ඇති !

නැටුමකට මාරු නොවීමේ ප්‍රතිවිපාක ~ Let's Dance (by Kekille)

රටට ජාතික නැටුමක් හඳුන්වාදීමේ වටිනාකම පැහැදිලි වන්නේ මෙවැනි අවස්ථා වලදී ය. 

මහජනතාවගේ ආතතිය ජාතික වශයෙන් කළමණාකරණය කිරීමට අමතරව එයින් අපට අත්කර ගත හැකි ධනාත්මක තත්වයන් ගණනාවකි.

1. සීරුවට වඩා පහසුවෙන් වින්දනය කළ හැකි වීම.

2. හඬට එහා සකල ශරීරයෙන් ජාතික අභිමානයට උපහාරය දැක්විය හැකි වීම.

3.ස්ත්‍රී පුරුෂ භාවයට අත නොතැබිය හැකි විධායක බලය අබිබැවිය නොහැකි වීම.

4. ඔපෙරා, ජන ගී, බයිලා, කපිරිඤ්ඤා  ආදී ගායන ශෛලීන් මෙන්ම විවිධ භාෂා ආර තුළින් හානි කිරීමට නොහැකි වීම.

5. "නැව ගිලුනත් බෑන් චූන්" අනියම් අර්ථයෙන් නොසැලෙන, ශක්තිමත්, සැහැල්ලු, ජවසම්පන්න, අභිමානවත් ජනතාවක් බව ප්‍රකට කිරීමට හැකිවීම.

හිට් හිට් වන් මෝ

(බංකොලොත් භාවයේ සිට ලෝක බලවතෙකු දක්වා ~ ගෞරවයෙන් සුබ පැතුම්!)

හිසට බඩට හා යටි බඩට පහර දීමෙන් විධායකය ව්‍යවස්ථා දායකය හා නීතිය ශක්තිමත් වේ ලු. මරා දැමීමෙන් රට සංවර්ධනය වේ ලු. හොර මැර ජඩ කම ප්‍රවර්ධනයෙන් ලෝක බලවතෙකු බවට පත් වේ ලු. 

ස්තූතියි !

 රට කෙරෙ වූ පොරවල් 

කෙරුවා අපමණ පොලිටිකල්

පිරෙව්වා  මිනී වළවල්

හිස් කළේ පිරුණු කළවල්

රටේ වත්මන් තත්වය පිළිබඳ සදෙව් ලොවට අධිපති ශක්‍ර දේවේන්ද්‍රයාණන්ගේ ප්‍රකාශය

ලක්වාසී ජනතාව වෙත, කරුණාවෙන් දන්වන වග නම් !

මගේ පුටුව නිතරම රත් කරන්නේ ඔබේ රටේ මහ ජනතාවයි. එය මෙලොව කිසිවෙකුටත් රහසක් නොවෙයි. පසුගිය වසර දෙක තුනක කාලය තුළ මගේ කාර්යාල අසුන කී වාරයක් නම් අලුත්වැඩියා කරන්නට සිදුවුණි ද ! එය මගේ භවනේ තත් කාලීන වාර්තාවක්. හේතුව ඔබ රටේ මහ ජනතාවගේ නිමා නොවන ප්‍රශ්න හා ගැටළුයි. 

බීරි අලින්ට කරන වීණා වාදනය නවත්වා ලන්නට මා ඔබලාට කොපමණ උපකාර කර ඇතත් ඔබලා නැවත නැවතත් කරන්නේ එයමයි. දැන් මට සිදුවී ඇත්තේ ඔබට උපකාර කිරීම පසෙකලා මගේ වැඩක් බලා ගැනීමට පමණයි. අත්දැකීමෙන් වුව පාඩම් නූගන්නා පිරිසක් වෙනුවෙන් වෙහෙසීම නිශ්ඵල හා නිෂ්ප්‍රයෝජන කාර්යයක් බව දැන් මට වැටහී තිබේ. නැතහොත් මාද ඔබ මෙන් බීරි අලින්ට වීණා වයන වාදකයෙක් ලෙස පෙනී යන්නට ඉඩ තිබේ. එබැවින් තව දුරටත් ඔබගේ ගැටළු වෙත මගේ සාතිශය කණගාටුව ප්‍රකාශ කිරීමෙන් පමණක් සැහීමට පත් වීමට සිදුවන බව කාරුණිකව ප්‍රකාශ කරමි.

ස්තූතියි,

මීට 

ශක්‍ර දේවේන්ද්‍ර

(ස. ලො. අධිපති)

🔖

Wednesday, June 28, 2017

කර හරිමි (මදහස)

සම්ප්‍රදාය පැටවූ ඉදිරි කදත්
විකල්පයෙන් බරවූ පසු කදත්
යා කොට උරෙහි වූ රිටත්
වැර යොදා ඔසවා දෑතින් ම
බිම තබා යමි මං තනියෙං ම

බංකොලොත් රටක් බංකොලොත් නායකයින් විසින් මෙහෙයවීම යුගයේ විශිෂ්ඨටතම කාර්යභාරයයි !

ප්‍රතිපත්තියක් එක නීතියක් නැත ඕනෑ

රට බංකොලොත් වෙන මාවත් තව ඕනෑ

අරගල බඩට මිස ඔළුවට නැත ඕනා

ආපහු පරණ රටටම වීසා ඕනෑ

නෙක්ස්ට් ලෙවෙල් ~ පාට් ඉස් වෙල් !

රාජපක්ෂට වම් කම්මුල ඇල්ලුවා ~ ඒ ෆැන්ටසිය ඉවරයි 

වික්‍රමසිංහට දකුණු කම්මුල ඇල්ලුවා ~ ඒ ෆැන්ටසියත් ඉවර වෙයි

ඊළඟට කාට හරි බෙල්ලත් දෙමු ~ එතකොට ප්‍රාණය නිරුද්ධ වෙයි

මොකුත් කරන්න බැරි අවසන ~ අදාහනය, භූමදානය, අවයව හරි දානයක් වෙයි

වර්ණ අන්ධ

 

🔂

 

Sunday, June 9, 2019

තම තමා (each)

මහින්ද, රනිල්, මෙෙත්රී, ගෝඨාභය, සහ ඔය ගොන් නටම බැඳෙන 225 ට අමතරව රටේ තවත් හත් අට දහක්ද සතියේ  වැඩි දවස් ගණනක් සුදු ජාතික බැනියම් අඳිති. ලක්ෂ ගණනාවක් බෞද්ධ කිතුනු ඉස්ලාම් හින්දූන්, බුදුන්ට දෙවියන්ට ගුරුන්ට දෙගුරුන්ට වදින දෑතින්ම උන්ට වඳිති. රටට වැදගත් ඒ කිසිවෙක් නොවේ. එබන්දන්ට අමතරව තවත් ලක්ෂ ගණනක් මිනිසුන් රට තුළ ජීවත් වීමයි. එයිනුත් කාළගුණයෙන් දේශගුණයෙන් හෝ මුදල නිසා මිනිසාගේ වටිනාකම පාවා නොදෙන ලක්ෂ ගණනක් රට තුළ තවමත් ජීවත් වීමයි. තුට්ටු දෙකට තම වටිනාකම හෑල්ලු කරගත් මහා ප්‍රතිරූපධාරියෝ ඉදිරියේ වචනයකින් හෝ ඇත්ත කතා කරන වඩුවා තනන්නේ පුටුවක් මේසයක් පමණක් නොවේ. එබඳු ගුරුවරයා සිසුන්ට ලබාදෙන්නේ දැනුම පමණක් ද නොවේ. එවැන්නන්ට නිසි සමාජ වටිනාකමක්, කරළියක් ලබා නොදී බල පොරයේ සිටිනා උන් පතුරුගසා අප සතුටු වූවාට සැබවින්ම එයින් අපට අද දක්වා වැඩක් වී ඇත්නම් ඒ දශමයකි.  සිදුවිය යුත්තෙන් හරියට දශමයකි. අපේ රටේ කලාවෙන් වන සමාජ බලපෑම වාගේය ඒ දේත්.  අපි හදා ගන්නා පොඩි ඉඩකඩෙන් පහළ මට්ටමේ ජවපොදි ඉහළට ඔසවනවා තබා අපි කරන්නේ  අපේම උන්ගේ විඥානය පුළුල් කරමින් එකතැන හිඳීමයි. එක් පාර්ශ්වයක් කොතරම් පුළුල් කරගෙන හිටියත් ගණිකා මඬමේ ලැග එන ස්වාමියා මර නින්දේ නම් එතැන සුජාත දරුවෙක් බිහි වන්නට පසුබිමක් නැත. පාලිතයන් සේම පාලකයන්ද නින්දෙන් අවදි විය යුතුය. රටේ පරම්පරා ගණනාවක් තුළ සුජාත භාවයෙන් තබා සහජාත භාවයෙන් වත් යහගුණය නූපදින්නේ එහෙයිනි. ඒ බීජ කිසිදා ගර්භගත වී නැත. සැබවින්ම වඳභාවය තිබෙන්නේ එතැනය. මෙහි සැබෑව නම් මේ රටේ ජන විඥානයේ දුප්පත්කම නොවේ. හීන වීර්ය යි. ඇත්තට නිදන එකා අවදි කළ හැකි වුවත් බොරුවට නිදන මහ උන්, උන්ගේ අපහසුවට මිස රටේ අපේ අපහසුවට නැගිටින්නේම නැත. පහසුවට ලේසියි ජීවිකාව පවත්වන්නට වැල යන අතට මැස්ස ගහන්නේ ඊට එකඟ නිසා නොව විරුද්ධ වී ජීවිතය අපහසු කර ගැනීමට ඇති අකමැත්ත නිසයි. එතකොට මේ සමාජ ප්‍රගමන මල් වට්ටියට අතගහන්නේ කව්ද? ඒවායේ නායකත්වය ගන්නේ කව්ද? සහ ඔවුන් එසේ කරන්නේ ඇයි? පැරණි ක්‍රමයේ ගම්බිම් පදනමේ රාශිගත වීම් ස්වභාවයක් නැති අද ඔය සේරම කෘතිම නායකත්වයන් වෙයි. එවිට නැවත ගමේ දේශපාලුවා ගමේ ස්වභාවික නායකයා වෙයි. පූජ්‍ය හෝ පූජක පක්ෂය ගමේ ස්වභාවික නායකයන් වීම බොහෝ කොට නාමිකත්වයටම වැටී ඇත. රාජ්‍යයේ බලය පාලකයාගේ පැවැත්ම පිණිස පමණක් සක්‍රීය වෙද්දී අප බල්ලාගේ කිනිතුල්ලා මෙන් පරපෝෂී වන්නට හදන්නේ පාලකයාගේ ඇඟේ එල්ලී හදා ගන්නා සබඳයකින් මිස අප වෙනුවෙන් පවතින රාජ්‍යයේ බලය සක්‍රීය කර ගැනීමෙන් නොවේ. අපි අහවලාගේ කට්ටිය කියා අහවලාගේ බලයේ කොටස්කරුවන් ලෙසින් රැකෙන්නට හදන්නේ එහෙයිනි. එසේ නැතිව රටේ පුරවැසියන් ලෙස පෙනී සිටීමෙන් පමණක් අපට රැකවරණය ලැබීමට නම් අපට හුදෙකලාවේ සටන් කරන්නට සිදුවේ. ඒ සටනට තවත් පුරවැසියන් එක් වෙද්දී එතැනත් උගත් පණ්ඩිතයෝ ගුරුකුල ප්‍රශ්න හදති. පිරිසක් ඉන්දියාවෙන් පැමිණ මිශ්‍ර වූ නිසාමදෝ බමුණන්ටත් වැඩි බමුණෝ මෙහේ සිටින බව කියන්නට සිදුවන්නේ එවිටය.
සාමාන්‍ය ජන විඥානයෙන් කළහැකි දේ එය පුළුල් වූවා කියා නොකෙරෙන්නේ එහෙයිනි. ඇත්තේ පහසු ජීවිතයේ රුචිකත්වය පමණි. අද බහුතර සිංහල බෞද්ධයා කොහොමත් සරල ජීවිතය පතන්නෙක් නොවේ. එබැවින් ඔය ජන විඥානය පුළුල් කිරීමට වඩා බෙල්ලට පිහියක් තැබීම, කඩුවක්, තුවක්කුවක්, බෝම්බයක් බොහෝ තැන්වලදී සාර්ථක වී ඇත්තේ මරණයට වඩා අපහසුව තුළ ජීවිතය හෝ ඉතිරිවන වාසිය පහසු ජීවිකාවේ රුචිය විසින් එහිදී මතු කරන බැවිනි.
එබැවින් අපහසු ජීවිත පහසුවෙන් ජීවත් කරවීම සඳහා හැදෙන ව්‍යාපෘතිත්, පහසු ජීවිත අපහසුවෙන් ජීවත් කරවීම සඳහා හැදෙන ව්‍යාපෘතිත් යන සංකීර්ණ බල සමීකරණ අතරේ සාධාරණ සරල සමීකරණයක් වන සාමාන්‍ය විඥානය යුක්ති සහගත බලසම්පන්න අවියක් කර ගැනීම අප වැනි මිනිස්සුන්ට මෙවැනි සමාජයක ජීවත්වීම උදෙසා එකම පිහිට 'වේ යනුවෙන් අවබෝධයට ගන්නට අපට සිදුවේ.

දුටුවෙමි !

පෝදා මෙදා හංදියේ

පන්සල අසල දන්සලේ

විහිළුයි ඔවුන් සිදු කළේ

බොහෝ අය එහි රැස් වුණේ

කෝල නැති කළ අක්කලා

සමඟ රැඩිකල් අයියලා

අප නොදන්නා බණ කතා

කියා දී පින් රැස් කළා

ගම්වල කොල්ලෝ කෙල්ලෝ

අවටත් කෙල්ලො කොල්ලෝ

සමඟ ඒ ගොල්ලෝ

වගෙයි මල්ලට ගැහුව ගුල්ලෝ

ජිවිතය ගැන විහිළුවෙන්

මරණය ගැනත් විහිළුවෙන්

රතිය රමණය විහිළුවෙන්

සතර අභිනය කවුළුවෙන්

තොරණකට වැඩියෙන් කතා

අද දන්සලේ පින් තකා

සමාජය එහි රැස් කකා

සතර අගතිය සිහි කළා

අන්ධරේලා ~ රේවතීලා

ජනතාවට විහිළු සපයන ආණ්ඩුවලට විහිළු සපයන ජනතාව හැර තවත් ජනතාවක් සිටීද

සිටී

ඒ රටේ සාමාන්‍ය ජනතාවයි

ආණ්ඩුවලට විහිළු සපයන ජනතාවට විහිළු සපයන ආණ්ඩු හැර තවත් යමක් තිබේද

තිබේ

ඒ රටේ රජයයි

ඒ රටේ සාමාන්‍ය ජනතාවටත් ඒ රටේ රජයටත් විහිළු සපයන ඒ රටේ තවත් ජනතාවක් සිටීද

සිටී

ඒ රටේ ජනතාවට විහිළු සපයන ආණ්ඩුවලට විහිළු සපයන ජනතාවයි

මගේ කොටස ඉටු කිරීම මගේ .. by රයිට් ඩවුන් කොමීඩියන් ෴

ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට විහිළු සපයන ජනතාවට විහිළු සපයන ආණ්ඩුවලට ..... සපයන ජනතාවට ... වලට ..

දේශපාලනය, විනෝදය හෝ අපහාසය සඳහා නොවේ.

හේතු ඵල සබඳතාව සමඟ විග්‍රහ කොට ගත හැකි නිත්‍ය, සතුටු, ආත්මයක් පෙන්වන්න ~ විචාරශීලීව හැදැරීම සඳහා

අම්මද තාත්තද වැඩිය අගේ

පුං ඡායා තමයි අගේ

අවතරණය තමයි හොඳටම කළේ

අපි ගුරුවරු නැති පරපුරේ

නෑ කිසිවක් අනතුරේ ?

ජාතිකාභිමානයට ~ විකල්පය එමමයි, එය ජාතිකාභිමානයයි (අවමානයෙන් බැහැර නොකළ යුතු රටක ජාතියක අභිමානය)

+  තියෙන්න ඕන එකක් බිංදුවෙනුත් පහළට වැටුණම  ඒ සමාජයේ තනි තනි මිහිහෙක් පවා ආතතියට ලක් වෙනවා. මොකද තනියෙන් අභිමානයක් නැති වුණත් රට ජාතිය සවිමත් නම් ජන මනසට ඒක අවියක්. අවුරුදු දෙක තුනක ඉඳන් ලාංකීය සමාජය ම ඉන්නෙ ඒ අවිය පත්තු වෙන්නෙ නැති තැනක. මේ කියන්නෙ ශ්‍රී ලාංකික බව මිස දේශපාලනික භාවිතා වේ එන ආරූඪ ජාති, දේශී හිතෛශී අව භාවිතයක් ගැන නොවෙයි. 

ඒ නිසාම මේ කඩා වැටීමේ හේතු සාධක සැලකීමේදී මජර දේශපාලනයට සෘජුව ඇඟිල්ල දිගු කරන අතරේ ඉතිරි ඇඟිලි එක එක  පාර්ශ්ව වලට දිගු වෙනව. හීනමානය දැඩිව ජාතිය වෙලා ගනිද්දි අපි හරි තැනට වගේම හිතෙන හිතෙන තැන්වලටත් බෝල පාස් කරන්නෙ දැනෙන පීඩනයෙන් ගැලවෙන්න. රැල්ලක කැරැල්ලක හැඩය ගත්ත අරගලයකිනුත් රට වැසි අපිට මේ පීඩනයෙන් ගොඩ එන්න දුන්නෙ නෑ. අපිව නැවත රාමුවටම ඇදල දැම්ම. මොකද්ද මේ රාමුවෙ තියෙන අවුල, සමහරෙක් අහනව. අපි අද ඇවිත් නතර වෙල ඉන්නෙ කොතනද කියල බැලුවොත් ඒකම තමයි ඒ අවුල. තව විදිහකින් කීවොත් කාලයට වගේම ශරීරයටත්  නොගැලපෙන ඇඳුමක් අපට අන්දල තියනව. ඒකෙ අපහසුව නිසා ගලවන්න හැදුවත් ඉඩක් නෑ. සමහර විට නිසි ඇඳුමක් හදා ගන්න තුරු ටික කලක් නිරුවතින් ඉන්න එක ඔය ඇඳුමට වඩා ජාතික දේහයට යෝග්‍ය වෙන්න පුළුවන්. නමුත් අපි තවමත් අණ්ඩ දමමින් ගොමස්කඩයක් ගත දවටා ගෙන පීඩනයකින් ජීවත් වෙනවා.
සමාජයකට අනවතරව ගලා එන පීඩන ප්‍රවාහයක් තුළ පවතින්න බෑ. මේ පීඩනය සමාජයට අවශෝෂණය කර ගන්න පුළුවන් කමක් නෑ. එතනදි ඇතැමෙක් ජීවිතය අතහරිනවා. ඇතැමෙක් සමාජය අත හරිනවා. තවත් අය පීඩන ප්‍රතිරෝධයන් හදා ගන්නවා. ආන්ඩුවට දක්වන දේශපාලන විරෝධය වගේම සමාජ කල්ලි, කාණ්ඩායම්, නායකත්ව දරණ විවිධ කොටස් වලට ඇති වන විරෝධයත් ඒ ආකාරයි. එහිදී ඒ ප්‍රතිරෝධයන් යුක්ති සහගත වෙන මෙන්ම නොවන අවස්ථා පවතිනවා. ජාතිය, ආගම, සංස්කෘතිය හැම එකක්ම කුල්ලට, පෙනේරෙට වැටෙන එක හොඳ වුණත් කුල්ලට දැමිය යුතු දේ පෙනේරයටත් පෙනේරයට දැමිය යුතු දේ කුල්ලටත් වැටුණොත් වෙන්නේ සමාජ වටිනාකම් තවත් ටිකක් වේගයෙන් විනාශයෙන් විනාශයට යාම පමණයි.
මෙතනදි මමත් ස්ටෑන්ඩ්අප් , සිට්ඩවුන් හෝ රයිට්ඩවුන් ලෙස ප්රකාශ කළ යුතු යමක් තිබෙනවා. එය විහිළුවක් හෝ යථාර්තයක් වන්නේ ජන සමාජයේ ප්‍රතිපෝෂණය අනුව.
එය යෝජනාවක් ලෙස ඉදිරිපත් කරන්නට මම කැමතියි.
ඒ තුළ මේ බොහෝ දේ සමබරව රැකගෙන සමාජයක් වශයෙන් ඒකරාශීව රට, ලෝකය ඉදිරියට තල්ලු කර ගන්නට දිය හැකි අලුත් යමක් තියනවා ද යන්න ඔබ තීරණය කළ යුතුයි. 😀
අපි නටමු, තුටින තුටින ගීත ගයාලා .. !
ජාතික අරගල වලින් සමහන් නොකළ ජන පීඩනයට දැන්වත් නිදහසක් දෙන්න. රටට ජාතික නර්තනයක් හඳුන්වා දෙන්න. ජාතික ගීයේ අරුත්බර වචන එක්ක හිතට එකඟව සීරුවෙන් හිර කරගෙන ඉන්න බැරි ජාතික හැඟුම් වලට නිදහස් වන්නට ඉඩක්. පිටකෙරෙන  පීඩනය හොඳම විදිහට උරා ගන්න ජාතියටම ඉඩක් දිය යුතුයි. ස්ට්‍රෙස් නැති කර ගන්න කාමර ශාලා අස්සෙ නටපු නටන මිනිස්සුන්ට ජාතියක් වශයෙන් නටන්නට ඉඩක් හැදිය යුතුයි. ඒක රටක ජාතියක භාව විශෝධනයක් වේවි. මානුෂීයව වගේම ධනාත්මකවත් රටක රාජ්‍ය මට්ටමේ කාර්ය බාරයක් ලෙස කතිකාවට ගත යුතු දෙයක්.
සීරුවෙන් කියන ජාතික ගීයට උපරිම ගෞරවයෙන් යුතුව එතැනට ජාතික නර්තනයක් ආදේශ කර බලන්න. ලාංකීය ජාතියක් වශයෙන් අපිට දිනපතා නිල වශයෙන් නැටිය හැකි නැටුමක්. පාසලේද, ආයතනයේද, උත්සවයක ද බේදයකින් තොරව එකට නටා ජවයෙන් අරඹන දවස, ඒ දවස කොතරම් ප්‍රීතිමත් වේවිද, සුන්දර හා ප්‍රබෝධමත් වේවිද, නිර්මාණශීලි වේවි ද ? ඒ හිතිවිල්ලත් කොතරම් ප්‍රීතියක්ද :! එහෙම නොවෙයි ද අලුත් ලොවේ අපේ අභිමානය අපි රැක ගත යුත්තේ. එය නොවෙද ජන විඥානයේ හැබෑ ප්‍රතිව්‍යුහගත කරණය. සිත ගත මනස ලෙස එක මිටකට ගෙන රටට හයිය හදන විදිහ.😀
අපි නටමු, තුටින තුටින ගීත ගයාලා .. !
මතක තියා ගන්න ජන අරගලයකින් පසු ජනයා ප්‍රතික්‍ෂේප කළ කෙනෙකුට ජනපති වෙන්නට හැකි රටක ජාතික නර්තනයකින් ජාතියක අහිමානය නැංවීම පමණක් නොව රටම වුව වෙනස් කළ හැකි බව !

රට කෑමෙන් පසු අතුරුපස සූදානම්!💩

සිංහල කයිවාරුවෙන් බංකොලොත් කළ රට ඉංග්රීසි කයිවාරුවෙන් ගොඩදැමිය හැකි යයි කලු සුද්දෝ හිතති. 

හොරු බොරු, වංචාකාරයෝ එහෙමම තබා ගෙන අයි එම් එෆ් සුදු රෙද්ද ඇඟ දවටාගෙන පිළිවෙතින් පෙළ සැදෙති. 

බලයෙන් ජවයෙන් ශක්තියෙන් දුර්වල දුර්මුඛ පරම්පරාවක් නිර්මාණය වෙමින් පවතිද්දී රටේ ආර්ථිකය සාමාන්‍ය තත්වයට පත් වෙමින් තිබෙනවා යයි කියති.

ඒ අනුව අනාගතයේ නාකි තිරිහන්ව සංවර්ධිත රටේ මිනී පෙට්ටියක් තුළ සිය ප්‍රතිලාබ භුක්ති විඳිද්දී තරුණයෝ රෝගීන්ව  රෝහල්වල ගෙවන වාට්ටුවක තම තාරුණ්‍ය විඳවනු ඇත.

එහෙම කාපු රටක අතුරුපස මෙහෙම තමා, අපි මක්කොරන්නද ... මජර දේශපාලකයින්ට කඩේ යන හපුටු තක්කඩි මිසදෙටුහිතෛශී හිපාටුවන් එවිට කියනු ඇත.

හෙව්වා තමා ~ අතික්‍රමණයත් කළා (මෙරු වෙත මෙතිනි ~ නොදැන කළ වරදකි)

බුදුන් හෙව්වා පාරුවක්

මහ ගඟකින් එතෙර වන්න

බුදුන් හෙව්වා ආලෝකයක්

මහ රාත්‍රියේ මග වඩින්න

බුදුන් දෙසුවා ධර්මයක්

පාරුව සේ මහ සසරින් එතෙර වන්න

වදාළා 'එපා එතෙරව පාරුව කරින් ගෙන යන්න'

බුදුන් පෙන්වුවා නිවන

ආලෝකයේ වේගයෙන් හැකිනම් ලබාගන්න

එපා නිත්‍ය නැති, ලයිට් ගියාම දුක් ඇති, දීප්තිය හැර කිසිත් නැති ආලෝකයෙන් ගිනිකන වැටෙන්න

🆒

දැන් පුරුද්දට ගිහින් !!

ධර්මය පසෙකලා ශාස්තෘ ප්‍රවර්ධනය කරන පූජකයන්ට, නායක ප්‍රතිරූපකයන්ට, ව්‍යාපාරිකයන්ට යටත් නොවුනා නම් අපි අදටත් ශික්ෂිත ජාතියක් !

🆔

 

🆓

 

වික්‍රමසිංහලා දෙන්නයි, ගියේ දෙමග යි ෴ බසේ වීරයා හා දෙසේ පාලුවා

අයෙක් නූගත්,

අනෙකා උගත්:

නූගත් බුද්ධිමතා ජන විඥානය ඔප දැම්මා, පරම්පරා ගණනක් ප්‍රඥාවෙන් හැඩ කළා.
උගත් තක්කඩියා ජන විඥානය වළ දැම්මා, පරම්පරා ගණනක් අවඥාවෙන් කැත කළා.
නූගතා තුන්කල් බැලුවා, තනිව හැදෑරුවා
උගතා තනිව කල් බැලුවා, එකතුව ඩීල් දැම්මා
නූගතා පොත් ලියුවා, රටට ඉතිරි කළා
උගතා පොත් පෙරලුවා, රටම ණය කළා
නූගතා උගතුන්ගේ, රටේ දරුවන්ගේ ගුරුවරයෙක් වුනා
උගතා හොරුන්ගේ රට කපටින්ගේ මහ මොළකරු වුනා
නූගතා මිය ගිය මුත් ජන හදවත් අතර අදටත් ශ්‍රේෂ්ඨයෙක්ව ජීවත් වෙනවා
උගතා ජීවත් වෙමින් මුත් මළ ගිය පරාණයක් මෙන් ජන හදවතෙන් දිනෙන් දින දිය වෙනවා

(ඉනි කැපුවා තමා ~ ඔක්කොම දැම්මේ ගඟට ~ අදටත් එහෙමයි, 2048 ඉනි ටික ගඟ දිගේ ලැබෙයි, එදාට ගහන්න වැට රට වටේ, රැක ගන්න මේ මුතු ඇටේ ~ ජීවතුන් අතර හිටියොත් එදාට රට කරන්නෙ නාකි අපියි)

හිත ~ ප්‍රතිව්‍යුහ ~ ගත ~ කරනවා (දෙන්, මට නින්ද යනවා. දෙන්, රට දියුණු වෙනවා)

ජාතිය ප්‍රතිව්‍යුහගත කරනවා

ජන්මය ප්‍රතිව්‍යුහගත කරනවා

ආගම ප්‍රතිව්‍යුහගත කරනවා

කලු තර ප්‍රතිව්‍යුහගත කරනවා

සුදු කෙට්ටු ප්‍රතිව්‍යුහගත කරනවා

ප්‍රතිව්‍යුහ ප්‍රතිව්‍යුහගත කරනවා

රතිව්‍යුහ ප්‍රතිව්‍යුහගත‍ කරනවා

ප්‍රතිව්‍යුහ ජානගත කරනවා

පරණ යකඩ වලට අලුත් බේසමක් දෙනවා

අප යෝජන කරන්නන්..

දරුවන් අපයෝජනයට..

පුරවැසියන් අපයෝජනයට..

රට අපයෝජනයට 

ලක් වෙද්දී

අප නියෝජනය කරන්නන්..

හොරා ~ පොලිස්

ජනතාව

පොලිස්

ආණ්ඩුව 

හොරා

සෙල්ලම

පොලිස් ~ හොරා

දේශපාලන බල මජර වෛරසයට එරෙහි වූ (9 ~ ප්‍රති මජරත්ව සටන)

එදා මෙදා මිනිස් ඝාතන සංස්කෘතියක් මේ ධර්මද්වීපයේ වීද ඊට වඩා මිනී කාක්කන්ගේ සංස්කෘතිය අද වඩා සාමාන්‍යකරණය වී ඇත. දේශපාලනික අර්බුධ, සමාජ අර්බුධ ඊටත් මෙහා පුද්ගලික අර්බුධ මත සිදු වන ඝාතන ආදී වශයෙන් පවා මරණ විකුණමින් යැපෙන මිනීකාක සංස්කෘතිය අද හරි සරලය. 

මිනිස් ජීවිතයක වටිනාකම මෙපමණට හෑල්ලු වූ මාර සංස්කෘතියක් මේ ධර්මද්වීපය තුළ වැඩුනේ කාගේ කාගේ වරදින්ද?

මහජන විරෝධතාවයකට ගිනි තබා දේශපාලන වෛරයන් අවුලුවා අනිසි භීෂණයක් නිර්මාණයට මුල පුරා තමන් විසින්ම කැපූ වලේ ඇද වැටුණු සහෝදර මිනිසෙකුගේ මාංශය කිඹුල් කඳුළු සමඟින් අදටත් අනුභවයේ යෙදෙනුයේ නම් ඒ නියම මජර දේශපාලන කපුටන් ය.

මෙයින් ගැලවෙන්නට දරණ යම් උත්සාහයක, අරගලයක දිශාව පවා නැවත සිය සුපුරුදු මජර දේශපාලනය වෙත යොමු කරවා ගන්නට තරම් ඔඋන් දුෂ්ඨත්වයෙන් හා මුග්ධත්වයෙන් සවිමත් නම් අද රටට වින කරන සැබෑ ත්‍රස්තවාදය කුමක්ද, එය පවතින්නේ කොතැන ද, කවරාකාරයෙන්ද යන්න වඩා පැහැදිලිය. 

රාජ්‍ය කරවන උන් විසින් නැවත නැවතත් සකසන පෙර මංපෙත් තුළ යළි යළිත් පෙනෙනුයේ මෙරට ජන සමාජය ගිල ගත් මජර දේශපාලනය මුල් කොට ගත් නරුම සංස්කෘතිය ඔසවාලන විනාශකාරී ගමන හා එහි තරම නොවේද?

රටෙහි විනාශය උදාවී ඇත්තේ ආර්ථිකයක පමණක් නොවේ. සියළු සමාජ සංස්කෘතික අධ්‍යාපනික පද්ධතීන්ම දෙදරා නාය යමින් පවතී.

තවමත් සිය මජර බවට එරෙහි අරගලයේ පිළිබිඹුවට බුරන, නන් දොඩවන මුග්ධ දේශපාලක ප්‍රතිරූපධාරියෝ මීලඟ බල දඩයම පිළිබඳ සිහින මවමින් සිටිති. බල ගේමට පාර කපති, තාර දමති.

ආත්මාර්ථී දේශපාලන මජරත්වයෙන් අත් දුටු විනාශයේ මීළඟ අදියර අත් විඳින්නට සිදුවන්නේ ආත්මාර්ථී පුරවැසි මජරත්වය මතයි.

රට ගලවා ගැනීම සබුද්ධික පමණක් නොව එකමුතු, සවිමත්, සක්‍රීය ක්‍රියාවලියක් විය යුතු වන්නේ එබැවින්ය. වාද බේද විරහිතව පළමුව මේ මජර සංස්කෘතිය මෙරටින් තුරන් කළ යුතු ය. එසේ නොකොට කිසියම් සරු බීජයක් මේ නිසරු පසෙහි ඵල දරන්නට යළි ඉඩක් ඇත්තේම නැත. තවදුරටත් සරු බීජ පවා බිහි නොවනු ඇත! හිස් කාන්තාරයක මිරිඟුවක් පසු පස ලුහුබඳින්නන් බවට අප පත් වනු ඇත.

🌏

තුරු ලතා ළපටි වියේද තුරුණු වියේද මහළු වියේද ගුණ රුවින් එක සේ සුන්දරය. අනිත්‍ය මැදිහත්ව දකින්නට ඒ රූ අනගි උවම් මැව් සිත්තම් ය.

❄️

වචන නාස්තියක් / කාලය නාස්තියක් පමණි!

මජර දේශපාලනය අහවර වන තුරු / අහවර කෙරෙන තුරු රටේ අනෙතුත් මජර ව්‍යාපෘති කිසිවක නිමාවක් හෝ රටේ තිරසර සංවර්ධනයට අදාළ කිසිවක් සිදු නොවේමය. නැවත නැවතත් රස්තියාදුව පමණි.

අවබෝධයෙන්, උපේක්ෂාවෙන් ඊට මුහුණ දීම යනු මේ මජර ක්‍රමවේදයට යට වීමක් හෝ අනුබල දීමක් කර නොගන්න. මජර ක්‍රමය නඩත්තුව පිණිස ඔබේ ඡන්දය වෙනුවෙන් ලබාදෙන අල්ලසට යට නොවෙන්න.

නිවටකම , චෛරය පසෙකලා සෘජු බවින් සවිමත් වෙන්න : ඔබට ජය!

🌀

 මජර යකුන් එලවන යකදුරන් මිස

යකා වැහී නටනා උන් මොකට තව

නිධන් පිරුණු රට උගසට සින්න කළ

නායකයින් වඳින්ට ගාථා නැති ද

ඔඋන්ගේ මජර කමත් බහුතරයාගේ අන්ධ විශ්වාසයත් අතර ~ රට දෙපයින් දණිස්සෙන් මුනින් තලා වී ඇද වැටිණ !

දශක දෙකක් ආපස්සට හැරෙන තැන මහජන ඡන්දෙන් අගමැති වූ රනිල් ය. දශකයක් ආපස්සට හැරෙන තැන තිස් අවුරුදු යුද්ධයක නිමා වේ අභිමානය සමරමින් හුන් මහින්ද ය. ඊයේ වන විට මහජන ඡන්දයෙන් ම රනිල් හුන්නේ ගෙදරය. මහින්ද අනුප්‍රාප්තිකයා වශයෙන් ගෝඨාභය රට බාරගෙන සිටියේ ය. නිකම් නොවේ, තුනෙන් දෙකක පාර්ලිමේන්තු බලයක් ද සහිතවය. 

අද මහින්ද, ගෝඨාභය තනතුරු අතහැර රනිල් ඔවුන්ගේ තේරීම බවට පත්ව ඇත. (ඔය දශක දෙක අතරින් පතර හිටියේත් අලුත්/අමුතු පිරිසක් නොවන කොට) අද වන තෙක් අපේ පරමාධිපත්‍ය බලය යෙදී ඇත්තේ කොහාටද? කපුටාට ද? ඉබාගාතේ රට ඇදෙන ගමන වෙනස් කිරීමට ජන බලය බලපෑමක් නොවේ නම් ජනතා පරමාධිපත්‍ය යනු කුමක් ද? එසේ නොමැති නම් බලතණ්හාදිකයන් බලවත් කොට අත්පත් කර ගත් විනාශයන්ට වගකිව යුත්තේ බහුතර ජනතාවම ය. දෙපයින් දෙදණින් මහ මග මත ඇද වැටුනේ බේබද්දෙක් නම් ඔහුට මුනින්තලා වී ඇද වැටීම තබා ඇද වැටුණු තමාගේ මුහුණ  ඉව කොට කකුල උස්සා සුළු දිය හලන සුනඛයාගේ සංග්‍රහයත් දැනෙන්නේ දේදුනු වර්ෂාවක් ලෙසින් නම් බංකොළොත් රටක ඉරණමත් ඒ ලෙසම බාර ගනිත්වායි වසර විස්සකට පෙර සතළිස් වියැති අද හැට සපුරන මුත් තවමත් වැල යන අතට මැස්ස ගහන පුර වැසියන්ට විශේෂයෙන් ආශිංසනය කළ යතුය.

🌐

 කොන්ද්සි විරහිතව සොබා දහමට ප්‍රේම කරන්න 💚💜

හිප් හිප් හූරේ !

ජාත්‍යන්තර මූල්‍ය අරමුදල

මජර දේශපාලනය

ප්‍රති ත්‍රස්ත පනත

සමඟ

සුබ අනාගතයක් !

අපි වෙනස් ලු ~ ඒක නොවෙනස් ලු ~ ?

බංකොලොත් මුහුණට මේකප් දමමු !

බංකොලොත් රටකට වියපත් මුහුණු !

 

මජර දේශපාලනයට හැදෙන අනාගත හීනය !

රටේ තාරුණ්‍යයට හැදෙන අනාගතය හීනය !

බලවත් ධනවත් තක්කඩි ස්වාධීනය !

උගත් වියත් නීතිගති ස්වාදීනය !

ලක් රට අවාසනාව ද ?

පෙලක් රට වාසනාව ද ?

අපේ උණ්ඩ ~ කාගෙවත් 1/4තුවක්කු ~ තියන්නෙ අපිට මයි!

දේශපාලන බල මජරත්වයේ මානසික බර අවිය ~ ජන මනස තුළ ස්ථාපිත ස්කිමාවකි. අපි ම දමාගත් ලෙඩ කි. අප 'ඵලය' මිස 'හේතු ව' නොවෙයි ~ නිරන්තර අප විසින්ම අපේ ඔලුවට දමාගත් මුළාව එයයි. 

එලෙසම දේශපාලකයා මෙහෙම හිතනවා. අපිව පත් කළේ ජනතාව. ඒ අනුව හේතුව ජනතාව. ඵලය තමා අපි, වැරදි නම් ඇයි බලය දුන්නේ..

මජර දේශපාලනයට ඒක හොඳ තර්කයක්.

එතකොට බලය සම්බන්ධ කාරණයේ දී ~ ජනතාව ~ අපි බලය දුන්නා, වගකියපල්ලා කියන අතරේ

දේශපාලකයා ~ ජනතාව අපිට බලය දුන්නා, කරන්න දීපල්ලා කියනවා.

අවසානෙදි වගවීමත් නෑ. කෙරෙන දේකුත් නෑ. කාලය කනවා, මැති ඇමති තණ්හාව මෝරනවා, ඩීල් දැමෙනවා, රට කාලකණ්ණි වෙනවා. ආයෙ බැට කනවා.

එහෙනම් ඇයි අපි අපට වගනොකියන ඔඋන්ව තෝරා ගන්නේ. ඉදිරිපත් වෙන්නෙ එක ම පිරිස් වෙන්න පුළුවන්. ඒත් ඇයි මජර අයවත් බොහෝ විට ප්‍රතික්ෂේප නොවෙන්නේ. ඒකයි මා න සි ක හු රු ව.  අපි බබාලා ගැඹුරින් හිතන්නෙ නෑ ප්‍රතිඵලය තීරණය කෙරෙන හේතුව අපි කියලා. නැත්නම් අහිංසක වැඩි කමට තීරක අයිතිය පවා දීලා. සල්ලි වලට විකිණිලා, අල්ලසකට යට වෙලා.

ඉතින්, ඇත්ත හේතුව ~ අපි, ඵලය ~ ඔඋන්. එනිසා අප විසින් නිවැරදි ප්‍රතිඵල උදෙසා හේතු සම්පාදනය නොකෙරෙන තාක් හොරු /තක්කඩි /වනචර /මජර පිරිස් තම දක්සතා තුළින් අපි දුන් බලය ක්‍රියාවට නඟනවා. ඒ ඉසව් වලින් රට මෙපමණ දියුණුවට ගමන් කර ඇත්තේ ඒකයි. වෙමින් පවතින්නේ එයයි. 

දෙකෝටියකට වඩා එකෙක් බලවත් වෙන්නෙ විධායක කම නිසාම නොවෙයි. ජන අරගලයෙන් පුළුල් කර ගත් ජන මන ස්කිමාව ආපහු පරණ දේශපාලන තැටියටම අකුළගත් නිසා : ඒ තැටිය වාදනය වෙනකම් රටම විකුණුවත් අපි එකම තැනමයි. එයා මෙයා කරයි, ණයට කරයි, පිනට ලැබෙයි කියල හිතන කම් ජනතාවත් රටත් අසරණයි. මජර දේශපාලයේ බර අවිය ක්‍රියාත්මක වෙන්නෙ එහෙමයි. ඒකට උන්ඩ දෙන්නෙත් ගොදුරු වෙන්නෙත් අපිමයි!

අරුතක් සහිත ජීවිතයක් හොයන්න නම් අවම වශයෙන් අවියත් උණ්ඩත් ගැඹුරු මුහුදේ ගිල්විය යුතුමයි. හතර වටේම මුහුද නිසා අවි බර උනත් හරියට උත්සාහ කරොත් ඒක එච්චර අමාරු වෙන එකක් නෑ ! කවුරුත් එකතු වෙලා කරොත් බර තවත් හෑල්ලු වෙයි: අපිත්, රටත් හෙට ට ඉතිරි වෙයි !

ඔඋන්ගේ ආදරය බලයට ය. රට හෝ ජනතාව ඔඋන්ට අදාළම නැත.

දේශපාලන බල මජරත්වයේ මානසික බර අවිය ~ ජන මනස තුළ ස්ථාපිත ස්කිමාවකි. අපි ම දමාගත් ලෙඩ කි. අප 'ඵලය' මිස 'හේතු ව' නොවෙයි ~ නිරන්තර අප විසින්ම අපේ ඔලුවට දමාගත් මුළාව එයයි. 

එලෙසම දේශපාලකයා මෙහෙම හිතනවා. අපිව පත් කළේ ජනතාව. ඒ අනුව හේතුව ජනතාව. ඵලය තමා අපි, වැරදි නම් ඇයි බලය දුන්නේ..

මජර දේශපාලනයට ඒක හොඳ තර්කයක්.

එතකොට බලය සම්බන්ධ කාරණයේ දී ~ ජනතාව ~ අපි බලය දුන්නා, වගකියපල්ලා කියන අතරේ

දේශපාලකයා ~ ජනතාව අපිට බලය දුන්නා, කරන්න දීපල්ලා කියනවා.

අවසානෙදි වගවීමත් නෑ. කෙරෙන දේකුත් නෑ. කාලය කනවා, මැති ඇමති තණ්හාව මෝරනවා, ඩීල් දැමෙනවා, රට කාලකණ්ණි වෙනවා. ආයෙ බැට කනවා.

එහෙනම් ඇයි අපි අපට වගනොකියන ඔඋන්ව තෝරා ගන්නේ. ඉදිරිපත් වෙන්නෙ එක ම පිරිස් වෙන්න පුළුවන්. ඒත් ඇයි මජර අයවත් බොහෝ විට ප්‍රතික්ෂේප නොවෙන්නේ. ඒකයි මා න සි ක හු රු ව.  අපි බබාලා ගැඹුරින් හිතන්නෙ නෑ ප්‍රතිඵලය තීරණය කෙරෙන හේතුව අපි කියලා. නැත්නම් අහිංසක වැඩි කමට තීරක අයිතිය පවා දීලා. සල්ලි වලට විකිණිලා, අල්ලසකට යට වෙලා.

ඉතින්, ඇත්ත හේතුව ~ අපි, ඵලය ~ ඔඋන්. එනිසා අප විසින් නිවැරදි ප්‍රතිඵල උදෙසා හේතු සම්පාදනය නොකෙරෙන තාක් හොරු /තක්කඩි /වනචර /මජර පිරිස් තම දක්සතා තුළින් අපි දුන් බලය ක්‍රියාවට නඟනවා. ඒ ඉසව් වලින් රට මෙපමණ දියුණුවට ගමන් කර ඇත්තේ ඒකයි. වෙමින් පවතින්නේ එයයි. 

දෙකෝටියකට වඩා එකෙක් බලවත් වෙන්නෙ විධායක කම නිසාම නොවෙයි. ජන අරගලයෙන් පුළුල් කර ගත් ජන මන ස්කිමාව ආපහු පරණ දේශපාලන තැටියටම අකුළගත් නිසා : ඒ තැටිය වාදනය වෙනකම් රටම විකුණුවත් අපි එකම තැනමයි. එයා මෙයා කරයි, ණයට කරයි, පිනට ලැබෙයි කියල හිතන කම් ජනතාවත් රටත් අසරණයි. මජර දේශපාලයේ බර අවිය ක්‍රියාත්මක වෙන්නෙ එහෙමයි. ඒකට උන්ඩ දෙන්නෙත් ගොදුරු වෙන්නෙත් අපිමයි!

අරුතක් සහිත ජීවිතයක් හොයන්න නම් අවම වශයෙන් අවියත් උණ්ඩත් ගැඹුරු මුහුදේ ගිල්විය යුතුමයි. හතර වටේම මුහුද නිසා අවි බර උනත් හරියට උත්සාහ කරොත් ඒක එච්චර අමාරු වෙන එකක් නෑ ! කවුරුත් එකතු වෙලා කරොත් බර තවත් හෑල්ලු වෙයි: අපිත්, රටත් හෙට ට ඉතිරි වෙයි !

කණින් අල්ලා දොට්ට දමමු ~ රට පාලු කල රිළව්

නාකි දේසපාලුවන් බල මජරත්වයෙන් තිරිහන් වෙද්දී තාරුණ්‍යයේ ජීවිත කළකිරීමෙන් වියපත් වීම යනු කකුල් දෙකේ පනින රිළවුන්ට හිණිමං සේවය සැපයීමකි.

A මජර පාලනයේ ගෙල සිඳන තෙක් ! (A මජරයින්ට බිලි ඕනෑ වේ)

මජර පාලකයෝ නින්දිතය

උන් හැම විට තම බලය රැක ගැනීම වෙනුවෙන් නින්දිත උපක්‍රම භාවිත කරති

නින්දිත කම වන්දනීය බවට පත් කොට ඒ වන්දනාවට සිද්ධස්ථාන ඉදි කොට ඒ දේවාල වල නන්දනීය දෙවිවරුන් ලෙස තමන්ගේ පිළිම තනවා ඊට වන්දනාමාන කරවා ගැනීම ඔවුන් දශක ගණනාවක් මෙහේ කළ දේශපාලනයයි

මේ බිමට සමතලා කරනු ලැබූ ඒ මජර දේවාල ආපහු ගොඩ නඟන කාලයකි

කපුවෝ ආරූඪ වී ඒ මජර භාෂිතයෙන් දොඩවන කාලයකි

එක් මිත්‍යාවකින් මිදුණු මිනිසුන්ට සැනසීමේ පිළිවෙතක් වෙත යාමට අවස්ථාව නොදී යළි ඒ මිත්‍යාවටම ඇලෙන තෙක් කාලය මරණ කාලයකි

A මජරත්වයේ ගෙල සිඳිනට ගිය මිනිසුන් ලවාම මානුෂ්‍යත්වයේ ගෙල සින්ඳවමින් යන කාලයකි !

ප්‍රවේශම් වන්න, A මජරත්වයේ බිල්ලෙක් හෝ බිල්ලක් නොවන්නට.

225 සන්සුන් පා. එකේ, (පතිව්‍යුහගත කළ උත්තරී තර පොට් එකේ)

බුරුව ගහන්ට

සූදු කෙළින්ට

පච හලන්ට

ආතල් ගන්ට සහ දෙන්ට පමණයි, 

මෙයින් මතු වැරදිලාවත් වැදගත් වැඩ බෑ. හිතට එකඟව වැඩ කළොත් වැඩ තහනම්: පෙන්සනුත් නෑ.

🙏

 

නැහෙන මග ලකුණු!

ඌ මේක් අප් කරා ~ මෝල් ගහ ප්‍රතිව්‍යුහගත කළා! කවුද මේ ත්‍රස්තයා ~ ඌ නොවෙද සර්පයා! (මේ ගමනේ දී ජාතියේ චින්තනය සාධනය කෙරෙන වග නම් හරිම පැහැදිලියි නේද? / කපුටා සුදු වෙලා! මෝල් ගහේ දළු ඇවිත්!)

කලු කපුටා සුදු වෙන තුරු
මෝල් ගහේ දළු ලන තුරු
එකසිය විස්සට දෙසිය විස්සක්
ආවාඩා ආයුබෝ වේවා !

බලාපොරොත්තු වුනේ කලු කපුටා සුදු වේවි වත්, මෝල් ගහේ දළු ඒවි වත් කියලා නෙවෙයි ආයුබෝ වන්ඩ,
එකසිය විස්ස දෙසිය විස්සට නොයන බව අපි නොදන්නවායැ.
නිදුක්ව නිරෝගිව බොහෝ කාලයක් ඉන්ට, ආයුෂ බොහෝ වේවා ...  දීර්ඝ ආයුෂ වේවා කියන කාරණේ තමයි ඔය නොසෑහෙන්ට බර තියල ප්‍රාර්ථනේ කොලේ.
ඕක නොවැ සරලවම අපේ චින්තනේ. ජාතියේ හැටි.
නමුත් අපේ ජාතියේ පිනට පහළ වුණු පාලක උතුමන්ට අපේ අවසන් ප්‍රාර්ථනේ නොතේරුණත් පළවෙනි කාරණා දෙක නම් හොඳටම තේරිලා තියනව.
අනේ වාසනාවන්! ගැරඬින්ට කියල ඉතිං අං එන්ඩයැ! හැව අරිනව මිසක.
අපිට තියෙන්නෙ ඉතිං සතා සරුපයා තේරුං අරං විෂ ඝෝර සර්පයා දැක නෑර මෝඩයා කියල කිව්වත් වගේ කිරි පොවන්ඩවත් රෙද්ද අස්සෙ දමා ගන්ඩ ගන්නෙවත් නැතිව විමසිල්ලෙන් වැඩ කරන එක තමා. මොකද විෂ ඝෝර සර්පයා නැසිය යුතු විදිහ පොල්ලෙන් ගහල නෙවෙයි කියලනේ ඔය කියල තියෙන්නේ.
තණ්හාව, තෘෂ්ණාව, බල තණ්හාව නේ.. ආයෙත් තණ්හාව, දිගටම තණ්හාව වෙන මොනවද ?
ඉතිං ඔය මොන මොන සර්පයත් ඇති වන හේතු නැති කරල දාන එකයි ඒ අනුව අපිට නම් කොරන්ඩ තියෙන්නෙ.
ආයුබෝ කිව්වෙ ඉතින් මැරෙනකම් සතුටින් ඉන්න මිසක, තණ්හාවෙන් බදාගෙන ඉන්න නෙමෙයි ඕං !

(බල තණ්හාව නැමැති ත්‍රස්තයා නොහොත් සර්පයා හිඳින්නේ කා සමඟ ද ? ජනයා සමඟ ද ,  පාලකයා සමඟ ද ? ඒ සර්පයා දමනය කළ යුත්තේ පාලකයා ද ජනතාව ද ?)

පරතෙරට උගත් පාඩම් !

කමිටුවක් දැම්මා
කොමිසමක් පත් කෙරුවා
වාර්තා ගොඩ ගැහුවා
භූමදානය ආදාහනය නිවන් මොක් සුව පැතුවා

ප්‍රති දේශපාලනීකරණ පනත එන්නේ ප්‍රති ත්‍රස්ත පනතට කලින් ද?

මහජනයාගේ චින්තනයටත්, වින්දනයටත්, බඩගෝස්තරයටත්, නිදහසටත්, ජීවත් වීමේ අයිතියටත් බාධා කරමින්  බලය හොබවන දේශපාලකයින් විසින් සිදුකරණ අනවශ්‍ය මැදිහත්වීම්, අතපෙවීම්,  බලපෑම් වැළැක්වීම අරමුණු කරගෙන ඔවුන් අඩංගුවට ගැනීමට, රඳවා ගැනීමට, ප්‍රශ්න කිරීමට මැති ඇමති බේදයකින් තොරව ඔවුන්ට නඩු පැවරීමට බලතල ලබා දෙන -

දේශයක අභිමානයේ හිස සින්ඳ පසු දේශාභිමානී ගීත යනු,

ආතල් එකක් ද? 

ආත්මානුකම්පාවක් ද?  

අතීතානුස්මරණයක්ද? 

තවත් ගීත විශේෂයක් පමණක් ද?

තවදුරටත් සංකල්පීය අභිමානය රඳවා ගැනීමට භාවිත කළ හැකි මෙවලමක් ද?

දේශයක අභිමානය පිළිබඳ ගවේෂණයට මුලාශ්‍ර සොයා යාමට උපකාරී වන උත්ප්‍රේරක ද?

රාජ්‍යට ගැලපෙන ලෙස ප්‍රතිව්‍යුහගත කොට සංවර්ධනාත්මක ප්‍රතිලාබ තුළ ඉදිරියට පවත්වා ගත යුතු සේවාවක් ද?

තහනම් කළ යුතු ත්‍රස්තවාදී විලාපයක් ද?

කළු සුද්දාගේ අවතාරේ ! සහ අපේ ප්‍රජාතන්ත්‍ර වාදේ ! (සොම්බි චිත්‍රපටයක්)

පළමු ජවනිකාව  ~

අධ්‍යාපනයේ සිට රාජ්‍යයේ සළකුණේ සිට අපේ ප්‍රකාශනය ~ ජාතියේ මහා වංශේ.

දෙවන ජවනිකාව ~

අපේ කෙටි ජීවිත කාලය පුරාවට සාධාරණය, යුක්තිය, සමානාත්මතාව, දියුණුව, යහපාලනයන් පිළිබඳව ~ පැවති සියලු ආණ්ඩු අසමත් වෙන හැටි.

තෙවන ජවනිකාව ~

යුද්ධ සටන් ජය ගත් වීරයෝ.

එහෙම ආණ්ඩු ආ ගමනේ කෙළවර ~ රාජ්‍ය බංකොළොත් වෙන හැටි.

විවේකය ~ 

මිනිස්සු නැගිට්ටා අවශ්‍ය කරන දෙයක් හොයාගෙන, පීඩනය පිට කළා. බෙල් එක වැදුනා. ආයෙ ඇවිත් ඉඳගත්තා. එහෙමත් අරගලයක්.

ඊලඟ ජවනිකාව ~

මහා ජන නැගිටීම ප්‍රධාන නළුවා වෙනස් කළා.

ප්‍රජාතන්ත්‍රවාදය හා අරගලය අගයමින් ජවනිකාවේ නොසිටි නළුවෙකු ප්‍රධාන භූමිකාව ආක්‍රමණය කරයි.

බංකොලොත් වුණු රටක් වුණත් රාජ්‍ය ලකුණ පෙරහැරේ ඇතා උඩ යයි.

ඇත්තම උවමනාව රාජ්ය පිටින් දාලා තමන්ට යන්න ඕන වුණු ගමන යන්න.

දැන් මිනිහ ප්‍රධාන නළුව.

නළුවට අනුව පිටපත ලියනවා.

ඉතිං අපි නතර වෙලා මේ මිනිහට ඉඩ දෙමු ද?!

ඕන තරම් හේතු ඉදිරිපත් කරන්න පුළුවන් ඒකට.

වඩම්මපු උත්තමයගෙ චින්තනේ දොන් ජුවන්.

යෝජනා කළ උන් නූතන දුටු ගැමුණු ලා.

ප්රශ්නයක් නෑ .. මොකද :

ඒ දොන් ජුවන් හරි ඉස්තතරම් ~ හේතුව ~ ඔහු මේ රටේ අධ්‍යාපනේ නිර්මාණයක්. 

නූතන දුටුගැමුණුලා භාෂාව ආර්ථික විජ්ජාව ෆේල්ලු. අධ්‍යාපනේ මේ රටේ වුණාට කොළඹ සුදු බල කොටුවෙ හැදුනු පොරවල් නොවෙයි ලු.

සරලවම පැහැදිලියි තව දුරටත් අපි අපිටම විහිළුකාර ජාතියක් වෙන හැටි :

කමක් නැ ඒ අපේ හැටි.

අවසන් ජවනිකාව ~

අසමත්කම සමත් කර ගැනීමට නොව දුර්වලයෙකු බව පිළිගෙන ස්වකීය දැක්ම රැකවරණය සුරක්ෂිතතාව වෙනුවෙන් පොදු උරුමයන් වුව පුද්ගලික තෑගි ඔප්පුවෙන් ලියන්නට ඔහු සූදානම්! දොන් ජුවන්!

රටක් එක් කරනු වෙනුවට තම නොහැකියාව හැකියාවක් කරනු පිණිස යම් ගොනුවක එක්ව හිටි රටේ මහජනයා තමන්ගේ පරණ ගොන්කං තුළට බෙදා ගාල් කොට දැමීමට, ඔවුන්ගේ හුදු මාන්නාධික කම් ඇවිස්සීමට ආමන්ත්‍රණය කිරීමේ දී මිනිහාගේ නිර්ලජ්ජිතභාවය සුදු ජාතිකයා රටේ ජනතාව බේද භින්න කළාටත් වඩා ඉහළයි.

මිනිහා ලද අධ්‍යාපනයම ලැබූ දෙකෝටියක් උන් ජාතික අධ්‍යාපනයෙන් දායද කළ මේ කළු සුද්දා අවතාරයට (ඒක බරපතළ වෛරසයක් .....) යටත්ව සොම්බි නැටුව හොත් ඉංග්‍රීසින්ගෙන් පසු රට පවා ගන්නා අලුත්ම ඓතිහාසික ගිවිසුම එය වනවා! ඊට ගොදුරු වන සියල්ලෝ කළු සුද්දාස් අවතාර බවට පත් වෙනවා!

චිත්‍රපටිය එතනින් නිම වෙනවා.

(කථාව කෙටියෙන් මෙහෙම වුණත් අති සංවේදී මෙන්ම අති අමානුෂීය දර්ශන මෙහි අන්තර්ගත බව සැළකිය යුතුමයි)

Lyrics Melody Music Singing by Nuthana Don Juan

අත දෙන්න සුදු රත්තරන්

බැහැ තවත් නැගිටින්න නම්

හැර දමා ගිය දා පටන්

කදුළු සැලුවා මම හොරෙන්

ඔබ මා පෝෂණය කළාහුය. ඔබේ බස නොවන්නට, ඔබ තැනු මං මාවත්, ඇළ මාර්ග, පාලම් බෝක්කු ගොඩනැගිලි නොතිබෙන්නට, ඔබේ සංස්කෘතියේ බිඳක් හෝ නොවන්නට මට මෙහි වාසයට කිසිඳු හේතුවක් තිබුනේ නැත. මගේ ප්‍රේමය ඔබ ය. ඒ ඔබේ සුදු කම ය. ඔබ කඳු කපා බිම් සකසා බෝග වගා නොකරන්නට : ඒ අඟුරු කෑ යකඩ යකා නොසිටින්නට : මේ දීනයන් තවම අඳුරේ අතපත ගානු ඇත, මයිලෝ ඩ්. ඉඳින් එය සිහි වන විට කඳුළක් නොවැටෙන්නේ නම් මගේ දෙනෙත් කුමකට !

ඔබ නැතිව රසය නෑ තේ දල්ලේ

දුම්රිය හූ තියයි තවම ලතැවිල්ලේ

ආපහු එන්න පියඹා මෙහි නිදැල්ලේ

ගිවිසුම් ඉරා දෙමි සන්තක සියල්ලේ

අපට වැරදුණා මයිලෝ ඩ්. ඒ නිසා අපි පැරදුණා. මුන් මට ඇහුම්කන් දෙන්නෑ අදත් මයිලෝ ඩ්. මට සමා වී තව වාරයක් දෙන්න. එක වාරයක් ණය දෙන්න. හැන්ද දැන් ඇත්තේ මගේ අතේ මයිලෝ ඩ්. මේ මෝඩ ලියවිලි හැම ඉරා මම ඔබට පාවා දෙන්නම්. උන්ට නොවටින උන්ගෙ සාරය සාර භූමිය දෙන්නම්. ඔබගේ යෝජනාවලිය දැන් මාගේ පරමාර්ථයයි !

වීර නෑ අප මෝඩකම් පෙර දා කළේ

සාදරෙන් ඔබ හට පුදා අද මා සෙනේ

ඉන්න පැතුවේ පෙර කලත් යටතේ ඔබේ

දෛවේ නේද අප වෙන් කළේ ඒ වගේ

මාගේ මේ (බක් මහේ දීමනා) සුළු සුළු දීමනා ජනගැති භාවයක් ඔප් නංවනු පිණිස නොවෙයි මගෙ ලෝඩ්. මුන් හැම ලවා මගේ කාරිය කර ගනු පිණිසමයි. දැන් මගේ බලාපොරොත්තුව මුන්ය. එදා මෙන් මුන්ගේ සුවච කීකරු පරමාධිපත්‍යයය.

ආයෙත් එන්න හිරු නොබසන්න මේ රටින්

මෝඩ දුර්වල අප රැක ගන්න පණ ලෙසින්

ඔබ යටතේම අවසන් හුස්ම හෙළ තුටින්

මේ ජාතියට ඔබ නැති ව බෑ යළි ඉතින්

(මෙහි පද රචනය තනුව සංගීතය ගායකයාගේම ද නැද්ද යන්න සොයා ගැනීමට මුලාශ්‍රය‍ක් නොමැති වූ බව කරුණාවෙන් සඳහන් කරමි.)

රෝග මලේ නටුවෙ කටූ ~

පාඩු නම් ක්‍රිකට් වුණත් විකුණනවා

මව වුණත් පියා වුණත් විකුණනවා

සමාජ රෝගයක් වුණත් මජර දේශපාලනේ

ඒ ලෙඩ රැක ගන්නට නම් රටම වුණත් බිලි දෙනවා

අද නොවේ හෙටයි ප්‍රජාතන්ත්‍රවාදේ 

අද නොවේ හෙටයි සංවර්ධන දේසේ 

ණයවීම අදත් හෙටත්  වැඩි වන වානේ

විකිණීම අදත් හෙටත් බඩු තියෙනව නේ

කාටවත්ම රට දෙන්නෑ පැළැන්තියට හැර

යන්නෙන් නෑ මේ දේශයෙ ගැලවුම්කරු මම

උගුලෙන් ගැලවෙන විසඳුම මගේ බුද්ධිය මිස

මෝඩ දනා මට කුමට ද ඡන්දයකට හැර

එහෙමත් හොඳයි!

3.30 සහ 6.30 (දැන් තිරගත වේ)

තම තමන්ගේ ඕනෑ එපාකම් සඳහා පිහිටවාගත් සමිති සමාගම් ආන්ඩු මට්ටු කිරීම මජර දේශපාලනයේම දිගුවක් මිස රාජ්‍ය පාලනයේ බංකොලොත්භාවයට මුක්කුවක් හෝ කළමණා ලෙස ආණ්ඩු කිරීමක් හෝ නොවේ.

හැකි නම් සැනසෙන්න !

ඉක්මන් සුවය පතමු ! කිසිවෙකුටත් කිසි කලකත් මෙවන් විපත් නොවේවා !

 (දැන දැන කරන වැරදි වල ප්‍රතිවිපාකයන් ඔබ පසුපස පැමිණීමෙන් ඔබව ගලවා ගත හැකි විධායකයක් මෙලොව නැත)

ණය වීම, රට විකුණන් කෑම, දශක ගණනාවක මජර දේශපාලනය නොදුටුවා සේ බලා සිටි අවස්ථාවාදී පාපකර්මය උදෙසා මේ භවයේදීම ඩමියක් බවට පත් වූ රට වැසියෙක් !

නිකමට විවේකයට විනෝදයට නොවේ! by the way

නිකමට

බංකොලොත් වී ලොකු රටවල්
අපට ණය දෙන පොරවල්
එමට වැටුණොත් ලෝකේ !
අපට වෙයි බෝ සෝකේ !

සුනාමි ආවේ නොකියා ය. ගියේ අපව වනසාය. අපි එකට පහන් දල්වා එකිනෙක කටින් පිඹ නිව්වෙමු. කෝවිඩ් ආවේ ලෝකයට ම ය. ගියේ ලෝකය හඬවාය. බොහෝ විට අහසින් එන පේන විපත් වලට වඩා පොළව නොපෙනී එන විපත් වලට හරි සක්‍රීය යි. කෝවිඩ් ඇවිත් ගියේ ළඟ නිසා අපට ආයේ එහෙම බියක් දැනෙන්නට තව කල් මදිය. විශේෂයෙන් අවස්ථා අනුව රටට ව්‍යවස්ථා හදන අපි ත්‍රස්තවාදය හැර  මේ මොහොතේ බලන්නේ සුදිය හා ජොලිය පමණක්ය. යන විදිහට තව ටික කලකින් හදිසියකට වත් අපව රකින්නට රාජ්‍ය උරුමයක් නොතිබෙනු ඇත. කරුමයකටවත් එදාට ස්වභාවික විපතකින් වේවා, යුධ ගැටුමකින් හෝ රසායනික අවි අත්හදා බැලීම් වල පිහිට ආනුභාවයකින් වේවා ලෝකයේ ප්‍රබල රටවල් දණ ගැස්සෙන තැනකට හදිසියේ ලෝකය ඇද වැටුණොත් ලෝකයෙන් ණයට ණය වුණු රාජ්‍ය උරුමයක් නැති අපට කුමක් වෙයිද?

බංකොලොත් වූ තැන මහජනයාගේ සුබසාධනය කප්පාදු කර බදු සංග්‍රහය වැඩි කර රාජ්‍ය උරුමය සින්න කරන්නට සිදුවූ රටක, ඉන් ඔබ්බේ අපට ස්ව කැමැත්තෙන් අනිකෙකුගෙන් මැරුම් නොකා ගෙල වැල දමා ගැනීම වඩා යහපත් තීරණයක් විය හැකි සමාජ වටපිටාවක් ගොඩ නැගෙනු නැතිද?
බලය හමුවේ තුච්ඡ ලෙස මජර දේශපාලනයේ ඊළඟ සැලසුම් හදන මහා ප්‍රාඥයින්ට නිකමටත් නොසිතෙන්නේ මෙවැනි හිතලු ය. නමුත් එහෙව් හිතලු හැබෑ වූ අවස්ථා අපි අසා දැක ඇත්තෙමු. එවිට ඒවා හිතලු නොව තුන්කල් දුටු දිවැස් වැකිය. කෙසේ නමුත් දේශපාලන ආලයෙන් අවස්ථාවාදයෙන් අන්ධව වහසි දොඩන්නට පෙර ඒ බැව් සිහි තබා ගැනීම අතීතය අමතක පොර කුකුළන්ට සේම සිහියෙන් අනාගතයකට යන්නට හදන කාටත් වැදගත් නොවනු නැති ය.

විවේකයට

රැල්ල වෙරළට එන තුරු
හිරු මුදුන් වන තුරු
ණයට කා පිනවමු ද ?
පිනට කා ණය වෙමු ද ?

රටක පුරවැසියන් ලෙස සාධාරණය, යුක්තිය, තම මූලික අයිතිය දිනා ගත නොහැකි වීම නිසා එදා මෙදා බංකොළොත් වූ සාමාන්‍ය මිනිසුන්ගේ ජීවිත, රට ආර්ථික වශයෙන් බංකොලොත් භාවයට පත් වීමට පෙරම බාර දෙමින් තිබුණේ කරුමයටයි. ආර්ථිකය බිඳ වැටීම නිසා බිත්තියටම හේත්තු වූ ජීවිත වල බරපතළම සැබෑ බේදවාචකයන් අදටත් අත්විඳින්නේ රටේ අහිංසක ම මිනිසුන්.
එදා ඔවුන් පීඩනයට පත් වූයේ දුර්වලයන් ලෙසින් නම් අද ඔවුන් තමන්ගේ රට තුළම අනාථ කොට දැමූවන්. අත්හැර දැමූවන්. ඔවුන්ට සිහින තබා නින්දත් ඇතැම් විට ජීවිතත් අහිමියි. ඔවුන්ගේ ප්‍රශ්න ගැටළු අදාළ වන බලධාරීන් නිලධාරීන් මෙරටේ එදත් හිටියේ නැත අදටත් නැත. නීති සරණට දිරියක් මුදල් නැති උන් මෙහි කෝටියක් යැයි කීම එනයින් වරදක් නැත.

ධනය, බලය, කුලය, නිලය, වර ප්‍රසාද මුල් කොට සිය පැවත්ම තකා ලාංකීය සමාජයේ වටිනාකම් කොල්ලලකා විනාශ කළ මජර දේශපාලකයෝ ඇතුළු මජර ලෝලීහු ණයට ණය වී නැවත හදන වැලි මාළිඟා ඔවුන්ගේ කෙළි සෙල්ලම් පිණිස පමණක්ම වන්නේ ඒ තුළ අයුක්තියට අසාධාරණයට දූෂිත ක්‍රමයන් වලට පිළියමක් නොලැබෙන නිසායි. වැල්ලට ගොස් වැලි මාළිඟා තැනීමෙන් සාමාන්‍ය ළදරු ජනයාටත් අයිස් කැටයම් හා අයිස් මාළිඟා තැනීමෙන් පොෂ් ළදරු ජනයාටත් අද විනෝද විය හැකියි. රැල්ල වෙරළට එන කාලයත්, අයිස් දියවන කාලයත් සොබා දහම තීරණය කරාවි, කිසි වෙක්ම මැදිහත් නොවුණත්!
නමුත් ඒ තවත් අර්බුධයෙන් අර්බුධයකට මග මිස විසඳුමක් නොවේ. වැල යන අතට මැස්ස ගසමින් යා හැකි දුරක් ඇත. අපි රටක් වශයෙන් ඒ දුර පසු කොට බොහෝ කල්ය. වැල අවුලක් අවුල් ජාලයක් වූ විට කපා දමන පරිද්දෙන් දැන් ජන සමාජයක පැවැත්ම කපා දැමීම පහසුද සුදුසුද? ජන සමාජය දැවැන්ත අර්බුධයක් කරා ආවේම අයුක්තිය අසාධාරණය අන්තනෝමතිකත්වයන් සමඟ රට අනවරතව ණය බරට සින්න වීමත් සමඟින් ය. මේ ක්‍රමය ප්‍රවර්ධනය කළේ කවුරුන්ද? කුමක් අරඹයාද ? එහි ම දිගුවකින් රට ගොඩයාමට පවතින ක්‍රමය කොතරම් දුරට ඉඩ දෙයි ද ? ජනතාවගේ සැබෑ අවශ්‍යතා ඉටු නොවන රාජ්‍ය පාලනයකට රට වෙනුවෙන් කියා මහ ජනතාව මත කොයි තරම් දුරකට අඥාදායකත්වය පැටවිය හැකිද?

විනෝදයට

අපි දුකෙන් දුක නසමු !
ණයෙන් ණය ගෙවමු !
වෙනස්වම හිතමු !
ලෝකයම දිනමු !

ඉදිරියට එන්නේ සැප විඳීම ම නිසා ඒකාකාර වු ජීවිතයේ වෙනසක් පතා දුක සොයා යන ලෝකයයි.
ස්වභාව ධර්මය විසින් අපට බංකොලොත්භාවය සමඟ විශිෂ්ඨ ප්‍රඥාවන්ත නායකත්වයක් උරුම කළේ ඒ අවස්ථාවෙන් ලද හැකි ප්‍රතිලාභ පින්වත් ලාංකිකයාට උදාකර දීමටමයි .
අෂ්ඨ ලෝක ධර්මයට අනුවත් හැමදා දුක නැත. සැපට හැරවිය හැකි ස්වභාවයක් දුක තුළම ඇත. කෙනෙක් සැප අලෙවි කරද්දී තවත් අයට දුක අලෙවි කළ නොහැකි ද?
උපරිම සැප ~ කාමසුඛල්ලිකානු යෝගයෙන් වෙද්දී අපට උපරිම දුක ~ අත්තකිලමථානු යෝගයෙන් ලබා දිය හැකිය.
සිංගප්පුරුව කාමසුඛල්ලිකානු යෝගය අලෙවි කරන අතර අප  නිතරඟයෙන් අලෙවි කළ යුත්තේ අත්තකිලමථානු යෝගය යි. එනම් දුක් විඳීම වෙළඳාමක් කිරීමයි. එතනට ආයෝජන ගෙන ඒමයි. සැපය අත්විඳීමට මෙන්ම දුෂ්කර ජීවිතය අත්විඳීමටත් මිනිස්සු අසීමිතව ප්‍රියය. ඒ වෙළඳ පොළ ජාත්‍යන්තර ව දිනා ගැනීමට මේ හොඳම අවස්ථාවයි.

තව දුරටත් ඒ දුක වැටහුණු අයට සතුටින් සිටීමේ මැද මගත් අවශ්‍ය අයට දුකින් මිදීමේ මාර්ගයත් පිළිබඳ දේශනා ලැබීමටත් මෙහි අවස්ථාව විවෘතය.
ඔවුන්ට කැමති දවසක් කැමති දුෂ්කර දුක්ඛිත තත්වයක් සමඟ ජීවත් වීමට අවස්ථාව ලබා දිය යුතු ය. නිදසුන් වශයෙන් ~ රෑ මැදියමේ වල් අලි ප්‍රහාරයක් සමඟ, දිවි සරිය උදෙසා සැබෑ වැල් පාලමක එගොඩ මෙගොඩ යන ජීවිත සමඟ, අඩුම වියදමෙන් දිවි රැක ගන්නවුන් සමඟ, වේලක් දෙකක් නිරාහාර ජීවිත සමඟ, ජීවත් වීම පිණිස හිඟා නොකා හිඟා කන අය සමඟ, ජීවත් වීම පිණිස වත්කම් උගස් කරනවුන් සමඟ, කියන කියන පදේට ගොවිතැනේ යෙදෙන්නට සිදු වූවන් සමඟ, නොපැහැදිලි අනාගතයට ඉව අල්ලන දරුවන් සමඟ, අයුක්තියට අසාධාරණයට ලක් කෙරෙමින් පාගා දැමෙන ගමේ රටේ තරුණ්‍යයේ ඛේදය සමඟ,  බිඳ වැටුණු ජනයාගේ ජීවිත වල දුක සමඟ,... මේ ආදී වශයෙන් අවම උපරිම මිල ගණන් සහිත පැකේජ සඳහා දුක් සිද්ධි වර්ගීකරණය කළ හැකිය. වැඩි දුකට ගාණ වැඩි ය. අඩු දුක ගාණෙන් අඩුය. එවිට ජනතාව දුක තවදුරටත් විඳවීමක් නොවේ. ආදායමකි. බිස්නස් කියන්නේ එහෙම එකකි.
එවිට සංචාරක කර්මාන්තය තව දුරටත් ගම් නියම්ගම් වල නොවිසිදෙන දුක් ගැටළු සමඟින් නව ප්‍රවේශයක් තුළ පුළුල්ව ප්‍රවර්ධනය කළ හැකිය.
බෝඩ් අල්ලා ගෙන සුද්දාට අරගල කරන්නට එන්න කියු කතාවට වඩා මේ කතාව ප්‍රායෝගිකය. වැඩ පිළිවෙල රාජ්‍ය හිතවාදීය. යටිතල පහසුකම් බිඳ වැටෙන තරමට වෙළඳාම විවෘත ය. පුළුල්ය. සමහර විට වැඩේ නැගලා ගියොත් මිනිස්සුම පාරවල් කඩා දමා දුෂ්කරතාවයන් වැඩිකොට ගෙන වුව වෙළඳාම සරු කර ගනු ඇත.
අපට රටට රාජ්‍යට පාලකයාට පහසුම හා ප්‍රතිපත්ති නැති රටක් වශයෙන් ණයෙන් ණය ගෙවීමේ දියුණුම හා සාර්ථකම ක්‍රමය වනුයේ ඒ අනුවර්තනයයි. සමාජ පරිවර්තනයකට වෙහෙසීමට වඩා සැබවින්ම බංකොළොත්භාවය යනු රටකට අත් නොවිය යුතු ඉරණමක් ය යන්න අධ්‍යයනය කරන්නන්ට පවා මේ ඛේදය අලෙවි කිරීමක් බවට පත් කිරීම කළ යුතුය. දුක වටහා ගැනීමට වෙහෙසෙන්නන්ට රටේ ජන දුක වටිනා මිලකට ලබා දෙන අත්දැකීමක් බවට පත් කළ යුතුය. පවතින වටපිටාව තුළ ණයෙන් ණය මත මේ දුකෙන් දුක නැසිය හැකි මග පෙනෙන්නේ එහෙමම ය.

ඉතින් අපි ඇන ගමුද ?

ගොඩ ගැහුණු කුණු කඳු බැහැර කිරීමට පුළුල් පරිසර හිතකාමී, දීර්ඝ වැඩ පිළිවෙලක් අවශ්‍ය ය. කුණු කඳු සුදු රෙදි, ඉටි රෙදි ආදියෙන් වසා ඒවා පූජනීය ස්ථාන ලෙස නම් කළ හොත් ! 

ඔබ නහය කපා ගන්නවාද ?

අපි නඩත්තු කරමින් පැමිණියේ එහෙම ක්‍රමයකි. 

රටේ කුණුවුනු දේශපාලනයත්, දේශපාලන කුණු ගොඩවලුත් එහෙම පිරුවට වලින් වසා නැවත නැවතත් එකම විහිළුව සැපයීමෙන් සමාජය බංකොලොත් භාවයෙන් කොතැනකට යනු ඇති ද ?

අද රටේ නැවත සිදු වන්නේ එහෙම දෙයකි. අරමුණ යහපත් කියා කෙරෙන්නේ ඇස් බැන්ඳුමකි. ස්වකීය දේශපාලන බලය තහවුරු කර ගැනීම උදෙසා මැජික් පෙන්වන්නට යාමකි. 

පිහිය රත්තරන් කියා ඇනගෙන ඇනගෙන යයි. නොමැරෙන බව කියමින් තව දුරටත් ඒ ණයට ගත් රන් යයි කියන පිහි ජනතාව අතට පත් කොට විහින් ඇන ගන්නට පොළඹවයි. දිරි ගන්වයි. අනුග්‍රහය දෙයි.

සිංහයා විනිද්‍රාවකට පත් කොට චිකිත්සකයා කඩුව පැහැර ගෙන ! by Reporter

දැන් මම සිටින්නේ අදාළ ස්ථානය අහල පහළ ය. (මෙය ස්වංආරක්ෂක කළාපයක් බැවින් ඒ සියළු කටයුතු පරිගණන රොබෝවන් කරන නිසා ඒ පිළිබඳ වාර්තාකරණය වගකීමෙන් බැහැර කරමි)

හිස් කොඩියක් අබියස ලොකු ඝෝෂාවකි. කොඩියේ ලණුව අල්ලන මුදුන තට්ට මිනිසෙක් වට කොට ගත් පිරිසක් දෙකට තුනට හතරට බෙදී මහ ගාලගෝට්ටියකි.

ටයි කෝට් ඇඳි හීන්දැරි උස එකෙක් කඩුවක් දෑතින් ම ඔසවා වැනෙමින් හිඳිනු එතනට මේ මොහොතේ ගුවනින් පාත් කොට ඇති අප ඩ්‍රෝන යානයක කැමරා දර්ශන (අන්තර්ජාලයට යොමු කොට ඇති සජීවි දර්ශන) ඔස්සේ පෙනෙයි.

මුදුන තට්ට සර්

ඒයි මුදුනේ .. තට්ටේ..

ඇයි අපිට අවස්ථාව නැත්තේ !

ඩ්‍රෝන යානාව තවත් අඩි කීපයක් පොළවට පාත් වෙද්දී දැන් සමීප රූප පෙනෙයි. සද්දේ නම් මයික් නැතුව ම ඇසෙයි. එච්චරට සද්දේ ඒකයි.

එයා ආචාර ධර්ම උල්ලංඝනය කරලා ! ~ නිරීක්ෂකයෝ කෑ මොර දෙති.

ආචාර ධර්මයක් නැහැ, තිබ්බත් කඩුව දෙන්නෙත් නෑ ! ~ චිකිත්සකයා තනිව බෙරිහන් දෙයි. කලිසම උස්සයි. හිස ගස්සයි.

අපි සපෝට්. අතාරින්න එපා, ඔයා තමා මෙහෙ වැඩ්ඩා, පොර ! ~ මජරයෝ චිකිත්සකයා රකින්නට මෙන් ඔහු අසලට යති.

උමතුවෙන්, ඔහු උමතුවෙන්. අපට කඩුව පෙන්වමින් තර්ජනය කිරීමෙන් එය පැහැදිලියි ! ~ නිරීක්ෂකයෝ 

මමයි එකම සිංහයා ! ~ චිකිත්සකයා

පිස්සුව වැඩිවුණොත් විශාල හානියක්, ආචාර ධර්ම වලට ගරු කරන්න !~ නිරීක්ෂකයෝ

එයා සිංහයෙක්, මූණ ඕනෙ නෑ නමේ නැට්ට බලන්න. එයා තමයි දැන් සිංහයා ! ~ මජරයෝ

දැක්ක නේ, හරි නේ. Shut up ඇන්ඩ් සිට් ඩවුන්, මෙතන පුටු නෑ නෙ. අයි සෙඩ් බිම ඉඳගන්නවා ! ~ චිකිත්සකයා

ඔව්, ඔව් ඒ සිංහයෙක් තමයි. නමත් හරි, වැඩත් හරි ! ~ මජර ලෝලීයෝ 

අන්න අන්න මුදුන තට්ටේ ලණුව අතෑරලා පැන්නා, වගකීමෙන් පැනලා යන්ඩ දෙන්ඩ එපා !~ නිරීක්ෂකයෝ හා පිරිසක් ඔහු පස්සේ වැටෙනු පෙනෙයි.

ආ ඊ එකඟද !

හා යි අල්ලන්න ඔට්ටු නෑ ! හරි ද:

බයි බායි !

කියමින් මුදුන තට්ට මිනිහා පාත් කරපු ඩ්‍රෝන එක උස්සද්දිම මේන් ඒකෙ එල්ලුනා. මිහිහ සමබර නිසා ඇඟ බර නැද්ද! කැමරාව මිනිහගෙ සුදු කමිස සාක්කුවේ.

අන්තර්ජාල දර්ශන සුදු විය.

චිකිත්සකයා හිනා වෙනු ඇසේ. 

ඔව් දැන් දර්ශන ලැබෙන්නේ ළඟ ඉන්න කාගෙ හරි ෆෝන් එකකින්.

හහ් හහ් හුහ් හුහ් ... හිතෙන් නැද්ද මීළඟට ගුජු ගුජු කෝච්චියක් එනවා කියලා. හහ් හහ් හුහ් හුහ් ~ චිකිත්සකයා

ගුජු ගුජු ගුජු ගුජු  ~ මජරයෝ

හහ් හහ් හුහ් හුහ් ~ චිකිත්සකයා

ස... ර් ~ තඩි මජරයෙක්

එහෙම කීවේ ~ තව මජරයෙක්

තේරුන් නැද්ද , ඒ හෝන් එකේ සද්දේ, හරි දැන් මං පිටිපස්සෙ පෝලිං වෙන්න ~ චිකිත්සකයා කඩුවෙන් ජියර් දමා කෝච්චි එංජිම පණ ගන්වයි.

හහ් හහ් හුහ් හුහ් ගුජු ගුජු ගුජු ගුජු ස... ර්

~ සියල්ලෝ

හෝන් එක ගැහුව ඉක්මන් වැඩී, තව ටිකාක් යන්ඩ තිබුනේ ~ කළු මජරයෙක්

දැක්කෙ නැද්ද සිංහයා, අහු වුණා ද කෝච්චියට ~ සුදු මජරයෙක්

කට කට, කෝච්චියක්, මේක බඩු කෝච්චියක් කියලා කෑ ගහනවා ~ තුවායක් කරේ දමා ගත් මජරයෙක්

බඩු කෝච්චියක්, බඩු කෝච්චියක් ... මේක ! ~ සියල්ලෝ

බඩු කෝච්චියේ හඬ උස්ව ඇසෙන්නට වු නිසා වෙලාවක් යන තුරු කිසිවක් ම ඇසුනේ නැත.

බඩු කෝච්චිය බඩු බෑවේ ලු. එතන සංග්‍රහයක් තිබුණාලු. කන්න, බොන්න, නාන්න, තව ගෙදර ගෙනියන්න බඩු මලු ගමේ අයට බෙදන්න, මට සතුටුයි ඒ නිසා හැමෝටම දෙන්න කියා චිකිත්සකයා කීවාලු.

දැන් මජර ලෝලියෝ ගීයක් ගයනු ඇසේ.

එයා තමා දමා ගියේ කටේ පස් එදා

ගියා වුණත් ආයෙ ආවනෙ අනේ පප්ප පා

කඩුව ගත්ත හැටි බලන්න මාර පොර එයා

දැන් කොටනව දැන් කොටනව මිනිහ සිංහයා

එයා අපේ සිංහයා

කෝච්චියක් අරන් ගියා හිස් එකක් එයා

බඩු පුරවන් ආපු විදිහ අනේ පප්ප පා

දැන් බෙදනව දැන් බෙදනව මිනිහ

වීරයා

එයා අපේ වීරයා

දැන් දැන් රටේ සුරයා

තව තව එයා සිංහයා

කැරකිලා !

ඒ ගීතය ණයට ගත් ගීයක ට්‍රැක් එකක් තුළ ප්ලේ කරන අතර අවසානයේ මජර ලෝලීහු රතිඤ්ඤා දමා සතුට පල කර සිටියෝය.

මම රිපෝටර්, හැරී පෝටර් නොවෙයි.

දැනට මෙතන සජීවී තතු එපමණයි.

අපි ප්‍රධාන බුකියේ නිව්ස් ෆීඩ් එකට යොමු වෙනවා :

~ බංකොළොත් වීරයාගේ ගීතය ~ (නිවටුන් නිදොස් කොට නිදහස් කළ වග ද !!??)

දැය වණ කෙරූ උන් රජ කෙරූ

පීඩිත දනා වින්දිත කෙරූ

පීඩක මජරයින් ළඟ කුමට ලැග

අමන බණ මැද නිහඬ ඇයි නුඹ

රට බංකොළොත් කෙරූ සිංහයා

කඩුවත් අතින් ගෙන වැනි වැනී

ප්‍රේමෙන් රැකපු උන් දිවි දුනී

පැහැයෙන් සළකුණින් අරුත කිම

තවමත් කිමද කඩුවක් සමඟ නුඹ

රට බංකොළොත් කෙරූ සිංහයා

කැනහිලුන් නෙක වෙස් පැළඳ ගෙන

රඟන විට කරළිය සොලවමින

නිහඬවම එ හැම රංගන ම

ඉවසු නුඹ වගකිව යුතුය

රට බංකොළොත් කෙරූ සිංහයා

තේජස් බොහෝ කොට පෙන්වමින්

උස් තැන් වලම හැම වැජඹෙමින්

එන පිරිස් මැද හිඳ එඩි ප පා

කිම නිහඬ වූයේ සිහරජා

රට බංකොළොත් කෙරූ සිංහයා

පැන උන් මතට හැම පෙරළලා

යුත්තියට අසිපත ඔසවලා

රට විස කෙරූ හැම වින කෙරූ

පාපතරයින් සුන් නොකළ නුඹ

රට බංකොළොත් කෙරූ සිංහයා

මේක රටක්!

J R හොඳයි Ranil හොඳා..යි! (මේ පොලිටිකල් නො වේ)

වැඩියෙන්ම රනිල්ට බෑ කියපු මිනිස්සු දැන් එයාටම විතරයි පුළුවන් කියනවා !

රටේ ප්‍රශ්නේ ~ පොළේ බඩු විකුණන විදිහට ඒ ඒ වෙලාවට විකුණ ගන්න පුළුවන් දේශපාලන ගැජමැටික්ස් වගකීමක් නැතිව විකුණමින් ලාබ උපයන ජඩ දේශපාලනය නිසා රට හිඟමනෙන් හිඟමනට වැටුණු එක.

ඒ ජඩ දේශපාලනය නැවත රට ගොඩනැඟීම වෙනුවෙන් ඇප වෙනවා. කැප වෙන්නේ නෑ. යථාර්තය ඒක. මේ විදිහෙන් අපි හදන්නෙ දෙයියන් වහන්සේවත් රවට්ටලා සුගතියට යන්න. නැත්නම් කෙටි මාර්ගයෙන් නිවනක් ලබන්න. 

විවෘත ආර්ථිකේ හොඳයි කියනවා ~ අපිට හොඳක් කර ගන්න පුළුවන් වුණා ද ~ මේක ව්‍යවස්ථාව තරමටම වේදිකාවේ පට්ට ගහපු දේශපාලන මාතෘකාවක්

ණය ආර්ථිකේ නැතුව බෑ කියනවා ~ 17 පාරක් ගියා කියනවා අල්ලගෙන ඉන්න බැරුව. මේකත් පතුරු ගහනවා.

කෝක පතුරු ගැහුවත් අපි රටට ගැලපෙන ක්‍රමයක් හදා ගැනීමට අසමත් මිනිස්සු කොට්ඨාශයක් බව ව්‍යවස්ථා සංශෝධන ගණනින් පේනවා. වම් අත උස්සලා සම්මත කරන දේ ඒ මිනිහාම දකුණ උස්සලා පරාජය කරනවා. එහෙම දේශපාලනයක් අවස්ථාවාදී ව අනුමත කරමින් දශක ගණනාවක් ඇවිත් රටේ ජනතාව ලබා ගත් ජයග්‍රහණ මොනවාද?

එකම දේ තාම රටත් වැසියාත් භෞතිකව සමස්ථයක් හැටියට පවතිනවා. එහෙම හිටි පමණින් රටක් ශක්තිමත් වීමක් හෝ ගොඩනැඟීමක් වෙන්නේ නෑ. නොමැරී ඉන්නවා කියන්නේ ජීවත් වෙනවා කියන අර්ථය අංග සම්පූර්ණ වීමක් නොවෙයි. 

මනුස්සයෙක් ගෙ පුද්ගලික ජීවිතයක් වගේ නෙවෙයි රටක ජීවිතය. කොටස් හැටියට පංති හැටියට පැළැන්ති හැටියට එක එක් කොට්ඨාශයට එක එක අයට රටේ රාජ්‍යයේ සැළකීම එක එක විදිහ වෙන්න බෑ. සමානාත්මතාවයක් සාධාරණයක් යුක්තියක් රටක ජනයාට එක ලෙස විය යුතුයි. ජනතාවගෙන් රටට පූර්ණ ශක්තිය උකහා ගෙන ජවයෙන් නැගිටින්න පුළුවන් එතනදි. එහෙම නැති ව කාලෙන් කාලෙට එක එක නායකත්ව ප්‍රතිරූප උත්කර්ශයට නංවා යැපෙන්නේ මජර දේශපාලනයේ පැවැත්ම පමණයි. අපි අද දක්වාත් කරන්නේ එහෙව් දේශපාලනයක් උදෙසා රටක් නඩත්තු කරනවා මිස රට වෙනුවෙන් යහපත් දේශපාලනයක් ගොඩනඟා ගැනීම නොවේ.

ඉඳින් විවෘත ආර්ථිකය හොඳයි කියූ ලෙසම අපි ණය ආර්ථිකයට හොඳා..යි කියා අවස්ථාවාදී වීම හැර මේ අවස්ථාවාදය නඩත්තු කරන මජර දේශපාලනයට බායි කීමට තවමත් සුදානම් නැතිද?

අලුත් අලුත් දෑ නොතනන, නොතකන, එයට ගරහන, ඊට බිය, කැප විය නොහැකි, ෂේප් න්‍යායෙන්ම යැපෙන, විලි ලජ්ජාවෙන් තොර හා කෙටි කාලීන මතකය හැර වෙනත් අනන්‍යතා නැති ජාතියක් ලොව නොනගී. නැගීම තබා ණය බරකින් වත් එවැනි ජාතියක් අත්මිදෙනු නැති.

දැඩි දඬුවම් ! ( ගහන්ට ගහන්ට වැන්දේ නැත්නම්)

පාලකයා ඔබේ අයිතිය නැවත නැවතත් කෙළෙසුවද ඔබ පාලකයාගේ හිරි ඔතප් නොබිඳීමට වග බලා ගත යුතුය. එය ඔවුන්ගේ පරම පවිත්‍ර වරප්‍රසාදයකි.

ණය බස පෝෂණය කරන අයුරු ~(ණයාලංකාරයෙන් ණයට)

සුබ ණය වසරක් වේවා

සුබ ණය අවුරුද්දක් වේවා

ණය බෝ වේවා

ණය සරණයි

ණයපති / ණයාධිපති

ණයාභිමාන / ණයාභිමානී

ණයබන්ධු

ණයපුත්‍ර

ණයපාර

ණයග්‍රාම

ණයනගර

ණයභූමි

ණයෝත්පාදක / ණයෝත්පාදන

ණයමංගල්‍ය

ණයවාදී

ණයචාරී

Repeat🔄

හරි අමාරුවෙන් එතුමලා මාතෘ භූමිය ලෝකෙට උගස් කළා, සින්න කළා ~ ඔවුන්ට අපි සදා ණය ගැතියි ද ? ඔවුන් අපිට සදා ණය ගැතියි ද ? ඇන්ටිගනී වගේ කතාවක් ද ? දන්නෙ නෑ, වැඩකුත් නෑ, කොහොම වුණත් අදින් පස්සෙ අපිට ප්‍රීති වෙසක්!

ස්වදේශික රජ උරුමය ~ (වැද්දන් රට ෴ රාජකීය කළු සුද්දන්ගේ හිරිඔතප් බිඳී)

ස්වදේශික රජ උරුමය සේ වැද්දා 

අපි කියෙව්ව ස්පිට්ල් ගෙ සුදු වැද්දා

ආපහු අදී වැද්දා ගැන කළු සුද්දා

සුද්දට වුනත් දඩමං කීවේ වැද්දා 

ලොක්කා කියන්නෙත් වැදි බණ උදේ හවා

සොක්කන් අහන්නෙත් වැදි බණ උදේ හවා

ගොරකා කරන්නෙත් දඩ මස උදේ හවා

වැද්ද ද නොහොඳ කළු සුද්ද ද හුරේ හුරා

හැත්තෑ ගණන් ඇද බැඳ ගෙන හිටියාට

සුද්දා තරම් වත් කෙරුවද මතුදාට

හතළිහ පනහ බල සැමරුම කෙරුවාට

වැද්ද ද නොහොඳ කළු සුද්ද ද මේ රැහැට

හිංගල දෙමළ බර්ගර් වැදි මරක්කලේ

ඒකද පුරවන්ට බැරි වුණෙ රන් කොතලේ

කරපු හරිය බංකොලොත්ය නල්ල මලේ

වැද්දද වැරදි කලු සුද්දද නඟේ මලේ

සූප්පු / බැලුම් / දුනු හී

දැන දැන වැරදි කරන්නවුන් හුරතල් කරන සමාජයක් කිසි දින අලුත් අවුරුද්දක් උදා කර නොගනී. පරණ වැරදි කරපින්නා ගෙන හැමදා බණ කතා කරමින් විනාශ කරන රටකි මේ. 

දුෂිතයින්ට ගජ මිතුරු හොරුන්ට නිදහසේ සරන්නට වායු බැලුන් සපයන පාලකයෝ වංචාවට දූෂණයට තවත් කාලය හා ඉඩ අවකාශය සළසා දී තිබේ. මේ පිළිබඳවත් තමන්ගේ දුක්ඛ දෝමනස්සයන් පිළිබඳවත් මහජනයාගේ සැබෑ අදෝනාව වළක්වනු පිණිස ඔවුන්ගේ මුවට බලහත්කාරයෙන් සූප්පු ඔබ්බවමින් සිටිති. 

ඔබ ඒ දුෂිත බැලුන් වලට ඉලක්කය ගත යුතුය. ඒ එල්ලය බැරි බව හැඟවීම දුර්වල ආණ්ඩු වල කාර්යය වුවත් ඒ නොහැකියාව හැකියාව බවට පෙරළීම රට වැසියාගේ පරම යුතුකමකි. ඒ බලය ඔබ සතුය. එළැඹෙන අලුත් අවුරුද්දේ එය ක්‍රීඩාවක් විය යුතුය. රටට හානිකර මිනිසුන් පිටු දකින්නට ඔබ ක්‍රියාකරනවා යනු ඔබෙන් රටට හානි වීමට ඇති ඉඩකඩද ඇහිරීමකි. එසේ නොමැතිව කිසිවකු විසින් ඔබේ යුතුකම ඉටු කරන තුරු බලා හිඳීම ම යුක්ති භංග මජර සමාජයට, ආණ්ඩු වලට ඔබ යට කර දමා යාමට ඉඩ දීමකි.

මේ බැලුන් සිදුරු කර දුෂිතයින් බිම හෙලන්නට අසමත් ජනතාවකට සූප්පුවක් කටේ ගසා ගෙන ව්‍යාජ නැළවීමක් තුළ සදාකාලික නින්දක් දක්වා වුව ගමන් කළ හැක. ඒ නින්ද ගජ මිතුරු දූෂිතයින් සමඟ එක්ව සවාරි යන්නට හීන දකින මජරයින්ගේ පරම පැතුමකි.

අවුරුදු කෑම වෙසක්, පොසොන් සැමරීම, නත්තල් සංස්කෘතික උත්සව අස්සේ හැමදාම ඉදිරියට ගොස් ඇත්තේ පාලකයින් විසින් පෝෂණය කළ රට බංකොලොත්භාවය දක්වා දක්කා ගෙන ගිය වත්මන් මජර දේශපාලන සංස්කෘතිය පමණි.

(දූෂිත ගජමිතුරු හොරුන් යනු අදින් කල් ඉකුත් වන ගම් සබාවක සිට ඉහළ මන්ත්‍රී මණ්ඩල, විධායකය දක්වා ඔවුන් හා එක්ව හෝ පසු පසින් හිඳිමින් තමන්ගේ ව්‍යාපාර, ව්‍යාපෘතීන් සඳහා විවිධ අනීතික සහයෝග ලබා ගනිමින් විශේෂ වරප්‍රසාද ලබා ගනිමින් රටේ යහ පැවැත්මට හානිකරමින් රට බංකොලොත් භාවයට පත් කිරීම සඳහා දීර්ඝ කාලීනව දායක වෙමින් රටේ සාමාන්‍ය ජනතා අයිතීන් අභිබවමින් සමාජයේ අති විශේෂ සමාජිකයින්, පුද්ගලයින් ලෙස ක්‍රියාත්මක වෙමින් ගොට්ටන් එහෙයියන් ආදී පිරිසක් සමාජය තුළ ස්ථාපිත කිරීමේ මෙන්ම මේ මජර සමාජ සංස්කෘතිය නිර්මාණයේද මූලික ම තැරැව්කරු, සාධකය සේම සමාජයේ ඉදිරි ගමන හරහා ඇති මහා බාධක සජීවීකරණයයි.)

විකල්ප අල අපට එපා ~ පල නොකියම බෙදනව අපි පලා : හුදී ජනතාව, ජාතිය අමතන්නා අමතයි !(වියරණ නැත)

දේශපාලුවො පින් රැස් කරන්නෙ වයසට යන කොටද

කැරට් වෙනුවට ජන විශ්වාසෙට දැන් දේශීය අලද

මේ හෝද හෝද මඩේ දාන්නෙ ඉල්ලම් පස් ගොඩද

කාපු තරමට දුන් ලණු ආපහු නොකා ඉද්දි දුකද

ක්‍රමයක් මිස විකල්ප අල අපේ පතට එපා

විශ්වාසය නැති කළ අය එදා පටන් මෙදා

දවසක් එයි සළකන්නම් එපා කියන්නෙපා

අපි දන්නව බෙදන විදිහ පල නොකියා පලා

වාර ගාණ මතක නැද්ද හිඟමන් බඩ ගාපු

ලැජ්ජ නැද්ද කල කී දේ ඡන්ද ගෝරනාඩු

කාල බීල බඩ පිරුණ ම බුදිය ගත්ත යාලු

ආපහු හිඟමනේ ගිහින් ඒ පාරෙම වාලු

ඔලුව කඳ බඩත් තියනව රටකට දෑවැද්ද

හිටගන්න කකුල් දෙක තවමත් අපගේ පණ නැද්ද

දෑත දෙපා බැඳ දමලා පණ ඇපයට ගත්ත

රේස් දුවන්නට තුවක්කු හඬ විතරක් ඇද්ද

2/3>🐛

💭

÷

×

by එහෙයියා (එහෙයියා~ව)

මෙරට විසූ සහ අදටත් වෙසෙන සත්ගුණවත් යුක්ති ගරුක සාධාරණ පාලකයින්ට එදා මෙදා බාධා කරන උන් නොවන්නට අද අප සියල්ලෝ කේතුමතියක වසන ප්‍රීතිමත් මිනිසුන්ය. 

ඉතා යහපත් පාලකයින් අදූරදර්ශී අයහපත් තීරණයන්ට පොළඹවා ඇත්තේ මේ බාධා කරුවන් ය. ඉතා යහපත්ව පැවති දේශපාලනය අයහපත් මාර්ගයට ඇද දමා ඇත්තේ මේ බාධාකාරී ජනතාවය. ඇත්තෙන්ම ඔවුන් පහර දී එලවා දමා සත්ගුණවත් දේශපාලන ප්‍රභූන් රැක ගැනීම රාජ්‍යයේ ආරක්‍ෂකයින්ගේ වගකීමය. රටක වැදගත්ම පිරිස රටේ පාලනාධිකාරිය හොබවන දේශපාලකයා ය. ජනතාව විශේෂයෙන් අරගලකාරී ජනතාවක් නොව රටක දියුණුවට ඇවසි රටේ පාලනාධිකාරිය ප්‍රශ්න නොකරන ජනතාවකි. කොටින්ම කීවොත් එහෙයියන් පිරිසකි. පාලකයාගේ යහපත් සිත මුදු මෙලෙක් වන්නේ එවිටය. 

ගත සිත නොරිදවා , කී දේ කර දෙවා , බැති පෙම් උපදවා , වැඩ කර ගනිව් රජුට වැඳලා යනුවෙන් අතීතයේ ප්‍රබුද්ධ කවියෙක් පවසා තිබුනේ නිකම් නොවේ. නමුත් මෝඩ ජනතාවකට එය නොවැටහීම රටේ ඛේදයකි. 

විධායක බලයක් හොබවන ආන්ඩුවකට ව්‍යවස්ථාදායකය බලයත් තමන්ට අවශ්‍ය ආකාරයකට හැසිරවිය හැකි නම් ඔවුන්ට අති මහත් බහුතර ජනතාවක් මෝඩ අරගල කළ ද 

එලක් නැත. එබඳු විටෙක විචක්සන පාලකයින් කෙසේ හෝ අප රට තව කලකින් ලෝකයේ ඉහළම තැනකට ගන්නා බව අවිශ්වාස නොකර හිඳීම ප්‍රමාණවත් ය. ඊට හේතු උවමනා නැත. ජනතාවගේ වගකීම ඔවුන්ට ඉඩ දී බාධාවකින් තොරව ඔවුන්ගේ කටයුතු කිරීමට ඉඩ හැරීම ය. ප්‍රශ්න නොකර ඔවුන්ට සහයෝගය දීමය. එහිදී තම ජීවිත පැවැත්මට මුල් තැන දීම වැරදිය. රාජ්‍ය පාලකයා පළමු තැන තැබිය යුතුය. මතක තබා ගත යුතු වැදගත්ම කරුණ නම් බලවත් ඔවුන් යන්නය. එබැවින් තමාගේ දුර්වලතාව තේරුම් ගෙන අරගල නොකොට පාලකයා කරන සියල්ල ගුණ යහපත්කම් ලෙස දකින්නට හුරු වීම රටක පොදු ජනයා බුද්ධිමත් වීමක් ලෙස අර්ථ විග්‍රහ කොට ගැනීම කිසියම්ම ලෙසකින් ලජ්ජා වීමට හේතුවක් ඇති දෙයක් නොවේ.

ඔබ කිසියම්ම ලෙසකින් පාලකයාගේ සදොස් බව ප්‍රශ්න කළ ද තමා සතුව බලය පවතින තෙක් ඔහුට උවමනා පරිදි එය නොසළකා ක්‍රියා කළ හැකිය. එබැවින් මෝඩයෙක් වෙන්නට එපා! විවිධ අයියන් මැද ඔබ අඩු තරමින් එහෙයියන් ගොඩවත් නියෝජනය කළ යුතුමය. මේ සත්ගුණවත් රාජ්‍යයේ පරම සේවකයෙකු නම් ඔබට ඒ සඳහා බාධා තවත් අවමය. 

ජන අරගලයකින් පසු හදිසියේ ... මල්වර වූ තුරුණු, වියපත්, සියලු රාජ්‍ය පාලකයින් පණ මෙන් රැකිය යුතු, 🌹🌺🌸💮🌻🌼💐

මුර බල්ලනි පෙළ සැදෙව්! මුරකාවල් තර කරවි!

ඊයේ පෙරේදා වැඩිවිය පැමිණි රාජ්‍ය පාලකයින්ගේ පාරිශුද්ධත්වය රැකීම රාජ්‍යයේ පළමු හා එකම වගකීමය. දිවි පුදා හෝ ඒ සුපිපි මල් ආරක්ෂා කළ යුතු ය!

විදුලිය සැරය ~

මනුස්සකම මරා හදන රුපියල්

බණ කියනා හොරුත් මාර පොරවල්

වින කළ උන්ට සැප දී මෙහි හැම කල්

හදනා රටක් වැජඹේවිද දිගුකල් !!!!!!!

by හාමු ~ දිව්‍ය ලෝක ගමන 1

හාමු අලියාගේ වල්ගය තදින් අල්ලා ගත්තේ ය. ඉන්දියානු ඉන්ධනය. චීන ඇංජිමය. ඇමරිකානු මෙහෙයුමය. මෙහෙන් හාමු හා පිරිසය. මේ තෝරාගැනීම ගැනම අප රටක් වශයෙන් ලෝකයට ණය ගැතිය. මින් පෙර අලියාගේ වල්ගයේ එල්ලී දිව්‍ය ලෝකයට ගොස් තිබුණේ මේ හාමුගේ මී මුත්තා ය. එබැවින් පරම්පරාවේ නම්බුව මී මුණුපුරා තබනු ඇතැයි කව්රුත් විශ්වාස කළෝය. මීට පෙර හාමු සමඟ අමනාපයෙන් හිටි බොහෝ දෙනා මෙවර හාමු සමඟ දිව්‍ය ලෝක ගමනට එක්වී සිටීම ඇතැමුන් සිහිසුන් කරවන තරමේ පුදුම සහගත තත්වයක් විය. ඇත්තෙන්ම එහෙම නොවුණා නම් පුදුමය. හාමු සමඟ ජන්මාන්තර වෛරයෙන් පසු වූ ඇතැමුන්ගේ වෙනස ගම්මුන් උමතු කරන තරමේ එකක් විය. කෙසේ නමුත් හාමු සිටියේ සතුටිනි. දිව්‍ය ලෝක ගමනට කලක් තිස්සේ උත්සාහ කළ ද "පූරුවේ පින ඵල දෙන්නේ දැන් තමා" ඔහු හාමිනේටත් තමන්ගේ අත වැස්සන්ටත් කීවේ දැනට දින කීපයකට කලින් මේ ප්‍රීතිය සැමරීමට සාදයක් පැවැත් වූ හවසකය. මධුවිත තොළඟා බටහිර විලාසිතාවට හාමිනේ ගේ නළලට හාදුවක් දුන් ඔහු "මුන් මට ඒ දවස් වල කීවේ හාමුට බෑ කියලා" යයි ඔලොක්කු සිනාවක් නැගුවේ ය. කොහොම වුණත් දිව්‍ය ලෝක ගමනට රටේ සබාවෙන් තමා තෝරා ගැනීමටත් වඩා ලෝකයේ රටවල් වලින් ගමනට ආධාර ලැබීම හාමුට ගෙන ආවේ සතුට කි. "අපේ උන්ට වඩා මට උන් එක්ක ගනුදෙනුව ලේසියි" අලියාගේ වලිගය අතගාන අතර හාමු තොල මැතිරුවේ ඒ හෙයිනි. ඉන්දියාව ඉන්ධන දුන්නත් චීනය එංජිම දුන්නත් ඇමරිකාව ගමනේ සැලසුම ඇන්දත් දිව්‍යලෝකයට යා යුත්තේ වලව්වේ ගහේ බැඳ ඉන්න අලියාගේ වලිගේ එල්ලිලා ය. අලියා වලව්වට ආ ගමන හාමු ඉපදෙන්නටත් පෙර කතාවකි. අලියාගේ හොඳ කාලයෙන් හොඳටම වැඩ ගත්තේ මී මුත්තා ය. "මගේ හොඳ කාලෙදි මූත් වයස වුණා නොවෙන්න මං නවතින්නේ දිව්‍ය ලෝකෙ නෙවේ. බ්‍රහ්ම ලෝකෙට ගිහින් " 

ඒත් ඉතිං මක් කරන්නද මේ වෙලාවෙ රාජා මුදලාලි තමයි හැම දේටම කියල හාමු ගෙ දකුණු අත වගේ හිටියෙ. කොටින්ම දිව්‍ය ලෝක ගමනට වෙන සුදුස්සෙක් නැත ය කියල හාමුටම වැඩේ පoගාතු කළේ උන්නැහැ තමා. එක පැත්තකින් රාජ මුදලාලිට තිඋන අවස්ථාවක් මේක. නමුත් හාමුගෙ වෙලාවට අලිය විකුණල නොතිබ්බ එකයි වසනාව, ඊටත් වඩා හෙන්ඩුව. හාමුගේ හිත ගර්වයෙන් රත් වුණා. "මගේ හිතේ විශ්වාසෙ හොඳයි" හාමු ඉංග්‍රීසියෙන් තමන්ගෙ ගර්වය ගැන සෑහෙන උද්දාමයකින් තමන්ට ම කතා කර ගත්ත.

වලිගෙ තදින් අල්ලගත්ත හාමු ගෙ සෙට් එක හාමුගෙ ඉණ වටෙන් අත දාල එක එක්කෙනා පෝළිමට එල්ලුනා දිව්‍ය ලෝක ගමනට. ඔය ඔක්කොමත් හරි හාමුට විතරක් නෙවෙයි රාජ මුදලාලිටත් ඉහිලුම් නොදෙන දෙයක් තිබුණා. ඒ තමයි ගමේ කොල්ලො කුරුට්ටො මේ වැඩේට දාන පල් එක. උන් කියන්නෙම මෙහෙම දිව්‍ය ලෝකෙ යන්ට බෑ ය. වයසට ගියාම කොහොමත් බෑය. අඩු තරමෙ දිව්‍ය ලෝකෙ යනව නම් හැට පිරෙන්නට වත් පෙර යා යුතු බවය. අනික උන් මෙහෙම ගමන පිළිගන්නේ ද නැත. වලිගේ එල්ලී දිව්‍ය ලෝකේ යා නොහැකි බව ද උන් කියති. විශේෂයෙන් ම රාජාගේ මුදලාලි කමටවත් තමන්ගේ හාමු කමටවත් උන් ගරු නොකරති. රාජා මුදලාලි සමඟ විරසක ව හිටි කාලයේ නම් ඔහුත් කොල්ලන්ගේ පැත්ත ගෙන මුදලාලිට වෙට්ටු දැමූ මුත් මුදලාලි මිතුරු වෙස් ගෙන කළ උපකාරයෙන් පසු තමා ගිරයේ ලෑ පුවක මෙන් හිරවුණු බව හාමු දනී. දැන් කොල්ලන්ගේ වැඩ හාමුට සුළු පටු වදයක් නොවේ. වත්තේ මුරකරුවන් ලවා ලයිසොන් තුවක්කු බයිනෙත්තු පෙන්නුවාට ඉස්සර මෙන් කොල්ලන් ඒවාට බය වෙන්නේ ද නැත. රට්ටුන්ගේ අවධානය නිසා මුන්ගේ රැස් බැස්සවීමට ඔයින් එකක් දෙකක් පත්තු කිරීමට හිතුනත් එය ලේසියට කළ නොහැකි ය. ඒ මදිවාට කොල්ලන් වලව්වට ගල් ගසනවා යැයි ළඟදී මුරකරුවන් කීප දෙනෙක්ම වග පල කියනවාද හාමුට ඇසී තිබේ. හාමු මුරකාර දීමනාව සියයට විස්සකින් වැඩි කළේ උන්ගේ යටි හිතේ ඔය වලව් ගර්වය මෝරන්නටත් එක්කලාය. වත්ත මායිමේ කරක් ගැසූ කොල්ලන් වැට පොලු උගුල්ලා බය කොට පැන්නූ බව මුරකරුවෙකු කියනු ඇසුනු හාමු ඔහුට ප්‍රසංශා කළේ මුත්තා හා ඊට පසු කලක තමන්ගේ කෙරුම් සිහියට නඟමින් "ඔය වගේ දහයක් හිටියනම් මට ඇති ගමකට" කියමිනි.

මේ හිතිවිලි එක්ක හාමුට අල්ලගෙන හිටි වලිගය මිරිකුණා විතරක් නෙවෙයි. තව ටිකෙන් විකෙනවා ඒක. ඒ තරමකට එන කේන්තියක්. චීන  ඇංජිමට ඉන්දියන් ඉන්ධන යොදා ඇමරිකන් සැලැස්මට තමයි අලියට උඩ යන්න රොකට් පවර් එක දෙන්නේ. අලියගෙ වල්ගෙ එල්ලිල තමයි සෙට් එක දිව්‍ය ලෝකෙ යන්නෙ. එහෙම ගිහිල්ල මී මුත්තගෙ මතකෙ අලුත් කරල නම්බුවයි ගරුත්වෙයි බේරගෙන ආපහු එන්න බැරි වුණොත් එහෙමම නවතින්නයි හාමු හිතාන උන්නෙ. යන යන තැන හාමිනේව එක්කන් යන්න හිතුවෙත් ඒකමයි.

මතු ~

අදත් ලජ්ජා නැති දවසක් !

විදේශ විනිම

කාන්තා ඉනිම

හූරා කෑම

හොරා කෑම

නුඹට පුතේ ණයක් ඇතේ!

හිවල් කටා

හිඟන මොටා

බත් දෙකටා

පුත නුඹටා

对不起

ඔහොම යමන්...

අපි ඉන්නෙ රට කන්ඩ

උඹල ඉන්නෙ ගොඩ ගන්ඩ

අපි කරත්තේ

උඹල හරක් නේ