නිවැරදි කමට එකඟවිය යුත්තේ ලකුණු දමා ගැනීමට නොවේ.
වැරැද්දට එරෙහි විය යුත්තේ වාසි තකා ද නොවේ.
එසේ කරන්නවුන් ඉන්නා තැන අපත් පිරිහේ, රටත් පිරිහේ.
අද සිදුවන්නේ එයයි. සිදුවෙමින් පවතින්නේ එයයි.
කිසිදා කිසි විට පගාව නොදුන්නවුන් අත් ඔසවන්න..
කිසිදා කිසිවිට පගාව නොගත්තවුන් අත් ඔසවන්න..
ඔවුන්ගේ පුරවැසි පොතට එක් ලකුණක් හිමිවේ.
තව කරුණු විමසන්න.. පුද්ගල, පක්ෂ, පාට, පිල් වාසි තකා කරුණු නොවිමසන්න. තමන් රවටා ගන්නට උත්තර නොදෙන්න, මම දන්නා හැටියට හෘදය සාක්ෂිය අවැසි කෝටු පහර ලබන පාසල් වයසේ නොව වමතට නොදැනෙන්නට දකුණෙන් මිනීමරණ මහ වැඩිහිටි වයසටය.
කරුණු කරළියට එන විට අවසන තම තම පුරවැසි පොතේ ඉතිරිවන ලකුණ ඔබ රට වෙනුවෙන් කළ ආයෝජනය බව තේරුම් ගන්න, අපගේ වයස අනුව ඒ ඒ පමණට අප මේ භුක්ති විඳින්නේ ඒ ආයෝජන ප්‍රතිලාභ බව වටහා ගන්න. ඡන්දය යනු ඒ පොතේ සටහන් වන තවත් එක් ලකුණක් පමණක් බවද සිහියට ගන්න.
No comments:
Post a Comment