
පතරොම්ද
තුවක්කු හා
ජීවිත
පත්තු වුනත්
මැරුණත්
අදාළ නැත
මන්ද
බුද්ධිය
වැඩී ඇත

Wednesday, July 13, 2016

බන්ධනාගාර / වීරයෝ

ඕවා වැරදි නෙවෙියි
අත් වැරදි
පව්!
බබාලා
බන්ධනාගාර වල දාලා
කව්රුත් වැරදි නෑ
ඔක්කොම නිදහස් කරන්න
අපි කූඩු වෙන්නම්
බබාලා නොවෙයි නොවැ අපි