Sunday, February 21, 2016

ලක් දෙරණ

නැති සම්පතින්
සිය බිම නගන
පරම පර
සුද්දෝ
ඇති සම්පතේ
උගසින් කන
අපේ උත්තම
කලු සුද්දෝ

Thursday, February 18, 2016

ලක් අඹර

සොක්‍රටීස්
ඇරිස්ටෝටල් 
ප්ලේටෝ
අපිට මග කියන
නෙප්චූන්  
ප්ලූටෝ

Monday, February 15, 2016

අනාගතයේ දවසක් තිබෙයි...

කන්න 
බෙදාගෙනම කන්න
අපි කන්නම උපන් ජාතියක්
බොන්න 
නැතිවෙනකම් බොන්න
අපි බොන්නම උපන් ජාතියක්
සාප කරන්න
හූල්ලන්න, මිරිස් අඹරන්න, පොල් ගහන්න
ඒවටත් අපි නොදෙවෙනි ජාතියක්
වනන්න
වර්ණනා කරන්න, වන්දිභට්ට ගී ගයන්න, පිලට හුරේ දාන්න
අපි ලැදියායෙන් නොපරදින ජාතියක්
සටකපට වන්න
වැටේ ඉන්නටත්, ගලන වතුරටත්, මායිම් සොය සොයා නැහෙන්න
අපි තණ්හාවෙන් අන්ධ අමුතු ජාතියක්
හොරා කන්න
දන් දෙන්න, සිල් ගන්න, පන්සල්, පල්ලි, කෝවිල් බැරිනම් දේවාල හොයාගෙන රට යන්න
අපි වන්දනීය, නන්දනීය, පූජනීය ජාතියක්
කැපවෙන්න
වලි කන්න, දත නියවන්න, බොරු කියන්න, බේද වෙන්න, පිල් බෙ‍දෙන්න, රට ඇතුලෙම මරා ගන්න...
දවසක බලාගෙනම ඉන්න
සොබාදහම එනකන් ඉදිරියට, කරපු කියපු සියල්ල වමාරමින් කන්න, ගොන්නු කනවටත් වඩා වමාරමින් වමාරමින් වමාරමින්
වමාරමින්ම කන්න...

Thursday, February 11, 2016

හුදී ජනයාගේ ගට ප්‍රස්න‍ය නොහොත් ගැටමාන්න - උතුමන් සරන යමු.(ගැට මිස ගැට ලිහන ගට අපට නැත)

රිසරය, සොබා දම දුන්
මා පිය, දෙගුරු නෑ මිතුරන්
ආගමින් හා දහමින්
නොලද ගට දෙන අපේ උතුමන්

මගේ රජිදා ඒ තුමා
ආගමත් උතුමා තමා
රැකුනෙ මා එතුමා නිසා
රකිමි උතුමන් පන දෙවා

පලමුවත් සරනම යමි
දෙවනුවත් සරනම යමි
ඔබ නැතිව කිසිත් නැති
තෙවනුවත් සරනේම යමි

ඔබ රැකී අප රැකේවා
අප රැකී ගට රැ කේවා
ගට රැකී ගැට දිනේවා
ගැට මතින් රට නැගේවා

සදා ඔබම සරනයි..

Tuesday, February 9, 2016

ඉ දිරිය

කිසියම් දේශපාලනයක් හෝ දේශපාලකයෙක් රටක යහපත පිනිස හෝ අයහපත පිනිස පවත්නා එකම හේතුව නොවේ. අනෙක් හේතුන් පිලිබද අප බොහෝකොට උදාසීන මන්ද...

Saturday, February 6, 2016

පරම ජාතික ගීය

අප පරිසරය, ජය භූමිය, එහි සුන්දරතාවය කොපමණද? අපගේ සියලු ශක්තිය, ජීවය ඔබයි, නව ජීවනයක් දෙමින් අප පුබුදු කරන්න, ඥාන වීර්ය වඩවමින් පෙරටම අප රැගෙන යන්න, එකමවකගෙ දරු කැළක් ලෙසින් නොපමා වන්නටත්, ප්‍ර‍ේම වඩා සැම බේද දුරැර දා හිදින්නටත් ජාතික ගීත ප්‍ර‍ේමී  දෑ හිත කාමී සියල්ලෝ ජීවිත පරදුවෙන් කටයුතු කරත්වා!

Wednesday, February 3, 2016

බෙදි බෙදී හිනැහෙමු ...රට නැගේවි පුරුද්දට

හේතු ඵල දැන දැනම

‍දෙපැත්තට කඹ අදින

ධර්මද්වීපයේ හරක්

මී වුනත් එළ වුනත්


ඉන්න කෙටි කාලේ

රටට නෑ ආලේ

දොඩවනුන් වාලේ

දෙඩවීම් බොහොමැයි


රජුන් ගැන වාදයි

පුතුන් ගේ නරිවාදයි

රට්ටුන්ගෙ භේදයි

වාද බේදෙට ගොමත් පොහොරයි


තමන්ගේ වගකීම නොදරමින් තප්පුලා

අනුන්ගේ ගොසිප් මඩ තලතලා පිල් බදා

‍මඩ වළේ ලැග ලැගම අපේ කම පතුරලා

ඒ ලෙසම හෙටත් ඉමු නිදහසත් සමරලා, පුරුද්දට...