නො දිනූ පෙම

ස්වප්නයෙන් දුටු මලකි ඔබ
සැබෑවෙහි සිහිනෙනුදු නොපැතූ
පැතුම් හැරදා සුසුම් පවනේ
විඩා හරිමින් උන්න වෙලේ
දිනක හිමිදිරි
අරුණෙ සුපිපුණු
නෙළාගනු බැරි දුරින් ළංවුණු
ස්වප්න මල නුඹ
සුවඳ නැංවූ
හදක සුමිහිරි හැඟුම් රැන්දූ
පින්බරට සරි - රොන්බරට පිපි
රන්සදිසි පෙති - මට සිඹිනු බැරි
අතක් තබනට - සිතක් නොමදෙන
මගේ නොමවුන - මටම හිමි මල
දුරින් හිඳ සිප ගනිමි ඔබ
ස්වප්නයේ දුටු අහිමි හිමි මල