එකමුතු නැති අකුරු

 

හිස දන් දී බඩට කෑම !

යුද්ධය ගැන පම්පෝරි ගැහුවා, ධර්මය අවභාවිතා කරා, උරුමයන් ගැන කයිවාරු ගැහුවා ~ දැන් රට රටවල් ඉස්සරහා අඬා වැළපෙනවා, දුක කියනවා, මේ රටේ මිනිස්සුන්ගෙ ශක්තිය, වටිනාකම මොකක්ද? වැඩි කාලයක් අතීතයට යා යුතු නෑ. යුද්ධයෙන් පස්සේ රට ගොඩනගන්න ඕන තරම් කාලයත් මහජන සහයෝගයත් තිබුණා. තුන්කල් දැකපු පාලක මුත්තෝ එදා මොනවද කළේ ? ඒ හිටවපු අඹ ඇටවල ඵලදාවද මේ ? මතක තියා ගන්න අද පැල කරන දේවල් වල ඵලදාවත් ජීවත් වෙලා හිටියොත් හැට හැත්තෑවක් ගිහින් හරි අපිටත් භුක්ති විඳින්න වෙයි මේ ලෙස හෝ මීටත් වඩා හොඳින් ම!  අද යැපීම වෙනුවෙන් රටත් පරපුරත් බිල්ලට දෙන පාලකයෝ කිසිවෙක් හෙට දිනේ අපත් සමඟ මේ රටේ තබා ලොවෙත් සිටී දැයි ඔබම තේරුම් ගත යුතුව ඇත.

බැට් කරන්න බැරි නම් රෙස්ට් කරන්න

 

කොඩිය

 🏳

ගෝඨාභය දිරච්ච ලණුවක් 

රනිල් දිරච්ච මුක්කුවක්

මලකඩ කාපු රංචුවක්

අනේ! රටකට දාපු කොඩියක්!

ගෝඨාභය

 ස්වේච්ඡා බලකායක් හදපන් මිනිහෝ රට ගොඩගන්න !

🏴 කැණිමඬල බිඳින්න

අපේ රටේ වීරයින් බිහි වෙන්නේ මරලා හෝ මැරිලා පමණක්ද ?

අද වෙනකම් වීරයින් විසින් මරලා හදපු රටකුත් නෑ
අද වෙනකම් මැරුණු වීරයින් නමින් හැදුණු රටකුත් නෑ
එතකොට නොමැරුණු වීර ජීවිත විඳවනවා, මැරුණු ජීවිත වල සමීපතයෝ විඳවනවා

කොහෙද හැබෑ වටිනාකම ?

අවසානෙ සැබෑ වීරත්වය මැරිලා, මරලා
මරලා හෝ මැරිලා ආවේගයන් නිදහස් වුණත් රටක්, ජාතියක් නිදහස් වුණේ නෑ.
ඒක මේ ක්‍රමයේ රැවටිල්ල
අපි මරාගෙන මැරෙනවා
ක්‍රමය පවතිනවා
දක්ෂතා මළ කනවා
සුදුස්සෝ ලත වෙනවා
රට විනාශ වෙනවා

මේක විනාශකාරී ක්‍රමයක් 

ගොටාබයට, රනිල්ට කරන්න බැරි දේ කරන්න පුළුවන් මිනිස්සුන්ට 

හැබැයි 

මරලා හෝ මැරිලා නෙවෙයි

එකමුතු වෙලා

අරගල නොකර උරගල ~ රටේ හෙට කොයිබට : ? (ශ්‍රී ලංකා මාතාව කියන ඥානමාතා නොකී කතාව)

අපේ ආදරණීය මව් බිමේ මෑත පාලන ක්‍රමවේදය 'මහසෝන්' වූයේ කවදාදැයි කීමට මම නොදනිමි. නමුත් මතුපිටින් දේවාලයක් කොට පුද පූජා කළද අද වන විට ක්‍රමයේ මහසෝනා එළියට පැන ඇත. අතීතයේ ඉටු කළ කාර්ය බාරය හැරුණු කොට වර්තමානයේ කිසිවක් කර කියා ගත නොහැකි ගෝඨාභය මහතා රටට එක දෙයක් කළේය. එනම් මහසෝනා හා සටනට වැද මහසෝනාගේ හිස කඳින් වෙන් කිරීමට සමාජයට ඉඩ දීමය. දැන් හිස නැති මහසෝන් කඳ ~ කවන්ද ක්‍රමය ~ තිබෙන්නේය. ඊට සුදුසු හිස බද්ධ කොට විකෘතිය ප්‍රකෘති තත්වයට ගෙන ආ යුතුය. එනම් නිවැරදි, පැහැදිලි, ශක්තිමත් ක්‍රමවේදයක් බිහි කිරීමයි. නමුත් ගෝඨාභය මහතා නොකරන්නේ ඒ වැදගත්ම ටිකට දායකත්වය නොදීමයි.

හිසක් නැති ක්‍රමයක් තුළ ලංකාවට පැවැත්මක් නැත. වැඩි ජාතක ඕනෑ නැත. ඒකට උම්මග්ග ජාතකය ඇති ය. උපක්‍රමික සැලසුම් නැතිව පැවැත්මක් රටට නැති ය. තාක්ෂණය හා චින්තනය වේගවත් සමාජයක උපක්‍රම යනු තවදුරටත් සතර කන් මන්ත්‍රණ හෝ තොරතුරු සැඟවීම නොවේ. කලු කඩ හෝ ඩීල් හෝ නො වේ. පවතින දියුණුව හා වේගයම තම සවිය කොට ගැනීමයි. ප්‍රතිවිරුද්ධ බලය ම අවිය කොට ගැනීමයි. ගෝඨාභය බලය තිබියදීත් අදටත් එම අවිය අතට ගෙන නැත. හේතුව ඔහුට කාවින්ද දේවින්ද පුක්කුස හා සේනක හිටියත් මහෝෂධ කෙනෙක් නැති නිසා ද ? රනිල් අගමැති කේවට්ටයෙකු දැයි මා දන්නේ නැත. ඔබේ අඩ පණ වියත්මග කුමක්දැයි මා දන්නේම නැත.
රටේ භාණ්ඩාගාරයේ ස්වං ආරක්ෂනය සඳහා ප්‍රමාණවත් ඉතිරියක් නැත්නම්, අපට නැති වීමට තවත් එතරම් දෙයක් නැත්නම් නැවත ගොඩ නැඟීමක් උදෙසා වේගවත් සටනක්, ඒ සඳහා සැළසුමක් නැතිව අපි තවත් කුමක් කරමුද?
හරි මතයකට එකඟ කළ හැකි බුද්ධිමත් ජනයා වැඩි බහුතරයක් සිටින මේ රටේ ජනතා බලය වරප්‍රසාදයක්, දේව වරමක්, කර්ම ඵලයක් සේ සලකන මහින්දට වෙනස්ව හිතන්නට ගෝඨභයත් බියය. ජනතා බලය ශක්තියක් කොට පෙන්වූ අරගලය උරගලක් කොට පාඩමක් ඉගෙන ගන්නට තරම් සහෘද මනසක් තවමත් ඔහුට නැත. තම දේශපාලනය උදෙසා මේ අවස්ථාව භාවිත කරන දේශපාලකයා අභිබවා රටට පුනර්ජිවයක් උදෙසා මේ අවස්ථාව හසුරවන්නට තීරණ ගන්නට ඔහු දුරටත් බිය ය. වැරදි අවස්ථා වල ගත් ස්වං තීරණ වල අසාර්ථකත්වය තුළ තවමත් හෙතෙම පීඩාවෙන් ය. මේ පීඩාවෙන් තමාට මිදීමට හැකි එකම මග දුෂ්කර සමය පසුවන තුරු රැඳී හිඳ සාමාන්‍ය තත්වයකට රට ගෙන එ්මයයි ඔහු සිතන බව පෙනේ.
පැය විසිහතර ක්‍රියාත්මක වෙන ගෝල් ෆේස් අරගලයේම මග ගනිමින් තමන් හොඳට ම කළ කෝවිඩ් අත්දැකීමෙන් උගනිමින් ම පැය විසි හතරම ක්‍රියාත්මක විවෘත ආර්ථික ආපදා කළමණාකරන මෙහෙයුම් මධ්‍යස්ථානයක් හදන්නට ඔහුට හැකියාව තිබිණි. අද රට තිබෙන්නේ ඉතිහාසයේ නොවූ විරූ ආර්ථික ආපදාවක නම් ඉදිරියේදී තවත් ආහාර අර්බුධයක පෙරනිමිති පවතින්නේ නම් අප දැන් පැය විසි හතරම සුදානම් විය යුතු හා මුහුණ දිය යුතු හා පුමුඛතවම අත ගැසිය යුතු දැවැන්තම කාර්ය භාරය එය නොවේ ද? සියලු කාර්යන් ඒකාබද්ධතාවයකින් යුතුව කළමණාකරනය නොවීම නිසා මේ තාක් වන අපතේ යාම්, නාස්ති වීම හා විනාශ වීම් මේ මොහොතේ සහ ඉදිරියට තවත් බරපතළ බලපෑම් වනු නැතිද?
ඉන්ධන වල සිට විදුලිය දක්වාත් අත්‍යාවශ්‍ය ආහාර ද්‍රව්‍යයේ සිට එළවලු පළතුරු ටික දක්වා මෙන්ම මේ මොහොතේ නිවරද වශයෙන් සන්නිවේදනය විය යුතු දත්ත හා තොරතුරුත් දක්වාත් සමස්ථ පද්ධතියක වැදගත් කම කොතරම්ද? එහි වගකීම් ගන්නවා හැර තව දුරටත් අස්ථාවර රාජ්‍යයක රාජ්‍ය පාලනය මෙහෙය වීම සතර කන් මන්ත්‍රණයෙන් කළ හැකි දෙයක් ද? ජනතාව විවෘත අවංක මාර්ගයක් ඔස්සේ ඉදිරියට ගෙන යන්නේ කෙසේද?
මහ ජනයා සමාජ මාධ්‍ය තුළ දේවාල, අංජනම්, සාස්තර බලමින් හෙට වෙන දේ, රටේ ගමන් මග පිළිබඳ තීරණ සෙවිය යුතුද?
ඔබට හැංගී හැංගී බැඳීමට තවත් වෙස් නැත.
ආහාර
සෞඛය
කෘෂිකර්මය
බලශක්තිය
නිෂ්පාදන
සේවා
අධ්‍යාපනය
මේ හැමදේම ආර්ථීකයයි. මේ හැම දේම මහජනයාගේ පැවැත්මයි. එලෙසම නැවැත්මයි. මේ ආදී කොට ඇති සියල්ල  අමාත්‍යංශ නම් ඒ සියල්ලේ ඒකාබද්ධතාවය හැදීමත් කෙටි කාලීනව මහජනයා සමඟ සහයෝගයෙන් මේවායේ කාර්ය ඉදිරියට ගෙන යාමේ වැඩ පිළිවෙලක් හැදීම මේ මොහොතේ අත්‍යවශ්‍ය ය. වගන්ති සම්ප්‍රදායන් තුළ තමන් විලංගුලා රටටත් මහජනයාටත් විලංගු දැමීමෙන් අප සියලු දෙනාට සාම්ප්‍රදායික නොවන මරණයකට නම් උරුම කම් කීමට හැකි වනු ඇත.
මේ ඒ සම්ප්‍රදායට පයින් ගැසිය යුතු මොහොතයි. කොපමණ යුද්ධ කළත් ඔබට අද මේ මොහොතේ මේ සාම්ප්‍රදායික බෝඩරය සමාජීය අවශ්‍යතාව මත යුග පරිවර්තන අවශ්‍යතාව මත පවා අතික්‍රමණය කළ නොහැකි නම් කිසිසේත්ම අපට දෙපයින් හිට ගැනීමේ අදහසක් හෝ රටේ ඉදිරි යහ පැවැත්මක් ගැන කල්පනාවක් එතැන නැත.
ඉදින්, ජනතා සහායෙන් තොරව රටට ඉදිරි ගමනක් ද නැත. අඩු තරමේ ඔබ ඉවත් වන දිනයක් දක්වා හැම දිනකම හැම පැයකම මහ ජනයාට තමාගේ හෙට දිනය ගැන කතා කරන මෙහෙයුමක් රට තුළ තිබිය යුතුමය. එය මහජන බලයෙන් ශක්තිමත් විය යුතු ය. ඊට වෙනත් විකල්ප නැත. සියල්ලෝ ඔබ යටතට නොව එක මගකට ගත නොහැකි නම් තව දුරටත් එතන රටක් කොයින්ද?
වෙදදුරන් රෝග හදන්නේ නැත. ඔවුන් දෙන්නේ රෝග නිධානයට බෙහෙත යි.
රටක නායකයන් අර්බුධ නිර්මාණය කළ යුතු නැත. ඔවුන් කළ යුත්තේ අර්බුධයන්ට විසඳුම් ලබා දීමයි.
වෙදදුරාගේ ප්‍රමාදය රෝගය උත්ස්සන්න වීමටත්, සමහරවිට රෝගියා මරණයට පත් වීමටත් හේතු වන්නට පිළිවන.
රටේ නායකයාගේ ප්‍රමාදය රටේ අර්බුධ උත්ස්සන්න වීමටත් රටේ විනාශයටත් හේතු වන්නට පිළිවන.
ඔබ මේ ඉඩ දෙන්නේ කපුටු ගමනටද? මහජන මතයටද ?
වාසනාවටද? උස්සාහයටද?
අවාසනාව සහ විනාශයටද?
1.මේ ගෙවෙන්නේ අපගේ ජීවිතවල වටිනාම අවසන් තත්පර කීපය විය හැකියි !
2. මේ කඳුළු අවසන ඇහැට ගෑස් නැතිවම අප කාටත් කඳුළු බොන්න වෙනු ඇති !
3.තවදුරටත් මේ සමාජය දේශපාලනිකව විහිළුවක් කර ගන්නට රටක් ඉතිරි නොවනු ඇති !

👑🎩💰 ඔහෙලා කතා කරමින් ඉන්න ~ 👨👩 මිනිස්සුන්ට අමාත්‍යංශ දෙන්න

එහෙම හිත් දෙකෝටියක් ! හිතිවිලි ප්‍රකෝටියක් ! වැඩ කෝටියක් ! සුදුසුම ක්‍රමයක් ! ඔබ / රට සුරකින නීතියක්

හිතින් යන අය අතින් අල්ලා නවත්තන්නට නොහැකි වුවත් ~ අතින් අල්ලා නැවතිය නොහැකි රට, හිතෙන් අල්ලා නවතනු නොහැකි ද!!!

ඒ හිත් හිමි මිනිසුන්ට වැඩ බාර දෙන්න.

ජාතක කතා වලට එහා හේතු ~ ඵල දහම ඉගෙන ගන්න.  එහෙම දැක්මක් තුළින් අනාගතය නිර්මාණය කර ගන්න.

ඊයේ සහ අද වැරදුණු තැන් විමසන්න.

රට වෙනුවෙන් බෙදා ගන්න බැරි වුණා ඔබට ~ මේ මොහොතේ බෙදා ගෙන වැඩ කරන්න තිබුණා ~ කටයුතු කළේ පිල් බෙදෙන්න, කාට කාටත් කැපී පේන්න ඕන වුණා, ලකුණු ඕන වුණා.
පිල් නොබෙදී බෙදා ගෙන වැඩ අපට පුළුවන් නම් !

රට වෙනුවෙන් කැප කරන්න බැරි වුණා ඔබට ~ මේ මොහොතේ කැප වෙලා වැඩ කරන්න තිබුණා ~ සිද්ද කළේ කාලය නාස්ති කිරීම, පාර්ලිමේන්තුවම විහිළුවක් වුණා, මහජන විශ්වාසය නැති වුණා
විශ්වාසයෙන් කැප වෙන්න අපට පුළුවන් නම් !

රට වෙනුවෙන් වැරදි පිළිගන්න බැරි වුණා ඔබට ~ වැරදි පිළි අරගෙන නිවැරදි වෙන්න තිබුණා ~ රටම ගිනි තැබුවා, වෛරයට මග හැදුවා, ලෝකෙටම විහිළුවක් වුණා
වැරදි පිළි අරගෙන නිවැරදි වෙන්න අපට පුළුවන් නම් !

රට වෙනුවෙන් අත් හරින්න බෑ බෑ බෑ කීවා ඔබ ~ අත් හැරීමෙන් අලුත් අවස්ථා හදන්න තිබුණා ~ රට ආපහු පරණ පීල්ලෙම තැබුවා, ක්‍රමය සරණං ගච්ඡාමී කීවා, අඳුරු අහසේ රිදී රේඛාව දරුණු හෙනයක් බවට පත් කළා
රට වෙනුවෙන් අත්හැරිය යුතු දෙයක් අත් හරින්න පුළුවන් නම් අපට !

රට වෙනුවෙන් බැරි දෙයක් නැත ~ එකකින් පටන් ගත් කළ ~ එකින් එක ගොඩ නැගිය හැක. රටම තල්ලු කළ පසු එතනට ~ හෙට පටන් ගන්නේ එතැන් සිට !

උපුටනය ~ එහෙම හිතකින්

ක්‍රමයක් ~ නීතියක් ~ යහපත් රටක්..! ( මල් වට්ටියක් කොට අත ගැසිය යුතු පින්කමක්)

පාර්ලිමේන්තු මන්ත්‍රීවරුන්ගේ සැබෑ ජීවිත වල දුක්ඛ දෝමනස්සයන් මෙපමණ නම් ඔවුන් නියෝජනය කරන සාමාන්‍ය මිනිසාගේ දුක්ඛ දෝමනස්සයන් කෙබඳු වනු ඇතිද? 

භෞතික දේපළට වඩා ජීවිතත් ඒ ජීවීත ජීවත් කරවා ගැනීම උදෙසා රටේ සාමාන්‍ය මිනිහා කොපමණ දුකක් දරන්නේද? 

කිසිඳු අමතර බල වරප්‍රසාද නැති සාමාන්‍ය මිනිසා තමාගේ එදිනෙදා ජීවිතයේ විවිධ අවස්ථා වලදී නීතිය හා සාධරණත්වය ඉටු නොවීම තුළ කොතරම් පීඩාවකට ලක් වෙනවා ඇත්ද? 

ඒ අසාධාරණයන්ට එරෙහිව හුදෙකලා සටන් කොපමණ වේදනාත්මක වනු ඇත්ද?

නඩුත් බඩුත් හාන්දුරුවන්ගේ වන නොවන කොයි විටත් සාධාරණය උදෙසා සාමාන්‍ය මිනිහාට කොපමණ මිලක් දැරිය හැකිද?

තමා සහ තම පවුල පීඩාවට පත් වෙද්දී දුක වේදනාව සමඟින් හැඟීම්බර වන මහජන නියෝජිතයන්ට ඒ බඳු කාරණා ගැන හැඟීමක් දැනීමක් අඩු තරමේ තමා නියෝජනය කරන්නේ එබඳු අවශ්‍යතා වලින් මිරිකෙමින් සිටින පීඩිත මහජනතාවක් බව බොහෝ විට මතකයේ නැති ය. නැත්නම්, අමතක කොට හැසිරීම බලය සමඟින් අවස්ථාව ලබා ගැනීමට මඟක් කොට ඇති හෙයින් තම දේශපාලනය උදෙසා ම මේ ක්‍රමය පවත්වා ගෙන  යනවා ය. දෙන දේ අරගෙන වෙන දේ බලාගෙන ඉන්න පුරවැසියාට ඔවුන් හරි ආදරේ ඒකය.

ඡන්ද කාලයට මොන මොන මහප්‍රාණ කීවත් වැඩේ පිළිවෙල එහෙමය. සැළකිල්ල තමාගේ ළඟම පාක්‍ෂිකයාට මිස පොදු මහජනයාට නොවේ.

මේ ක්‍රමයම ප්‍රචණ්ඩය. නීතිය තුළින් වුව යුක්තිය ඉටු කර ගැනීමට අනවරතව සටන් කළ යුතුව ඇත. ඒත් සාධාරණය අවිනිශ්චිතය. ඇතැම් විට මිල අධිකය.

හැමෙකා බලය පසුපස දුවන්නේ බලයට මෙහෙවර කිරීමෙන් මිස සුව පහසු දිවි පැවැත්මට අදාළ නිදහස් නිවහල් ක්‍රමයක් රට තුළ නොවන නිසාය. නමුත් පිළිතුර පවතින්නේ බලය තුළ නොව සාධාරණ ක්‍රමයක් ඒ ක්‍රමය නඩත්තු කරන විනයක් / නීතියක් තුළ බව දැන් වඩාත් පැහැදිලිය. එසේ තිබියත් සාම්ප්‍රදායික වහල් මනස ආවඩන්නේ පවතින ක්‍රමයටම මුක්කු ගැසීමටය. දුර්වල විට හිස් සඟවා බලය සහිතව කවදා හෝ යළි ඒ ප්‍රචණ්ඩ හිස් එසවීමටය. 

රටේ භාණ්ඩාගාරය හිස් වන තුරුත් කිසිවෙකුට කිසිවක් ගැන වගේ වගක් නොතිබුණි. පාර්ලිමේන්තුව විනෝද සමයක් විය. ප්‍රචණ්ඩත්වයට බිම් සකසා එහි බීජ වපුරා සුපුරුදු සම්ප්‍රදායෙන් අස්වැන්න නෙළීමට අසමත් වූ කළ ප්‍රචණ්ඩත්වයේ ඵල විපාක ගැන බණ කථා කිරීමේ ඵලය කිම. 

දේශපාලනයේ ඉහ නිකට පැහැණු මොවුන්ගේ කටේ නිතර තිබුනේ හැත්තෑ අසූ ගණන් වල භීෂණ සහ ත්‍රස්තවාදයට එරෙහි යුද්ධය ගැන ආප්තෝපදේශම ය. ඉතින් ඔවුන් සාධාරණ ජන ආවේගයකට ගිනි තැබුවේ ඒ අතීතයෙන් ප්‍රචණ්ඩත්වය පිළිබඳ පාඩම් අමතක වූ නිසාද? 

කුරුමානම වරද්දා ගෙන සමාජ වෛරයකට ගොදුරු වී අවස්ථාවාදීන්ට එහි අනිසි ඵල නෙළන්නට ඉඩ හැදුවේ මහජන මන්ත්‍රී කියා ගන්නා ඔවුන්ගේම කණ්ඩායමක් නොවේද? 

ඔවුන්ගේ ඒ දේශපාලනික ආවේගය සමාජය පරණ තැනට ම තල්ලු කරන කාලකණ්ණි ප්‍රචණ්ඩ ක්‍රියාවක් පමණක් බව දැන් තව දුරටත් පැහැදිලි ය. 

මිනිසෙකුගේ නොව සතෙකුගේ වුව පර පණ නැසීම, දේපළ විනාශය හෝ කොල්ල කෑමේ තිරශ්චීනත්වය ගැන අමුතුවෙන් කතා කිරීමට දෙයක් නැත. 

එබැවින් යුක්ති සහගත සමාජයක්, යහපත් සාධරණ ක්‍රමයක් දක්වා රට තල්ලු වන තුරු අප විසින් පවත්නා ක්‍රමය වෙනස් කිරීමට සාධාරණ ආවේගයක් තව දුරටත් මුදා හළ යුතුමය. එය ප්‍රචණ්ඩත්වයක් නොව සමාජ ප්‍රගමනයට අවශ්‍ය මහජන දායකත්වයක් විය යුතු ය. එය විවිධ පැහැයෙන් යුතු මලින් පිරුණු මල් වට්ටියකි, ඊට අත ගැසීම පින්කමකි.

ප.ලි.

තුනෙන් දෙකක බලයක්, හැටනව ලක්‍ෂයක ජනපති කෙනෙක්, වික්ෂයක් ස්වාධී මන්ත්‍රී කණ්ඩායම් සියල්ල මැද රනිල් අගමැති අද අපට හිනා වෙයි. ඒ හිනාවෙන් පැවසෙන්නේ තමාගේ ස්ථාවරයයි. රටක අස්ථාවරයයි. අපි මෙතෙක් නඩත්තු කළ දේශපාලනයේ ස්වරූපයයි. අප උපයා ගෙන ඇති වත්කමයි. 

අනෙක් අතට මිය යන හෝ ඝාතනය කෙරෙන හැම ජීවිතයක් හෝ ජීවිත පරිත්‍යාගයක් ලෙස සැළකෙන හැම මිනිසෙකුම සිහි කරන්නට මිනින්තුවක් නිහඬ වෙන අපි එබඳු ජීවිත දස දහස් ගණනක් වෙනුවෙනුත් එවැනිම මිනිත්තුවක් වැය කරනවා මිස වසර ගණනාවකට අප කථා කළ යුතු උගත යුතු කිසිවක් සමාජයක් වශයෙන් උගෙන නැති බවද අවධාරණයට ගත යුත්තේත් රටක් හැටියට ම ය. ඒ නිහඬ මිනිත්තු තුළ කියවන්නේ අපගේ රාජ්‍යයේ නිර්ලජ්ජිත ශෝකාන්තය ය. තවමත් අප මිනිස් ජීවිතයක් පිළිබඳ තබන අවම ලංසුවේ කතාවය.

පීලි දෙක✌️

 

පිළිමල් ඇඟිල්ල 👍 (තරු පටි බදා , සුදු කර පටි හදා නොඉඳ ~ යමු අපි පටිපදා වෙතට !)

ධර්මය වැඳලා ඇවිත් රට ගිනි තැබීමේ සංස්කෘතිය රටෙන් අතුගා තමාගේ එකාට, පිට එකාට, විරුද්ධවාදියාට වශයෙන් තොරණ් පෙන්වන වෛවර්ණ නීතිය වර්ණ අන්ධ කොට සැමට යුක්ති සහගත කළ යුතුයි.  බොරු සෝබන අමූලික ශ්‍රද්ධාව පසෙකලා ප්‍රතිපත්තිමය පින්කම් වලින් රට පෝෂණය කෙරුණොත් අපිට සැනසිලිදායක හෙටක් හැදේවි !

සුළඟිල්ල

 ( රූපය ~ අන්තර්ජාලයෙනි)

පරමාධිපත්‍ය බලය අප සතු බව දැනෙන විට / වටහා ගන්නා විට අප සතු එයම පමණක්ය.

දින සති මාස කිහිපයකට නොව ජීවිතය ඇති තුරු ඒ බලය සාධාරණව යුක්ති සහගතව සිහි නුවණින් භාවිත කරන්න.

 

පිස්සුද හැටිද ! ~ ! ඒ අපේ ...(කට ප්‍ර බලය, හිත දු බලය)

රටේ මේ තරම් දේවල් සිදු වෙද්දී දේශපාලන නායකයින් කියා ගන්නා මිනිසුන්ට කොන්දේසි වලින් එහා එකඟතා නැතිද? 

ඉහළම පූජ්‍ය පක්‍ෂයේ සිට මහමග යාචකයා දක්වා සියළු වෘත්තිකයෝ, ශිෂ්‍යයෝ, උගත් නූගත් රට වැසියෝ කියන්නේ කුමක්ද?

අත්‍යවශ්‍ය සියල්ල සීමාකාරී වෙමින් යයි.

අවසන ගෝඨාභයගේ හිතේ ඇති දේ දන්නේ ඔහු ම පමණි. අප වැනි සාමාන්‍ය මිනිසෙකු නොවන තවමත් රටේ නායකයා වන ඔහු බොහෝ ප්‍රමාදවූවා වැඩී. 

දැන් ඒ පමා වේ එල්ලී අපි තවත් කොපමණ පමා වෙමුද?

ඔහුගේ වරදටම එක් වී අපත් වරද්දා ගන්නවා ද?

කෙටි කාලීනව ගත හැකි අත්‍යවශ්‍ය ක්‍රියා මාර්ග නොපමාව ගත යුතු නොවේද?

ඔහුගේ ඉල්ලා අස්වීමේ එල්ලී විපක්ෂයේ පක්‍ෂ වගකීම කල් දමති. 

පැවති ආණ්ඩුවේ ස්වාධීන වූවා යැයි පවසන පිරිස් විවිධ නායකත්වයන් යෝජනා කරමින් කල් මරති.

සියල්ලෝ ම කල් බලති. යෝජනා දමති. කවදා වන තුරුද ඒ?

කුමකටද ඒ?

අත්‍යවශ්‍ය සියල්ල තවදුරටත් සීමාකාරී වෙමින් යයි.

මෙහෙන් නොනවතින අරගලයකි.

සකි,

මහ බැංකු අධිපතිවරයාත් සිය තනතුර අත්හැර දමා යන තෙක් ම අපි හැම කල් බලමුද?

හිටපු අගමැති රටම ගිනි තබා ගියේය.

ජනපති තීරණයක් ගන්නට ඉන්නේ කුමකින් කුමක් වූවාට පසුව දැයි දන්නේ ඔහුම පමණි.

ඔහු නැවත සොරි කියනු ඇත.

දැනටමත් රටේ ආර්ථිකය ඔස්සේ අනාගතයට සොරි වී ඇති බව මහ බැංකු අධිපතිවරයා දැන් අවධාරණය කර ඇත්තේ වරක් දෙවරක් ද?

මේ මහජන නියෝජිතයින් කියනා මිනිසුන්ගේ සති ගණනාවක හැසිරීම කුමන නම් පිස්සුවක්ද ? ඒ ඔවුන්ගේ හැටිද? සියළු දෙනා තම වගකීම් වලින් මිදී මහජන නියෝජිත කම් අතහැර ගෙදර හිඳීම මේ කොන්දේසි මත නැහීමට වඩා හොඳය. දැන් කියා මහ වෙනසක් තිබේද? අද රාත්‍රී ජනපති විශේෂ ප්‍රකාශය මේ රටට විසඳුමක් ගෙනෙන තැනකට නතු කර නොගන්නේ නම් ~ හැම ගේ කැපවීමක් නැත්නම් මේක පිස්සුවක්ම පමණි.

නහයෙන් උඩටම වතුරේ ගිලුණාට පසු ටික වේලාවක් හුස්ම පවතිනු ඇති. ඉන් පසු සියල්ලන්ටම ඒ උමතුව තුළ සතුටින් විනාශය අත්දකින්නට හැකි. රටේ උන්ට පිස්සු හා ඒ අපේ හැටි බව අවට ලෝකයා එවිට තහවුරු කර ගනු ඇති.

අලුත් ක්‍රමයක් ~ විනයක් (මගේ රට කිය කියා කරන මජර කුපාඩිකම් වලට බළල් අත් වෙනු එපා)

පොදු අරමුණු තුළ තමන්ගේ පුද්ගලික වෛරයන් පිරිමසා ගැනීමත් අවස්ථාවාදී ව කඩා වඩා ගැනීමත් නිර්ලජ්ජිත කුහක දේශපාලුවන් ආ වැඩූ පරණ සංස්කෘතියේ නෂ්ඨාවශේෂයන්ය. විනාශ කළ යුතු දශක ගණනාවක් නැවත නැවත අපව විෂම චක්‍රයක ලූ ඒ අධම පන්නයයි. මගේ රට කිය කියා මජර දේශපාලකයන් සිදුකළ දේම තවත් අය දිගින් දිගටම කරයි නම් ඔඋනුත් මජර මය. 

සමාන්‍ය පුරවැසියා ප්‍රතික්ෂේප කරන්නේ ඒ මජර බලය යි. යහපත් රටකට අවැසි නිවැරදි ක්‍රමයක් හා ඊට සරිලන විනයක් ම යි. ආවේගය පළ කරමු. ඉවසීමත් පුරුදු කරමු. සාධාරණ වෙමු. ශක්තිමත් වෙමු. යුක්තිය වෙනුවෙන් පෙනී සිටිමු. 

රුධිර පිපාසිතයන් වැඩූ අරමුණු පරදවමු. කෙළවර ~ යහපත් රටක් හදා ගනිමු!

නූගත් පාඩම් උගන්වා ගෙන ~ හදා ගමු රට ලොව දිනා ගෙන

 

පරණ දේශපාලු මග එපා! ඒ ඔවුන් අපට පෙන්නා ගිය විනාශයේ පාර මිස අලුත් රටකට මග නෙවෙයි !

ඕනෑම දෙයක් සාමාන්‍ය තත්වයන් තුළ විසඳා ගැනීම නිවැරදි ක්‍රමයයි.  ආණ්ඩුව ඒ සීමාව ඉක්ම වූයේය. රටම නාඩගමක් වූයේ ඉන් අනතුරුවයි. ආණ්ඩුව ඒ සීමාවද ඉක්ම වූයේය. සියල්ල විගඩමක් වූයේ ඉන් පසුවයි. රට යළි ගොඩ නගන්නට නම් ~ පළමුව ආණ්ඩුව හැදූ විගඩමෙන් යළි සාමාන්‍ය තත්වය දක්වා රට ආපසු ඇදගෙන ආ යුතු ය. එය කළ යුත්තේ අප හැමය.

විනයකින්, නීතියකින් තොරව යළි ගොඩ නැගීමක් තබා ආපසු හැරීමක්වත් සිදු කළ නොහැකි වනු ඇත.

තරුණ පරම්පරාවක කැපවීමේ ප්‍රතිඵලය, සමස්ථ මහජනයාගේ සැබෑ උවමනාව අපතේ හැරීම හෝ ඒ අවස්ථාව අපතේ හැරීම කිසිසේත් කළ යුතු නොවේ. ආවේගය නිසි තැන නිසි විට මිස ආවේගයෙන් ම රටකට ගමනක් යා හැකි නොවේ. 

එබැවින් අප ආවේගයෙන් ඉදිරියට යාමට පෙර නැවත ආපසු හැරී ඉවසීමේ අරගලයට පැමිණය යුතුමය.

දේශපාලුවන් බලයෙන් මත්වී අත්දුටු විනාශය මහජනයා වශයෙන් රටක් වශයෙන් ආවේගයෙන් මත්වී අප උදා කර ගත යුතු නැත.

සුදු කලු

 

-------------------------

 අද රටේ පාර්ලිමේන්තුවක් නැත. ඇත්තේ නාඩගම් මඩුවකි. අදත් හෙටත් එහි රටටම නාඩගම් පෙන්වනු ඇති. වගන්ති වලට වහං වී  ජනතාවගේ අටු කඩා හපුටු උන් පුටු හදා ගත්තා පමණකි.

උන්ගේ පරපුටු කඩා ජනතාවගේ අටු සකස් කර ගනු විනා දැන් අන් මගක් නැති.

 එදා මෙදා අවස්ථාවාදය උරෙන් උර මාරු වූවාට ඔබට මට යහපත් රටක් හැදෙන්නේ නැත ~ ජරාජීර්ණ ක්‍රමවේදය ම වළ පල්ලට යැවිය යුතුය. ක්‍ෂණික විසඳුම් වලට එහා ප්‍රතිපත්තිමය අවංක භාවයකින් තොරව රටක් ගොඩනංවනු නොහැක ෴ හැමට වගකීමක් ඇත. ඊයේ, අද, හෙට හෝ අනිද්දාට පසුවත් එය එසේමය !

 

෴

ධර්මය හා විනය ශාස්තෘන්ගේ ඇවෑමෙන් ගුරු තනතුරට පත්වන්නේ වටින්නේ අනුගාමී හිසක් නොව ප්‍රතිපදාව හෙයිනි.

රටක ට නිවැරදි ඔළුවක් ~ නායකත්වයක් යනු හුදු හිසක් මත නොවෙනස් වන ප්‍රතිපත්ති මාලාවක්, ජාතික ප්‍රතිපත්තියක් !

අපට ඕනෑ යහපත් හෙටක්, යහපත් රටක්, ජරාජීර්ණ කුණු වුණු පිළුණු ක්‍රමවේදයට විකල්පයක් මිස පරණ ඉඳුල් වලට අළුත් පිඟානක් නොවේ !

෴

රට ජාතිය කියා බොරුවට තැටමුවා මිස පාලකයො කිසි දිනක රට සංවර්ධනයට ජනතා දායකත්වය ගත්තේ නෑ. තරුණයන් ව යුද්ධෙට දැක්කුවා මිස තරුණ ජවය රට සංවර්ධනයට දායක කර ගන්න කිසි නායකත්වයක් වැඩ පිළිවෙලක් තිබුණෙ නෑ. අලුතෙන් හිතන්න, රටේ ඉදිරිය ගැන හිතල හදපු කාලරාමුවක් තිබුණේ නෑ. තමන්ට දේසපාලන අනාගතයක් තියෙනවද කියන එක මිසක් රටට අනාගතයක් තියෙනවද කියන එක හිතුවෙ නෑ. ජීවත් වෙන්නෙ මේ පොළොවෙ කියන එක ගැන හැඟීමක් තිබුණේ නෑ. අපිව රස්තියාදු කළා. ගමේ ග්‍රාම නිලධාරිගෙ කාර්යාලයේ ඉඳන් ජනාධිපති ලේකම් කාර්යාලය දක්වාම රස්තියාදු කළා විතරයි. කරපු සොච්චම ගැන කෝටියක් කයිවාරු ගැහුවත් නොකෙරුණු කෙළ කෝටියක් කාරණා ගැන කිසිම විචාරයක් තිබුණෙ නෑ. කෙරුණ සාධාරණ සදය විචාරයක් වත් සත පහකට මායිම් කරපු ඉතිහාසයක් අපි දැකල නෑ.

බලය ඉස්සරහ උවමනාවටත් වඩා දෙකට තුනට නැමිල

අතිගරු

ගරු

කියමින් ඇත්තෙන්ම ගරුකටයුතු මිනිස්සුන්ට තිබ්බ වටිනාකමත් නැති කර ගත්ත සමාජයක් අපි. ඒ කාලෙම ආචාර්යවරු පැටව් ගැහුවා. දේශමාන්‍ය කම් වීරයො ජාති හිතෛශීන් හැම තැනම. ඒ හින්දම වෙන්න ඇති අද අපි මෙහෙම තැනක.

සුදුස්සා සුදුසු තැන ගන්න සටන් කරන්න ඕන රටක් හැදුනෙ ඔන්න ඔහොම.

තවදුරටත් අපේ මහ වුන් වැරදුණු තැන්, වරද්දාපු තැන් පිළිගන්න සූදානමක් නෑ. හිස කඳෙන් වෙන් වුණාට පස්සෙත් කෙටි වෙලාවක් පණ ගැහෙන කවන්ධයක් වගේ දැන්. මහසෝනෙක් හදාගන්නෙ නැති වෙන්න නිවැරදි ඔළුවක් ඕන වෙලාවක් දැන්. ආපස්සට ගමනක් නැති ඉදිරියට පමණක් යායුතු වෙලාවක් දැන් !

2022 +

 යහපත් දේශයකට ආයුෂ බොහෝ වේවා ! මේ අලුත් අවුරුද්දේ 🙏🌞🇱🇰

රට වෙනුවෙන් අපි වෙනුවෙන්... පෙරට ම යමු !

 

බියසුල්ලා ?

අපමණ බලපොරොත්තු රාශි ගත කොට අසීමිත බලයක් ජනතාව විසින් පවරා ඇති කලද, කළ යුත්ත පසෙක ලා තම පවුලේ හා පුද්ගලික අභි~මානය තකා සැබෑ මහජන මතය මඟ හරින්නා බිය සුළු නිවටයෙකි. 

සැබෑ බහුජන මතය, සැබෑ වියත් මතය විමසන්න ෴

යහපත් රටක් හදා ගනිමු!

 

දින නියමයක් නොමැතිව වසා දමනු ලැ‍‍බේ.(ණය පියවිණි, පොළියක් ඇවැසිදැයි නොදනිමි)💙💚💛👍🇱🇰

අට වසරකට වැඩි කාලයක් තිස්සේ කිසිඳු පෙළඹවීමකින් තොරව (75000 කට වැඩි වාර ගණනක්) සුළු වශයෙන් හෝ යමක් පවසා, නොපවසා මුත් ‍මෙහි ආ ගිය (සෑම රටකම වෙසෙන සිංහලෙන් කියවන) ඔබ හැමට ස්තූතියි.

💟

අයුබෝවන්!

මීට, හලෝවි රස්ටා/ ශුද්ධ වු රස්තියාදුව

ආත්ම වංචාව

 

ඇබෑර්තු

පරාර්ථකාමී, බුද්ධිමත්, යුක්තිගරුක නායකත්වයන් සඳහා ලංකාවේ දේශපාලනයේ ඇබෑර්තු ඇත.

මහ ජනතාව විමසන්න.

රිපීට්!

 පුද්ගලයා සේම රටක්ද "ඡන්දයෙන්" වුව අගතියට යා යුතු නැත.

අපි - ඡන්ද, දෝෂ, භය, මෝහ - සතරෙන්ම අගතියට යමින් හිඳිමුද...

අපේ ගෙදර..

 "නීතිය ඇමට" මෙහි "ඇමට" යන්න "හැමට" ලෙස නිවැරදිව සංශෝධනය විය යුතුය.(නීතිය අකුරට)

රාජ්‍යයේ බාසාව (කළු ඉත්තෝ සුදු කරන විරංජන කාරක නොහොත් "සිස්ටම් එක")

එදා මෙදා "රාජ්‍ය භාෂාව" නිසා මෙරට ඇතිවූ ප්‍රශ්න බොහෝය. මා කියන මේ රාජ්‍යයේ බස ඒ භාෂාව නොවේ. ඒක අමුතුම එකකි. එය තේරුම් ගැනීම ලේසි නොවේ. සිංහල දෙමළ මුස්ලිම් කාටත් ඒ බස එකක්මය. බලය ධනය සමඟ ඇති ගජ මිතුරු පන්නය එහි පදනමය. 

කෝවිඩ් කියා හෝ ඒ බාසාවේ නම් වෙනසක් නැත. මේකට බොහෝ අය කියන්නේ "සිස්ටම් එක" කියාය. 

රටේ හැම කොනකම වාචික හෝ ලිඛිත භාෂාව ට එහා බලපවත්වන්නේ සන්නිවේදනයට වචනයක්වත් උවමනා නැති ඒ බාසාවයි. බොහෝවිට දේසේ හැටියට බාසේ යැයි කියා ඇත්තේ මේ බාසාවට මිතුරු අනෙක් බසට විය හැකියි. 

ඒ බාසාව මැනවින් උගත්තෝ මෙරට දිනන්නෝය. පාසලේ හෝ මළපොතෙන් අකුරක් ඒ සඳහා ඕනෑ නැත. හතර විලිලජ්ජාවක් නොගෑවුණු කපටිකම මේ සඳහා හොඳටෝම ප්‍රමාණවත්ය. 

රටේ ඉහළම තනතුරට, පදවියට පත් කරන මිනිසා මහජන ඡන්දයෙන් වෙනස් කළ හැකි වුවත් දියුණු ලක්වාසියාට අදටත් රස විඳිනන්ට සිදුව ඇත්තේ ඒ බාසාවමය. 

ක්රමේ නොහොත් ඒ කරුමය වෙනස් කරගැනීම ලාබෙට කරගත නොහැකිය.  රන්ජන් ලාගේ බාසාව උපදින්නේ ඔතැනය. සමහර වචන හැර ඒ බාසාව නැතිව  මෙරට ජීවිතය ද විහිළුවක්මය.

2021

ආයුබෝවන් ශ්‍රී ලංකා 

2021

සැමට නීරෝගිමත් සුබ නව වසරක් වේවා!

සදාකාලික නොවූ ලෝකේ සදාකාලික අපේ ප්‍රශ්න යක්

 

අපි හැදෙයි-රට නැගෙයි! කවද හරි?

තම මානය හා පැවැත්ම රැකගැනීමට  කිසිඳු විලිබියකින් තොරව බොරු කීම හා කිරීම මේ රටේ අදටත් නොවෙනස් එකම ජාතික ප්‍රතිපත්තියයි.

?එපා!

!ආන් ස එපා?

!නීතිය ත් එපා?

!යුක්තිය ත් එපා?

!සාධාරණය ත් එපා?

!සංවර්ධනය ත් එපා?

අවිචාර?

මේ බෞද්ධ රටේ ඇයි මෙතරම්!!!

හැරවුමක් නැති සරල කර-කැවුම

කලෙක දකුණේ තරුණයෝ අරගලයක් කළහ. එය කැරැල්ලක් නම් විය. එවැනිම කලෙක උතුරේ තවත් අරගලයක් විය. එය මහා යුද්ධයක් නම් විය. දෙතැන්හිම මහා විනාශයක් විය. දශක ගණනාවක් විනාශය අත්දුටුවේ උතුරු නැගෙනහිර යුද්ධයෙනි. මේ කිසිඳු තැනක පැතූ දේ අලුතෙන් හැදුනේ නැත. සිදුවූයේ පරණ තැනටම තම තමන්ගේ ඔළුව හදා ගැනීමට ඒ අයට සිදුවීමයි. යම් කලෙක ජන මාධ්‍ය, ඉන් එහා සමාජ මාධ්‍ය මොකද්දෝ අරගලයක් කරන්නට හැදුවේ සිවිල් සමාජයේ බලයක් ලෙසිනි. ඒ සියල්ලන්ටද කෙටි කලකින් පුරුදු තැනටම එන්නට සිදුවිය. ඒ ද විශාල බිඳ වැටීමක්ද සමඟිනි. ඉන් පසු වරද නිවරද කරන්නට කියා තවත් තැනකට පෙළ ගැසුනේත් මේ රටේ ජනතාවමය. දැන් ආපසු අපි අපිටම හිනා වීමට පටන් ගෙන ඇත්තේ බලාපොරොත්තු සුන් වීමෙන් පමණක් නොව කොරෝනා ලෝක උවදුරෙන් ද නැවතත් බැට කමිනි. මෑත දශක කීපය ගෙවුණේ සරලවම ඔය අයුරිනි. ඉතිං අපි මීළඟට කුමක් කරන්ට සිතමුද? තවත් සුදු විප්ලවයකට සැරසෙමුද?

මිනිසෙකු උසස් වන්නේ ගුණයෙනි, සමාජය?

 

මිනිසෙකු උසස් වන්නේ ගුණයෙනි.

 

ෆේල් - නීතිය සාධාරණය දේශපාලකයාගේ රීතිය ලංකාවේ තියරිය හා ප්රැක්ටිකල්

 2020.11.18

දුක්ගන්නාරාළ තුමා,

ඔපීසිය,

ජනපතිතුමාගේ ලේකම් කාර්යාලය.

ගරු මැතිතුමනි,

                

               යුක්තිය ඉෂ්ඨ නොවීම

ආයුබෝවන්ඩ, දන්න දා පටන්ම ජනාධිපතිතුමා කී දේ අපිත් කියනවා. අදටත් කියනවා. අපිත් මේ රටට ආදරෙයි නොවැ. අපිත් කාටවත් බය නෑ, ඥාති මිත්‍ර කමට එහා සාධාරණේ, යුක්තිය අපිත් හොයනවා මහත්තයෝ. 

කාගෙ කාගේත් පම්පෝරි වලට වඩා කියනදේ කරන එකයි අපිටත් වැදගත්. අපි හැමදාම ඡන්දෙ දුන්නෙත් අපෙන් ඡන්ද ගත්තු අය කිව්වෙත් එහෙම. යුද්දේ කරපු තරමට, තව තව මහ වැඩ කන්දරාවක් කරපු තරමට කියලා අපිත් එතුමාව විශ්වාස කරනවා.

ඒත් ආයුබෝවන්ඩ, ජනාධිපතිතුමා යටතෙම ගමේ පොලිසිය, ගමේ සභාව, පළාතේ සභාව, සමහර රජයේ ආයතන ඒ කතාවට පස්ස හරවනවා නම්, සමහර ආණ්ඩුවෙම දේශපාලකයො, නිල බල ධාරීන් කියන අය වැරදි තැනට වැරදි විදිහට අත හොට පොවනවා නම්, එතනදි ගමේ ගොඩේ සාමාන්‍ය අපිව රකින්නේ කව්ද? නියපොත්තෙන් කඩලා විසඳන්න පුළුවන් සුළු සුළු කාරණා පොරොවෙන්වත් කපන්න බැරි රටේ ප්‍රශ්න බවට පත් කරලා,  අපිව මඩවලා රටක් සාර්ථක කොරගන්ඩ පුළුවන්ද? ආයුබෝවන්ඩ. හැමදාම උඩින් වෙනස් කොරන්ඩ හදන ඔය ක්‍රමේ ගමේ බිමේ හිරවෙන්නෙ, හිර කරන්නෙ ඔතැන නේද?

බිං මට්ටමේදි අපට යුක්තිය ඉෂ්ට වෙන්නෙ ඇත්ත මැරුණට පස්සෙ. එතකොට අපි භාගෙට මැරිලා. නැත්තං නොමරා මරලා. එහෙමත් නැත්තං අපිට වළපල්ලෙ ඉඳලයි ඒව දකින්ඩ වෙන්නෙ. 

පොඩියක් නෙවේ, හොඳටම හොයලා බලලා ගමෙන්ම පටන් ගන්ඩ ඔය ක්‍රමේ වෙනස් කිරිල්ල. අපිට යුක්තිය ඉෂ්ට කෙරෙන කල් අපි බලාන ඉන්නවා මහත්තයෝ. බලාගෙනම ඉන්නවා.

මීට, 

මේ රටේ ඉපදුණු, 

මේ රටවැසි කමේම මැරෙන්ඩ වෙන තවත් මිනිහෙක්

අපේ රටේ ප්‍රති-ශක්තිය

රතු තණකොළ දිගට ඇදුණු බිස්ස මත දිග ඇඳිලා කොළපාට අහස දිහා බලාගෙන පාට පාට අනාගතයක් ගැන හීන දැකපු මිනිස්සු හිටියා පළමු පන්තියේ දෙවන පන්තියේ වගේම තුන්වැනි පන්තියේත් දරුවන්ගෙ චිත්‍ර පිටුවල. ලොකු වෙද්දි හිටියේ කළු සුදු අළු පාට මිනිස්සු විතරයි ඒ බොහෝ හිත්වල. වෙනස් වෙන්නෙ ලෝකය නෙවෙයි, මිනිස් හිත. ඒත් තවත් හිත් නිසා. අපි හිටියත් නැතත් ලෝකයට ඉර හඳ පායනවා. අලුත් දේ බිහිවෙනවා, මියදෙනවා. එනකොට ගෙනාපු අඩි එකහමාරක දෙකක ශරීරය අඩි පහක් හයක් කරල ආපහු මහ පොළොවට දීල අපි යන්න යනව. ආවෙ කොහෙන්ද වගේම යන්නෙ කොතැනටද අපි කව්රුත් දන්නෙ නෑ. එහෙම දන්නවයි කිව්ව අය කියාපු පාරවල් තැන් ගැන හිතාගෙන හිටියත් ආපු වෙලාව වගේම ඉන්න ලැබෙන වෙලාවත් අපිට තීරණය කරන්න හරිම අමාරුයි. අනිත් කොයිකාටත් වඩා ලංකාවේ දේශ-පාලකයන්ට ඔය ටික හරියට තේරුම් යනවනම් කොයි තරම් අපූරු ද? ජනතා බදු මුදලේ අනිසි සැප අරන් යන්න බෑ කියල යන තැනකට. පාට පක්ෂ ඡන්ද නැතිව යන්න වෙන්නෙ තනියම කියල. 

මිනිස්සුන්ට ජීවත් වෙන්න මිස රටක් හදන්න ඕන මිනිස්සුන්ට සමාදානයේ සැතපෙන්න නොවෙයි. නීතිය සාධාරණය වැදගත් වෙන්නෙ මනුස්සයෙක් හැටියට ජීවත්වෙන්න. සාධාරණව නිදහස්ව යුක්ති සහගතව ජීවත්වෙන්න පුළුවන්කම තියෙනව නම් ඒ රටේ හුස්ම ටික කොහොම කොතැන ගියත් සැපක් නොවෙන්නෙ කවර මිනිහාටද? ධර්මය ගැන කොතෙකුත් දෙසන රටේ යම් ධර්මයක් දළුලා පැළවෙන දවසක කොරෝනා යන්නම යන්නෙ මිනිස්සුන්ගෙ සැබෑ ප්‍රති-ශක්තියට ඔරොත්තු දෙන්න බැරිව. ලෝකය තබා රටක් හැටියට හදාගන්න ඕන ඒ ප්‍රතිශක්තිය මිස ඊළඟ ඡන්දෙ ශක්තිය නොවෙයි. පක්ෂ විපක්ෂ කොයි කාටත් මේක අදාළයි. බොරුවෙන් ආත්ම වංචාවෙන් ගැතිකමෙන් ඩීල් වලින් ගේම් වලින් හැමදාම දිනන්න බෑ. රටක අගමැති ජනපති කමෙන් වුනත් ඡන්ද මිස රටක් දිනන්න දිනවන්න ලේසි  නොවන්නෙ ඒකයි. රටක් කියන්නේ ඡන්ද ගොඩක්, ශරීර ගොඩක් නෙමෙයි, මහා පරිසර පද්ධතියක්. ගහකොළ  සතා සිව්පාවා ගංඟා ඇළදොළ, මහ සයුර, මහ පොළොවේ ගල් වැලි විතරක් නෙවෙයි ඒ අස්සෙ හැංගුණු නටඹුන් අතීතයත් නොපෙනෙන අනාගතයත් අයිතියි. අග නගරෙ තියෙන ලොකු ගොඩනැගිලි වගේම තවම අත තබා ඇස නොගැටුණු හැමතැනක්ම අයිතියි. ඒ හැම අහුමුල්ලකම ඉන්නා කාටත් ඇති හැකි ලෙසට සතුටින් මෙහෙන් යන තුරු ජීවත්වෙන්නට ඇති අයිතිය රැකදීම මහා වගකීමක් වන්නෙ ඒ නිසාමයි. හෙට දවසේ වෙහෙස මහන්සිය කැපවීම විය යුත්තෙ ඒ සඳහා මයි. "මීටරේ දෙකේ නෙවෙයි, තුනක පරතරයත් එහෙම කැපවීමකට නම් බාධාවක් වෙන එකක් නෑ"

නිර්භය ව

 

On the stop

 

කිරි මුට්ටි පිටින් ගඟේ යතේ, අත් පොළසන් හාත්පසේ!(මේ කොරෝනා සමයයි)

2013, 2014 කාලයේ අලුත් විදිහකට කරන්න හිතාගෙන මම පර්යේෂණාත්මක දිගු නාට්‍ය පිටපතක් සකස් කළා. ඒක "පුරුෂ තුනම හෙළුවෙන්" උත්තම මධ්‍යම ප්රථම පුරුෂතුනේ හමුවට එන්න, ස්ත්‍රීන්ටද අකැප නොවේ... වගේ ඇමිණුම් පදයකුත් යොදාගෙන නම් කළා. අපේ රටේ තුරුණු කලාවට, නාට්‍යට, නිර්මාණකරණයට තිබෙන අනුග්රහය අප්‍රමාණ නිසාම එය නිර්මාණයක් නොවී පිටපතක් බවට පමණක් පත්වුණා. රටේ සයිබර් අවකාශයේ විකාශනය පුළුල් වෙමින් පැවති අවදියේ ඒ පදනම හරහට හූරා බලන්නට නිර්මිත නාටකය ඊයේ මහ මිනිසුන් ගේ හඬ පට තුළත් අද පොඩි උන්ගේ හඬ පට තුළත් කලාවෙන් ඔබ්බේ යථාර්ථයක් බවට වෙලා. යථාර්ථය ඥානනය කරන කලාව පරදිද්දී ආතල් එක දිනනවා, ඒක හරි.. ඉතිං අපි තවත් මුට්ටි පුරවලා කරදියෙන් වත් කරමු ගඟට ගලා යන්නට  කිරිදියෙන්... හෘද සාක්ෂිය, මේ ඔබේ අවධානය පිණිසයි.

කෝවිඩ් 19 - අවධාරණය

 

අසරණ බණ

පරම පැතුම පර වී යන දා

නෙළුම් පිපේවිද ගොහොරු මඩේ

නිල් මහනෙල් සරදම් කර කීවා

හෙළ බිම ජාතික කතන්දරේ

අහිංසක කැලෑ මල් වන මැද පිපි

බුදුන් වඳින්නට පින් කර නැතුවා

අසා ඇති එකම බණ පද බිඳකින්

පිබිදුණු ඒ මල් නිවනක් පැතුවා

වසන්තය හඬගසා එන්නටත් කලින්

කවුදෝ කැලේට ගිනි ලෑවේ

වැවට අයිති දාගැබ් හෙවණැල්ලේ නෙළුම නෙළා ලංසුවට ගියේ ...

ආවඩා..

කළු කපුටා සුදු වන තුරු

මෝල් ගහේ දළු ලන තුරු

කොරෝනා සමාජ ගතවන තුරු 

එක්සිය විස්සට දෙසිය විස්සක් හැමට ආයු බෝ වේවා!

කොරනා කෙළිය

 

වටහා ගතිමි

රටේ ජාතිකත්වය පිළිබඳ උත්තරීතර පිරිසිදු ප්‍රබල මතවාදය ද්විත්ව පුරවැසි භාවයක් දැරූවෙකු ඉදිරියේ වුව කොතරම් නම් අපිරිසිදුද දුර්වලද, (පැහැදිලි කිරීම පිළිබඳ ස්තුතිය, අතිගරු තැන්පත් විධායක සේනාධිනායක ජනාධිපතිතුමාණන් සතුය)

මාතෘකාව

 සිනහවත් විප්ලවයත් එක්ව එනදා හයෙන් පහක් ලාංකිකයෝ එතැනට එනු ඇත.. එතෙක්!😀

කරුණාවෙන් සැනසෙන්න!

පක්ෂ විපක්ෂ බේදයකින් තොරව සියළු මහා දේශපාලකයෝ තම නොහැකියාවන් ප්‍රදර්ශනය කර අවසන්, අවසන් වශයෙන් මහජනතාවද සිය නොහැකියාව ප්‍රදර්ශනය කොට අවසන්, තවත් අවසානයක් දකින්නට ඇත්නම් ඒ සමස්ථ රටකම අවසානය පමණයි. මේ මොහොතේ සිට හෝ තම තම වගකීමේ බැරෑරුම් කම වටහාගෙන සියලු ලාංකිකයෝ දේශපාලන, වෘත්තීමය, ජාතික හෝ ආගමික වාසි සෙවීමෙන්, පාරම්බෑමෙන්, පම්පෝරි හෝ ලොකුකම් කියවීමෙන් ඉවත්වී සබුද්ධිකව ක්‍රියා නොකළ හොත් රටම කාලක්‍රියා කරන දවස වැඩි ඈතක නොවන බව මහා වියතුන් නොවන අපගේ අදහසයි. එබැවින් මේ මොහොතේ සොබාදම් දෙවියන් ඉඟියෙන් අපවෙත නිකුත් කොට ඇති සියලු චක්‍රලේඛ වලට එකඟව කටයුතු කිරීම අපේ උන්නතිය පිණිස හේතු වනු ඇති.

අවිචාරයෙන් අ වි චාරයට??(දෙයියන්ට දීම)

රාජකාරිය දේවකාරියක් වීමත් සමාජයෙන් දේවත්වයට මිනිසා ඔසවා තැබීමත් සැබෑ ජනනායකයෝ ලබන දුර්ලභ ගණයේ වරප්‍රසාදයකි. ඒ තුළ තම ජනතාව තවදුරටත් ඉහළට ඔසවා තැබීම එබඳු නායකත්වය තුළ ජනතාව පෙරළා ලබන ප්‍රතිලාභයයි. ඒ ලාභය ලැබීමට නම් අවංකත්වයත් විචාරශීලීත්වයත් නායකත්වය තුළ තිබිය යුතුයි. පෙරළා ජනතාවද ඒ ගුණාංගයන්ගෙන් පෝෂණය විය යුතුයි.

නමුත් දේශපාලනයේ දෙයියන් බිහිවනවා නම් ඒ මහජනයාගේ අවිචාරයෙනි. යුද්ධය, භීෂණය, පරිසර විනාශය තුළ තවමත් අප උගත් පාඩමක් නැතිවීම තුළිනි. සවන්දීමත්, සදය විචාරයත් අපේ රාජ්‍ය ආයතන පද්ධතිය තුළ මුල් නොබසින්නට හේතුව කිම? ඒ දේශපාලනීකරණයයි. නිළධාරී වාදයට පදනමද එයමයි. කිසියම් ප්‍රශ්නයකට දේශපාලන සෙවණැල්ලක් වැටුණු තැන සිට එයට ලැබෙන විසඳුමේ සාධාරණත්වය පිළිබඳ විශ්වාසය තවදුරටත් නොපවතී. එසේ නොවන්නට අපේ රටේ ප්‍රශ්න මෙතරම් සංකීර්ණ වන්නේ නැත. අප රටේ දේශපාලකයන් බොහෝ විට උත්සාහ දරා ඇත්තේ ජනතාව නියෝජනය හෝ ජනයාට නායකත්වය ලබාදීමට වඩා බලවතෙක් බවට පත්වීම හා ඒ බලය උරුමයක් ලෙස පවත්වා ගැනීමටයි. ඒ උදෙසා බොහෝ කැපවීම් කරන්නට ඔවුන් සූදානම්ය. අවසනාවට මෙතෙක් එබන්ඳන්ගේ කැපකිරීම් තුළ තහවුරු වී ඇත්තේ ඔවුන්ගේ පැවැත්මම පමණක් නොවේ. ඒ සමඟ වර්ධනය වී ඇති බොහෝ මතවාදයන් හා පිරිසද සමාජය පිරිහෙලන සාධකයන්ය. අවිචාරවත් මාර්ගෝපදේශයන්ය. අවිධිමත් ව්‍යාපාරයන්ය. පවත්නා තත්වය තුළ නිසි භාවිතයක් නැති යන්ත්‍රයක මළකඩ පෙනෙද්දී අලුත් උපාංග සවිකිරීමේ ඵලය කිම?  දහනවයකුත් එකක් සංශෝධන කෝඳුරුතෙල් හත්පට්ටයකුත් තව ටිකක් යන්නට සමානත්වයකින් දැනෙන්නේ එනිසාය. අපි අප විසින් කරන කියන දේ පිළිබඳ වගකීමක් දැරීමට තරම් ශක්තිමත් හා නිවැරදි රටවැසියන් නොවනතාක් දේශපාලනය බොරුවක් වීමත් අප ඒ ව්‍යාජ දෙයියන් අදහන මිථ්‍යාදෘෂ්ටිකයින් වීමත් වැළැක්වීමට කිසිවෙකුට හැකි වන්නේ නැත. ඒ අඩුව පිරවෙන්නේ දිගට හරහට අපට ගුටිදෙන ස්වභාව ධර්මයා නැමති අපක්ෂපාතී ගුරුවරයාගෙන් පමණි. නමුත් ජෙෙන නිඝන්ඨයන් සේ ඒ ගුරු ධර්මය අප උරුම කරගත යුතු කරුමයක් සේ කරතබා ගන්නේ නම් රටක මිනිස් සමාජයක් ලෙස තවදුරටත් අපට කතා කිරීමට දෙයක් ඇත්තේද නැති. දෙයියන්ට ඉඩ දී බලා හිඳිමු අපි!

උතුම් ජනතා පැතුම්!

*******

මඟුල් 

අවමඟුල්

සාද

සාඡ්ජ

දාන

දන්සල්

විගණනයට

නියමිතයි

හොස් හොස්.. වස් දොස්.. හූ...

මෙරට සාම්ප්‍රදායික දේශපාලනය යනු රොටි පුළුස්සන තැටියකි. ඒ ඒ මොහොතේ තැටිය අතට ගත් අය තම තමන්ට රොටි පුළුස්සා ගත් මුත් මහජනයාගේ බලයෙන් රත් වෙන තැටිය මත ඇති සංවර්ධන රොටියේ පැත්ත මාරුවට හැර බුක්ති විඳීම පිණිස අත්පත් කර ගැනීමට නිසි වෙලාවක් හෝ නිසි ඉඩක් කිසිවිට ජනතාවට ලැබුණේ නැත. දෙපැත්තේ අඩුපාඩු හොයමින් පැත්ත මාරු කරන්නට ගොස් රොටියම කරවී අඟුරු වී ඒ ගඳ ඉවවහා ගොස් ඇතත් තවමත් චෝදනාව රොටියේ වැඩියෙන්ම පිළිස්සුණු පැත්ත ගැනයි. ඒ ගැන දෙස් දෙඩවීම් අපමණයි. තමන්ට කන්ට වෙන්නේ රොටි නොව අඟුරු බව දැන දැනත් අලුත් රොටියක් පුළුස්සා ගැනීමට බොහෝ මිනිසුන්ට වීර්යයක් නැති, බලයක් සවියක් නැති. ජෑම් හෝ බටර් තවරා හෝ අඟුරු කන්නට හිතන පතන ඔවුන්ගේ රැළිය හරි සද්දෙන් "අඟුරු කකා වතුර බිබී කොළඹ දුවන යකඩ යකා" ගේ භූමිකාවට පණ පොවන්නටයි. අලුත් එන්ජිමකට බලය දුන්නාට ගමන පරණ පීලි මතම නම්, පීලි මාරුවක් සිදු නොවේ නම්, ඒ ගමන බහුතරයේ සදා තෘප්තිය වූ දිනක  අපට හෙටත් අනාගතයටත් අකැමැත්තෙන් වුව ශ්‍රවණය කරන්නට සිදුවෙන්නේ සුපුරුදු සංවර්ධනට පෙර නඟන 'හූ' හඬත් ඒ ගමන් තාලයට අත්වැල් අල්ලන 'හොස් හොස්.. වස් දොස්' හති ලෑමේ රාවයේ ප්‍රතිරාවයක්ම පමණි. 

හරි හුරතල් ආදරේ.. හැමට එක විදිහටමයි!(මේ ආදරයයි)

අණ පනත් පොත් ගොඩවල් ගහපු, රාජ්‍යය ලාංඡන, ආයතනයේ මෙහෙවර දැක්ම ගැන බිත්තියෙ රාමුකරල ගහපු කාර්යාල ඇතුළෙ නීති හරි සනීපෙට නිදි. අපි සමහර ප්‍රශ්න ලිපිගොනු එක්ක ආයතන තුළ  අවුරුදු ගණන් රස්තියාදුවේ. ඒත් ඒ අය නොවෙයි නීති ඇහැරවන්නේ. ක්රිමිනල් කේස් එකක් වෙන්න ගියත් ඒ ආදරේ එහෙමමයි. නෑ නීති ඇහැරවන්නේ. එපමණට ආදරේ.. තරහ වැඩිකමට අපි හයියෙන් කතා කරහම නිලධාරීන් බලධාරීන් දේශපාලකයන්ට හරියට හිතට අමාරුයි. පව්නේ.. අර නීති ඇහැරේවි කියල, කොච්චර අමාරුවෙන්ද නීති නිදි කරවල ඇත්තෙ. තමන්ගෙ හිතවතෙක් ආවොත් විතරක් හරි පරෙස්සමට අතට දෙනව වඩා ගන්න. ඒ වෙනුවෙන් ගේන ටොපි චොකලට් එයාල ගන්නෙ නීති නිදි කරවගන්න මිස වෙන කිසිම හේතුවකට නෙවේ. ඒකයි ආදරේ කියන්නේ..

සැබෑ ආදරේ ගැන ඉගෙන ගන්න නම් ඇහැරවන්න බැරි විදිහට නිදිකරවපු නීති නිසා රටේ මිනිස්සු විඳින විඳවන අපිරිමිත සතුට පිළිබඳ අත්දැකීමක් ලබන්න ඕනමයි.

ඡන්දය සමානයි, සැළකිල්ල අසමානයි - ඒ කිල්ලට අසුවූ ඡන්ද වලටද?

මිනිහා නොහදා රට හදන්න බැහැ, මිනිහාත් හදාගෙන රටත් හදාගමු එදා කීවා

-

නීතිය නො හදා රට හදන්න බැහැ, නීතිය හදාගෙන රටත් හදාගමු මෙදා කීවා

-

දෙව්දත්ලා, ජුදාස්ලා, අජාසත්තලා, පිලාත්ලා ඇතුළු පිරිසකට අවසන අපි ඡන්දය දුන්නා

ගත්හඔබඉල්ලල 1.69

ගත්හඔබඉල්ලල 1.5

ගත්හඔබඉල්ලල 1.2

ගත්හඔබඉල්ලල

දුකායි

එලොව ගිහින්

මල් වට්ටියකි, අතගහන්න

(පළමුවත් දෙවනුවත් තෙවනුවත්) තෙවරක් වහල්ලු?

රටේ කිසියම්ම දේශපාලනයකට (ඒ මොහොතේ රටේ පාලකයන්ට) අමතර වාසි සැලෙසන කරුණු වලදී අසීමාන්තිකව සාධාරණය යුක්තිය වෙනුවෙන් කඳුළු වඟුරුවන කොමිසන් දකින විට තනි ඇසට කඳුළු උනන්නේ පවතින නීතිය සරළව ක්‍රියාත්මක කිරීම තුළ වළක්වා ගැනීමට හැකියාව ඇති රටේ සාමාන්‍ය මිනිසුන් දිනපතා නොමරා මරණ එකඳු කාරණයක් වෙනුවෙන් (ඔවුන් මරා දැමෙන තෙක්ම) කඳුළක් තබා බැල්මක් හෙළීමට රටේ වගකිවයුතු එකෙකු නැති බව දකින විටය. ඒ තුළින් විඳවන විටය. 

ලංකාවේ මෑත කාලීන ආණ්ඩු වල සැබෑ උවමනාව ජනතාවගේ අවශ්‍යතා වෙනුවෙන් භාවිත වීම නොව තම පාලක බල උවමනාවන් වෙනුවෙන් ජනතාව භාවිත කිරීමය. ඒ ටික තේරුම් නොගන්නා තාක්, ඊට විරුද්ධව කටයුතු නොකරන තාක් ඔබ තරාතිරමෙන් කවරෙකු වුව ඒ දේශපාලකයන්ගේ වහලෙක්ම පමණි. 

2/3

ජනපතිගේ මහබැංකු ඇමතුමෙන් කාලක් සාමාන්‍ය මිනිහෙක් තමන්ට රාජ්‍ය ආයතනයකින් වන අයුක්තියක් උදෙසා භාවිතය ජීවත්වෙමින් මරණය අත්විඳීමට තරම් හේතුවක්ය.

රාජකීය වහල් මනස රජාට මිස දනන්ගෙන් නිවහල් වීම එයට හේතුවක්ය.

එවිට ජනපති පරිදි ධනාත්මකව හිතනා සාමාන්‍ය මිනිසුන්ට ඇත්තේ දෑස්පනාපිට රඟනා අයුක්තීන් ඉදිරියේ මෙත්තා කරුණා උපේඛා ආශ්‍රය කරමින් අටලෝ දහම මෙනෙහි කරන්නටය. නැතිනම් ආවේගයෙන් ප්‍රවේගය රඟා හිර බත් බුදින්නටය. නොඑසේ නම් උසාවි ගානේ දියවන්නටය. සමහරවිට මැරුම් කන්නටය. 

රට හදන්නට අවශ්‍ය දේශපාලන පක්ෂයකට 2/3 ක් නොව සෘජු ප්‍රතිපත්ති ගරුක මිනිසුන් 2/3 කට පක්ෂ වලින් තොරව පක්ෂ වීමයි.

මැතිවරණයට ගැටපද විවරණ - ස්වාධීනත්වය හා ස්ව දීනත්වය (මුඛවාඩම් සහිතව විෂබීජ පෙරනයට)

මහජනයා උදෙසා පවතින රාජ්‍ය ආයතන, ඒවායේ නීති රීති පද්ධති ක්‍රියාත්මකවීම් තුළට බලය, ධනය, හිත මිත්‍ර ඥාතිත්ව පදනමෙන් අයථා බලපෑම් කළ හැකි පසුබිමක, රටේ සමාන අයිතිවාසිකම් භුක්ති විඳීමට අයිතියක් ඇති පුරවැසියන් ලෙස නිරන්තර අසාධාරණයට ලක්වන්නේ අපයි. ඒ කිසිඳු හැකියාවක් එනම් බලය, ධනය, හිත මිත්‍ර ඥාතිත්ව පදනමක් නැතිකමින් පීඩාවලට ගොඳුරුවන මිනිසුන්. ඊටත් වඩා ඒ හැකියාවන් අතරින් යම් හැකියාවක් ඇතත් එවැනි අයථා ක්‍රියා වලට අකැමැත්තක් දක්වන, අනීතියට නොපෙළඹෙන සාධාරණය යුක්තිය අගයන මිනිසුන්. ලංකාවේ පවතින තත්වයන් තුළ එබඳු මිනිසුන්ට අදාළ ආයතන විසින්ම යෝජනා කෙරන්නේ තමන්ගේ නිර්ලජ්ජී අවනීතික කටයුතු උදෙසා හැකිනම් අධිකරණ සහාය පතන ලෙසයි. එය එක්තරා විදියකින් යුක්තිය පිළිබඳ සාමාන්‍ය මිනිහෙක්ට ඇති සාධාරණ අයිතිය අසාධාරණ ලෙස අභියෝගයකට ලක් කිරීමකි.

දේශපාලන බලය, ඉහළ නිලධාරීන්ගේ නිල බලය

ඒ හා පෑහෙන ධනය බලය. (ධනය බලයත් බලය ධනයත් නිර්මාණය කරන බව අපි දනිමු)

හිත මිත්‍ර ඥාතිත්වය යුක්තිය සාධාරණය අභිබවා පක්ෂපාතිත්වය ඇති කළ විට

මේ සියල්ලේ බලපෑමට අපමණව විවෘත මහජනයා උදෙසා වන රාජ්‍ය ආයතන කිසිවිටෙකත් ස්වාධීන නොවේ. ඒවායේ ස්වාධීනත්වය උදෙසා පවතින ආයතන පටිපාටිද නීතිද නැවතත් නීතිමය ප්‍රශ්න කිරීම් තුළට දක්කන තෙක් ගොපල්ලන් හා කෙවිට අවශ්‍ය ජන සමාජයක,

ස්ව දීනත්වය ස්වාධීනත්වය කරවන පෙරළියකට අපේ ඡන්දය මඟින් කළ හැකි දේ කුමක්ද? කළ යුතු දේ කුමක්ද?

තුලාලංකාරය

මැරලංකාරය

අති ගරු පූජ්‍යයන් වහන්ස

සහෝදර ජනතාවෙනි,

රටේ අසාධාරණකම් ඔප්පු කරන්ට තව කී දෙනෙක් නම් ධනයට බලයට මැරයන්ට බිලි දෙනවාද අපි?

ගරු ජනපතිඳ,

ගෝඨාභය ජනපතිතුමනි,

සමාජයක් ඉදිරියේ මිනිසෙකු මිනිසෙක් මරා දැමීමට පෙළඹන මිලේච්ඡත්වයට වැට බඳින්න.

සාකච්ඡාවෙන් ගැටළු විසඳාගැනීමට යන බොහෝ මිනිසුන්ට නොමිනිසුන් සංග්‍රහ කරන්නේ ජඩකමිනි, මැරකමිනි. ඒ අද ඊයේ දෙයක් නොවන මුත් එය කවදා කොතැනත් නැවැත්විය යුතුම දෙයකි. මහමග මිනිසෙකු මරා දැමීමට තරම් තවකෙකු මිලේච්ඡත්වයට බිය නැති සමාජයක් අපට උවමනා නැත. බන්ධනාගාර සුද්ධයට පළමු රටේ යහපුරවැසියා උදෙසා යුක්තිය, නීතිය, සාධාරණය ස්ථාපිත කරන්න. ඔබතුමා නිරන්තර ආශිර්වාදය පතන සද්ධර්මය, එය රකින්නන්ගේ සුරක්ෂිත බව තම ආදර්ශ පාඨය කොටගත් ශ්‍රී ලංකා පොලිසිය ධර්මයට මොබ්බෙන් රටේ පවතින නීතිය තුළ අප වෙනුවෙන් තව දුරටත් නිර්භීත, කාර්යක්ෂම, විධිමත් හා මානුෂීය ආයතනයක් කරන්න.

මේ රටේ සාධාරණ නීතිගරුක සාමාන්‍ය පුරවැසියාට දේශපාලන ගැති බවෙන් තොරව ඒ නිදහස යුක්තිය සාමකාමී බව විඳගන්න ඉඩ හසර පාදා දෙන්න. 

කොමිසම්ද අණ පනත් නීති වගන්ති වලට වඩා දෑසට දෙසවනට හදවතට බුද්ධියට ඒ දර්ශනය ඉක්මණින්ම හසුවේවා!

මීට, විශ්වාසී 

ශ්‍රී ලාංකිකයා

සාතන්ගේ පුත්තු

.....ක

ජීවන් දෙයියෙක්, පෙරටුගාමියා මයිනෙක්, නපුංසකම වෑහෙයි, තුප්පහිකම බේරෙයි...

නීතිය සාධාරණය යනු කුක්කා පොලිසියේ හෝ අම්මා අප්පාගේ හෝ පප්පාගේ භූදලයක් ද...

සෘජු නැති ලංකාණ්ඩුවල සමානාත්මතාව සාධාරණය හෝ යුක්තිය පිළිමලුන්ට කෙළින්නටමය...

සර්ලා ලඟ සුළුදියෙන් පෙඟෙන තුනී කුක්කා යුනිෆෝම් මිනිස්සු ඉදිරියේ චීනමහා ප්‍රාකාරවෙයි

පාලිමන්ට් පින්බතුන් කරින් වඩම්මන්නට මිරිස්කුඩු කකා අංකතහඩුවත් උගුල්ලන්යන පොලිසිය පව්

ගහන්ට උස්සලා පොළොවේ, සුදුසු උන් ඇත නිදැල්ලේ - ලංකා පොලිසියේ අවධානයට

"ධම්මෝ භවේ රක්ඛති ධම්මචාරි" 

හිසටවත් හිතටවත් ඉඩක් නොදී ලාංඡනේට ධර්මය දැම්මේ කුමට සකී?

ගරු ජනපතිද,

බන්ධනාගාර වල විතරක් නොවෙයි රජයේ බොහෝ ආයතනවලින් විය යුතුදේ හරියට වෙන්නේ නෑ. ඒවා....හැදුවොත් බන්ධනාගාර එකක් දෙකක් වහන්නත් පුළුවන් වෙයි.

සමාව දිය නොහැකි වැරදි - එක මවකගෙ දරුකැළ මඬිනා දේවකාරියේ ඥාති සංග්‍රහ...

රටේ සියලුම තැන්වල විවිධ තනතුරු දරන්නේ කාගේ හෝ ඥාතීන්ය. ගැටළුව ඥාතීත්වය නොව තැන නොතැන අවස්ථාව සාධාරණය යුක්තිය නොතකා නොබලා රාජකාරියෙන් ඥාති සංග්‍රහ කරන්නට යාමයි. එසේ බලා වුව පාර්ශ්වික ගැටළු වලදී පැත්තක් ගැනීමට අයිතියක් ඔවුන්ට ඇත්තේද නැත. රාජකාරිය කාටත් සමාන සාධාරණ ලෙස සමානාත්මතාවයෙන් විය යුතුය. එහිදී  රාජ්‍ය ආයතන සුවිශේෂී වන්නේ ඒවායේ කාර්යභාරයන් පොදු මහජන සුභසිද්ධිය උදෙසා ප්‍රමුඛව දායක වියයුතු පසුබිමකය. 

රටේ ඉහළ මහ පුරවැසියාගේ පටන් පහළ යාන්ත්‍රණයන් දක්වා රාජකාරිය තුළ ඥාති හිත මිත්‍ර සංග්‍රහයෙන් මිදීම නඩු අවනඩු ගණනාවක්ම පිළිසිඳ ගැනීමකින් තොරවම අහවර කිරීමක් වන්නේය. රට වෙනස් කළ හැක්කේ හණවැදුණු කුණුවුණු ඒ ඕජස ශරීරයෙන් ඉවත් කිරීමෙන්ම පමණි. කොරෝනා වලට වඩා බරපතළ වෙෙරස සමාජගතවී සමාජ දේහයම මියදෙන්නට ගත්තේ අද ඊයේ නොවේ. ඒ සම්බන්ධයෙන් පාලක ලොක්කෝ අද වෙනතුරුත් පැහැදිලි සෞඛ්‍ය වෙෙද්ය නිර්දේශ ලබාගන්නේ නැත. අනුගමනය කරන්නේ ගොඩවෙදකමය.

නීතිය යම් පමණක සාධාරණයක් සමාජ පැවැත්ම උදෙසා ඉටුකරත්ද ඒ කාර්යය ඉටු කරන්නට පසුබිමේ දායකත්වය දෙන්නෝ මනුස්සකමේ නාමයෙන් ඥාති හිත මිත්‍ර සංග්‍රහය හා රාජකාරිය පටලවා නොගන්නේ නම් එය රටේ ගැටළු ගණනාවකට නිවැරදි විසඳුම් ලබාදීමට දායක වීමේ වගකීමක් යුතුකමක් මෙන්ම පින්කමක්ද වනු ඇත්තේය.