නොකියන් මුසාවාදා (පරණ කතාව)- 2 -කොටස

පැරණි කවියක් තියනවා.
"වනේ ගිජිදාය .............. ඌ කාය. ළිඳේ පණිදාය වැටුනොත් ඌ කාය, අතකින් කරවලෙකි අතකින් දඬුබෑය, මරණ තුනක් ඇති මිනිහෙක් පැණි කෑය"
මොකක්ද මෙකෙ තේරුම? ඒ කියා ඇත්තේ පුරාණයේ සිට අපගේ රජුන් රට කරපු හැටි.
හැමදේකටම ඉතිහාසයක් තියෙනවා. දෙව්ලොවේ මුල් ඇත්තෙ අපායෙ නම් අපේ මුල් කොහේ තියෙන්න බැරිද?   අපේ මුල් තියෙනවා ඒ කවියේ. මරණ තුනක් දකිමින් පැරණි කනවා යනු කිසි රටක කිසිම පාලකයෙකුට ලේසියෙන් කළ හැකි දෙයක් නෙවෙයි. නොහැකි දෙයක් බවට මේ ඇඳිරි නීතිය තුළ වුනත් නොබියව අභියෝග කරන්න මට පුළුවන්. බොරුනම් නම් කාල පෙන්නන්ඩ. උපරිමයෙන් මරණ දෙකක් පෙනි පෙනී පැණි ටිකකට දිවදායි. නමුත් මරණ තුනක් දිහා උපේක්‍ෂාවෙන් බලමින් කිරිත් සමඟ හරි පැණි කන්න ඔය කාටවත් බෑ. හොඳින් පදම් වුණු ලෝකෝත්තර සටකපට බවක් ඔය කාටවත් නෑ අපිට තරම්. පරංගියාව කෝට්ටෙට යැවුවෙත් අපි, ඉඟුරු දීල පිරිස් ගත්තෙත් අපි, එතකොට උන්ගෙ ආයුධ වලින් උන්ටම ගහන්නෙ නෑ කිව්වෙත් අපි, තව එක පාරින් බෙල්ල කපන්න, අයියණ්ඩිය බිය නොවන්න මැරෙන හැටි මම පෙන්වමි කිව්වෙත් අපේ අය. එහෙව් අපිට මරණය මොකක්ද? අද වෙනකොට ඒ පරිණාමය මරණ තුනක් නොවේ, මරණ දහදහක් දැක දැක වුනත් අපිට පැණි කන්න පුළුවන් බව පහුගිය වසර තිහක් හතළිහක් ඊටත් එහා අපි ඔප්පු කොට අවසානයි. තිරසාර දියුණුව කියන්නේ ඒකටයි. ඒ දියුණුව රටකට ලේසියෙන් ලබාගන්න බෑ.
-ඉතිරිය ඉදිරියට-

නොකියන් මුසාවාදා (පරණ කතාව)-1- කොටස

මහ දවල් ඇඳරි නීතිය දාලා, හිත ඇතුළෙන් සතුට  දෝරෙ ගලනවා. ඒ සතුටට රසවත් ගී පද මතකෙ එනවා.
බොරු කියන රටක්
බොරු අහන රටක්
තව මෙසේ නොවී කෙළෙසා
එය දන්න ඔබත්
මෙහි ඉන්න අපත්
තව කුමක් කියනු කා... හා...
උදේම කොඩිය උස්සලා ගීය කියලා පුරුදු කරපු පමණට පන්සිල් අරන් නැත්තම් තමන් අදහන ආගමේ වතාවත් කරලා අවුරුදු ගාණක් ඉස්කෝලෙ ගිහින් පස්සෙ තවත් තැන්වලට ගිහින් රට රට වල පවා ගිය මිනිස්සු අපි, මේකේන් එළි බැහැපු අය අද විවිධ තැන්වල විවිධ මට්ටම් වලින් ජීවත් වෙනවා. කරදරයක් නැතිව විවිධ ඉසව්වලින් දියුණු වෙමින් ඉන්න මිනිස්සු ගැන සන්තෝෂයි. තවත් විදිහකින් රටට විදේශ විනිමය ගෙනෙන පිටරට රස්සා කරන පිරිසකුත් ඉන්නවා. මේ වෙලාවෙ අපි ඔවුන්ද සිහිපත් කළ යුතුමයි.
මේ රට හරි ලස්සණයි. ලොකු ඉතිහාසයක් තියෙනවා. කොටින්ම ඔය අද දියුණුයි කියන සමහර රටවල මිනිස්සු එළිමහ නෙ කැත කරන කාලෙ අපි කැත කළේ කැසිකිළි ගල්වල. එතරම් දියුණු ජාතියක් අපි. ලෝකෙ අවුරුදු දෙදාස් පන්සීයකටත් එහා ශිෂ්ඨාචාරවත් ඉතිහාසයක් තියනව කියන්නෙ, ඒකම ඇති අපිට අභිමානයෙන් නැගී හිටින්ඩ. ලෝකෙ තියෙන උතුම්ම ආගම අද ඉතිරිවෙලා තියෙනෙ කොහේද? අපි භාණ්ඩාගාරයක් වුනේ ධර්මය අතින් පමණක් නොවේ. හැම අතින්ම. සමහර විට අද පවා. ලෝකෙ ඉන්න හොඳම හමුදාවෙ ඉඳන් ලෝකෙ බිහිවුණු දරුණුම ත්‍රස්තවාදී කල්ලිය දක්වා අපේ රටේ  මිනිස්සු මේ භාණ්ඩාගාරයේ ඉන්නවා. අද ඒක අයි සිස් කියන එකක් දක්වා ඉදිරියට ඇවිත්. ඒ දියුණුව රටකට ලේසියෙන් ලබාගන්න බෑ.
-ඉතිරිය ඉදිරියට-

බලු උණ

පිස්සු බල්ලන් දඩාවතේ යන බල්ලන් පාලනයට බලුවෑන්, ජඩභීතිකාව රටින් තුරන්කරනට අපගේ සහාය

එනිසා!

කුලය නිසා
ධනය නිසා
බලය නිසා
ආගම නිසා
ජාතිය නිසා
උපන් සියලු බේද
නසපන් සැවොම
මිනිසුන් නිසා

බබාලා

ෂ්..
සද්ද එපා
...............
ඇස් ඇරගෙනම
හොඳටෝම
නිදි..

පළිගැනුමට මුල සිට

අතීතය මතකයට ගෙන
කඩුවක් තුවක්කුවක් අතින්ගෙන
යන්නෙමි හෙට උදෑසන ම නැව් නැග
පෘතුගීසි ලන්දේසි ඉංග්‍රීසි තව චෝළ පාණ්ඩියයන් හොයාගෙන

සැමට යුක්තිය පිරිසිඳිනු

මේ රටේ සිටින්නේ දෙකෝටියකි. ඉන් කොටසක් අසාධාරණ ලෙස විඳින්නෝය. අනෙක් කොටස අසාධාරණය නිසා විඳවන්නෝය. ඊට හේතුව අසාධාරණයට උඩගෙඩි දෙන බලයයි. ඒ බලය සාධාරණය උදෙසා නතු කර ගැනීම අපේ සටනයි. එයට ඇත්තේ එකම නමයි. සාධාරණ සටන නම් එයයි.
විවිධ වර්ගවල අසාධාරණ කම් සියල්ල පොදුවේ අසාධාරණයයි. රන්පැහැයෙන් අකුරු ඇමිණුවද තුට්ටුවක වටිනාකමක් නැති මහජනයා වෙනුවෙන් ඇති රජයේ ආයතන එක වැඩේට ජීවිත කාලයම අප රස්තියාදු කරන හැටි. වෙනස් කළ යුත්තේ බලයේ අසාධාරණයයි. අසාධාරණ බලයයි. එහි අධිකාරියක් හොබවන දේශපාලනයයි. අසාධාරණ දේශපාලකයායි. තැනිය යුත්තේ සාධාරණ නීතියයි.  ගොඩනැගිය යුත්තේ ජීවිතයි, රටයි. එසේ නැතිව ජාති ජන්මය ඇදගෙන එක එකා මරා ගන්නට යාමෙන් නැවත වෙන්නේ මොන මොන ජාතියේ ආගමේ හෝ අහිංසකයන්ගේ නිදහසේ ජීවත්වීමේ අයිතිය උදුරා ගැනීමයි. නමුත් සැබෑ ප්‍රශ්නය එතැනින් නොනවතින්නේ ප්රශ්නයේ හා පිළිතුරේ මූලය වන සාධාරණකම උපදින්නේ ජාතිය ආගම කුලය පදනමේ නොවන නිසායි. ඒ මූලය මනුෂ්‍යත්වයයි. තීරණය ඔබ අතයි. ප්‍රතිඵලයද වගකීමද ඔබ වෙතයි.

කඩුව

රටවැසියන් විසින් නිෂ්ක්‍රීය කරනු නොලබන අමන දේශපාලනය බෝම්බයක් සේ නුදුරේදීම විනාශකර දමන්නේ සමස්ථ රටමය, කොඩියේ කඩුව ඊට එරෙහිව ඔසවමු

හෙළය - හෙළුය

අනෙකාගේ නිරුවත පෙන්වමින් බොහෝ වැඩිහිටියන් නිරුවතින්ම කෙළින රටේ, යට ඇඳුමක්වත් අඳින පාලකයන් බිහි කිරීම රෙදි අඳිනවුන්ගේ උත්තම වගකීමවේ

එකට

සැමට සාධාරණය ඉටුකෙරෙන නීතිය රීතිය පණගන්වා බලගන්වා යුක්තිය ඉටුකරනු

මේකයි වෙලාව (නැකත හරි)

රටේ වෙලාවට වැඩ වෙන්නෙ කොතැනද? ඔර්ලෝසුවල පමණය. ඉන්පසු කාලය මඟහැරිය එක වෙනුවෙන් පච හැලීමය. අතළොස්සක් හැරුණු කොට රටේ බහුතරයට වෙලාවක් කලාවක් රටාවක් ඇත්තේම නැත. පශ්චාත්භාගයේ බෝම්බයක් පිපිරුණු පසුත් විමර්ශන මත කල්මරමින් මහතැන සිට පච හැලීමේ ශාපයෙන් මේ රට ගැලවීමට නම් වෙලාවට කලාවට වගකීමක් ඇතිවිය යුත්තේ ගෙදර ඉඳන්ය. එවිට ජාති ආගම් හමටම තඩිනොබා වගකීමක් නැති දේශපාලකයන් නිලධාරීන් කනින් අල්ලා දොට්ට දැමීමට හේතු සාධක නිර්මාණය කර ගැනීමට රටේ යුක්තිගරුක නීතිගරුක මිනිහාට හැකිවනු ඇත. එසේ නැතිව මිනිස්සුන් ගේ අනාචාරී වනචාරී කම් වලට පොහොර හෙලුවිට ලැබෙන්නේ තව තවත්  විවිධ වර්ගවල විෂ බෝම්බ  පමණි. එබැවින් දැන්වත් තවත් බල බලා සිටීමට කාලයක් නැති බව කවුරු කවුරුත් තේරුම් ගත යුතුය. මේ රටටම කාල රාමුවක් සකසා ගැනීමට කාලයයි.

(අන්ධ මන්ද)

ගරු නැත්නම් ගරු මන්ද

"ගරු හොර තුමා" අප කියන්නේ නැත. "අති ගරු මෝඩ උතුමා" අපි නොකියමු. ඒ එවැනි පද එකිනෙක නොගැලපෙන නිසාය. කණා මුට්ටියට වාසනා මුට්ටිය කියන්නට තරම් 2019 ධනාත්මකය. එබැවින් ඒ ධනාත්මකත්වය රැක ගනිමින් දේශපාලකයා වෙත ආමන්ත්‍රණය කිරීමේදී ගරු, අතිගරු මෙන්ම උතුමා යන පද භාවිතය නවත්වා දමමු. එය බසේ ගරු පදරුත් රැකගැනුමට හේතුවක් වනු ඇත. ජඩයාට ගරු ජඩ තුමා කීම  අපේ සමාජදේහයේම සෞඛ්‍ය පිරිහෙළන්නකි.
ඒ අනුව මන්ත්‍රීවරයා, ඇමතිවරයා, ජනාධිපතිවරයා..  ආදී වශයෙන් තනතුරු නාම පමණක් ඔවුන්ට සෑහේ. 

අවිවාදය(අවියෙන් තොර)

කොන්දක් නැති රටක්
නින්දක් නැති හෙටක් ද?
සිහිනයෙන් අවදිවෙමු...

කොන්ද යනු පාලකයාගේ උඩු රැවුලත් යටි රැවුලවත් නොවේ. ගොරහැඬි කට හඬක් හෝ ජාතික ඇඳුමත් හෝ නොවේ. ස්ත්‍රියක වේවා පුරුෂයෙකු වේවා රට තුළ සෘජුව දෙපයින් හිඳ කටයුතු කළ හැකි ස්වාධීනත්වය ඇතිකොට දීමයි. ඊට සරිලන නීතියට යුක්තියට පණ දීමයි. මැරෙන ටිකට ගොඩ වඩා බඩ වඩා පිල් හදා ගැනීම වෙනුවට එකඳු හෝ නිවැරදි කටයුත්තකට දායක වීමට නිර්භීත පුද්ගලයින් රටේ ජනිත කිරීමයි.
ඒ සඳහා පවතින පාදඩ දේශපාලනයේ පමණක් නොව සැම පාදඩකමක්ම නිරුවත් කළ යුතුය. කෙතක් හේනක් වුව අලුතෙන් අස්වද්දන්නට නම් බිම සමඟ ඔට්ටු වී පස පෙරළිය යුතුය. එය මේ පාදඩ දේශපාලනයේ සරල පාට පෙරළියක් නොව සමාජ දේහයම වසාගත් පිළිල උගුල්ලාලන සැත්කමක් විය යුතුය. මහජනයා තම තමන් සිටින තැනින් නැගිට මේ සැත්කමට සිහියෙන් නුවණින් දායකත්වය දිය හැකි වේද, අලුත් ඇහැක් සමඟ පිළිණු දේශපාලන තුච්ඡද්වය වළ දමා ඒ මිනී වල මත මල් පුබුදුවාලිය හැකිවනු ඇත.
එබැවින් එන්න.. එක් වන්න.. සමාජ දේහයේ පිළිල හඳුනාගන්න.. හැකි දේ යුතුදේ නිසිලෙස නිසිවිට නොබියව උගුල්ලාලන්න.

කුඩේ මුඩු

(අරටුවට ගුල්ලෝ ගසද්දී පොත්ත පාට කිරීම)

රටේ අරටුව මොකක්ද? ඒ අරටුවට ගුල්ලෝ විද්දේ අද ඊයේද? අපි හැමදා කළේ, කරන්නේ කුමක්ද? පොත්තේ කොළ, නිල් වර්ණය වෙනස් කිරීමයි. රටේ මිනිසුන්ගේ ජීවිත වැඩි ගණනක් අහිමි වූ හැම මොහොතකම රට කිනම් හෝ ව්‍යසනයකට පත් වූවා යැයි හැඟුණු හැම මොහොතකම "අද සිට අපි සියළුදෙනා එක්වෙමු" යන උච්ඡාරණය නැවත පුනරුච්චාරණය කරනවා පමණකි. මෙවැනි අවස්ථාවලදී කාගේ හෝ කරපිට වගකීම පවරා තමන් නිදහස් වීම, එකිනෙකාට ඇඟිලි දිගු කරගැනීම, කැකිල්ලේ ප්‍රකාශ යනු  සාමාන්‍ය තත්වයක් ලෙසට අප හුරුවී ඇත. එහි විරුද්ධාර්ථය නම් ධනය, බලය, කුලය, නිලය හෝ වෙනයම් ඕනෑම වල් පඳුරකට මුවාවී බඩ නිදහස් කරගෙන රට අපවිත්‍ර කිරීමට නොනිල අයිතිවාසිකමක් සදාකාලිකව මෙහි ඇති බව නොවෙද?
තවදුරටත් යල්පැන ගිය සාම්ප්‍රදායික මළ පනිනා සංස්කෘතිය මත ඔළුවෙන් හෙළුවෙන් හිටගන්නවා වෙනුවට අප ඒ සංස්කෘතිය දෙකකුලෙන් සිටවිය යුතුය. ඒ උදෙසා තේරුම් ගත යුත්තේ සැබෑ අභ්‍යන්තරික වෙනසක් තුළ චින්තනමය විප්ලවයකින් මළකෑ පුස් මොළ ශුද්ධ කර ගත යුතු බවය. ඊට තත්වයක් තරාතිරමක් නොව විනයක් ශික්ෂණයක් හදාගත යුතුය. ඒ විනය ශික්ෂණය යනු ආපසු පොත්ත පාට කරන්නක් නොවිය යුතුය. අරටුව යළි ශක්තිමත් වන්නේ නිවැරදි ලෙස යළි සැළසිය හැකි ආරක්ෂණය සහිත පෝෂණයකිනි.
රහතුන් හෝ ශුද්ධ වන්තයන් තරමට නැතත් අමු බොරුව නවතා සත්‍යවාදී යහපත් රට වැසි පදනමකින් මිස මෙරටේ මේ මුඩුමත්වය කිසිදා වෙනස් නොවනු ඇත.

දෙනු

මේ ඝන අන්ධකාරයේ රිදී රේඛාව නම් සත්‍යට මුව දීමයි.

දැන්...සතියට

බිඳදමා
අවසිහිය
හදාගමු
දැන් සිහිය

භ්‍රාන්ති වාදයේ ඇත්ත කතාවක් (තාක්ෂණික පද හරඹයෙන් මොබ්බේ)

ත්‍රස්තවාදය ගමේද තිබේ. භුමියේ මෙන්ම බුකියේද තිබේ. සරල නොවන ත්‍රස්ත ක්‍රියා අපේ ඇස් පනාපිට දිනපතා සිදුවේ. අනිසි බලපුළුවන්කාරකම්, නොමනා තුප්පහි කඩාකප්පල්කාරී, කාලකණ්ණි නීතිවිරෝධී ක්‍රියා කරන්නෝ කොතැනත් සිටිති. ගම් මට්ටමේදී ඒවා කරන්නෝ ගමේ ත්‍රස්තයෝය. ඒවා මඬින්නට නීතියෙන් රීතියෙන් කටයුතු නොකොට එවැනි ක්‍රියාවන්ට උල්පන්දම් දෙන්නෝ ප්‍රාදේශීය බලධාරීත්වය නිලධාරීත්වය තුළද සිටිති. එසේ ගමේ ආණ්ඩුවෙන් අසාධාරණයට ලක්වීමේදී ජාති, ආගම්, පාට, පක්ෂ, කුල මළ, ඉඩ කඩම් බේදයක් නොසැළකේ යයි කියා කියූවොත් එය සපුරා බොරුවක් වෙයි. අත්දැකීමෙන්ම කිව යුත්තේ තමාගේ සමාජ පසුබිම මේ සියලු කාරණා තුළදී අදාළ පාර්ශ්වයන් වෙත නියමින් හෝ අනියමින් බලපෑම් කරනා බවයි. සමහර විට ජාතිය පරදා ආගම ඉස්මතුවන අවස්ථාද ආගම පරයා කුලය, ධනය ඉස්මතු වන අවස්ථාද ඒ සියල්ල පරදා දේශපාලන පැහැය ඉස්මතු වන අවස්ථාද කොතෙකුත් වෙයි. එනිසා මෙය හුදු වාර්ගිකතත්වය ඉක්මවා ගිය ජාතික ප්‍රශ්නයක් වෙයි. ගමක උදාහරණයක් ගනිමු. සමහරක් ගම්මු තම අසල්වැසි කොටස් කරන ලද ඉඩමක පදිංචියට පැමිණෙන්නා හඳුන්වා දෙන්නේ පිටගම්කාරයා, කොටස් ඉඩම් කාරයා යනුවෙනි. එහිදී ඉස්මතු වී ඇත්තේ ජාතිය ආගම නොව අදාළ තැනැත්තා පදිංචි ඉඩමේ ස්වභාවයයි. ඔහු බැහැරින් පැමිණි පදිංචිකරුවෙකු වීමයි. ඔහු හොඳ සාධාරණ කෙනෙක් යයි සිතමු. ගම් වැසියා දරදඬු මුග්ධ තැනැත්තකු යයි සිතමු. ඉඳින් යම් ගැටළුවකදී මේ සියල්ල නොසලකා ගමේ ආණ්ඩුව ගම් වැසියාගේ පැත්ත ගෙන සළකන්නට ගියොත් එකම ජාතියේ ආගමේ වුව ලංකා පුරවැසියෙකු ලෙස කොටස් ඉඩම් කරුවාට සිදුවන්නේ බලවත් අසාධාරණයකි. එවැනි විටෙක තම අසාධාරණය උදෙසා තවදුරටත් සටන් කරන්නට ගියහොත් අත්දැකීම් අනුව කියන්නට සිදුවන්නේ ගමේ ත්‍රස්තවාදය එවිට හොඳින්ම අත්විඳිය හැකි බවය. එය ලංකාවේ හෝ නොදියුණු රටක ස්වභාවයද? එසේ කියා පිට රට පදිංචියට යන අයත් නැතිද?
ඇති හැකි අය පිටරට සරණ සොයද්දී අසරණ ලාංකිකයා දේශපාලන හමට තඩි බබා විවිධ ආරයේ ත්‍රස්තවාදීන්ගෙන් සදාකල් බැටකන්නේය. දේශපාලන ත්රස්තවාදීන්ගෙන් පමණක් නොව ඔවුන්ගේ ඇම්බැට්ට ව්‍යාප්තවාදීන්ගෙන්ද අපමණව බැට කන අප ඒ ඒ මොහෙතේදී පමණක් මඳක් හිස ඔසවා ආපසු එය ගසා ගන්නේ දෙකකුල් අතරය.
එකම ජනවර්ගය ඇතුළත සිදුවන මෙවැනි ගැටුම් දහසක් අතර අපි රටක ලාංකීය ජාතිකත්වය ඇතුළේ ජන වර්ග අතර සාමය සමඟිය ගැනත් ගෝලීය ත්‍රස්තවාදයක් ගැනත් අද කතා කරමු.
අර මා කලින් කියූ ගමේ ත්‍රස්තවාදයෙන් බැට කන ජනයාට ගම තුළ සාධාරණය ඉටු කිරීමට අසමත් බලධාරීන් ලෝක ත්‍රස්තවාදයෙන් රට මුදා ගන්නට සමත් වේද?
ත්‍රස්තවාදය මිලේච්ඡ වීමට මිනී දහස් ගණනින් රට තුළ මිහිදන් විය යුතු නැත. ත්‍රස්තවාදයේ සළකුණු පෙනෙන තැනක් ඇත්නම් එතැන ත්‍රස්තවාදීන් සිටිය යුතුමය. අද හතර අත ඉව අල්ලා හොයන ත්‍රස්තවාදයේ නාමය කුමක් වුවත් හෙට රට යළි සැබෑවට ගොඩ නගන්නට නම් ඔය ඉව ඇල්ලිය යුත්තේ ජාති ආගම් බේදකයින් තොරව ගමේ ත්‍රස්තවාදය වෙතයි. ඒ පිටුපසද බුරුතු පිටින් සිටින්නේ ගම්බද දේශපාලකයන්ය. සමහර තැනක ගරු නම්බු පට්ටම් ගසාගත් කළු සුදු ව්‍යාපාරිකයින්ය. නගරයේද ඒ අයුරින්ම ත්‍රස්තවාදය තිබේ. ප්‍රදේශීය, නාගරික පොලිසි, ප්‍රාදේශීය, නාගරික සභා, ලේකම් කාර්යාල.. පළාත් පාලන ආයතන, ඒවායේ කොමසාරිස්වරු මේ ආශ්‍රිතව පවත්නා දේශපාලනමය හා නිලධාරී ත්‍රස්තවාදයන් ද පරාජය කිරීම රටට අවැසිය. හැම දෙනා අතරින් මේ සරල නොවන ත්‍රස්තවාදය තෝරා පරාජය නොකරන තාක් ලෝක ත්‍රස්තවාදයට නැවත වැඩෙන්නට මෙහි ඉඩ ඇත. නිදහසේ සිට ගත්තද ගමේ ත්‍රස්තවාදය භාවිත කරමින් රටේ බලය අල්ලන්නට වලිකෑවා මිස ගමේ ත්‍රස්තවාදය ගැන කතාකළ ශික්ෂිත දේශපාලකයන් සිටින්නට ඇත්තේ අල්ලක් පමණි. නමුත් මල්ලක අස්වැන්න අල්ලක අස්වැන්නට වඩා වැඩි හෙයින්ම ගමේ වර්ණනාවට යටින් වැඩුණු ත්‍රස්තවාදයක් අද දක්වාත් එයි. ඒ ත්‍රස්තවාදයට ත්‍රස්තවාදයකින් ම ප්‍රති උත්තර සෙවූ ලාංකිකයෝ කීප විටක් විනාශය අත් දැක්කේ කිනම් ත්‍රස්තවාදයේත් අවසන් ප්‍රතිඵලය අවි ගැන්ම නම් එය අවියෙන්ම නස්නා බව පසක් කරමින්ය. අවි දරණ ත්‍රස්තවාදය එසේ වුව අවිනොදරන ත්රස්තවාදය අද වන විට ගිනි තබා ඇත්තේ අපේ රටේ භෞතික දේපළ වලට නොවේ. මානව සම්පතටය. ලාංකීය චින්තනයටය. ඒ බව තේරුම් නොගත් බොහෝ උදවිය සිතන්නේ ත්රස්තවාදය අන්තවාදය හුදෙකලාවේ බිහිවූ බවක්ද? හුදෙකලාවේ නසා දැමිය හැකි දෙයක් බවද?
අපේ රටේ උගතුන් බුද්ධිමතුන් දන්නා කාලයක සිට කතා කළේ එකම දෙයකි. දැන් දැන් විවිධ නම් වලින් හෝදා හෝදා මඩේ දැමුවද අපට කතාකරන්නට ඇති අවසානය එතැනය. දෙකෝටියක් දෙසිය විසිපහක් මඟින් නැටවෙන යුගය අවසන් කළයුතු බවය. දෙකෝටියක් ප්‍රාණ ඇපයට ගෙන දෙසිය විසිපහකුත් එකක් භ්‍රන්ත ත්‍රස්තයන් නටන ජාතික නාඩගම අවියෙන් තොරව සවියෙන් නැසිය යුතු බවය. නැණ සවිය මිස  අන් මගක් නැත.
අප යහ සමාජයක් පැතුවේ පාසල් කාලයේදීමය. එබැවින් දැන් නැවත නැවත පතන්නට දෙයක් නැත.
ඇත්තේ වගකීම ඉටු කරන්නටය. කුඩා කළ සිටම නීතියට යුක්තියට ගරුසරු නැතිනම් ඒ ගම්බඳ ත්‍රස්තවාදය නවතින්නේ ලෝක මට්ටමිනි. ප්‍රභාකරන් තැනුනේද මේ රටේය. අද අයි එස් අයි එස්ය. ඊට අවශ්‍ය පිටුබලය සපයන්නේ ගමේ ත්‍රස්තවාදයයි. නීතියට අනුකූල වීම තමන්ගේ මහන්තත්වයට කැළලක් ලෙසින් සළකන ගමේ මන්ත්‍රී දැන නොදැන පෝෂණය කරන්නේ රටේ ත්‍රස්තවාදයයි. රටේ රාළ ලා ඉහටත් උඩින් නීතියට ගරුකරනා බැවින් රටටම නීති උණ හැදෙන්නේ මෙවැනි විටෙක යි. ඒ වන විට හාර පන්සීයක් මිනිස් ජීවිත උඩින් ත්‍රස්තවාදියා අන්තිම   කෝච්චිය දක්කා අවසානය.
ආගමෙන් තමන් වෙත පැවරෙන ශික්ෂාවට අකමැති වේවා කුඩා නීතියේ බලය සියල්ලන්ට සමානව ගමේ සිට පටන් ගන්න. අපට මෙසේ සමාජ ජාලයේ රිංගන්නට එවිට උවමනාවක් ඇතිකර යටිහිත කරදර කරන්නේද නැත.
මේ අවස්ථාවේදී බෝම්බ තැබූ ත්‍රස්තවාදින් මියගොස්ය. ඉතිරි පිරිස් අත්තඩංගුවට ගෙන ඇති අතර තව දුරටත් ඒ සඳහා මෙහෙයුම්ය. මේ හදිසි කාලය ගෙවීයාවී. ආයෙත් පගාව, ජරාව දේශපාලන බලය හිස ඔසවාවි?
ඊට පස්සේ අන්තවාදයත් ලෝක ත්‍රස්තවාදයත් අමතක වේවි? ගම නො හදා රට හැදේවිද? දෙකෝටියක ට නීති හදන්න තව මොන බල බෙදීම්ද, තියන බලයත් පරෙස්සමට අරන් තියන රටක මේ බල අරගල මනුෂ්‍යතත්වයේ සීමාවට ගෙනාවනම්, බොරු නොහොත් පච වෙනුවට සත්‍යවාදී වගකීමෙන් බැඳී වැඩ කරනවා නම්, ඊළඟ වෙසක් පෝය වෙද්දි අඩු තරමෙ රටේ මේක ලෝකයේ සුරක්ෂිතම රට වේවි. ඒකට තම වගකීම තව පුද්ගලයන්ගෙ කරේ නො දාන්න 225ට යි තව එකෙකුටයි  පමණක් නොව දෙකෝටියකටම හැකිවිය යුතුයි. අප ඔවුන්ව දිය බැඳි මාළිගාවේ ඒ අරමුණෙන් ප්රඥාතන්ත්රයෙන් යුතුව කොටු කළ යුතුමයි. නැත්නම් වෙන දේ බලා දෙන මේ පලා මළවා රස විඳිමු පෙරසේම.

වගකීමක් වගකීමෙන්..

මාව
ලාංකීය වෘත්තියේ යොදවන්න එපා,   "වගකීම" වගකීමෙන් ඉල්ලා සිටියාලු.
ඊට හොඳයි ගණිකා වෘත්තියේ යොදවන්න, තවදුරටත් කීවාලු.

අතරමං වූවෝ

විශ්වයේ පැවැත්ම යනු ආලෝකයයි. නැවැත්ම යනු අඳුරයි. එහි ජීවයක් යනු ආලෝකයේ මුදු බව මත අඳුර නැමති කඩතොළු ඇති කරන්නා වූ පමණක ඝර්ෂණයයි. ඉන් ඔබ්බේ ඇතිවන සෙවණැලි ඒ ඝර්ෂණයේ සංගුණකයයි. ඒ රූප සෙවණැලි විටෙක රමණීය බිතුසිතුවම් නිර්මාණය කළත්  එහි ඇති පරමත්වය කුමක්ද? සදාකාලික හෝ අකාලික බව කුමක්ද? නැත, ඒ එක්තරා සංගුණකයක් පමණි.
උගත්කමින් ඒ සංගුණකයට ලොල් වී ඊට ආල වඩන්නෝත්  මුග්ධත්වයෙන් ඒ සෙවණැලි රූප වලට පෙම් බඳින්නෝත් යනු  සැබෑ ජීවිතය නොදැන සැබෑ මරණයද නොදැන අතරමඟ වූ සෙවණැලි මත අතරමංව අන්තගාමී වූවන්ය.  අන්තවාදය යනු සැබවින්ම අන්තයක් නැති මිරිඟුවක දිය සෙවීමක් පමණය. කාන්තාරයක ක්ෂේම භූමි නොසොයා මිරිඟුවක් ලුහු බඳින ඔවුන් ලබනා කිසිවක් නැත. එබැවින් කිනම් හෝ අන්තවාදියෙක් යනු සැබවින්ම අන්තයක් දැකීමට අසමත් කෙනෙක් පමණි. මිථ්‍යා දෘෂ්ටියේ ගැඹුරුම ආඝාධයද මනුෂ්‍යත්වයේ ගැඹුරුම ආඝාතයද එතැනින්ම ඉපදීම එහි ඇති ගැඹුරුම ඛේදවාචකය මෙන්ම එහි ඇති අති ශෝචනීයත්වයද වන්නේය.

ඊළඟ මොහොතට...

පුද්ගල බද්ධව මිස යාන්ත්‍රනයක් වශයෙන් ශක්තිමත් නැති රාජ්‍යක් බවට යළිත් පසක් කළ ඛේදය තුළින් අදත් එදත් නූගත් පාඩම නම් දහමේ සිට අප ප්‍රතිරූප වන්දනාව මිස ප්‍රතිපදා සම්පාදනයේ නොසිටි බවයි. ඒ සත්‍යට පිටුපා අපට යා හැකි දුර කොපමණදැයි ජීවිත පරිත්‍යාගයෙන් රට වැසියා තව කොතෙක් කිව යුතුද?
ඊට තිත තැබිය හැක්කේ බුද්ධිමත් නිර්භීත මිනිසුන්ගේ සක්‍රීයත්වයෙන් පමණි.
ඔවුන් කිසිවෙකුගේ උපදෙස් නොලබාම හෝ තම කාර්ය නොපිරිහෙලා ඉටුකරනු ඇත. ඒ ගොන්නට එක් වන්න,
නීති යුක්ති සත්‍ය ගරුකත්වය කාලය නොඉක්මවා ජය ගනු නියතය. ගිය නුවණ පසෙක තබා සිහිනුවණින් ජය ගමු.

බුර බුරා.. මුඛ

අමන සමණ රට වැසියකු වීමේ විභාගයේ නවතම ප්‍රශ්නෝත්තර  සංග්‍රහය
දැන් නිකුත් වුණා
-හැන්සාඩ් ප්‍රකාශන-

ලංකා .. මාතා..

ඉවසා
සනසා
රැකගමු සත්
හදවත්

ශ්‍රී..

කාසියකට වටිනාකම දී
ජීවිතයකට වටිනාකම නොම දී
ප්‍රජාතන්ත්‍රවා දී සමාජවා දී ජනරජයක හු දී
හෙට සිටන් ආපසු කාසියම උඩ දමා පතනෙමු උත්තම කේතුම තී

ප යන්නෙන් ..

උපතේ සිට අත්විඳි ලාංකීය තුප්පහි අව ජාතික දේශපාලනයේ යටිපෙළ - මීළඟ ගොදුර මම විය නොහැකිද?

ර යන්නෙන් රට..

එදා හිට
නගා හිටු මට
බිබික්කමකුත් අරික්කාලක්
මදි වු රට... මගේ රට ඒ
මගේ රට..

වහල් ලු

නිවහල් චින්තනය
නිවහල් චින්තකයෝ
නිවහල් කමක්
නිවහල් රටක් ?

අවුරුද්දේ

සුබ වේවා
අලුත් වේවා
ආයු බෝ
ආ වඩා

හොක්කි හොක්කි.. උහූ

ඇත්ත කතා කළොත් පෙන්නයි කනත්ත
ප්රශ්න ඇසූවිට ඇයි උඹ පොරක්ද
දේශපාලනේ මෙහි සෙල්ලමක්ය
මරුවා සමඟ වාසය රජ කමක්ය

කොහූ

පච වගා කොට
වගාවට දිරි දී මනා කොට
සත්‍ය පුළුස්සා අළු ගා නළල් වට
යහපත සමඟ වළලන්නේ හෙටයි අද

කාක්

වංචා විනෝදේ

මෙෙත්‍රිය, මේ බැඳුම්කර වංචාව හැර තවත් බැඳුම්කර වංචා තිබේද

මෙෙත්‍රිය, ඒ බැඳුම්කර වංචාත් මේ බැඳුම්කර වංචාවත් හැර තවත් වංචා තිබේද

මෙෙත්‍රිය, ඒ බැඳුම්කර වංචාත් බැඳුම්කර නොවන වංචාවත් හැර තවත් වංචා තිබේද

සන්තෝෂවාදය

ෆ්රේම් ගැන දොඩති මිනිස්සු..මිනිහෙක් කියෙන්නෙම ෆ්රේම් එකක්. ෆ්රේම් නැත්නම් එතැනයි නිවන. අපි තනන තතනන ලෝකයෙන් මිදුණ.

ඒවා

සිංහලෙන් ආත්මය අතගා
ඉංගිරිසියෙන් අනාත්මය අතගා
සංස්කෘතියෙන් හිස අතගා නා
අසංස්කෘතික ජීවිත මේවා

පෙකෙණිවැළ...(සංක්ෂිප්තයි)

ගිය නුවණ ... ගතවුණු කාලය ආපසු ගත නොහැක. ලෝකය යන්නේ ඉදිරියටය. වාසියක් තිබේ නම් ඒ ආසන්න චක්‍රවල එකම රටාවක දිවෙන මේ ගෝලයේ ඉරෙගියුලත්වයන් අතරේ රෙගියුලර් බවක් තිබීමයි. අක්රමවත් දේ තුළ ඇති මේ ක්රමවත් රටාව පමණි අපට පසුගිය කාලය හා නුවණ ලබා ගතහැකි එකම මග. අත්දැකීම් ලෙස ඒවා ඉදිරි ජීවිතය උදෙසා එක්වන තරමට අපත් ලෝකයත් ඉදිරියට ගියා නොවෙද, ඒ අත්දැකීම් දැනුමට විද්‍යාවට පෙරළා ගත් මිනිසුන් රටවල් ජාතීන් ආගම් දර්ශන සියල්ලටම ගමනක් තිබිණි. අපට ටැග් වී ඇති දෙදහස් පන්සීය තබා පහුගිය වසර දහයක් පාඩමක් කොට ගන්නට බැරි රටක ජාතියක් නොවෙද අප. අධිකතර තණ්හාවක් බඩ බැඳගෙන බොරුව රැවටීම පදනම් කරගෙන දෙදාහක් තබා වසර දසදහසක් ඉතිහාසයක් ගැන පාරම්බෑවත් ඵල නැත. නිරුවත් දෑසින් විචාර බුද්ධියෙන් බැලුවා නම් ආපසු මීට කළකට පෙර, අද වන විට අප බොහෝ වටනා දෙයින් පූර්වාදර්ශී රටකි ලොව.. අපිවත් ගතවුණ කාලය, නුවණ ආපසු අදින අතහැරුණු කඹකොන ඇල්ලිය යුතුය. එය ඇදිය යුත්තේ අතීතයේ සිට අනාගතය වෙතය. චක්‍රයක වුව ලෝකය රට සමඟ අප ඉදිරියට යැවෙනුයේ එමඟිනි. සාර්ථකත්වය එතුළය. අතීතය අනාගත සිහින තුළට සංශෝධනය වන්නේ එවිටය. ඒ සංශෝධිතයන් රටේ අනාගතය උදෙසා දැනුම විද්‍යාව කලාව ලෙස බිහි වෙත්වා.. කවුරු කෙලෙස කීවත් ඒ විලිරුදාව හෙට උපදින දරුවාගේ අනාගත ස්ථායීතාව වනු ඇත. පරපුරක අතීත උරුමය වනු ඇත.
පෙකෙණිවැල නම් අතීතයෙන් අනාගතයට ඇදගත යුතු අප කලින් කී ඒ කඹයයි.

ඇහැරුණෙමි

ගොඩෝ නැත
පාන්දරට මීදුමත්
දහවලට මිරිඟුවත් ඇත
දෙවියනි, පුදුමය ඔබ මැවූ ලොව
නිවෙන තෙක් මේ පහන
දකින්නේ අපි සිහින

සැ.කණුව

අන්දරේලාට
කළ හැකිද විප්ලව
මහදැනමුත්තන්ට එදිරිව..
ටික දුරයි
තව ඇත්තෙ
මූකළන් කනත්තට...

හුස්ම

වැරදුණු තැනකි අප හැමට
ගන්නා මුත් සැවොම සැමවිටම
කීවත් වඩන්නට ඵල ධ්‍යාන
සිහිපත් කොට භාවනාව සති අනාපාන

බාගෙට පුරවගෙන පපුව
හිරවෙන හිරකරගෙන නොදැනීම බොටුව
අදාළද අනදාළද ප්රශ්න කොටුව
ඔළුවට ලේ පුරාවිද පුරවන්න හිස්කොටුව

හදිස්සිය තදියම තරඟය
ජීවිතය දිනන්නට කියා දී තිබෙන පිස්සුව
අපායට යන්නට වුව පළමුව ගෙන රන් පදක්කම
ඒකයි අපගෙ තරඟය මැරුණත් වැටී එකා පිට

ගත්ත හුස්ම ටික කොහොමද රැඳෙන්නේ වෙලාවක
රඳවා ගන්න නෑ අපි අද වෙහෙසෙන්නේ කලාවට
ගනුදෙනු විලස ගන්නට දෙන්නට පමණි දන්නේ මුලාකොට
හුස්ම ත් දැන් අපේ ගනුදෙනුවක් වී ඇත ඒ විලාසෙට

ඒක නිසා හෙලන්නෙ සතියක් හතියක් වාගෙයි හුස්ම
හතියත් සතියත් පැටලී වැරදී ගන්නා හුස්ම
ගත්තත් ලෙඩ කෝටියකම මූලය වී ලා හුස්ම
හුස්මක් කටක් ගෙන 'ගොරවන' රට ගැන හිතපන් බෝම

ස්මාර්ට් ප්‍රමේය තුන කි... හැකිනම් සාධනය කරන්න

ස්මාර්ට්
සරලත්වයට වඩා
සරලත්වය ස්මාර්ට්ය
ස්මාර්ට්
ප්‍රේමයට වඩා
ප්‍රේමය ස්මාර්ට්ය
ස්මාර්ට්
මනුස්සකමට වඩා
මනුස්සකම
ස්මාර්ට්ය

නග්නත්වය

මේක්අප්, කොස්ටියුම්
නැතිව බෑනෙ තදාත්මයෙන් රඟන්න
එතකොට බැහැනෙ මිනිස්සුන්ට අඬන්න
ජනතාවාදය, විනිවිදභාවය
මිනිස්සුන්ගෙ පරමාධිපත්‍යය නමන්න

රැඟුම

සිරි දළදාව දකින්නේ හැමදා ළඟින්ම
සිරිමා බෝ මත ගසන්නේ නළලත තදින්ම
පිරුවට අඳින්නේ හැමදා කිරිසුද නැවුම්ව
ඒකයි මායාව රට රකිනුය කියමින් රඟන්න

ඕ..

මෘදු සර්පිල ගැහැණු ළමයි...

අපාය ආලය

අපාය හරි
සුන්දරයි ලු
මෙහෙට වඩා

මෙහේ ඉන්නෙ
ජඩ යමයොලු
එහෙට වඩා

මට්ටු

රටේ සිදුවන බොහෝ අමනකම් වලට වගකිවයුතු ගෙදර ආණ්ඩුව හා රටේ ආණ්ඩුවයි. නිසි ආණ්ඩුමට්ටුවකට අසමත් තැන බිය ලජ්ජාව පලාගිය තැන සිදු නොවිය හැකි දෙයක් නොවේ. අද රටම සිටින්නේ එවැනි සිරිකාලකණ්නි තත්වයක කීම අතිශෝක්තියක්ද නොවේ.
අප විසින් වෙනස් කළ යුතු තැන එතැනයි. ලංකාණ්ඩු මට්ටුව ගෙදරින්ම ඇරඹිය යුතුයි.

ඉතිරි කොටස ළඟදීම..

ඔබ විශ්වාස කළද නොකළද වැසි ජලය තමාගේ වත්තෙන් පහළට ගලා යන්නට ඉඩ නොදෙන මහා සිංහල බෞද්ධයන් සිටින රටකි මෙය.

💓

💓ජන හදවත් දිනවමු💕❤(ජනාදර දේශපාලනයක් උදෙසා හදවතින් එකාවන්ව)

සත්‍ය
යුක්තිය
සාධාරණය
සමානාත්මතාවය
සංවර්ධනය
නිදහස
ප්රජා +
තන්ත්රවාදය
තව බොහෝ දේ
ඉල්ලයි
ජන හද
ඒත්..
බොහෝ දේ
තවම
ඉල්ලෙයි
රටේ හදවත හෙල්ලෙයි
අමනුන්ගේ
අමන කම් මැද
එබැවින්ම
දිනවමු
හිස් ප්රතිරූප පරදා
අපේ ජන හද
💓❤💕
අපේ යහ ප්රාර්ථනා
එකාවන්ව එකපෙළට අත් බැඳ...

මගේ ඡන්දය හදවතට

💓❤💕 ජයගමු

💓❤💕
අපේ ලකුණ හදවතයි. ජනයාගේ රතු රුධිරය රැඳි හදවතයි. ඒ හදවතට එකඟව ජඩ, පර, නින්දිත, ජාගර, කාලකණ්ණි දේශපාලන ක්රමය පරදන්නට අපේ හදවතේ ගැඹුරින්ම ඉඩක් දෙමු. මෙවර අපි ජයගමු.

ඔබ

යහපාලන උතුමා

පැහැරුවා

උලාපන් බමතුව

මේ ලංකාවයි

විචක්ෂාව

ගුල්ලන් අල්ලන් -

සමනළ රෑනයි රෑ හඳපානයි යනු අප රටේ 'සමනළයින්' සම්බන්ධ ප්‍රකට ගීයකි. එබඳුම සමනළයා ඇසුරින් විරචිත තවත් ජනප්‍රිය ගීයක් වන පහත ගීතය ඇසුරින් රටේ අනාගතය විමසන්න.

ඉට්ස් අ මූවි

රට හොරු මුං, රට කන හොරු (වා වනු බැරිය සතුට)

අපේකමම නම් මෙතරම්ම පතන්නේ
ඇයි මහතැනම වැද්දෙකු හට නොදෙන්නේ
ආදිවාසි උරුමය උන් රකින්නේ
ලක් රජයකට බිංතැන්නයි ඔබින්නේ

අමුඩය ගසා කලිසන් කෙටි ගලවා ලා
රෙද්දක් ඇඳන් ගැහැණුත් උරුමය පාලා
කාර් වෑන් නැව් මුහුදේ ගිල්වාලා
දුන්නයි අත්පොරෝවයි ගමු වැඩදාලා

සතෙක් පොඩිවටම දුන්නෙන් එලාගෙන
බාබකියු එකක් උරුමෙට දමාගෙන
සංස්කෘතිය කිරිකොරහක් නටාගෙන
ඉමු අපි තුටින් අපගේ කම බදාගෙන

පච පච හලා පචයෙන් රට නැළවූවෝ
සිල් රෙදි බෙදා දසසීලෙන් ඇන්දූවෝ
උරුමය දෙසා දළ රැවුළෙන් පොර වූවෝ
ටයරය දමන් අපි දක්කමු බිංඌරෝ

රට රට යන්න හරි ආසයි දත කනවා
මෙහෙ පොර වෙන්න දෙසරැස ගැන දොඩවනවා
ලැබෙන තැනදි ගෙම්බන් බොහොඬන් වෙනවා
අපි කවුරුන්ද උන් අපෙ රට කරවනවා

කැසිකිළි

රට නැගීම (බලු වීම/බ්රේකින් බ්ලව්ස්)

කලක පටන්ම රජයේ අමාත්‍යංශ පොදු වැසිකිළිවලටත් පහළය. එ නම් ඒවායේ අමාත්‍යවරුන් යනු සාමාන්‍ය වැසිකිළි පවිත්ර කරන සේවක මහතුන්ටත් වඩා පහත් එහෙත් වැඩි පඩි ලබන අසාධාරණ වරප්‍රසාද ලබන ගරු වැසිකිළි ශෝධකයන්ය.

සුදුස්සාට සුදුසු තැන දෙනු (විවස්ථාව දරුවන්ට දෙමු/ හොඳම දේ දරුවන්ටයි)

ජනාධිපතිකම දීලා වල් බල්ලෙකුට
අගමැතිකමට අපි දාගමු ඌරෙක්ව
පාර්ලිමේන්තුවම දන් දී පින් නරියන්ට
ඩිවිෂන් රීජනල්  පවරමු පිස්සන්ට

ගරු ගරු හැමතැනම ගරු ගරු ගරු සරුව
පච පච හැමතැනම පච පච පච හැලුව
හතු බඳු උතුමන්ට වැඳගෙන රෙදි නැතුව
බුදුනුත් විකුණගෙන සිරිලක රැක ගනුව

විකුණනවාලු පෙරදා සිට රටේ හම
එහෙම කියා තැලුවේ මුතු ඇටේ මය
පුළුවන්කම තිබේනම් ගලවලා හම
අපි හැම මියෙන තෙක් ගහපන් අමන පද

කාලය කකා අපගේ ලේ අවුලුවලා
ගහලා ගැට බෙල්ලටම තොණ්ඩුව දාලා
මිනිස්සු කඩේ යවලා බඩු ගෙන්නාලා
උන් රස කරති අප මත බර පටවාලා

ලාබය තකා බෙදනා විට ඒ හැන්දෙන්
ඡන්දය ඇඳිවතත් ලාබෙට විකුණාපන්
ඔන්න ඔහොම සුදුස්සාට තැන දීපන්
ආපහු හෙට දිනෙත් ඉල්ලාගෙන කාපන්

දෙවියන්වහන්සේ ගේ අවධානය පිණිසයි!(යමරජු සමඟ ගිවිසුමට පෙර, සංක්ෂිප්තව)

රනිල්, මෙෙත්රී, මහින්ද මේ උදවිය දැන් හැට පහත් පැන්න උදවිය. ආසන්න වශයෙන් කව්රු ඉස්සර වුනත් මේ අයත් මැරෙන මිනිස්සු. තව අවුරුදු කීයක් දේශපාලනේ කරන්නද. මේ දේශපාලනේ අනිත් නායකයොත් ආනුගාමිකයොත් අපි කවුරුත් අන්තිමට මැරෙනවා, රට පවතිනවා, පරම්පරා අලුත් වෙනවා. නමුත් අදටත් මේ රටේ ප්රාදේශීය සභාවකින්වත් තමන්ගෙ ප්රදේශයේ ජනතාවට සාධාරණය යුක්තිය ඉටු කරල දෙනවද?
දෙවියන්වහන්ස, අපට විලිලැජ්ජයි.
සරල ප්රශ්නයක් විසඳගන්න ජීවිත කාලයක් බලාන ඉන්න වෙනව, සමහර දේවල් ජීවිත කාලෙකවත් විසඳන්න බලාපොරොත්තුවක් නෑ.. එතකොට මේ දේශපාලනේ මොකක්ද? ප්රාදේශීය මට්ටමේ සිට රටේ සමස්ථය දක්වාම නොමැරී පවතින්න  පන්සිල් අරගෙනම ප්රතිරූප හදනවා. රටක පැවැත්මට ක්‍රියාපිළිවෙළක්, ඒවා යාවත්කාලීන කරන ක්රමවේදයක්, යහපැවැත්ම සඳහා ප්රතිපත්ති හදනවා වෙනුවට තමන්ගේ පැවැත්මට පක්ෂයේ පැවැත්මට කබරයා තලගොයා කරගත හැකි කූට ලියවිලි රටේ නීතිය, මූලික රාමුව කරගෙන, රටේ සිහියෙන් ජීවත්වෙන උන්ව නොමරා මරණවා.
දෙවියන්වහන්ස, අපට විලිලැජ්ජයි.
එක්කෝ මේ රටේ ඉන්න සැබෑ  කාලකණ්ණි ටික සුනාමියකින්වත් අහවරක් විය යුතුයි. නැත්තම් මේ රටේ ඉන්න සැබෑ මනුෂ්‍යයන් වහවහා නිවන් දැක්කිය යුතුයි. ස්වර්ගයට ගත යුතුයි. හැමදාම නොමැරී මැරෙන මේ රටේ අහිංසක සාමාන්‍ය යුක්තිගරුක සත්‍යගරුක මිනිහට කවදා කාගේ සරණද?
හොරුන්, මැරයන්, දූෂකයන්, අසාධාරණ නීතිගරුක නැති, යුක්තිගරුක නැති පාදඩයන් ට පවා සුප්රසිද්ධව වැජඹෙමින් හුරේ දැමිය හැකි රටක, යහපත් වෙන්නටැයි දරුවන්ගේ පෙළපොත් වල විහිළු කතා ලියන එක පමණද ඒ යහපතට දෙන ඇගයීම. 70 ගණන් වල 80 ගණන් වල රැවටුවා, 30 වසරක් විඳෙව්වා. ඊළගට මුන් දරුවනුත් රවටා තමන්ගේ දරුවන් රට දොක්කන් පතන්නේ කුමක්ද?
දෙවියන්වහන්ස, විලිලැජ්ජාවේ සීමාව අහවරය.
දේශපාලනයම ගසා මුන් සියලුදේ කාලය. දැන් ඇත්තේ යහපත් මිනිසුන්ගේ රීරි මාංශය පමණි.
කෝවිලේ, දේවාලේ දෙවියන්ගේ සිට පන්සලේ බුදුන්ගේ සිට පල්ලියේ ජේසුතුමා, නබිතුමා , දෙවියන්වහන්ස, ඔබතුමාගේ පූජකයින් පවා විවිධ අල්ලස් දී මිලදී ගත් කළ කර පෙර කී සාමාන්‍ය මිනිසාව තවදුරටත් ඇහෙන්නේ පෙනෙන්නේ කාටද? නීතිය හරි ගණන්ය. එහි සාධාරණය පතා පරම්පරා ගණනක කැපකිරීමක් කළ යුතුය. කිරි කෑ මුත්තාගේ තීන්දුව ලැබෙන්නේ හෙට උපදින්නට බඩේ ඉන්නා දරුවාගේ අතට වියහැකිය.
එහෙනම් ථෙරපුත්තාභය දහමේ චිරස්ථිතිය පැවසුවා සේ යහපතුන්ගේ චිරස්ථිතිය උදෙසා අපත් යමරජු සමඟ ගිවිසුම් ගසන්නටද?
අපව දරමිටිය බදින්නට ගත් ලෙස අප මේ අපකන අමනයන්ගෙන් දුනුදිය නගන්නම්!
දෙවියන්වහන්ස, ඔබ වහන්සේට හිස නමමි, යමරජුගේ දෑත් ශක්තිමත් කිරීමට අවසර!

වර්චස් පිඩේ නීත්‍යානුකූලභාවය නොහොත් ප්‍රසිද්ධියේ රමණයට මරණයට අවසර?(අත්පොළසන්,ජයඝෝෂා,ප්රීතිඝෝෂා,වෙඩිහඬ)

කන්ට ඕනෑ විට කබරයා තලගොයා කරගන්නා නිවට කොන්දක් නැති නායක ප්රතිරූපධාරීන් නොමැරී ජීවත්වන තාක් අපේ රට ජාතිය බිඳකින් නැගෙන්නේ නැත. (අත්පොළසන්,ජයඝෝෂා,ප්රීතිඝෝෂා,වෙඩිහඬ)

ඉල් ලංකා (අතුරුපසට ගම කා)

කියන දේ කරන
කරන දේ කියන
කටින්ම කතා කරන
මිනිසුන්  නැතිය රට හදන

අධෝ මුඛයෙන් බණ දෙසන
හැරෙන අතට වැඳ වැටෙන
අසූචි වළෙන්ම රන් පතන
සිහිමඳ උන්ය රට නසන

පක්ෂ ගහගෙන කිහිල්ලේ
පාට ගාගෙන නළල්ලේ
ගොටුව අල්ලන් කැකිල්ලේ
තොපිය බොන්නේ රටේ ලේ

එමින් ගමන්..

ජාතික හැඳුනුම්පත් එක් දින සේවයේ පරිශ්‍ර තුළ වරුවක් කල් මරණ මහජනයාට ඒ තුළ ඇති රූපවාහිනී තිර මත ළමා චිත්‍රපටයක් වෙනුවට  තම හැඳුනුම්පත පැය කිහිපයකින් සැකසෙන හැටි දැනුම්වත් කෙරෙන රූපමය වැඩසටහනක් තිබුණි නම් කෙතරම් අගේද හිතුනා!

නෙතින් නෙත බලාලා.. හිතේ දුක නිවාලා

සමාජයේ විද්‍යාව භාවිතයට (තියරියෙන් පිට ග්‍රාම්‍ය මං සහස් වටී°)

හක්ක, බොක්ක හා ලිප්බොක්ක  අතර ඇත්තේ අසාමාන්‍ය කුටුම්බ සම්බන්ධයකි.
මේ තුනම හොඳින් හඳුනන්නා හුදෙකලාව වුව හෘදය සමාජානුයෝජනයක් ලබන සහෘදයෙක් වන අතර ජන විඥානය සංස්පර්ශයේ උරුමය ලබයි.
නැත්නම් එහි ප්‍රරත්යාවර්තයද විය හැකිය.
මේ ලිප්බොක්කේ සමාජානුයෝජනයක් නැති පාලකයන්,රදළයන් අතට රටේ බලය හුවමාරු වීම අප කිසියම් අංශයකින් සැබෑ සංවර්ධනයක් නොලැබීමට ප්‍රධානතම හේතුව බව අද දක්වාම දක්නට ලැබෙන රාජ්‍ය අනුග්‍රහ සහිත නා නා විගඩම් සංස්කෘතියෙන් මොනවට පැහැදිලි වේ.-

*සේවයට සමානුපාතද පඩිපත අනුලෝම?
*සේවය සමානුපාතද මහජන ඉල්ලුමට?
*වියදම දරන්නේ පාලකයන් ගෙදරින්ද?
*හක්කේ බොක්කේ ලිප්බොක්කේ මොනවාද?

+හක්කේ ධර්මයත් බොක්කේ දඩමසත් ලිප්බොක්කේ ගින්දරත් තුළ සමාජය සැමදා වියවුලකම හෙළා යථාර්ථයෙන් පලා ගොස් විසඳුම් සොයන රටක් බවට අප පත්ව ඇත්තේ මේ සමාජයේ සරලවම ඇහැට පෙනෙන විද්‍යාව භාවිතයට නොගන්නා විපාකයෙන් නොවේද?
පහේ පන්තියේ ප්‍රශ්න පහෙන් එහාට යා නොදී අතේ පයේ හයිය අපතේ යා නොදී හිතේ හයිය ගංවතුරේ ගලන්නට ඉඩ නොදී ලිප්බොක්කෙන් බොක්කත් බොක්කෙන් හක්කත් සවිමත් කෙරෙන ප්‍රත්‍යාවර්තී පාරමිතාවකට රටම පෙළගැස්විය යුතුය.
ජපානය නැගුවේ කොහොමද? මං දන්නේ නැත, හිත ඇත්තන් එය සොයා බලන්න. චීනය වැඩුනේ කොහොමද?
මිටි හල් මුට්ටිය ගඟේ ගියාවේ ගඟට උඩින් කොක්කු ගියාවේ.. නුඹේ අම්මා කිරට ගියාවේ..ඒ අම්මාගේ හා ඇගේ සැමියාගේ අනවරත කැපවීමෙන් තොරව අපට හෙටක් ඇත්තේම නැත. කොන්ක්රීට් පොළොවක් පමණක් තිබේ වි. ණයට කුලියට ඒ මත හතර රියනක් හිමි වේවි. කටින් රට වෙනුවෙන් පාරමිතා නො පුරා ක්‍රියාවෙන් ඔප්පු කරන්න ඔබේ බොක්ක හක්ක සේම ලිප්බොක්කත් එකම අරමුණක බව, අප රට නගන අරමුණක බව.
කපන්න කපන්න කැප වෙන මුවහත් වෙන සාමාන්‍ය මිනිස්සුනේ සමාජයේ විද්‍යාව භාවිතයට රොක් වෙන්න. පාට පක්ෂ නාමධාරීන්ගේ බලුගැත්තන් බත්බැලයන් නොවන්න. රට පෙරළන ශක්තිය ඔබගේ දෑත තුළයි. එය වටහා ගන්න.

අසාමාන්‍ය පුරවැසියෙක් මි

අපිට ඕව වැඩක් නැත
අතීතයෙන් ඵලක් නැත
හරි වැරැද්ද ඕන නැත
නීතිරීති අපට නැත

පොලීසියත් මොකද්ද ඔය
ඉහළින් එන ඕඩර්ස් යම
දෙවියන් දෙන බෝනස් මට
උගේ මලය ෆුල් කික් එක

බලයේ ලෝ එක  අපිමය
ධනයේ ෂෝ එක අපගෙය
උඹලා අපේ අතයට මය
යුක්තිය අපටය ජාතක