තුලාලංකාරය

මැරලංකාරය

අති ගරු පූජ්‍යයන් වහන්ස

සහෝදර ජනතාවෙනි,

රටේ අසාධාරණකම් ඔප්පු කරන්ට තව කී දෙනෙක් නම් ධනයට බලයට මැරයන්ට බිලි දෙනවාද අපි?

ගරු ජනපතිඳ,

ගෝඨාභය ජනපතිතුමනි,

සමාජයක් ඉදිරියේ මිනිසෙකු මිනිසෙක් මරා දැමීමට පෙළඹන මිලේච්ඡත්වයට වැට බඳින්න.

සාකච්ඡාවෙන් ගැටළු විසඳාගැනීමට යන බොහෝ මිනිසුන්ට නොමිනිසුන් සංග්‍රහ කරන්නේ ජඩකමිනි, මැරකමිනි. ඒ අද ඊයේ දෙයක් නොවන මුත් එය කවදා කොතැනත් නැවැත්විය යුතුම දෙයකි. මහමග මිනිසෙකු මරා දැමීමට තරම් තවකෙකු මිලේච්ඡත්වයට බිය නැති සමාජයක් අපට උවමනා නැත. බන්ධනාගාර සුද්ධයට පළමු රටේ යහපුරවැසියා උදෙසා යුක්තිය, නීතිය, සාධාරණය ස්ථාපිත කරන්න. ඔබතුමා නිරන්තර ආශිර්වාදය පතන සද්ධර්මය, එය රකින්නන්ගේ සුරක්ෂිත බව තම ආදර්ශ පාඨය කොටගත් ශ්‍රී ලංකා පොලිසිය ධර්මයට මොබ්බෙන් රටේ පවතින නීතිය තුළ අප වෙනුවෙන් තව දුරටත් නිර්භීත, කාර්යක්ෂම, විධිමත් හා මානුෂීය ආයතනයක් කරන්න.

මේ රටේ සාධාරණ නීතිගරුක සාමාන්‍ය පුරවැසියාට දේශපාලන ගැති බවෙන් තොරව ඒ නිදහස යුක්තිය සාමකාමී බව විඳගන්න ඉඩ හසර පාදා දෙන්න. 

කොමිසම්ද අණ පනත් නීති වගන්ති වලට වඩා දෑසට දෙසවනට හදවතට බුද්ධියට ඒ දර්ශනය ඉක්මණින්ම හසුවේවා!

මීට, විශ්වාසී 

ශ්‍රී ලාංකිකයා

සාතන්ගේ පුත්තු

.....ක

ජීවන් දෙයියෙක්, පෙරටුගාමියා මයිනෙක්, නපුංසකම වෑහෙයි, තුප්පහිකම බේරෙයි...

නීතිය සාධාරණය යනු කුක්කා පොලිසියේ හෝ අම්මා අප්පාගේ හෝ පප්පාගේ භූදලයක් ද...

සෘජු නැති ලංකාණ්ඩුවල සමානාත්මතාව සාධාරණය හෝ යුක්තිය පිළිමලුන්ට කෙළින්නටමය...

සර්ලා ලඟ සුළුදියෙන් පෙඟෙන තුනී කුක්කා යුනිෆෝම් මිනිස්සු ඉදිරියේ චීනමහා ප්‍රාකාරවෙයි

පාලිමන්ට් පින්බතුන් කරින් වඩම්මන්නට මිරිස්කුඩු කකා අංකතහඩුවත් උගුල්ලන්යන පොලිසිය පව්

ගහන්ට උස්සලා පොළොවේ, සුදුසු උන් ඇත නිදැල්ලේ - ලංකා පොලිසියේ අවධානයට

"ධම්මෝ භවේ රක්ඛති ධම්මචාරි" 

හිසටවත් හිතටවත් ඉඩක් නොදී ලාංඡනේට ධර්මය දැම්මේ කුමට සකී?

ගරු ජනපතිද,

බන්ධනාගාර වල විතරක් නොවෙයි රජයේ බොහෝ ආයතනවලින් විය යුතුදේ හරියට වෙන්නේ නෑ. ඒවා....හැදුවොත් බන්ධනාගාර එකක් දෙකක් වහන්නත් පුළුවන් වෙයි.

සමාව දිය නොහැකි වැරදි - එක මවකගෙ දරුකැළ මඬිනා දේවකාරියේ ඥාති සංග්‍රහ...

රටේ සියලුම තැන්වල විවිධ තනතුරු දරන්නේ කාගේ හෝ ඥාතීන්ය. ගැටළුව ඥාතීත්වය නොව තැන නොතැන අවස්ථාව සාධාරණය යුක්තිය නොතකා නොබලා රාජකාරියෙන් ඥාති සංග්‍රහ කරන්නට යාමයි. එසේ බලා වුව පාර්ශ්වික ගැටළු වලදී පැත්තක් ගැනීමට අයිතියක් ඔවුන්ට ඇත්තේද නැත. රාජකාරිය කාටත් සමාන සාධාරණ ලෙස සමානාත්මතාවයෙන් විය යුතුය. එහිදී  රාජ්‍ය ආයතන සුවිශේෂී වන්නේ ඒවායේ කාර්යභාරයන් පොදු මහජන සුභසිද්ධිය උදෙසා ප්‍රමුඛව දායක වියයුතු පසුබිමකය. 

රටේ ඉහළ මහ පුරවැසියාගේ පටන් පහළ යාන්ත්‍රණයන් දක්වා රාජකාරිය තුළ ඥාති හිත මිත්‍ර සංග්‍රහයෙන් මිදීම නඩු අවනඩු ගණනාවක්ම පිළිසිඳ ගැනීමකින් තොරවම අහවර කිරීමක් වන්නේය. රට වෙනස් කළ හැක්කේ හණවැදුණු කුණුවුණු ඒ ඕජස ශරීරයෙන් ඉවත් කිරීමෙන්ම පමණි. කොරෝනා වලට වඩා බරපතළ වෙෙරස සමාජගතවී සමාජ දේහයම මියදෙන්නට ගත්තේ අද ඊයේ නොවේ. ඒ සම්බන්ධයෙන් පාලක ලොක්කෝ අද වෙනතුරුත් පැහැදිලි සෞඛ්‍ය වෙෙද්ය නිර්දේශ ලබාගන්නේ නැත. අනුගමනය කරන්නේ ගොඩවෙදකමය.

නීතිය යම් පමණක සාධාරණයක් සමාජ පැවැත්ම උදෙසා ඉටුකරත්ද ඒ කාර්යය ඉටු කරන්නට පසුබිමේ දායකත්වය දෙන්නෝ මනුස්සකමේ නාමයෙන් ඥාති හිත මිත්‍ර සංග්‍රහය හා රාජකාරිය පටලවා නොගන්නේ නම් එය රටේ ගැටළු ගණනාවකට නිවැරදි විසඳුම් ලබාදීමට දායක වීමේ වගකීමක් යුතුකමක් මෙන්ම පින්කමක්ද වනු ඇත්තේය.

සමාව දිය නොහැකි වැරදි - චේතනාන්විතව ලාංකික මහජනයාගේ හිසමත පැහැරීම...

සිංහල දමිළ මුසල්මානු බේදයකින් තොරව ඡන්ද ගොඩ වෙනුවෙන් උඩ දාමාගෙන නායක ප්‍රතිරූ වණනු මිස උන්ගේ ප්රභු පරපුර ප්‍රවර්ධනය කරනු මිස කිසිම ජන කොට්ඨාශයක සාධාරණ සාමාන්‍ය ජනයා වෙනුවෙන් හඬක් නැත, උන් වෙනුවෙන් උන්ගේ තන්ත්‍රවාදය අප වෙනුවෙන් අපේ ප්‍රජාතන්ත්‍රවාදය යනුවෙන් මන්ත්‍රයක් සේ ජප කරනවා පමණය. ඇස් පනාපිට ධර්මධරයෝත් නීතිධරයෝත් රකින්නේ උන්ව නම් යුක්තිගරුක ජනයා පිළිගත යුත්තේ අනුගතවිය යුත්තේ කොතැනටද? පොතේ නීතියත් ඊට භක්තියත් හෘද සාක්ෂියත් හිතේ ශක්තියත් පමණක් ඔවුන්ව ජීවත් කරවීමට ප්‍රමාණවත්ද? මතුපිටින් පිරුවට ඇඳි ජඩ පාලන පන්නය ඒ සමඟ නිදි වදින රාජ්‍ය යන්ත්‍රය පාගා පොඩිපට්ටම් නොකොට ඒ අස්සේ සිටින අවංක මිනිසුන් එක පෙළකට නැගී නොසිට යහපත් සාධාරණ මිනිසුන් වෙනුවෙන් කෙසේ කවුරුන් රටක් තනත්ද? ගොඩෝ තියා මළගිය ප්‍රාණකාරයෙක් හෝ පිහිටට එනකන් හිටියාය කියා කිසිවෙකු එන්නේ නැත. ඔබේ හිස මත පහරන පාලකයාද නිලධාරියාද බලධාරියාද පිළිබඳ හොඳින්ම දන්නේ ඔබමය. එහි සාධාරණය පිළිබඳ තීරකයා ඔබේ හෘද සාක්ෂියය. ඒ හා බැඳෙන ලෝක සම්මතය, නීතිය, යුක්තිය ඔබ සමඟ නම් ලෝකයාට තබා ලෝක පාලක මහරජුන්ට වුව බිය නොවන්න. බිඳෙන් බිඳ සිඳ මරා දැමුවද අවසන් මොහොත දක්වා අයුක්තිය පිළි නොගෙන දෙපයින් හිඳ උස් මනසක් ඇති මිනිසෙකු ලෙස මිය යන්න. මානව වර්ගයාගේ දියුණු ගුණයන් අදටත් ශේෂවූයේ ඉතිහාසයේ හුන් එබන්ඳන් නිසාය.

මහජනයාගේ නීතිය ඇඳිරිකොට අමු දවාලේ උන්ගේ හිස මත පැහැරීමට පාලකයාට ඇත්තේ කවර අයිතියක්ද? එසේනම් පාලකයින්ගේ හිස මත පැහැරීමට අපටද හිමිකම් ඇත? සූදානම්ව සිටින්න, ස්වභාවධර්මයාගේ නියාමය සත්‍යවාදී පාර්ශ්වයේ පරාජය නොවේ, ජයග්‍රහණයයි.

මිනිසුන්ට කතා කළ හැක්කේ කටින් පමණි. සත්‍ය කතාකරන්නාගේ කට වසා දැමීම ඔහු සත්‍ය වෙනුවෙන් ක්‍රියා කරන්නෙකු බවට පත් කරයි. ඒ ක්‍රියාව නවත්වනවා යනු ඔහු මරා දැමීමකි. ඒ මරණය සත්‍ය යටපත් කිරීමට අසමත් බව ඉතිහාසය පෙන්වා දෙයි. අනාගතයටත් එය එසේමයි.

සුදු කළු අළු ලොකු පොඩි අතන මෙතැන කොතැන කොහොම ඉන්නා කව්රුත් එකම අයිතියක් ඇති මිනිස්සු බව අවසන් වශයෙන් එසේ නොසිතනා ලොව කොතැන ඉන්නා මාන්නහ්කාරයාත් සිතාගනිත්වා!

 

නීතිය සැමට, රෙස්පෙක්ට් ස" - ආරුමුගම්

මජර උගුල්වල ලා මරණ පරීක්ෂණ වලින් සාධාරණය ඉටු කෙරෙන ක්‍රමය, අලිකොටිඅප කාටත් පොදුය.

කෙළින් වැඩ නැති රාජ්‍යක පාණ්ඩු ආණ්ඩු රට කරනවා යනු අනීතික ඩීල් පමණි.

දස්සකම්."

සාහිත කතා 

ගී හඬ රූ රාමු

පුවත් රංගන ඔස්සේ

වෑහෙන මනුස්සකම අස්සේ

තාම තනියා ගසයි අම්මාට

බිඳුණු විදුලි මායිම මත්තේ

ටියුබ් වල සූරි

චැනල් වල ජූරි

වෑහෙන මනුස්සකම අස්සේ

පන්දාහ තබා දාහක් නොදුටු

ආ වෘත්තීය සත්තු ගෙවත්තේ

කැලයටද කොළයටද වැසී ගත්තේ

හැක්කාගේ උන්නතියය

නොහැක්කාගේ අවනතියය

වෑහෙන මනුස්සකම අස්සේ

ඉක්කා හිරවී උගුරේ

තැත්තෝ ගිලෙති වතුරේ

තනතුරු පදවි සරුංගල්ව ඉගිලේ

සම්මාන පදක්කම්

රේටින් ප්රෝටීන් රීරි

වෑහෙන මනුස්සකම අස්සේ

උනුන් හුන් තැනමය

මුනුන් මුල්තැන ගෙන 

කරට පය තියා පල්ලැක්කියට නැග්ගේ

පිය ගැට පෙළ

ප්‍රේක්ෂකයෙක්මි.

කාලය විසින් අපවද, අප විසින් කාලයද අතික්රමණය කෙරෙනු ලැබීමට ඉඩ දෙමි.

ඔබ රඟන්න, මම බලා හිඳිමි.

         සිත නිවේ... තිත තැබේ...

අපි නො මැරෙන මිනිස්සුද.. (මහප්රාණයෙන් තොරව - දේශ පාලනයේ අරුත)

රට රැකගැනීම සරලය, රට රැකුණොත් අප රැගෙන බව පැහැදිලිය. රටේ මහජනයාගේ රට පාලනය පිළිබඳ මතවාද විවිධය. එක අතක වුව ඇඟිලි එකිනෙකට වෙනස් වනවා වාගේය. ඒ වෙනස් ඇඟිලි විවිධ දේශපාලන පක්ෂ වැනිය (ජාති ආගම් වැනිය). ඉතින් රට කරන්නට රකින්නට තනි දේශපාලන මතවාදයක් තෝරනවා යනු (එක අතකට) අතක එක ඇඟිල්ලකින් වැඩ ගැනීමක් බඳුය.  ඇඟිල්ලක් දෙකක් එක්ව කටයුතු කළත් ඒ ගැලපීම් ජනනය කරන ශක්තිය විවිධාකාරය. ඒ ඇඟිලි වල ස්වභාවය පිහිටීම ශක්තිය ප්රමාණය අනුවය. සුළැඟිල්ලත් මහපටඟිල්ලත් අතර ශක්තියට වඩා දබරඟිල්ලත් සමඟ මහපටඟිල්ලේ ශක්තිය වැඩිය. නමුත් සුළැඟිල්ලට දමන තැනට දබරැඟිල්ල දරදඬු වැඩිය. මහජනයාට විනය ඉගැන්වීමට පෙර (ඇඟිල්ල දිගු කිරීමට ප්‍රථම) මේ ඇඟිලි පිළිබඳ සරල පාඩම රටේ පාලකයන් උගත යුතුමය. ලෝක මට්ටමෙන් ව්‍යාප්ත වන කෝවිඩ් බඳු ව්‍යයසනයකදී සියලු දේශපාලනික මතවාද වලින් තොරව දේශපාලන නායකයන් ඒකරාශි කිරීමේ වැදගත්කම ඔවුන් විවිධ මහජන කොට්ඨාශ නියෝජනය කරන රට නැමති සාමුහිකයේ ඇඟිලි නැමති ප්‍රධාන ධාරාවන් වීමයි. ජනයා එක මතයකට මගකට ගැනීමේ පහසුම හා සුදුසුම මග එයයි.

මේ ඇඟිලි මෙවන් මොහොතක එක මිටකට ගත නොහැකි කිසිඳු නායකයෙක් ජාතික නායකයෙක් වන්නේ නැත. එක් පසෙකින් බල තණ්හාවත් අනෙක් පසින් බල මාන්නයත් පොදි ගසන නායකයන් මහ වූවාට මහපටඟිල්ලෙන් පමණක් රට රැකීම කළ නොහැකි බවත් මේ අවස්ථාව දබරයට ඔසවන දබරැඟිල්ලෙන් විරුද්ධවාදියාට තග දමන අවස්ථාවක් නොවන බවත් දේශපාලනික ශ්‍රමය විභේදනය පමණක් නොව විශේෂීකරණය කර ගත යුතු අවස්ථාවක් බවත් වටහාගත යුතුය. ජාති ආගම් පක්ෂ ලෙස බෙදී එක අතේ ඇඟිලි විසුරුවා රට රකින නිවැරදි මග අතහැර දැමීම නොව දැන් සිදුකළ යුත්තේ සියලු ඇඟිලි ශක්තිය මිටට ගෙන රට රැක ගැනීම පමණයි. ඉතිහාසයේ වූ මෙවන් කවර අවස්ථාවකටත් වඩා ලෝකව්‍යාප්තයක් වූ අද මේ ටික නොතේරෙන පාලකයන් දේවාල පන්සල් කෝවිල් ගානේ බඩගානවා යනු අප තවමත් සමාජයක් ලෙස කොතරම් දිළිඳුදැයි, අසමත් දැයි සහ අසීමාන්තිකව සංස්කෘතික සීමාවන්ගේ සිරකරුවන්දැයි පෙන්වීම සනාථ කිරීමක් පමණක්මයි. 

අද අප නම් කරන සියළු විරුවන්ගේ අසීමිත කැපවීම උත්සාහය සියල්ල අවසන ගඟට කැපූ ඉනි බවට පත්වී අප කබලෙන් ලිපට ඇද වැටීමට මේ අවධානමේ අවධානය මොහොතකට ගිලිහීමම ඇති.

අවසන් පන්දුවට හයේ පහරක් ගසා තරඟ ජයගන්නේ වාසනාව ඇතිවිට පමණි. මේ පාලකයන්ගේ වාසනාව උරගා බැලීමට කාලයක්ද?

ඇය ඔබ අමතයි,

ඇය ඔබ අමතයි,

ඇය ඔබ අමතයි,

ඇය ඔබ අමතයි,

ඇය ඔබ අමතයි,

ඇය ඔබ අමතයි,

උත්තර වෙනුවට තවත් ප්‍රශ්න එපා (මීටරය තබා එක්වෙනු මිස බෙදනු එපා)

ස්වභාවිකව එකම ආරේ උපතකින් හුස්ම ගැනීම අරඹන ලෝකයේ මිනිස්සු කවරාකාර ස්ථිර හුස්ම නැවතීමකිනුත් ලබන්නේ මරණයයි. නමුත් මිනිහාගේ ජාතික, ආගමික, සංස්කෘතික "උපත" සහ "මරණය" හුස්ම ගැනීමෙන් ඇරඹී හුස්ම නැවතීමෙන් අවසන් නොවේ. 

එහෙත් අද, කෝවිඩ් දහනවය මිනිසාගේ "මරණය" සියළු ධන, නිල, බල, පදවි, තනතුරු, ජාති, ආගම්,  සංස්කෘතික, දේශ, සීමා, මායිම් වලින් ඔබ්බට ගෙනගොස් ඇත. ඒ හමුවේ තව දුරටත් මිනිසාගේ මරණයේ නම්බුව විලි වසාගැනීමකට පමණක් සීමා වී ඇත. 

ස්වයං විනය හා නුවණට පමණක් ගරු කරන කෝවිඩ් ඒ දෙකම නැති මිනිසාට පහර දෙන්නේ අනුකම්පා විරහිතවය. නීතිය පමණක් ඔවුන්ගේ පිහිටට ඇත. ඒ නීතියටත් ගරු නොකරන තැන, එතැන කිසිවෙකුගේ නම්බුවක් තවත් කාලයකට බම්බුවක්ම වනු ඇත. 

නමුත් මේ සියල්ලටම වගකිවයුතු කෝවිඩ්ගේ පෙළපතේ (20'19')දහනවවැනි පරපුර පමණක්ම නොවේ. අපේ පසුගාමී, දුර්වල, නොහික්මුණු, ගති සිරිත්ද ඊට බලපා ඇත. දේශපාලනයේ සේ කල්ලි කණ්ඩායම් ඩීල් ක්‍රමයට ඒකාබද්ධ ප්‍රකාශ නිකුත් කරන්නට, එකට හිටගන්නට, කොටින්ම කෝවිඩ්ලා අප සමඟ ජොයින්ට් ස්ටේට්මන්ට් වලට එන්නේ නැත. 

එබැවින් මිනිස් ප්‍රජාව ලෙස ඒකාබද්ධව එකාවන්ව සෞඛ්‍ය අංශ හා නීතියේ උපයෝගීතාවයකින් තුළ ඉවසීමෙන් කැපවීමෙන් මේ කෝවිඩ් පරම්පරාව පැරදවිය යුතුය. ඒ සඳහා මීටරයක් දුරින් ළංවී, නිවසේ රැඳී, ස්වයං විනයෙන්, නුවණින් සටන් කළ යුතුය. එහිදී ඔබේ සුරක්ෂාව ඔබගේම තුළ පමණක් වන බව මතක තබා ගන්න. එනිසා ප්‍රශ්න වෙනුවට අපි මේ අවධානම් සමයේ උත්තර පමණක් සොයමු.

තනතුරු ඇඟවීමයි!

අනතුරු ඇඟවීමයි!

සුදු ඇඳගෙන කළු එබෙමින් - (ඩබල් කොරෝනා extension)

(අන්තවාදී

ජාතිවාදී

වවුල්පාදී

කළු කඩ

මජර ,

දේශපාලන

අවිහිංසකත්ව

පිරුවට ...)

# ප්‍රාර්ථනා

#

දිව්‍ය ලෝක ඉඩ මදිවේවා

අපා ඉඩ ඇහිරේවා

දැන් ඇති!

නවතන්න

කියන්නට

සිදුවේවා

#

දිව්‍ය ලෝක

අපා

පිරිලා ඉතිරිලා

ආගමන නවතන්න

ඒ අයට සිදුවෙලා

තවත් වැඩි පිරිසකට

ඉඩක් නැත ඒ ලොවේ

ඒ නිසා ඒ අයත් රැදේවා

මේ ලොවේ..

"හෙට"

රටේ ඇඳිරිය - විවේක බුද්ධිය ට (හණ මිටි ප්‍රපාතයට හෙළන්න)

ලෝකය වෙනස් වෙනවා, පිළිගන්නවාද?

සියළු සංස්කාර අනිත්‍ය බව පිළිගන්නා බහුතරයට ඒ වෙනස්වීම පිළිබඳ අදහසක් නැත, එකඟද?

චි න් ත න ය ම  කුණු කරගෙන සත්‍යවාදයෙන් ප්‍රාතිහාර්ය පතන්නේ එනිසාද?

පොලිස් මාධ්‍ය ප්‍රකාශකතුමා (වගකීම් දරණ හැම දෙනා) නිදි මරාගෙන ජනමාධ්‍ය තුළ ඇඳරි නීතිය නිරෝධායනයක් ගෙයින් එළියට යන්න එපා කියනවා. ඒ ඇයි?

පිරිත් ඇහෙනවා, සත්ගුණවත් උපාසකයො පන්සල් යනවා, ඒ ඇයි?

ගමෙත් පොලිසියක් තියෙනවා. ගෙවල් දොරවල් වල ටීවී රේඩියෝ, මිනිස්සුන්ගෙ අතේ හෑන්ඩ් ෆෝන් තියෙනවා. ඒ ඇයි?

හඳුනා නොගත් කොරෝනා වාහකයින් කොතන හිටියත්, බෝම්බෙකට පශ්චාත් භාගයෙන් කෑල්ලක් ගියත් අතන මෙතන අපිට හිතෙන හිතෙන විදිහට හැසිරීම රටේ සාමාන්‍ය විදිහද? ඒ ඇයි?

එදත් එහෙමයි, අදත් එහෙමයි. ගමේ නීතිය රටේ නීතියෙන් බැහැර වෙලාද, එහෙම කෙරෙව්වෙ කව්ද? ඒ ඇයි?

තුන්සිය හැටපස් දවසෙම හොර නින්දේ සිට ගංවතුරකට නියඟයකට ආපදාවකට ණයට සහන මල්ලක් බෙදමින් රට කිරීමට ද අපට ආණ්ඩුවක් උවමනා?

කලක් තිස්සේ නීති රීති, අදාළ විද්‍යා, විද්‍යාර්ථින් නිෂ්ප්‍රභ කොට හැම දෙයක්ම දේශපාලනයට උවමනා ලෙස අර්ථකථනය කොට පවත්වන ක්‍රමවේදයකින් නොවෙද තවමත් අප පීඩා විඳින්නේ?

හැම ගෙදර දොරකම සාමාජිකයෙකු රජයේ කොහේ හෝ සේවයකට ගාවා හෝ පවතින ක්‍රමවේදය රැක ගන්නට නොවෙද අපේ ආණ්ඩු හැමදා ගේම් ගසන්නේ?

එබැවින්ම නොවෙද අද මැරුණත්, පතුරුගියත් කොටිවලිගය අල්ලාගත් එකා සේ මේ අපි ක්‍රමවේදය බදා ඉඳින්නේ?

එ නිසා නොවෙද බහුතරය දේශපාලන අතුවල ගැත්තන් සේ එල්ලෙන්නේ?

පැත්තක් අල්ලගෙන තව පැත්තකට බනින්නේ.. පැත්ත මාරු කළාට ඇත්ත මාරු නොවන නිසා නොවෙද අපි හැමදා දුක් විඳින්නේ..?

(බෙදන්න පුළුවන් මොන මොනව හරි - වැලි කැටේ හරි තියන තුරු, ජාති ආගම් ටික තියෙන තුරු අන්න ඒක බෙද බෙදා, බාර් ඇතිවුන් මත්වතුර ටික හෝ බෙද බෙදා) 

එහෙමයි අපෙ හාමුදුරුවනේ බහුතර සාමාන්‍ය මිනිහාගේ කරපිටින් අපේ ජාතිමාමක උන්නැහෙලා මේ ප්‍රජාතන්ත්රවාදී සමාජවාදී රාජ්‍යයේ .... සාම්ප්‍රදායික ජනතාවාදී දේශපාලනේ කරන්නේ..

ඔහොම ගිහින් අවසානෙට- උගතා, නූගතා, දුප්පතා, පෝසතා කාටත් පිළියම් හොයන්න බැරි, මීට එහා තවත් ප්‍රශ්න තුළ අපි හිර නොවේවිද? ද ව ස ක.. 

එදාට ආපහු කල්පනා කරන්න ඉඩක් ලැ බේ වි ද? අපට මේ ලෙස ..

ඒ නිසා මේ නිරෝධායනය..ඇඳිරි නීතිය අස්සෙ විවේක බුද්ධියෙන් සි ත න් න... දි යු ණු  චි න් ත න යෙ න්  අ ලු ත්  ර ට ක්... හදන්න.. - කාලය සීමිත යි. අතිශයින්ම සීමිතයි. අ ති ශ යි න් ම  සී මි ත යි.

මේ රණ හඬ

ඒ රණ හඬ

වැඩිවියට පත් අය ලෙස (වට්ටම් නැත)

පොරණ සිට මෙලක පැවතුණ සිරිත මෙනා

වැදි බණ දෙසති වැද්දන් හැර බොහෝ දෙනා

රට හා ක්‍රමය දැක්කූයේ අපම තමා

ගෙට වී වැඩිවියෙන් දැන්වත් සිතනු හොඳා

නීතිය රීතියට හැමදා දා වෙට්ටූ

එහි වටිනාකම පාගලා ගානට තුට්ටූ

මට්ටුව දැනෙන විට කාටත් වී තට්ටු

හෙළයගෙ හැටි පෙනේ ලැජ්ජා නැත රට්ටූ

දෙදාස් පන්සීයෙ වරුණය කියවනවා

රෙද්දක් නැතුව පුස් හණමිටි විකුණනවා

යුද්ධය සද්ද සමඟින් හැම වළඳනවා

නට්ටන් වූ තැනදි ධර්මය කලතනවා

කට්ට කකා හැමදා රට රැක්ක දනා

කොහො වැළලුණත් රටකට ණය නොවුන දනා

කළ කරුමයේ රඟ දන්නේ අපිම තමා

බොරු කළ හැමට දිනයක විඳවන්ට වෙනා 

අප්පමාදෝ!

නොකරන් ඔරෝනා! ☺

මේක පෙරුම් පුරන්න මිස බුදු වෙන්න සුදුසු රටක් නොවේ. බුදුන් ඉන්දියාවේ පහළ වෙන්නෙ ඒකයි. කෙටියෙන් කීවොත් දන් දීලා බැනුම් අහන්න, සිල් අරගෙන ගුටිකන්න, නෙෙෂ්කර්මයෙන් අපවාද ලබන්න, ප්‍රාඥාවත්ව ජෝකර් වෙන්න, වීර්ය කරන තරමට කැපෙන්න, ක්ෂාන්තිය වඩා ප්‍රජා අයිතිය නැතිකර ගන්න, සත්‍ය වෙනුවෙන් මැරුම් කන්න, ඒ මොනවා වුනත් මෙත, මුදිතාව, උපේක්‍ෂාව වඩන්න... මේ තරම් වටින රටක් නැත බෝසතුන්ට! ඒ අයුරින් ජනතාව බෝසතුන් කරන්නයි අපේ දේශපාලන, දේශමාමක, ජාතිමාමක, ජාතිහිතෛෂීන් හැමවිට වෙහෙසෙන්නෙ. මේ ටික තේරුම් අරන් තුනෙන් තුනම පාලකයින් සතු කොට අපි බෝසත්වීමයි මෙවැනි රටක කළ යුත්තේ.. රට නොහදා අපි හැදෙමු මිතුරනි!

රැකවරණ

බටහිරින් හිරු පායයි! (සමහර විට ආයෙ ඉර පායන එකක්ම නැහැ)

සැප වාහන එපා! විශේෂ වරප්‍රසාද එපා, මේක දුප්පත් රටක්. ත්‍රීරෝද රථයක් අපට ඇති. ණය බරෙන් රට මුදවා සංවර්ධන දිශානතියට යොමු කිරීමට අප රැඩිකල් තීරණ ගත යුතුයි. වසර කීපයකින් රටේ ගමන් මග වෙනස් කළ හැක්කේ එබඳු වූ දැවැන්ත කැප කිරීම් වලින් පමණයි. ජනතාව සැබෑ ලෙසම අප වටා එකතුවී රටේ සංවර්ධනයේ හවුල් කරුවන් වන්නේ එවිටයි. පළමුවත් රට, දෙවනුවත් රට තෙවනුවත් රට කියා පපුවට ගසාගත් පමණට රටකට ඉදිරියක් ඇතිවන්නේ නැහැ. බොරු තර්ක කරමින් නාස්ති කිරීමට අපට කාලයක් නැහැ. අප හැමට ඕනෑ යහපත්, සාර්ථක රාජ්‍යක් නම් පාලකයන් වන අප ඒ සඳහා නායකත්වය ගන්නවා යනු දෝලාවේ ගමන් කරමින් අට පයක් මත්තේ කුඹුර වැපිරීම නොවෙයි. දෙපයින් ගොස් නිසි වැපිරවීමකින් වැඩි අස්වැන්නක් ලැබීමයි. පෙර වැරදි සියල්ලට පව් කමාවෙන තරමට අද පටන් අප රට වෙනුවෙන් ජීවිත පරිත්‍යාගයෙන් කැපවෙනවා.. ලාංකීය දේශපාලකයෝ එක හඬින් කියන දා ...☺

කොරෝනා

අපේ අනන්‍යතාව,

හැමදා උගත් පාඩම් කොළ කැබලිවල, ලිපිගොනු තුළ සිර කළ අප සමස්ථයක් ලෙස රටක් ලෙස සාක්ෂරතාවයෙන් යුතු අසමතුන් පිරිසකි. නිදහස් අධ්‍යාපනයක් ලද සිරකරුවන් පිරිසකි. මරණයට ආධාර සපයමින් ජීවත්වන පිරිසකි. දැන දැනම රැවටෙනා පිරිසකි. ධර්මය හිස මුදුණේ තබා ගැලවිජ්ජාවෙන් විලිලජ්ජාවක් නොමැතිව ජීවත් වන පිරිසකි. සාධාරණ යහපත් මිනිසා බිල්ලට ගෙන අමනයන් රකින නිවටුන් පිරිසකි. අෂ්ඨලෝක ධර්මයේ නාමයෙන් සියළු නොපනත්කම් කර්මයේ නියාමයට යට කරන කැනහිලුන් පිරිසකි.

උපහැරණ ...

අපහරණය .. 

බුදුන් වැඩහුන්

බුදුන්ටත් වැඩි උන්

උන්ගේ බුදු වදන් 

වී අද බණ දහම්

සාද..

කොල්ලන්ද කෙල්ලන්

අල්ල අල්ලා සෙල්ලම්

වූ තැනදි සල්ලන්

උපත රැඩිකල් ප්‍රැක්ටිසින් දෙන්

ධ්‍යාපන..

කොණ්ඩ රැවුලෙන් බමුණා

සංස්කෘතියම විකුණා

නොවී යන් හනුමා

ගිනි තැබූ තැන රටම අවුලා

ආචාරි..

වවුලා වගේ වා සේ

බාසයෙන් නම් දේසේ

පොර වෙන්නට පිපාසේ

දිසාපාමොක් වගෙයි වේසේ

මත..

ගොඩක් අය පල්ලා

නොදත් අය ගිල්ලා

කව්ද මේ බිල්ලා

ළමයිනේ ප්‍රවේසම් වෙයල්ලා

පොළවේ ඇද - (හොරු, දූෂකයින්, වංචාකරුවන්ට හෙට-බබා පොලිටික්ස්)

සරත් ෆොන්සේකාගෙන් පසුව "සැබෑම" වැරදිකරුවෙකු ඔසවාගෙන හෝ ඇදගෙන ගොස් නඩු අසා සිපිරිගෙට ලෑමට නොහැකි වූ රට!(සහරාන් සහ මහ බැංකුව තවම විකුණති)

හීන දීන ආකල්ප (එල්ලා මැරිය යුතු ජාතික අපරාධ)

සෑම රාජ්‍ය සේවාවක්ම ආණ්ඩු විසින් පවත්වාගෙන යන ජනතා සුභසාධන සේවාවන්ද? එසේ නොවේ. රාජ්‍ය පරිපාලනය මෙන්ම තම පුරවැසියන් වෙත රාජ්‍යයේ ඇති වගකීම කුමන ආණ්ඩු යටතේත් ජනතාවගේ නීතිමය අයිතිවාසිකමකි. එය ඉටුකිරීමට රාජ්‍යට ආයතන පද්ධතියක් ඇත. විවිධ අණ පනත් සම්මත කොට ඇත. ප්‍රජාතන්ත්‍රවාදයේ නාමයෙන් ඒ ක්‍රියාවලි උදෙසා  ජනතා නියෝජිතයන්ට බලය ලබා දී ඇත්තේත් අපමය. එනමුත් අදටත් බොහෝ අවස්ථාවන්හීදී ප්‍රාදේශීය මට්ටමේ සිට ඉහළම රාජ්‍ය ආයතන දක්වා ඒ තුළින් ජනතාව වෙත ඉටුවිය යුතු වගකීම් සහිත කාර්යභාරයන් ඉටුකෙරෙන්නේ ජනතා සුබ සාධනය සඳහා ආණ්ඩුවෙන්, ඇමතිවරුන්ගෙන් කෙරෙනා සුබ සාධනයක් පරිද්දෙනි. ඒ තුළ දේශපාලකයා සේම නිලධාරීන්ද අනිසි අධිකාරිවාදී මානසිකත්වයකින් ජනතාව පෙළන, රස්තියාදු කරන අවස්ථා බොහොමයකි. සමහර පොලිසි, ප්‍රාදේශීය ආයතනවල කටයුතු පිංපිණිස පවත්වන්නාක් මෙනි. 

විශේෂයෙන් සාම්ප්‍රදායිකව රාජ්‍ය මාධ්‍ය ඒවා අර්ථකථනය කරන්නේද මහා දේශපාලකයෝ ඡන්ද වේදිකාවල තම කෙරුවාවල් ලෙසට පාරම්බාන්නේද මේ සියල්ල වගකීම් නොව සුභසාධනයන් ලෙසින් පෙන්වමිනි. ඒ නිසාම ජනතාවද නිකන් දෙන දේ ගන්නට හුරු මනසින්ම රාජ්‍ය ආයතන වල වගකීම වෙනුවෙන්ද යදින්නන් පුලන්නන් බවට පත් කර ඇත. 

වෙනසක් විය යුතු මේ හීන දීන ආකල්පයි, මේවායින් පොර වෙන දේශපාලකයායි, ඒ තුට්ටු දෙකේ මහා අව ජාතික දේශපාලනයයි. 

ඒ සඳහා නීතිය, යුතුකම, වගකීම මෙන්ම අයිතිවාසිකම් ගැන හිතන කතාකරන ජනයාගේ අවදි වීම විද්වත් මහප්‍රාණයේ සිට සාමාන්‍ය ජන මනසේ අල්පප්‍රාණයටම සන්නිවේදනය විය යුතුයි. ඒ සන්නිවේදනය තවත් දේශපාලනයක් වීමට එහා ඥානනයක් විය යුතුයි. ඒ ඥානනය අත්පත් කර ගැනීම හා ඒ උදෙසා තම පරමාධිපත්‍ය මෙහෙයවීම අද රටේ සාමාන්‍ය පුරවැසියන් වන අප කොයිකාගේත් පළමු පුරවැසි වගකීමයි. 

මේක මහ සූදුවක් (ඒ සූදුව පරදවමු)

දුක, දුකට හේතුව සෙවූ කාලය අහවරය. දැන් සැවොම සොයන්නේ සැප සොයන ලේසිම හා පහසුම මාර්ගයයි. දේශපාලන බලවතෙකු ගොඩනැගෙන මග අත්උදව්කාරයෙකු වීම ඒ ලේසි මගේ එක් ප්‍රමුඛ කාර්යයක් වෙයි. ඊට ගිහි පැවිදි බේදයක් නැත. උස් මිටි බේදයක් නැත. එහෙයියෙකු වන තරමට ලංකා දරණීතලයේ සුවිශේෂී වරප්‍රසාද හිමිකරුවන්ගේ කොටස්කරුවෙකු වීමේ ශක්‍යතාව ඔබ විසින් සපුරනු ලබයි. කාගේ එහෙයියෙකුද යන්න ඔබගේ වරප්‍රසාද වලට බෝනස් ප්‍රතිලාභ හිමිවීමට හේතුවක් වේ. 

කාලයක් තිස්සේ යටිකුරු කරගත් අපේ රටේ ක්‍රමයේ අරටුවට වැද ඇති අකුණු කුණ එයයි.

ඒ අනුව එකම කතා වෙනස් ආකාරයෙන් කියමින්, එයම නැවත කියවමින් තම දේශපාලන ව්‍යාපාරය සෞභාග්‍යමත් කරගැනීම උදෙසා දහස්වර වෙහෙසෙන අත්උදව්කරුවන්ට සැළකීම අප රට සංවර්ධනය යනුයි. එබැවින් රට වෙනුවෙන් ශ්‍රමය ලබාදීමට වඩා කාලීනව ඉල්ලුමක් ඇති දේශපාලන සංවිධානයක හොඳ අශ්වයෙකු වටා ගොනුවීම මේ සූදුවෙන් ජය ගැනීමට ඇති පහසුම මග වෙයි. එබැවින්ම තරඟය දැඩිවෙයි. මේ රට කරවන දේශපාලන සූදූවට ජීවිත පරිත්‍යාගයෙන් යුතු පැවැත්මක් ගොඩනැගී ඇත්තේ එනිසාය. සිංහල, බෞද්ධ, ජාතිකත්ව, යුද්ධය සේම සාමයද සැබවින්ම මේ තරඟය තියුණු කරන ධන උත්ප්‍රේරක වෙයි. අතකින් ඒවා මේ සූදුවේ තීම්ස් හෙවත් තේමාවන් වෙයි. අධිරාජ්‍යවාද විරෝධය, හොරු ඇල්ලීම, දූෂණය පිටුදැකීම, විධිමත් කාර්යක්ෂම රාජ්‍ය සේවාවන් ආදීයත් අයත් වන්නේ ඒ ඒ තරඟ අවස්ථා වල තේමාවන් යටතටය.  

සූදූවට ඇබ්බැහි වූ එකා විනාශය අත්දකිමින් වුව ඒ සූදුවෙන්ම ජය පතනවා විනා ඊට විරුද්ධව ඇඟිල්ලකිඳු ඔසවන්නේ නැත. එවන් එසවීමට ශක්තියක්ද ඔවුන්ට නැත. 

අද වන විට මේ දේශපාලන සරණ පතන සූදුව ඔස්සේ විනාශයෙන් විනාශයට පත්කර ඇත්තේ රටේ එක් ක්‍ෂේත්‍රයක් පමණක් නොවේ. රටේ හෑම ක්‍ෂේත්‍රයකම මූල පද්ධතිය විනාශ කොට ඇත්තේ මේ දේශපාලන සූදුව විසින්ය.

ඊට ඔට්ටු තබන ජනතාවද සපුරා මීට වගකිව යුතුය. යම් දිනෙක මේ විනාශකාරී සූදුව නැවැත්විය හැක්කේ සුළුතරයක් වන මේ සූදූ කෙළියට කිසි ලෙසකින් දායකත්වය නොදෙන ශක්තිමත් මධ්‍යස්ථ මිනිසුන්ට පමණි. 

එය දුෂ්කරය, නමුත් මේතාක් රටේ යහපතට උරදී වෙරදී ඇත්තේ ඔවුන්ය.

සූදූවෙන් දිනාගත් යමක් වේද එය සූදූව නිසාම විනාශ වී යයි. රටට සිදුවී ඇති දෑ සමස්ථයේ සාරංශය ද එයමය. 

එබැවින් සූදූව වෙනස් කරනවා වෙනුවට, අශ්වයා මාරු කරනවා වෙනුවට, සූදුව තහනම් කරන තැනට අප යා යුතුය. දේශපාලන සූදුවක් වන රට කරවීමේ වත්මන් ක්රමය වෙනස් කළ යුතුය. මිනිසුන් තිරිසන් කරවන මේ ක්‍රමය වෙනස් කිරීමෙන් මිස ට්‍රෝජන් අශ්වයෙකු වෙනුවෙන් ජනතාව තුනෙන් දෙකක ඔට්ටු තැබීමට යාම සූදුවෙන්ම විනාශයට යාමකි. බල ගැන්විය යුත්තේ දේශපාලන සූදු විරෝධී බලකායකි. දේශපාලන බල සූදුව පරදවා රටේ යහපතට තීරණ ගත හැකි බහුතරයකි.

එබැවින් ධනයට, බලයට, ලාභයට වාල් වී ඔට්ටු දමා තවදුරටත් මට්ටු නොවීම අද රටේ ජනතාවගේ පරම වගකීමකි.

So cute-

ජන බද්දෙන් කුස පිරෙන 

එසඳ

ඒ සරා සඳ

වැඳපන් පුත නුඹ නිරින්දෝ 

රට රකින

හදවතේ කතාවක්!❤❤❤❤❤❤❤

රිස්සන්ට රිසි තැන් හදනවා විනා නිස්සන්ට නිසි තැන් නොලැබීම උපන්දා සිට මෙරටේ ගැටළුවකි. 

දේශපාලකයා තම බල පැවැත්ම සොයා යන ගමනක රටකට දෙන නායකත්වය එදා මෙදා හැමදා මා නම් දුටුවේ දේශපාලනයේ මුහුණුවරකින්ම මිස ජාතික මුහුණුවරකින් නොවේ. සරලවම මේ රටේ වෙනස් විය යුතු දෑ බොහොමයකි. ඒ වෙනස්කම් ආරම්භ කළ යුත්තේත් සරල තැනකිනි. (උදා-මහපාරේ නීති)

සිංහල බෞද්ධ රටක් යන අරුතට ප්රතිපදාවක් කැවීමට තරම් හික්මුණු රටක් නොවන අප ඒ අර්ථය භාවිතයට ගන්නේ හුදු දේශපාලනික අරමුණු සඳහායි. බලය, බල වර්ධනය උදෙසා පමණක් කරනා ඒ භාවිතය තව දුරටත් පවත්නා සිංහල බෞද්ධ සංස්කෘතික වටිනාකම් බොල් කොට දමනවා පමණකි, අප දකින්නේ.

බුදු දහමේ සියල්ලට ප්‍රමුඛව සළකන මිනිස් සිත අන්ත දූෂ්‍ය කරන්නා වූ සටකපට කම්, අයුක්තීන්, අසාමානාත්මතා සමාජය තුළ වපුරන පන්නයේ දේශපාලන ක්‍රමයක් තුළින් රටකට අත්පත් වන්නේ කවර සුගතියක්ද?

සැමට රට පිළිබඳ අවබෝධ කළ හැකි සරල සත්‍ය වඩා සංකීර්ණ තත්වයේ අර්බුදයන් දක්වා ගමන් කරන්නේ දේශපාලන බලය හා එතුළ පවතින වරප්‍රසාද තවමත් රටේ සාමාන්‍ය නීතිය, යුක්තිය, සාධාරණය අතික්‍රමණය කළ හැකි තැනක පවතින නිසාය. 

පාලකයා තමන්ගෙන් අරඹා මෙෙත්රී භාවනාව වඩන පරිද්දෙන් තම ඥාති මිත්‍රයා ගේ සිට සාමාන්‍ය සමාජය තෙක් සමානාත්මතාවයෙන් යුතුව ඒ ශික්ෂණය පතුරවා නොහරින තුරු "සාර සොබාවත් ජන සමාජයක්'' යනු තවත් එක් දේශපාලන සටන් පාඨයක් පමණක්ම වනු නොවැළැක්විය හැකිය.

ගැටමාන්න හු - (මුඛ්‍ය ජාතික චින්තනය)

වරප්‍රසාදිත සුදු කරපටි හොරු, මෘදුයි, අහිංසකයි, රටක් වටී. සුරැකිය යුතුයි, ඔවුන් මත්තේ ඔබට කළගුණ සළකාවි! උන් වෙත ලිහිල් මධ්‍යස්ථභාවයකින් හැසිරිය යුතු..

2/3 මෑත ඉතිහාසයේ දේවානි/දේව ලාට හිමි තැන... (දුටු නොදුටු සිරිමත්හු)

වළ දැමිය නොහැකි තැන එඩිය හිත ඇතුළේම

දිගු කළ විටෙක සත්‍යයේ හස්තය දිගටෝම

සිඹගනිති බොහෝ අය කපනු බැරි තැනදීම

නමුදු සතපති සදා සයනයෙ කැමරා නොමැති තැනදීම

මේ ඒ හදවත නොවේ :-)

ඊට විකල්ප නැත.. (වාතය, ජලය, පස)

එතුමිය හැර තවත් අය සිටී. එතුමා හැර තවත් අය සිටී. පිටිවල ගුල්ලන් සිටී. ක්‍රීඩා පිටිවල හරඹ පෑමට තවත් අය සිටී. හදන පිටිවලින් ගසා කෑමට තවත් අය සිටී. හුරේ දැමීමට තවත් අය සිටී. මුකවාඩම් දැමීමට තවත් අය සිටී. නීති දැමීමට තවත් අය සිටී. නීති රැකීමට තවත් අය සිටී. ඒවා කැඩීමට තවත් අය සිටී. විවෘත කිරීමට තවත් අය සිටී. පෙනී සිටීමට තවත් අය සිටී. නොයෙක් නොයෙක් අය සිටී. තවත් තවත් අය සිටී. එහෙත්... 

නිකටට උඩින් නිකමට සමාධියාමී..?(මුසාවාදා වේරමණී ශික්ෂා පදං)

කටින් ගහල දිනන්න බැරි නම් පැවැත්ම දුෂ්කර සමාජයක් හැදුනෙ කොහොමද? දේශපාලකයො කටින්ම රට හදන්න පටන් ගත්තෙ කවර කාලෙක හිටන්ද? තුන්සිය හැටපස්දා සම්මාවාචා කියා බණ දෙසන රටක ඒ සම්මා සම්භාෂණයම නැවත කුණු කටේ වාදමට යට කරන්නේ කව්ද? සාර දේ කටවාචාල කමෙන් නිස්සාර කරන නායකයන්ට, පාලකයන්ට රටකට චින්තනයක් දැක්මක් ගෙන ආ හැකිද? යහපත ගැන කියන, කියන දේ කරන, සුදුස්සන්ට සුදුසු තැන් ලැබෙන්නේ හැදෙන්නේ, සාධාරණය, යුක්තිය කටින් නොව භාවිතයෙන්, සමානාත්මතාවයෙන් යුතුව වටිනාකම් සහිත හරවත් සමාජයක් හැදෙන්නේ කවදාද?

සතුටු කඳුළු.. (දොහොත් මුදුනේ.. මන්ද තිස්තුන් කෝටියක් තවම අහසේ..)

රන්ජන්ට වඩා විවෘතව කළ කී දෑ එළිපිට පිළිගත් ශුද්ධවන්තයින්ගෙන් පාර්ලිමේන්තුව පිරී තිබේ. අයහපත් බලලෝභී නිර්ලජ්ජිත මිනිසුන් විසින් වඩා යහපත් මිනිසුන් පාලනය කරනු නොලැබේ. ආගමත් ජාතියත් නීතියත් සංවර්ධනයත් ඡන්ද සේල් වල කුණු කොල්ලයට නොවිකිණේ. 

දූසන වංචා පිට්ටු දකිමු! (ජීවිත රක්ෂණ ඩීල් දමමු)

රිය සක යුරු

මෙහි හොර බොරු

සඳ හිරු තරු

පවතින තුරු

සමතුන් නැති

බලයක් ඇති

මෝරුන් කිරි

හුරතල් හරි

සිපිරි ගෙවල්

සුපිරි ගෙ වල්

පටලැවි ලල්

ඔක්කොම lol

කොටි වලිගේ

හොරු කෙ(එ)ළියේ

කට බලියේ

උ(නු)න් සුදියේ

උ/අ/ම දහස

සත්තු විඳින බෝසත්තු විඳවන ධාර්මිෂ්ඨ සමාජයක72 නිදහසේ අර්ථය රසවිඳින්න, දිනය පුරා...

පාලි මින්ට් වත්මන් සංයුතිය (හුදු සමාජ සංස්කෘතිකමය කල්පිතයකි)

පාණාතිපාතා තිහක්

අදින්නාදානා හතළිහක්

කාමේසුමිච්ඡා විසිපහක්

මුසාවාදා හැටක්

සුරාමේරේ සීයක්

කවටයෙක්

විකටයෙක්

පාතාලෙ හතරක්

තුන්ප්රයාම තිස්හයක් අඩු කළවිට

දෙසිය විසිපහක්

සටකපට

අද ලංකා පාර්ලිමේන්තුව නිවේදනය කරන්නේ මෙතුවක් අපේ නිදහස් අධ්‍යාපනයෙන්, සමාජ සංස්කෘතියෙන් හැදූ නායකත්ව පෞරෂ ස්වරූප  නම් වරද කොතැනද?

නූගත් පාඩම් -

රට විධිමත් කිරීමට 2/3 දේශපාලන බල ව්‍යාපෘතියකට එහා ගිය විද්‍යාත්මක ක්රමවේදයක් අවශ්‍යයි.

විජය ගේ පරපුර

අප්සයිඩ් ඩවුන් වී

බැක්සයිඩ් උඩ යයි

සමහර මොළ 

වැඩ කරන්නේ එවිටයි

ශූරයින් මතුවෙයි

රේටින්ස් පෙරළෙයි

දිනෙන් දින ජාතියට

වීරයන් බිහිවෙයි

කළු චැසියට

සුදු බොඩි ඇත

සුදු කොඩි යට

සභ්‍යත්ව පිරුවට

හතේ පොත

සමඟ හැත්තෑවස

මහ බැංකුවේ සිට

පවුල් ගස් හැම තැන

රජ සහ මජර ජරමර

කවි කොළ සදිසි හඬ පට

ට්රෙන්ඩින්ය හුටපට

තුනෙන් දෙක ගෙන තනනු සුරපුර

සද්දෙට විද්ද - පාර්ලිමන්ට් විලන් - හා සදා චාරය - නරඹමු

සද්ද විද්ද - ඔහු හඬ අනුව විද්දේය. ගෙම්බෝ ඇමිණුනි. ඉතිහාසය පුණුරුච්ඡාරණය වෙයි.

පාර්ලිමන්ට් පෝක් - සිංහල සිනමාවේ ප්‍රබල දුෂ්ටයෙකු නොමැති අවධියක ඒ භූමිකාවට පිවිසුනු ඔහු, දුෂ්ඨයා විසින් වීරයා අවදි කරන්නට වෙහෙසෙයි..

හා සදා චාරය -

ඇතැයි කියන මාහැඟි සංස්කෘතිය කාබාසිනියා කර ලාභ උපයමින් වැනසෙතැයි කියන සංස්කෘතිය රැකගැනීමට උරදෙන - ජනතාවාදී හා සුදු ජනමාධ්‍යය මහජනයා වෙනුවෙන් අනවරතව වෙහෙසෙයි..

නරඹන්න... පැතූ ප්රතිලාභ විඳගන්න. විනෝද බද්දේ පාඩුව ජනතාව වෙනුවෙන් ආණ්ඩුව විසින් දරනු ඇත.

සකල කලා අන්ඩරය -

යථාර්ථය ඥානනය කරණු පිණිස විකාර රූපී කළා මාධ්‍ය ඔස්සේ පැමිණි හඬනළු රංජනය - ලාංකීය සකල කලාවේ සුවිශේෂී සන්ධිස්ථානයක්.

අරි මග..

දිට්ඨි

සංකප්ප

වාචා

කම්මන්ත

ආජීව

වායාම

සති

සමාධි

සම්මා..

ශික්ෂා පදං..

පාණාතිපාතා

අදින්නාදානා

කාමේසුමිඡචා

මුසාවාදා

සුරාමේරේ

වෙරමණී..

තුවක්කු තබා උණ්ඩ දඩයම.. (රන්ජන් ගේ හඬපට තුළින් විදර්ශනාව පහළ වූ වග)

මේ විකල සමාජය නිර්මාණය කළ සම්භාව්‍ය සාතන්ලා රන්ජන්ලාට වඩා ශ්රේෂ්ඨ වේ. හේතුව ඔවුන්ට විරුද්ධ සාක්ෂි කෝටියක් ජනසතු වුනද ඊට විරුද්ධ බලයක් කිසිදා මේ සමාජයේ ක්‍රියාත්මක නොවන බැවිනි.

හඬ පට උණ්ඩ කළ හැක්කේ කවර සමාජයකද? ඒ සමාජය බිහි කළෝ කවරහුද? කුණු රහට අයිසින් තැවරුණ හඬපට  කේක් ගෙඩිය මේ සමාජයේ එක හරස්කඩකි. එය දහස්වරක් විශාලනය කර බැලුව හොත් ලාංකිකයාට පෙනෙන්නේ තමන්ගේම සමාජයේ හෙළුව මිස අනෙකක් නොවේ. 

ශේෂ..

සැපත් නැතිවී

ඇපත් නැතිවිට

බුදුන් සිහිවන

බෝසතුන් රට

ගුරු තරුව - නිවී

අ අර බල අප රට 

ආ ආන්තරාවක 

ඇ ඇදී ඇදී යත 

ඈ ඈතින් ඈතට 

ඉ ඉහ මොළ මද නැති 

ඊ ඊළඟ පරපුර 

උ උන්ගේ ලෝකයෙ 

ඌ ඌරන් වූ හැටි..

අවසානයි!

- වගකීමක් වගවීමක් නැති බහුතරයක්

- බිඳ නොදැමෙන අසම විශම චක්‍රයක්

- කාලීන කෙරූ බණ කවි බණට ඡන්දයක්

- නොහැදේ අලුත් රටක් අලුත් ජනතාවක්

වලංගු - විලංගු

January 9, 2017 at 6:34 PM

දුර බලන්න, දෙවනුව ළග බලන්න (25ක් 2ක්)

අපිට ඕන බලය ගන්න, අපේ විදිහට රට ගෙනියන්න, අපි දන්න අපි ලග ඉන්න අයත් එක්ක අපට පුලුවන් උපරිමයෙන් රට නංවන්න,  අපිට හැමෝම සහය වෙන්න, අපි එකතු වෙලා එකම කැපකිරීමකින් වැඩකරමු. 

එහෙම කියන්නත් ඒ විදිහට වැඩ කරන්නත් බලය ඇති කාටවුනත් මෙහේ බාධා කරන්නෙ කව්ද?

බාධා වලට යටපත් වෙනව නම් ඒ බලය කියන්නෙ මොකක්ද?

අසීමිත බලයත් මිනිහා සහ සමාජයට ගෙන එන්නේ විනාශයක් නම්, රටක දියුණුව සංවර්ධනය උදෙසා බලයේ ප්‍රමාණය පමණක් එකම සාධකය නොවන බව පැහැදිලියි. 

බලය භාවිතා කරන්නන්ගේ පරිචය හා පරිණතිය.. ඒවා ගැන හිතනවාට වඩා ජන්දයකදි අප දකින්නේ දවස් කීපයක අනාගතයක් ගැන පමණක් නොවේද?

හදුනාගත් නොගත් කෙටි දිගු සියලු ප්‍රශ්න ගැටලු සදහා බහුවරණ ක්‍රමයට අනුව දී ඇති පිළිතුරු වලින් එකක් තෝරන කිසියම් නිර්මාණ ශක්තියක් නැති සියලුදෙනා මේ සදහා වගකීම දැරිය යුතුය. දේශපාලනයට සුදුස්සන් තේරීම සියලු ජනතාවගේ වගකීමයි. ඔවුන්වෙත පහසු ක්‍රමයෙන්ම පිළිතුරු සොයනවා වෙනුවට සුදුසු පිළිතුරු දිගු හෝ කෙටි වශයෙන් නිවැරදිව ලබා දීම සියලු දේශපාලකයන්ගේ වගකීමයි. ඒ සදහා අතර මැදි රාජ්‍ය නිළධාරීන්, සේවකයින් ඔවුන්ගේ නිසි හා නොමසුරු දායකත්වයත් වාද බේදයකින් තොරව සංවාදශීලීව ක්‍රියාශීලිව සිදුකරනවා නම් බලය ක්‍රියාත්මක වීමේ බාධා මග හැරී නොයන්නේ නැතිද. 

තත්වාකාරයෙන් කරණු සරල හෝ පහසු නොවෙතත් එබදු ලෙසකින් මිස ජයගත නොහැකි අපේ ගැටලු වලට පොළොවේ පස් කෑමෙන්ම ප්‍රතිඵල ලැබිය හැකිද?

ඒ බදු නිවරැදි ක්‍රියාවලියකට යත්න දරණ අතරේ සමාජයේ සියලු තැන්හි ඇති දුර්වලතා ගැන අවබෝධයෙන් හා විනාශකාරී නොවන නිසි හඩ නැගීමකින් පමණක් නොවෙද අපටත් රටටත් ඵලක් වන්නේ, අඹ ඇටයෙන් ඵල ලැබීමට හැක්කේ, ගොවිතැනින් නිසි අස්වැන්නක් ලද හැක්කේ, රටක දියුණුවක් දැකිය හැක්කේ අන් කවර මගකින්ද?

අපට ඒ සදහා දිය හැකි දායකත්වය නම් කිසි දේශපාලකයෙකු කෙරෙහි විශේෂ අනුග්‍රහයකින් තොරව අවස්ථාවට කාලයට ගැලපෙන පුද්ගලයන් තෝරා ගැනීම හා නුසුදුසු විට ඔවුන් ඉවත් කිරීමත්, එනම් ඔවුන්ගෙන් වැඩ ගැනීමත්, අපේ ක්ෂේත්‍රයෙන් අපට එළිපෙහෙළි කළ හැකි දියුණු කළ හැකිදෑ නිස්සරණයන්ම කිරීමත් නොවේද.

රට යනු ඔබත් මමත් භුක්ති විදින මහාම හිමිකම නොවෙයිද. ලෝක උරුමයෙන් මෙපිට අපේ අනන්‍යතාව රැදි උරුමය අප සුරැකිය යුත්තේ හදවතින් මෙන්ම බුද්ධියෙන්ද එකාවන්ව හිදිමින් මිස බෙදෙමින් වැනසෙමින් නොවේ. එහෙම ගියොත් අවසන කිසිවෙකුට  බෙදාගන්නට කිසිත් ඉතුරු නොවේවි. 

දුර බලන්න, දෙවනුව ළග බලන්න කියන්නේ පාට පක්ෂ දෙස බලාගෙන නොව යහපත් රටක මියයාමේ හෝ භාග්‍ය තවදුරටත් අපට තිබිය යුතු නිසයි. බිහිවෙන නව පරපුරක ජීවිගුණය ගැන ඔබ හිතනවානම් අපේ අවධියේ පරපුර මෙන් ඔවුන් දෙමගක් අතර අතරමං කොට පලා නොයන්න. සැබෑ පරාර්ථය හදුන්වා දෙන්න. නිවැරදි ක්‍රියාකාරිත්වය වටහා දෙන්න. පුද්ගලිකත්වයට වහල් නොවී තාක්ෂණට ඔවුන් පවරා නොදී පසුපසින් ඉන්න. ඔවුන්ට යම් සෙවණැල්ලක් වනු පිණිස ඔබ සැඩ හිරු එළියට මුහුණ දෙන්න. ඔවුන්ගේ හෙවණැල්ලේ සැගවෙන නිවටයෙක් වෙන්න එපා. හැබෑව හංගා ඔවුන්ගේ ආවේගයන් මතින් ඉගිල්ලෙන්න හදනු එපා, පෙනෙන දුරකදි ඔබ වැටෙනවා පමණක් නොව ඔවුන් ඔබ මතින් හැගීම් විරහිතව ඇවිද යනවා සත්තයි!

(25 කින් පසු අද ගැන හිතා දුක් නොවීම පිණිසයි)

ජෑම් ඕ සෝස්

රංජන්ගේ තැටිය ගැන සිංදුව ඇයි තව ප්රමාද

රොටිය පුස්සනවා අහවල් අය කාවි  බෙදාන

නොයිස් කට් විචාර එක්ලක්ෂ විසිදහටම 

අයුක්තිය අසාධාරණය හැමදා පොදු මිනිහාටම

අන්ධ සුදා (for joints pain)

නව හඬපට සහනාලේපය -

ගැලවිජ්ජාවට, 100% විලි ලජ්ජාවෙන් තොර යි.

වලු

මෝල්ඩර් ස්කලී මෙහි එන්න - එනවලු

කිහිල්ලේ ගැසූ (x) ෆයිල්ස් ඇත විසඳන්න - විසඳනවලු

පසු පසින් නැගෙන සිනා

රටේ සැබෑ රියලිටිය අපට පෙන්වූ රන්ජාට තුති.. (ඊයේ පෙරේදා උපන් රටක ලැජ්ජ බයට හැදෙන අපි)

3%

ඇපල් හා පැපොල් (වෙනස නොහොත් අද්‍යතන 😷 ශ්රද්ධා මංකොල්ලය)

පින ඇපැයේ ලා දහම ළාමක කොට ශ්රද්ධාව සූරාකන මහා සිංහල බෞද්ධ නාමධාරීන් ප්‍රමුඛව රජ කළ රට කළ වසර සැත්තෑ ගණනක සැමරුම් නිදහස උත්සවශ්‍රීයෙන් අදත් සමරන සාධාරණ යුක්ති සහගත මිනිස්සු එදා මෙදා සදා පෙළෙන - පෙළන අලංකාරය නොතේරෙන කරුමය!

නීතිය ඇමට(විජිටේරියන් මිනිස්සු)

දුර්වලයෝ පටලවාගෙන පළිගනිති, අකලංක ශ්රද්ධාවට දෙනුන්ට කිරි එරෙති, නාඹර වස්සෝ තප්පුලා ගොම දමති, ගැටමාන්නලා බර අත්තේ නෝට් ටු ගනිති...

අන/අ/පේක්ෂිත 2020

මැටි Vs කඩදාසි (නිර්දේශිත)

දකුණ වම සහ කපට හිස..

යේ ධම්මා - ගාථාවේ මුල් කොටසම උපතිස්ස ගේ ප්‍රඥාව අවධි කළත් කෝලිතට ගාථාව පූර්ණ වශයෙන් අහන්න සිදුවුනා ප්‍රඥාව අවදි වෙන්න, සමහරුන්ට ඇත්ත තේරෙන්නේ, ප්‍රඥාව පහළ වෙන්නේ අශ්වයා පැනගිය පසුවයි. ( වැරදි ගුරු උපදෙසකින් නවසිය අනූ නවයක් මරන්න අංගුලිමාල වූ අහිංසකට සිද්ධවුණා සත්‍ය අවබෝධ කරගන්න කලින් )  අද දිග හැරෙන නාටක වල යටි පෙළ තව අවුරුදු ගණනකින් ආපිට පෙරළෙන දින බොහෝවිට අපට විකල්ප ඉතුරු නොවීම තිබේ වි.. එකලට කියන්නට ඉතිරිවන්නේ පෙරළුණු පිට හොඳයි කියන සර්වාශුභවාදය පමණයි. අද ඒ පිළිබඳ ඔබ ලබන අවබෝධය පමණක් එදිනට ඔබට සහනය වේවි! ඒ නිසා දැනුම වඩාගෙන සමථයෙන් සත්‍ය අවබෝධයට උත්සාහ දරන මහාපන්ථකලා අතර හැකිනම් විදර්ශනා වඩා කල්නොයවා සත්‍යාවබෝධය ලබන චුල්ල පන්ථක කෙනෙක් වන්න.

බෙර හා බණ..

දහම - දේශපාලනය එකිනෙකා උදෙසා පැවැත්වීමෙන් සත්දහම තඩිබෑම උදෙසා දේශපාලන හමක් පමණක් වේ.

රජවරු

ෆෑන් බේස් එක මේන්ටේන් කරමින් බලය ආභරණයක් නොව උපකරණයක් කරගැනීම - කලාවකි

සන්තෑසිය!

ලුණු දෙහි.. සමඟ දාන්න පහක්! සාධු දේශපාලනයකට???

🔜

මී ළඟ පාර්ලිමේන්තුව ප්‍රතිපත්ති ගරුක නැණැති මිනිසුන්ගෙන් සවිමත් කළ යුතුය

3%

මඟී දනා බසයේ රියදුරු කොන්දොස්තර අගයා ටයර් සමඟ අමනාපයට රථ රෝද වලට ඇණ තැබුවා සේ...

සති සමාධි - පැරද

හූ හඬ සාධුකාරය හා අත්පොළසන් - බොදුනු දේශපාලන සතිය වැඩි ඡන්දයෙන් සම්මා සතිය පරදවයි

සුජාත - .....

ස්වභාව ධර්මයාට ඌ තවත් එක් සතෙක්මය.. මිනිහාට මිනිහෙක් විය හැක්කේ මිනිසුන් අතර පමණය..

(සත්‍යයේ සාක්ෂරතාවය නොසැළකීම) -සත්‍ය මරණයෙන් කෙළවර කළ නොහැකි බව නොවැටහීමේ අවස්ථාවාදය-

මෙරටේ සිංහල තරුණයන් මූලික වී භීෂණයකින් අවසන් වූ අත්දැකීම් වල හරය - මෙරටේ දෙමළ තරුණයන් මූලික වී යුද්ධයකින් අවසන් වූ අත්දැකීම් වල හරය - මේ සියලු කාරණා තුළින් පාලකයන් වටහාගත යුතුවූ හරය - වෙනසකට පෙළගැසුණු තරුණ පරපුර තුළ වූ සැබෑ අපේක්ෂාවේ හරය - ඊයෙ පෙරේදා නිමාවූ ජනපතිවරණයේදී යම් මධ්‍යස්ථ හැසිරීමක් පෙන්වූ ජනමාධ්‍යයක ජනප්‍රිය වැඩ සටහනකදී එළි දුටු රටේ නූතනම තරුණ ප්‍රජා වේ සමස්ථ ප්‍රශ්න කිරීමක සැබෑ හරය - ගර්භිත කොට යටපත් කොට දැමිය නොහැකි රටේ සැබෑ සත්‍යයේ හරය - එය තවදුරටත් මඟහැරීම යනු අප තවදුරටත් මෙලෙසම අවස්ථාවාදී පැවැත්මක් තහවුරු කරන රටක ජනතාවක් වී මිය යෑමේ උරුමය සහතික කරගැනීම පමණය.

දේශපාලන චරිත බැලුම් සේ පුම්බා සියල්ලම අවස්ථාවාදයෙන් වසන්නට උර දෙන තක්කඩියන්ගේ අවස්ථාවාදයට අවස්ථාව ලැබෙනතාක්, මේ උරුමය කරුමයක් වීම වැළැක්විය නොහැකි වනු ඇත.

මෙයට විසඳුම සාධාරණ යුක්ති සහගත තත්වයට සාකච්ඡාව, සම්මුතිය, නීතිය හා නීති ගරුකත්වය දක්වා රටක මනුෂ්‍යත්වය දියුණු කිරීම බලගැන්වීම පමණය. හැම රට වැසියාටම තමාගේ වගකීමක් ඇත්තේ ඒ තැනය.

මරණය කින් කෙළවර කළ හැක්කේ ශරීරයක පැවැත්ම මිස මතයක අදහසක පැවැත්ම නොවේ.

එබැවින් අප ගමන් කළ යුත්තේ පෙරට නම් පළමුව හිස නැමිය යුත්තේ ගැති නැති, පාට නොකළ, යටපත් කළ නොහැකි සත්‍යට මිස විකෘති කළ අර්ධ සත්‍යට නොවේ.

අහවල් එක සහ අවසන් එක

දකුණ, උතුර, බටහිර නැගෙනහිර, සමව නොසළකා එක රටක් ගැන ජාත්‍යාලය ආලයෙන් අන්ධ වීමක්මය!

ජපති මෙෙත්රීගේ නිදහසින් ඔබ්බට!(නව ජපති නිදහස..)

ගෝඨා ස් වෝ නම්

නෝ මෝ වෝ කීම

වෙනස් වීම සහ 

දකුණ සේ උතුර, බටහිර සේ නැගෙනහිර දිනාගැනීම මෙන්ම කිසිම අනීතික වෑන් හෝ ඩෑම් නැති බව ක්‍රියාවෙන් ඔප්පු කිරීම ඒ තුමාගේ වගකීමය, අපිට කවදත් විචාරයට අවකාශය ඕනෑමය. අපි උපන්දා සිට මේ රටේ පුරවැසියෝ වම්හ. 

තවද තමාගේ විරුද්ධ පිළේ සේම තම පිළේ දූෂකයන්ට නීතිය අකුරට ක්‍රියාත්මක වනු ඇතැයිද වංචාවට තිත තබා සමෘද්ධියට මග කපනු ඇතැයිද උදක්ම බලා සිටින්නේ රට පිළිබඳ සතුටු වනු පිණිසමය.

අවසන් පැතුම!

අමූලික ශ්‍රද්ධාවට ශ්‍රී ලාංකිකත්වය යටපත් කිරීමට ඉඩ නොලැබේ වා!

රැකගමු!

වැඩවසමට වැඩ... පවුලට ජය...

ගමේ පොලිසියට ඇති පවුල් සබඳතාව, ප්රාදේශීය සභාවට ඇති පවුල් සබඳතාව, ප්රාදේශීය ලේකම් කාර්යාලයට ඇති පවුල් සබඳතාව රටේ ප්රාදේශීය නීතියෙන් රිංගා යාමට ඔබට ඇති සරලම සුදුසුකමයි. එය ගමේ පවුල්වාදයේ බලයයි.

රටේ රාජ්‍ය පාලන හා පරිපාලන ආයතන තුළ පවුල් වලට ඇති එවැනි බලය රටේ පවුල්වාදයට හේතුවේ. 

රටේ මහා නීතියෙන් රිංගාම යාම, ඒක ඒ අයට හරිම සරල සිම්පල් දෙයක්.

ඒ වැනි අනියම් බලවන්තයන්ට වඳින පුදන වැඩවසම් ජනතාව සිටිනතාක් ඔවුන්ට තම අසාධාරණ වැජඹීම යෙහෙන් කරගෙන යාමට හැකිවීම ගැන වීමට නොමැත පුදුමයක්!

අපි නැමෙමු, ජය පතමු.

අතීත මතක මැදින් ඇස්වැද්දෙන හරි සුන්දර ඡන්දය! (බත්කන අපේ හත්වෙනි බබා නොහොත් අපේ ප්‍රාථමිකත්වය)

18 වැඩි ලියාපදිංචි උන්ගේ සුළැඟිල්ලට දම් පැහැ තීන්තෙන් හණ ගසා ජනපතියෙකු පිළිසිඳවීමට කෝටි ගණනක සිරිලක් වැසියෝ 16 දා රති කෙළියට සැරසෙන වගයි! 

ඔසප්චක්රයේ ප්රශ්න මත ඊයේ සිටද ඉදිරියේ තව දින කීපයකදීද තැපෑලෙන් ඔය වැඩය කිරීමට ඇතැමෙක් ට අවසර දී ඇත.

ආසන්න අතීතයේ සිට බලන කල ඔය කෙළිය දැන් හරි මොඩිෆයි වී ඇති සෙයකි.

ගිනි අවි සහ ගිනි කෙළි නැත

අවකෙළි සහ අංකෙළි ඇත

පෙරළි පෙරළි සුරතලි  අර

රති කෙළියට සුළැඟිලි වෙද

බබා වීර පුරන්අප්පු කෙනෙක් වේද? මද්දුම බණ්ඩාර වගේ වේද? කෙසේ වෙතත් දෙමාපියන්ගේ හැටි පාට කෙසේවෙතත් හොඳ පාට පිහිටන බබෙක් පිළිසිඳවීමට හැමට අවශ්‍ය සක්තිය ලැබේවා! සුබාවික උපතක් නොවුනොත් සීසේරියන් සැත්කමකදී පැලෝපීය නාළ ආරක්ෂා කොට දීමට තියටර් එකේ කොමසාරිස්තුමා වගබලාගනිත්වා! 

17 දා බබා බලන්නට රටම එනු ඇත බබාට තෑගි ගෙනෙනු ඇත. බබා අප වෙනුවෙන් සඳුන් ගැටයක් නැතත් දහම් ගැටයක් හෝ අත තබාගෙන එනු ඇත. අප ඒ ගැටය උලා නළලේ ගා වසර හැත්තෑගණනක් තිස්සේ හිසේ හිතේ රටේ ඇති ඇරියස් අමාරුව හිරු දුටු පිණි සේ එකසැණේ හමාර කර ගන්නට පෙරුම් පුරා හිඳිමු.

බබාට නමක් අපි දැන් තියාම හදාගෙන සිටින්නෙමු. ඒ දුවක වුනත් පුතෙකු වුනත් අපි ඒ තුමාට පුදන්නේ හදපත්ලෙන් නැගෙන මුග්ධත්වයේ එකම ආදරයයි. 

ඡන්දයෙන් ඉක්බිතිව ... (පෙර වදන)

ධර්මය රකින්නා ධර්මය විසින් රැකදෙන බවට සත්‍යාපනය කළ හැක. නීතිය රකින්නා නීතිය විසින් රැකදෙනු ඇතැයි යන්න සත්‍යාපනය කළ නොහැකිය.

මන්ද ධර්මයේ න්‍යාය නීතියේ න්‍යාය මෙන් මිනිසා අත නොවන බැවිනි.

එබැවින් අප නීතියට මුවාවී හෝ නීතිය මුළාකොට අධර්මයෙන් රක්ෂා වී සිටිය හැකි බව සිතීම තරම් මුග්ධත්වයක් මෙලොව තවත් නොමැති බව අවබෝධයට ගැනීම ලක්වාසී ලෝකවාසී අප කොයි කාගේත් හිත සුව පිණිස වනු ඇති!

වියත් මග, වියත් දෙස, වියත් බස, වියත් රැස...

බුදුන්ගේ ධර්මය අපට ලැබුණේ යුද්ධය අත්හැරි උත්තම මනුෂ්‍යත්වය තුළින් මිස යුද්ධය පොදි බැඳ වීරත්වයක් දුටු මන්ද මනුෂ්‍යත්වයක් තුළින් නොවේ. එබැවින් අපද දැන් හෝ යුද්ධයේ ආදීනව වටහාගත යුතු අතර ඉන් ඛේදයට පත් සියළුම මනුෂ්‍ය වර්ගයා වෙත සුවපත් සිත පැතිරවිය යුතුය. එහි දී දිවි පිදූ සියල්ලන් වෙනුවෙන් එවන් යුද්ධයකට හේතු වූ කරුණු නැවත හට නොගන්නා පරිදි කටයුතු කිරීම ජීවත්වන්නන්ගේ මනුෂ්‍යත්වයේ වගකීම වන්නේය. සද්ධර්මයේ වගකීම් සම්භාරය හිස දරණ අති ගෞරවණීය, පූජනීය මහා සංඝරත්නය එහිදී අපේ පෙරගමන් කරුවන් වනු ඇත්තේමය.

තුන්කල් දකින්නට, හිතන්නට පුළුවන් පරපුරක් වෙනුවෙන්!

ප්‍රාඥයෝ වැළලිලාය
අපේකම දේශපාලනයක් වෙලාය
පොඩි දරුවෝ පඬි වෙලාය
යුධෙන් උපන් රට වෙලාය

රවටන්නේ වාසියටයි
රැවටෙන්නේ වාසියටයි
උපයන්නේ අමනකමයි
ණයට පොළිය බොහෝ හැදෙයි

අද හෙට මතු අනාගතේ
උපන් රටේ ගෙවන පුතේ
වරද අපේ ඇස් මත්තේ
වැරදි කරන අප්පන්ගේ

කන බොන හා රති රමණය
අලෙවි කරණ ගති පමණය
උගෙන මෙවන් නව පන්නය
හැකිද අපට ජය ගන්නට

හිතට හිසට වද දීපන්
කල්පනාව ඔබ දමපන්
ඩිජිටල් හීනය බිඳපන්
නුඹ තුළ මිනිසා හදපන්

ජහ් මහ්.. යං පුතා..

ගොපලු අවතාරය
කළුවර අඳුන
රන් කෙවිටෙන්
ලැබෙන වරම
-ගාලේ වස්සන්ගේ එකම පැතුම-

මහා-වීර

යුද්ධයක් එන්න - ආසයි මටත් වීරයෙක් වෙන්න
ඡන්දයක් එන්න - ආසයි මටත් වීරයෙක් වෙන්න
වර්ජනේ එන්න - ආසයි මටත් වීරයෙක් වෙන්න
වීරයෙක් වෙන්න - ආසයි ලංකාවෙ පුරවැසිම වෙන්න

කතිරයෙන්..

පොළොව මත හූල්ලති
ඉගිල්ලිය යුතුම උන්..

මේ යුගයේ මුත්තෝ නොහොත් ගම රට බයිට් එකට - 1

ගමේ පාරට හරියට තාර ටික දමාගන්නට බැරි, ගමේ වතුර ප්‍රශ්නයට නිසි විසඳුමක් දෙන්නට බැරි, ගමේ සොහොන් පිටිය, පොළ භූමිය, රජයේ ඉඩම්, ගොඩනැගිලි හරියට නඩත්තුවක් කර ගන්නට බැරි, එලෙසින් ගමක් සංවර්ධනයට දැක්මක් උවමනාවක් හෝ වගකීමක් නැති, වගකීමක් ගන්නට බැරි, සැබෑ ප්‍රශ්න හමුවේ කල් මරණ, ගමේ තම ඥාති පරම්පරාව, තමාගේ පාක්ෂිකයා, මගේ ඡන්ද ගොඩ කියා බදාගැනීමකින් තොරව ගම රට ගැන සාමාන්‍ය දැනුමෙන් හිතන්නට, දකින්නට, ක්රියාකරන්නට හැකියාවක්
නැති බාර් කාරයෙක්, හෝටල් කාරයෙක්, මුදලාලියෙක් හෝ එවැන්නන්ගේ සහබන්ධනයෙන් පෝෂණය වන පාරම්පරික දේශපාලන ජාතකයන් හෝ අවජාතකයන් ගාගත් හෝ ගිලගත් අර්ධ මිනිස්සු කතා කරන ජාතික දේශපාලන කුමක්ද?
ඒ දේශපාලනයෙන් අපට රටට ලැබෙන්නේ මොනවාද?
ජාතික තලයේ යැයි මහා කොට දක්වන හොටබරි දේශපාලකයන්ගේ ගම්බැට්ටයන් සියයට අසූවක් පමණ එපරිදිය. ගමේ ප්රශ්න රට හමුවට එන පමණ දුටු විට ඒ බැව් පැහැදිලිය. අනෙක් අතට මෙබඳු ඇම්බැට්ටයන්ගෙන් අනුග්රහය පතන ජාතික නායකයන් යනු මහදැනමුත්තන්ම මිස අනෙකුන් නොවේ.
ඔවුන්ගේ මහා සමුළු අනාගතයේදී අතීත පචමුළු බවට පත්වන්නේ ඒ ඇම්බැට්ට අනුහසින්මය.

කණාවැකි

නිමාවූ ක්‍රිකට් ලෝක කුසලාන තරඟාවලියේ අවසන් තරඟය සේම එළැඹෙන ජනපතිවරණයේ අවසන් තරඟයත් අපට බොහෝ වික්ෂිප්තයන් ගෙන එනු ඇති..