Wednesday, December 24, 2025
නත්තල් තෑග්ග
ඉදිරිපත් වීම හොඳ ගුණයකි. සාධාරණය විමසිය යුතු දෙයකි. නොදන්නා සත්ය මත, පූර්ව විනිශ්චයන්/ නිගමනයන් මත, වීරවරයන්/ වීරවරියන් බිහි කිරීම තුළ, ජුදාස්ලා, පිලාත්ලා රටට ලෝකයට බිහි කිරීම නොකළ යුත්තකි!
Tuesday, December 23, 2025
ජෙන් සී ට බියේ/ගෞරවයෙන් හාන් සී වීමද? (වැඩිහිටි පරපුරක් නැත)
පූර්ව වශයෙන් අනතුරු ඇඟවූවේ නැති බවට දොස් කීම් නඩු අවනඩු මේ දිනවල බහුලය. මේ කියන්නට යන්නේ එහෙව් තත්පරෙන් වෙනස් වන කාළගුණය ගැන නොවේ. මේ රටේ නූතන වැඩිහිටියන් ගේ දුර පෙනීමට අදාළවය.
ජෝන් සී නා ගේ පරපුරෙන්.... පණිවුඩයක් (විමසිලිමත් බව සඳහා කහ නිවේදනය)
ජෙන් සී
ඉල්ලලා ගන්න පරපුර ද
ඊළඟට හාන් සී
ගහලා ගන්න පරපුර ද
ප්රවේශමෙන්
උඩදාන පරපුර ට
හාන් සී එනකොට
හාන්සිම පරපුර වෙත ට
මහ මිනිසුන් විසින් කළ යුතු කාර්යයන් දරුවන්ට පැවරීම හෝ දරුවන් හරහා එළි දැක්වීම අතිශය භයානකය. මෑත අතීතයේ අපගේ භෞතික මෙන්ම සමාජීය පාරිසරික විනය ඉතා පහත්ය. කලක ළමා සොල්දාදුවන් නිර්මාණය කොට තිබූ රටකි අප. අසාධාරණය සාධාරණය කරන මුවාවෙන් ජාති, ආගම්, පක්ෂ, ගුරු දෙගුරුන් හෝ පාසල් කෙරෙහි වෛරය වැපිරීම හරි පහසුය. තවදුරටත් දේශපාලනය අල්ලා ගිනි මතට පිදුරු හෙළීමත් පහසුය. එබඳු ලොව ගිනි ගන්නා සැටි අපට පෙනේ. ගස් කැපීම පහසු වුව කඳු නාය යන විට අතින් අල්ලා නැවැත්වීමටත් ඒ පහසුවෙන්ම හැකි නම් 'නැව ගිලුනත් බෑන්චූන්' කිසිඳු ගැටළුවක් නැත. ගංඟාවල් පිරුණේම අපි විසින් වර්ණනා කළ පුංචි පුංචි වැහි බිඳු අපට ඇහුම් කන් නොදී ඇළේ දොළේ වැවේ ධාරිතාවය අභිභවා දෙගොඩතලා ගිය බැවින් බව, සති කිහිපයක් තුළ අමතක වී යාමට ඉඩ නොදීම කාට කාටත් මතුවට වැදගත් වනු ඇත.
අනතුරුත්, තනතුරුත්, සම්මානත් එක වැනි බව ඔබේ හය හතර නොදත් දරුවාට කියා දෙන පරිණත වැඩිහිටියෙක් වෙන්න!
Friday, December 19, 2025
ඇයි ප්රශ්නයක්ද?
දුක මැජික් ද ඇසුවාට සමාන ලෙසින් පහසුවෙන් අර්ථ ගැන්විය හැකි ප්රශ්නයකි, ඉහත ප්රශ්නය. නමුත් සරල උපහාසයකින් මඟනොහැර හොඳින් විශ්ලේෂණය කොට ගත් විට අප සමාජයේ අඳුරු පැතිකඩක් සපුරා ආලෝකමත් කළ හැකි ශක්ති ප්රභවයක් මෙතැන ඇත.
එය මැජික් නොවන්නට නම් මේ කතාව පැහැදිලිව කියවා අවබෝධ කොට ගත යුතුය.
දුක් උපදවන සිදුවීමක් දෙස කම්පිත ඇසකින් බලා හිඳින්නෙකු ගෙන් දිනපතා ඒ සිදුවීම් තුළ ගැටෙන හැපෙන අයෙකු දුක මැජික්ද? ඇයි ප්රශ්නයක්ද? වැනි දෙයක් අසන්නේ නම් අනෙකා වටහා ගත යුත්තේ අදාළ සිදුවීම අතිශය සාමාන්යකරණයෙන් ගත යුත්තක් බවද..? බොහෝ කොට සමාජයන්හි භාවිත තත්වය එයය. නමුත් ඇත්ත වශයෙන්ම සිදුවිය යුත්තේ අනිකකි.
සිද්ධාර්ථ දුකට විසඳුම් සොයන්නේ ඒ සත්ය ගැඹුරින් හෙළි කරමිනි. ලෝකයේ බොහෝ නිර්මාණ, සොයා ගැනීම් ඒ මාර්ගය ඔස්සේ පැමිණි ඒවාය. ගහක් කොළක් නිරපරාදේ විනාශ කිරීම ප්රශ්නයක් කොට ගත් මිනිසුන් කිසිදා ගහකොළෙන් පරිසර ප්රශ්න හදන්නේ නැත. ඇළ දොළෙන් සතා සීපාවා ගෙන්ද එලෙසමය. මිනිසා තවත් මිනිසෙකුට හිංසා පීඩා කිරීමද ප්රශ්නයක් කරගන්නා මිනිස්සු කිසිදා ගහමරා ගෙන ප්රශ්න විසඳා ගන්නට යන්නේ නැත. ඔවුන්ට ඒ සඳහා අමුතු නීති උවමනා නැත.
අනුන්ගේ ගෙවල් දොරවල් අස්සට එබී බලන්නට ඒවායේ ප්රශ්න හොයන්නට කිසිවෙකුටත් රාජකාරිමය වශයෙන් තොරව අයිතියක් නැත. එයින් තොරව පොදු වශයෙන් දකින පෙනෙන ඇහෙන ඕනෑම දෙයක් තුළ අපට ප්රශ්න තිබෙන්නට පුළුවන. ඒවා නොදුටුවා නොදැක්කා සේ සිටීමටද කිසිවෙකුගෙන් තහනමක් නැත. නමුත් එසේ හිඳීම හේතුවක් වීම නිසා නිර්මාණය වන ගැටළු මතු දිනෙක ඔබට බරපතළ ප්රශ්නයක් නිර්මාණය කළ හොත්, එවිට ඔබේ ස්ථාවරය කවරාකාර වේවිද? ඔබ ඔබටම චෝදනා පත්ර ලබා දෙනවාද?
මෙය අප සමාජය මේතාක් පිරිහෙලන්නට බරපතළ ලෙස දායක වූ එක් ප්රධාන සාධකයකි. අපට අදාළ නැතැයි සිතමින් ප්රශ්න මඟ හැර ජීවත් වෙන්නට ගොස් මහා පාඩුවක් සිදුකරගත් රටක් ජාතියක් බවට අප අද පත්ව ඇත්තේ එනිසාය.
නිදහසේ දුකෙන් තොර සැපතක් භාවිත ලෝකයේ නැත. සිද්ධාර්ථ දුකෙන් ගැලවීම උදෙසා සියල්ල අතහැර ගියේය. දුකට හේතුව නසා මිස දුක සදා ජය ගත හැකි අන්ය මාර්ගයක් අප සොයාගෙන තිබෙනවාද?
දුක සදා ජයගැනීම තිබියදී අපට ඇත්තේ සැනසිල්ලේ ජීවත් වීම පිළිබඳ අවශ්යතාවයකි. එවිට එතැනට බාධා කරන සියල්ල හැමදා අපට ගැටලුය. මේ ගැටලු ඇතැම් විට ස්වභාවිකය. ඒවාට පිළියම් යෙදීමත් ඒ පිළියම් තවත් ප්රශ්න බවට පත් වීමත් අපට ඇතිකරන්නේ තවත් ගැටලුය. අපට පමණක් නොවේ, අපේ සමහර පිළියම් සමස්ථ පරිසර පද්ධතියටම විනාශකාරී ගැටළුය. ඉතිහාසයම එලෙසය.
ප්රශ්න ප්රශ්න හැටියට පළමුව නිවැරදිව නොදැකීමේ ප්රතිඵලයන් සංකීර්ණය. තිරසර බවකින් ප්රශ්න වලට පිළිතුරු සෙවීම වැදගත් වන්නේ එවිටය.
සදාකාලික පන්නයේ පිළිතුරු නැතත් දීර්ඝකාලීන යහ පැවැත්මක් වෙනුවෙන් පිළිතුරු සොයාගත යුතු ප්රශ්න ඇත. ඒ අනුව,
ඇයි ප්රශ්නයක්ද?
උත්තරය,
ඔව් ප්රශ්නයක්.
විය යුතුමය.
වඩා වැදගත්ම අවධාරණය එන්නේ මීළඟටය. එනම් මේ සියල්ල අතරේ හේතුවක් නිමිත්තක් නැතිවම මිටියට ඇණය පරිද්දෙන් සියල්ල ප්රශ්න කරගැනීමේ අවස්ථාවය. නැති ප්රශ්න හදන පිළිතුරු නැතිව ප්රශ්න පමණක්ම දකින පෙනෙන එකය.
මේ කිසිවිටකත් එවැනි කොරහේ කිඹුල්ලු දකින හෝ වලිගයෙන් අල්ලා ප්රශ්න පටලවා ගැනීම යන අවුල් ගැන නොවේ. ප්රශ්න වගාකොට මුදල් සෙවීම නොහොත් වවාගෙන කෑම ගැනද නොවේ.
නිවැරදි පදනමෙන් ප්රශ්න දැකීම ගැනය. ගත යුතු ප්රශ්න මඟහැර යාමේ ප්රශ්නය ගැනය. ඉදිරියේ නිර්මාණය වන ප්රශ්නය කල් තියා නොදැකීම ගැනය. ප්රශ්න අසා පරීක්ෂණ කරමින් නිරීක්ෂණ ඒ ඔස්සේ නිගමන ගෙනෙන විද්යාත්මක ක්රමය ගැනය. ප්රශ්න වටහාගෙන ප්රතිඵලයට හේතු කරුණු හොයා හේතුවෙන් ඵලය බිඳින වෙනස් කරණ හේතුඵල ධර්මය ගැනය. ඒ තුළින් අප සමාජයේ අඳුරු පැතිකඩක් සපුරා ආලෝකමත් කළ හැකි ශක්ති ප්රභවයක් ගැනය.
එසේ නම්, ප්රශ්නය විදුලි පන්දමක් කරගන්න. අවියක් නොව සවියක් කරගන්න.
Monday, December 15, 2025
Wednesday, December 10, 2025
ලොජික් එක මැජික් කොට මැජික් අරිෂ්ඨ කිරීම = දෂ්ඨයට දෙස් දීම පිණිස වල්ගයෙන් ම ඇල්ලීම!
මැරෙන මිනිස්සු ජීවමාන කොට පෙන්වීම මැජික් ය.
ලෙඩ වන මිනිස්සු නිරෝගීවම පැවැත්ම මැජික්ය.
මහලුවන මිනිස්සු තාරුණ්යයේ ම තැබීම මැජික්ය.
මැජික් සැප මාළිගා මැද ඒ මැජික් බව වැටහීම ලොජික්ය.
Monday, December 8, 2025
ඒක..
(Saturday, February 3, 2024 - පළකල ප්රබන්ධයකි)
ඒක වුනේ මෙහෙමයි
විසිදෙවන ශතවර්ෂය පේන මානයේ අපි ඉන්නෙ. ලංකාව කියන්නෙ අපි උපන් රට. හැබැයි මම ඉපදුනේ ලංකාවෙ නෙවෙයි. කාලෙකදි අපි එහෙන් වෙනත් රටකට එනව. දැන් පදිංචිය මෙහේ වුනත් ආපහු ලංකාවට යන්න හිතන් ඉන්නෙ. හැබැයි දැන් තියෙන්නෙ අපි එනකොට තිබුණු ලංකාව නෙවෙයි වෙනම එකක්, එහෙමයි දැන් අපේ වැඩිහිටි අය කතා වෙන්නේ. අපි අපි කීවට මේ අපි පරම්පරා කීපයකට අයිති අය. මට හමුවුණා වසර දෙදාහේ ඉපදුණු කෙනෙක්. එයාගෙන් මිස මං මේ කතා කළ දේවල් වෙන කෙනෙකුගෙන් දැන ගන්න එක ලේසි වෙන්නෙ නෑ. කෝකටත් ලංකාවට ආපහු යන්න කලින් අන්තර්ජාලයෙන්, සමාජ මාධ්යයෙන් හොයා ගත්ත තොරතුරු වලට එහා එහේ ජීවත් වුණු කෙනෙකුගෙන් විශේෂයෙන්ම එයාගෙ කටින්ම සජීවීම මේ දේවල් දැන ගන්නවා කියන්නෙම මගේ වයසෙ කෙනෙකුට සුවිශේෂී වරප්රසාදයක්. අපි උණුසුම් දවසක එළිමහනේ වාඩිවෙලා මේ කතාව පටන් ගත්තා.
ඒක වුනේ මෙහෙමයි.
ලංකාව වෙනස් වෙන්න ගත්තෙ දෙදාස් තිහෙන් තිස්පහෙන් පස්සෙ. ඒ වෙනස් වීම සිද්ධ වෙන්න තවත් අවුරුදු දහයක් විතර ගතවුණා.
අරගලවලින් දේශපාලන උපක්රම වලින් සාර්ථකත්වයක් නොලැබුණු තැන මිනිස්සු වෙනස් වෙන්න, වෙනස්ම විදිහට හිතන්න පටන් ගත්තා.
මං හිතන්නෙ මිනිස්සුන්ට අලුතෙන්ම හිතන්න සිද්ධ වුණා.
ඒ වෙනකොට උගත් පරපුර වැඩියි. නමුත් ඒ දැනුම භාවිතයේ ලොකු රික්තකයක් තිබුණා. වැඩිහිටි මිනිස්සුන්ට සිද්ධ වුණා තම තමන්ගෙ උගත්කම් දැනුම අනුව හිතන්න. විශේෂයෙන්ම තමන්ගෙ දරු පරපුර වෙනුවෙන්.
ඒ වෙනකොට දේශපාලකයොත් දන්නා ශිල්ප ඔක්කොම දක්වල අසාර්ථක වෙලයි හිටියෙ. නිකං බොරුවට හදපු චින්තනයන්, ඒ කීවෙ දේශපාලන වැඩපිළිවෙලවල් සඳහා හදපු ජාතික ප්රතිපත්ති පුස්සක් වෙලා තිබුණෙ.
තමන් උගත් දැනුමට විද්යාවට තව දුරටත් මේ වැඩසටහන් වල කිසිම සම්බන්ධයක් නැති බව ඇස් පනාපිට ඔප්පු වෙලා තිබුණෙ.
ලංකාවෙ මිනිස්සුන්ට තිබුණෙ පැහැදිලි විකල්ප දෙකයි, ඒ කියන්නෙ පැවතුන අයහපත් තත්වයට විරුද්ධව. විද්යාවද? මිත්යාවද? තෝරා ගැනීමක් කරන්න.
විද්යාත්මක ක්රමයකට යනවද, මිත්යාවක් පස්සෙ යනවද?
පැවතුන දේශපාලන අසාර්ථකත්වයට, ආර්ථීක බිඳවැටීමට විසඳුම් හොයාගන්න වෙනව. ඒකට පාවිච්චි කරන්න වෙන්නෙ විද්යාව, මිත්යාවෙන් ඒක කරන්න පුළුවන්ද?
දේශපාලනේ පැත්තකට දාල විද්යාව මොකද්ද? මිත්යාව මොකද්ද, කියන කතාව සමාජයේ තදින්ම ඇහෙන්න ගත්තෙ මේ කාලෙ.
සමහරු තර්ක කළා විද්යාව කියන්නෙ බටහිර විද්යාව අනිත් සියල්ල ආගම්, ඇදහිලි මිත්යාව කියල.
නමුත් ඒ වෙනකොට අපිට බටහිර විද්යාවෙන් අත්පත් කරගත හැකිව තිබුණෙ දැනුම විතරයි. ස්වභාවික සම්පත් තිබුණත් ප්රාග්ධනයෙ ව්යවසායකත්වයේ ප්රශ්න තිබුණා. විද්යාව මිත්යාව අතර සංවාදය සමාජයේ කෙටි කාලයක් ඇතුළෙ වේගයෙන් පැතිරෙද්දි විශේෂයෙන් දහමක් ඔස්සේ සමාජගත වෙලා තිබුණ හේතු ඵල දහම වගේ කාරණා ප්රායෝගිකව මේ සමාජයේ කාරණා තේරුම් බේරුම් කරගන්න ලොකු උදව්වක් වුණා.
එයා කියා ගෙන යනවා. වයස්ගත බවක වෙහෙසකින් තොරව කියා ගෙන යන කතාවෙ අවශ්යම තැනකදි හැර අහගෙන ඉන්න විතරයි මට තියෙන්නෙ. ඔන්න මට ප්රශ්නයක් ආපු තැන.
මොකද්ද දහමකින් ආව හේතු ඵල දහම?
ඒක ආවෙ බුද්ධ ධර්මයෙන්. බුද්ධ ධර්මයේ ඉගැන්වීම් බොහොමයක් සාමාන්යයෙන් වෙනත් ආගම් ඇදහීම් වලට එහා සීමාවකට හිතන්න පුරුදු පුහුණු කරන හා තර්ක කරන, ගවේෂණය කරන අයට ඉඩක් තියෙන එව බලව, ඇවිත් බලන්න කියන ධර්මයක්. හේතු ඵල දහම කියන්නේ ඒ්ක ඇතුළෙ තිබුණු අපේ විදිහට කියනවනම් විද්යාත්මක විග්රහයක්.
බුද්ධ ධර්මය නම් අහල කියවල තියනවා පමණකට, උදාහරණයක් කියන්න පුළුවන්ද?
පුං ජන්මාණුවක් ඡායා ජන්මාණුවක් එක් වීමෙන් යුක්තාණුවක් ඇතිවේ. යුක්තාණුව ඵලය නම් පුං සහ ඡායා ජන්මාණු එක්වීමයි හේතුව. අනික් අතට පුං ඡායා ජන්මාණු එක් වීමක් නොමැති විට යුක්තාණුවකට ඉඩක් නැත.
සරලයිනේ.
සරලයි වගේම ගැඹුරුයි. මෙන්න මේ වගේ තවත් බොහොමයක් දේවල් මේ කාලයෙදි නැවත එලියට ආව.
නැවත කියන එකෙන් අදහස් කළේ.
මේ කලාන්තරයක් තිස්සෙ විවිධ විදිහට සමාජ ගත වුනු දැනුම. සමාජ පද්ධතිය කැළඹෙන කොට පතුලට ගිය ගොඩක් දේවල් ආපහු එළියට මතුවුණා. විශේෂයෙන් ආගම් වල කියල තියෙන නිර්මාණ වාද, කර්ම වාද ගැන තර්ක මතුවෙද්දි මනුස්සකම රැකගන්න කියන පොදු කාරණය ආගම් වලින් ගත හැකි පොදු සාධකයක් හැටියට ඉස්මතු වුණා. ඒකට හේතුවකුත් තිබුණ.
ඒ මොකද්ද?
ඒ කාලෙ තිබුණ කෝවිඩ් කියන දරුණු ලෝක ව්යාප්ත වසංගතයෙන් පස්සෙ දරුණු විදිහට කඩා වැටුණු ලංකාවේ ආර්ථිකය, සමාජ පරිසරය මිනිස්සුන්ගෙ කලාන්තර සංස්කෘතික පෝෂණය තුළ තිබුණු වටිනා ගුණාංග දැවැන්ත විදිහට වෙනස් කළා. මං උදාහරණයකින්ම කියන්නම්, ආහාර අර්බුධය එහෙම එකක්. ගුණාත්මක ආහාර ලබාගන්න බැරිවීම, ඒවායේ මිල ගණන්, ඒ නිසා විශේෂයෙන් කුඩා දරුවන් සහ දුප්පත් මිනිස්සුන්ට නිසි පෝෂණය නොලැබීම විතරක් නෙවෙයි, ආගන්තුක සත්කාරයට ලැදි ජනතාවක් වුණු ලාංකික මිනිස්සුන්ට ආගන්තුකයෙකුට සත්කාර කරන සාමාන්ය විදිහ වෙනස් කරගන්න සිද්ද වුණා. හොරකම වැඩිවුණා.
මේ දේවල් වඩාත් බලපෑවේ හැදෙන පරපුරට. එයාලගෙ අධ්යාපනය අඩාල වුණා. අධ්යාපනය නොමිලේ සෞඛ්ය කියන්නේ ලංකාවේ ආණ්ඩු නඩත්තු කරපු දීර්ඝ කාලීන සුබසාධන ආර්ථික ප්රතිපත්ති, නමුත් ආර්ථිකයෙන් බංකොලොත් වුණු රටක ඒ දේවල් අහිමි වීම මිනිස්සුන්ගෙ ජීවිත වලට අසීමාන්තිකව බලපෑම් කරා.
ලංකාවෙ ආර්ථිකය බිඳ වැටුණෙ හොරකම වංචාව නිසයි කියල කියන එක ඒ දවස් වලට කලින්ම තිබුණු සටන් පාඨයක් නේද? මං ඒක ගොඩක් තැන්වල කියවල දැකල තියෙනව.
විශේෂයෙන් දේශපාලකයො මහජනයට ඉහළින්ම දුන්න පොරොන්දුවක් තමා ධර්මිෂ්ඨ සමාජයක්, යහ පාලනයක්, සෞභාග්යමත් දේශයක්. මේ හැම එකකම තිබුණෙ හොරකම, වංචාවනැති කරල සමාජය, රට යහපත් කරනවා කියන එක. නමුත් නොකෙරුණේම ඒ කාරණය.
දැන් අර විද්යාව මිත්යාව අතර සංවාදය නිසා සිද්ධ වුණු වැදගත්ම කාරණේ ඔය දේශපාලනයත් එක්ක තිබුණු ජාති ආගම් පන්ති භේදයට පහර වැදුණු එක. ඒ භේද වලින් තොරව හිතීමෙන් තර්ක කිරීමෙන් තොරව තමන්ට තමන් ජීවත් වෙන රට සමාජය හදාගන්න බෑ කියන එක මිනිස්සුන්ට ප්රායෝගිකවම අත්දකින්න හැකිවුණ එක.
එහෙම වුණේ තවත් වෙන්න දෙයක් නැති තරමට රට විනාශයට ඇද වැටුණු නිසා. කොහොම වුණත් මේ සංවාද සිද්ධ වුණේ හරිම කෙටි කාලයක් තුළ ඉතාම වේගයෙන් එහෙම වුණේ ඒ වෙනකොට ලංකාවෙ සමාජය අත්දැකීමෙන් ගොඩක් පරිණතියකට පත්වෙලා හිටපු නිසා. තීරණාත්මක තැනක කවුරුත් හිටියෙ.
ඔය කාලෙට කලින් ඇති හැකි උගත් උදවිය උත්සාහ කරාලු නේද වෙනත් රට වලට සංක්රමණය වෙන්න. ඒත් එක්කම දැවැන්ත විදිහට බුද්ධි ගලනයත් සිදුවුණා කියල මං අහල තියෙනව.
ඒක ඇත්ත. ඒ ආසන්න කාල සීමාවෙ එහෙම තත්වයක් තිබුණත් ගම් දනම් වල වගේම නගර වලත් ලොකු උගත් ප්රජාවක් හිටිය රට අතෑරල යෑම කියන දේත් එක්ක ලොකු අභියෝග වලට මුහුණ දෙන්න සිද්ධ වුන. ඒ නිසා ඒ රැල්ල සුනාමියක් වුණේ නෑ.
සමාජ මාධ්ය, ජන මාධ්ය විතරක් නෙවෙයි, හන්දි කඩපිල් ගානෙ කොටින්ම මිනිස්සු රැස් වෙන්නෙ කොතනද එතන මේ කතා බහ ඇතිවුණා. හැම දෙනාම එකමුතු වීම විතරක් නෙවෙයි රටට පැහැදිලි ක්රමයක් ඒ කියන්නෙ හිතන විදිහ, හැසිරෙන විදිහ, වැරදුණු තැන් හොයාගෙන නිවැරදි වීම මේ ආදී දේවල් පිළිබඳ හිතාගන්න බැරි විදිහේ අවශ්යතාවකින් මිනිස්සු පෙළෙන්න ගත්ත.
වෙනද පාරතොටේ හෝන් ගහගෙන රණ්ඩු කරගෙන ප්රශ්න විසඳගන්න හිතපු මිනිස්සු දැන් අනිත් මිනිහට ඇහුම්කන් දීල තමන්ගෙ පැත්තෙන් වැරැද්ද දකින්න අරගෙන.
හිතාගන්න අමාරුයි. මං අහල තියෙන විදිහට ලංකාවෙ මිනිස්සු වෙනස් කරන්න හරි අමාරුයි කියනව ලෝකෙ අනිත් රට වලට සාපේක්ෂව.
ඒක ඇත්ත. අසියාවෙ සංස්කෘතික ජීවිත වල කොයි බුද්ධි මට්ටමේ මිනිස්සුන්ගෙත් ඔය තත්වය තියෙනව. නමුත් ආසියාවෙ විතරක් නෙවෙයි ඔය තත්වය තියෙන්නෙ. අනිත් පැත්තෙන් ඒක පුද්ගල බද්ධ තත්වයක්. කොහොම නමුත් තමන්ම හිතල තේරුම් අරන් වෙනස් වෙන්න ගත්තම ලෝකෙ මොන ජාතියෙ මිනිස්සුන්ටත් වැඩිය වේගෙන් වෙනස් වෙන්න ඒක රැල්ලක් කරගන්න ලංකාවෙ මිනිස්සුන්ට පුළුවන්. ඒක සබුද්ධිකව කරන්න පුළුවන් වීම තුළිනුයි දිගින් දිගටම අසාර්ථක වුණු රටට සම්පූර්ණයෙන් වෙනස් වෙන්න පුළුවන් වුණේ.
අහල තියෙනවද දෙදාස් විසි ගණන්වල ලංකාවෙ එක්තරා අරගලයක් සිද්ධවුණා කියන එක. ඒකෙදිත් වුණේ ඔය වගේ දෙයක්. හැබැයි ඊට අවුරුදු දහයකට විතර පස්සේ ඒ සමයෙ හිටි තරුණයින් වැඩිහිටියන් හැටියටත් ළමයින් තරුණයන් හැටියටත් සහ වැඩිහිටි මැදි වියේ හිටි කවුරුත් හොඳ පරිණතියකට ඇවිත් හිටියෙ.
ඔය පරිණතිය කියන්නෙ දැනුමෙන්ද? නැත්නම් අත්දැකීමෙන්ද?
දෙකෙන්ම, මේ වෙනකොට සමාජයේ සීයට අනූවක්ම සාමාන්යයෙන් උගත් සාක්ෂරතාවයෙන් යුතු අය.
තාක්ෂණය ගත්තම ලංකාව පසුපසින් නේද හිටියෙ.
නමුත් නවීන තාක්ෂණ භාවිතයන් හරි ඉක්මණින්ම ග්රහණය කර ගන්න සමත් පරපුරක් එක්ක ඒ සම්බන්ධ ප්රාග්ධන සම්පත් වල අඩුව ජංගම දුරකථනයෙන් වහගන්න උත්සාහ කරන තරමේ උත්ප්රේරණයක් ඒ වෙනකොට සමාජයට ඒන්නත් වෙලා තිබුණෙ අවශ්යතාවයක් හැටියට.
මෙන්න මේ ටික හොඳට මතක තියාගන්න. ලෝකෙ මිනිස්වර්ගයාගේ ජාන රටාව මූලිකව එකක් වුණාට ඒ තුළ තියෙන සුවිශේෂී අනන්ය ලක්ෂණ ජාතීන් රටවල් ඇතුළෙ කවදත් තියෙනවා. ඒක ඒ රටවල ජනතාවගෙ ආවෙිණික ලක්ෂණ සම්ප්රේෂණය කරනව. නිලීනව තියෙන මේ ලක්ෂණ ප්රබල මානසික තත්වයන් තුළ හොඳ ලෙස සක්රීය වුණොත් ඒක සුවිශේෂී තත්වයක්.
ලංකාවෙ වුණේ මෙහෙම දෙයක්ද?
මෙතෙක් වෙලා එක හුස්මට ඇදුණු සංවාද සංග්රහය තේ කෝපි සංග්රහයක් වෙනුවෙන් මිනිත්තු කීපයකට නතර වුණේ මේ දැන්. ඔන්න මිනිත්තු කීපයක නිහැඬියාවකින් පස්සේ තේ කෝපි තොලගාමින් ආපහු කතාව ඇරඹුනා.
ශරීරය වර්ධනය විකසනය පෙන්නුම් කරනව වගේ චින්තනයත් බුද්ධියත් සමඟ මානසිකව සිදුවන වර්ධනය විකසනය පරිණතිය කියන්නෙ අපි තවදුරටත් පරීක්නයට ලක්කළ යුතු දෙයක්.
මේක ශරීරයේ ඇඩ්රිනලින් වලදි වගේ ක්රියාකාරිත්වයකින් යුතු සාමූහික පිරිසකගෙන් එහාට යනව.
ලැව් ගින්නක් වගේ සමාජය දවන මොබ් එකකුත් නොවෙයි.
නිකං පහනින් පහනක් දැල්වීමක් වගේ දෙයක්. ශරීරය කලබල වීමක් නෑ, මනස සන්සුන් ආකාරයෙන් පවතිනව, බුද්ධිය හොඳින් ක්රියාත්මක වෙනව එනිසා හැඟීම් පාලනයකින් යුක්තයි. ඒ නිසා නිවැරදි තීරණ හා නිවැරදි ක්රියාකාරිත්වයක් නිවැරදි පෙළඹවීම් පෙන්වනව. එහෙම සමාජ කොට්ඨාශයකිනුයි මේ වෙනස ඇරඹුණේ. ඒක රැල්ලක් වුණා. අසනීපයක් වගේ බෝ වුණා. සමාජය සුවපත් වුණා.
ඒක පටන් ගත්තෙ මිනිස්සු විද්යාත්මකව හිතන්න පටන් ගැනීමෙන්. හැබැයි ඒ හුදු භෞතිකවාදී අන්තවාදී එකක් වුණේ නෑ.
මිනිස්සු වෙනස් වුණා විද්යාත්මක විදිහකට. අලුතින් හිතන්න ගත්තා. ඒ්කට මුල් වුණේ උගත් වගේම බුද්ධිමත් ශක්තිමත් මිනිස්සු. තමන්ගේ වැරදි තේරුම් ගත්ත වගේම හේතු ඵල දහම ඔස්සේ ඒ වැරදි ප්රතිඵල ගෙනාපු හේතු වෙනස් කරගන්න කැපවුනා. කරුමය හැටියට බාර ගත්ත දේවල් හේතු වෙනස් කර ගැනීම නිසා වාසනාවක් කරගන්න තරමට මිනිස්සු දියුණු වුණා. අන්න අර නිලීනව තිබුණු සමහර ජාන ශක්තීන් පිබිදුණා යහපත් විදිහට. ඒක වැඩකළා. සාර්ථක වුණා. රටම වෙනස් වුණා. දශකයකින්, ඊළඟ දශකයේ ප්රතිඵල ලැබෙන්න ගත්ත. දැන් දශක කීපයක් ගතවෙලා. අද ලෝකයේ සාර්ථකත්වයක් උසුලන කෙටි කාලයකින් දියුණු වුන රටක් වෙලා.
පොඩ්ඩක් හෝව් දැන් මෙහෙම කතාවක් අහද්දි මට හිතෙන්නෙ මේක පරමාදර්ශී තැනකට යන්න හදන විඥානවාදී කතාවක් වගේ.
කැමති කෙනෙකුට කැමති විදිහකට විස්තර කරන්න පුළුවන් වුණත් මේක තමයි ලංකාවට වුණේ. හැම රටකම ගොඩනැඟීමේ කතා සමාන නෑ. බොහෝ කතා දේශපාලනිකයි, පහුගිය යුගයේ. නමුත් විසිඑක් වන ශතවර්ෂයේ මැද භාගයේ දේශපාලනික කතා වල වලංගුතාවය පරීක්ෂාවට ලක් වුණේ විද්යාවෙන්. ඒ නිසා ලංකාවේ නව යුගයක ආරම්භය එන්නේ ලෝකයේ නව යුගයත් එක්ක. සමහර විට මේක අලුත් යුගයේ හැරවුම් ලක්ෂය වෙන්න පුළුවන්. අපි දැන් ඉන්නෙ විසිදෙවන ශත වර්ෂයට දශක කීපයක් මෙහා. ඔයාගෙ මැදි වයසෙ ඔයාට බලන්න අත් දකින්න පුළුවන් වෙයි අලුත්ම තත්වය.
දැන් ලංකාවට යන්න ආසයි.
ඒක හොඳ දෙයක්.
තව දෙයක් අර දේශපාලකයින්ට මොකද වුණේ.
හොඳම දේ ඒක තමයි. රට වෙනස් වෙන්න ගන්න කොටම ඒ පැරණි අය බොහෝ දෙනෙක් මේ දේවල් වලින් ඉවත් වෙලා හිටියෙ වයස නිසාම. ඉතිරි අයට සිද්ධ වුණා රටේ මිනිස්සු හදා ගත්ත විද්යාත්මක ක්රමයට අනුව පුනරුත්ථාපනය වෙන්න. කෙටියෙන් කීවොත් බුද්ධිය පාවිච්චි කරල හදාගත්ත හොර බොරු නැති ක්රමයට අනුගත වෙන්න ඒ අයට සිද්ධ වුණා.
ඔයත් එනවද අපිත් එක්ක ලංකාවට යන්න
මම කොහොමත් ජීවිතේ ඉතිරි ටික ගෙවා දාන්නෙ එහේ තමයි. ඒ කාලෙ හිටන් මිනිස්සුන්ගෙ හීනයක් තිබුණ ලොකේ ශක්තිමත් තැනක ලංකාව තියනව දකින්න. නමුත් හීනෙන් පවා ඒක හීනයක් හැටියට දැකපු යුගයක් පහු කරල මෙහෙම ඒ හීනෙ ජීවමානව දැකපු එකත් එසේ මෙසේ දෙයක් නෙවෙයි. දැන් විද්යාව කියන්නෙ ඒ දවස් වල අපි දැකපු විද්යාව නෙවෙයි. ඒක දැක ගන්න ඔයත් ලංකාවට යන්න ගත්ත තීරණේ හරි නිවැරදියි. විද්යාවෙ පෙරදිග බටහිර කියන බෙදුම් රේඛාව නැතිවුණේ ලංකාවෙ නැගිටීමත් එක්ක, එහෙට ගියාම ඔයාට හරියටම තේරෙයි ඒ කොහොමද කියල.
ඒක වුනේ එහෙම තමයි.
එහෙම කියපු ඒ පුද්ගලය මගේ අතේ අපූරු මෙවලමක් තැබුව.
මොකද්ද? මේ
ලංකාව වෙනස් කරන්න හේතු වුණු කාරණයක්.
මේක ඔර්ලෝසුවක්ද?
ඔව්. හැබැයි මේකෙ වෙලාව යන්නෙ ආපස්සට.
ආපස්සට, ඒ කිව්වෙ. කව්ද මේක හැදුවෙ.
දැන් වෙලාව කීයද කියන එක නෙවෙයි ඔතන පෙන්නන්නේ. ඔයාට අද දවසෙ කොච්චරක් වෙලාව ඉතිරීද කියන එක.
මේක හැදුවෙ ඔයා. ඵලය වෙනස් කරගන්න හේතු වෙනස් කරන කතාවක් ඔයා කීවා. පෙරදිග අපරදිග විද්යාව කියන බෙදුම් රේඛාවක් ගැන ඔයා කීවා. ඔයා කියන්නෙ මේක සමස්ථ ලෝකයටම ගෙනියන්න පුළුවන් කියලද?
ලංකාවට ගිහින් උත්සාහ කරන්න. දැන් එහේ පටන් ගෙන තියෙන්නේ.
මට තේරුණා. එතකොට ඒ්ක වුනේ මෙහෙමයි.
හරියට පොතක පාඩමක් ඉවර වුණා වගේ මට දැනුණා. ඇත්තටම දෙයක් ඉතිරිවුණා හිතන්න.
x
Thursday, November 27, 2025
Friday, August 15, 2025
Fore
තොග වශයෙන් රංග ගත වන ජාතික නර්තන අංග අතරේ
අදේශපාලනික යුක්තිය උදෙසා නායක සොල්දාදුවන් ගණන මද වේ
හිංසක පීඩක ඝාතක තිරිසන් නාමික මිනිස් කතරේ
සිල්ලරව මියැදෙන මිල නැති අංකිත මිනිසුන් සතුන් අපවේ
Thursday, August 14, 2025
Sunday, May 11, 2025
Friday, May 9, 2025
කව්රු කොහොම කීවත් - මොන පවුරු වළලු බැන්දත් (ජීවිත් වෙන්න ඕනෑම සුබ සිහින) 🧠🫀🫁🤸🧐🙂
සොබාදහමට පමණක් නොව කෘතිම නිමැවුමක ක්රියාකාරිත්වයට පවා රිද්මයානුකූල චලනයක් අවශ්යය. ජීවත්වීම මෙන්ම ආණ්ඩු කෙරුවාව යනුද එක්තරා රිද්මයානුකූල චලනයක් සහිත ක්රියාවලියකි. රිද්මය බිඳගත්තෝ මුණින් හතරගාතෙන් ආදී වශයෙන් ඇද වැටී සිය කොඳු බිඳගත්තෝ තරාතිරම රට පක්ෂය හෝ කාලය අදාළම නොවිණි.
රිද්මය යනු එකවර පැමිණෙන්නක් නොවේ. නිසි රිද්මයට පැමිණි පසු ශතකයක් දක්වා වුව ජීවිතය සේම ආණ්ඩුකරණයේ දේශපාලන පිතිකරුවන් පවා ක්රීඩා නොකරතැයි පූර්ව නිගමන දීම, වෙනස්වන වේගය වෙනස්වන ලෝකයේ අතීතයේ තරම් පහසු කාර්යයක් නොවේ.
අද ජීවිත වලින් පලායන්නේ බොහෝ විට සුබ සිහින නොදකින්නන් පමණක් ම නොවේ. අසුබයම හීනයෙන් දකින්නන්ය. අධිවේගයෙන් මිදෙන්න. මන්දනයෙන් ද මිදෙන්න. නිදහසේ හුස්ම වැටෙන්නට ඉඩදෙන්න. සුළු උත්තේජයෙන් අමන්දානන්දයට පත් නොවන්න. නිවැරදි රිද්මය සොයා ගන්න.
එවිට තාලයට පැද්දෙමින් ඔබටත් ඔබේ ආණ්ඩුවටත් වැල්පාලමේ පමණක් නොව පාලමේ වැලක අතුරක වුව යා හැකි වනු ඇත.
රටක් වෙනස් කළ හැක්කේ එබඳු වූ රිද්මයානුකූල චලනයක් තුළින්ම පමණි.
හඳුනාගන්න, රටේ රිද්මයට එක්වෙන්න.
ජාතික ගීයට ඔබ්බේ හැමදාම උදේට රටටම එකට නටා ප්රබෝධයෙන් රිද්මයට පිවිසිය හැකි ජාතික නැටුමක අවශ්යතාව මා පුරවැසියෙකු ලෙස නිරන්තර යෝජනාකරන්නේ ඒ මනෝවිද්යාව මෙලෙස අතිශය ගැඹුරින් අවධාරණය කරමිනි. 🧐🙂🤫🤸
Thursday, May 8, 2025
අවිහිංසාවේ වෙසඟක් (හිංසනයේ දොරටු වසමු)
ගිය වසරේ වෙසක් සමයේ ඇරඹි මහමග හිංසනය මේ වෙසඟේ නිමා වේවා! තිරිසනුන් වෙත මිනිස්කමෙන් සපිරි මිනිසුන් ලෙස කටයුතු කිරීමට හැකියාව ලැබේවා!
Tuesday, May 6, 2025
Promo...!
හිංසාව මැඬලීම පිණිස අවිහිංසාව ප්රවර්ධනය කරමු!
🙂🙂🙂🙂🙂🙂🙂🙂🙂🙂🙂🙂🙂🙂🙂🙂
සමාජයම හිංසකයන්ගෙන් පිරී නැතත් හිංසනයන් දෙගොඩතලා ගලා බසින බව පැහැදිලියි.
ඊට හේතුව හිංසනය මගේ නොවීම ද? මට නොවීමද? හිංසනයට ඇති බියද? හිංසකයන්ට ඇති බියද? භක්තියද???
🙂🙂🙂🙂🙂🙂🙂🙂🙂🙂🙂🙂🙂🙂🙂🙂
ඒ කිසිවක් වුව කිසිවකුට හිංසා කිරීමේ ශුද්ධ වූ අයිතියක් කිසිවෙකුට නැත.
Friday, May 2, 2025
විශාදය සාදයක් වී
විශාදය සාදයක් වී
Monday, April 28, 2025
අසාමාන්යය
අසාමාන්ය ජනයාටද පාසල් සිසුවාටද පොදුවේ විවෘත වන පරිදි මෙරට සිට පාතාලයට තනා ඇති අධිවේගී ගුවන් පාලම් සේම අභ්යන්තර ගුවන් ගමන් ද තහනම් කළ යුතු බව දිනපතා යළි යළිත් අවධාරණය නොවන්නේද?
ඉහළට විසි කොට වෙඩි තැබීම ක්රීඩාවක්. කිසිවෙකු ඔබ පමණට වඩා වැඩියෙන් ඉහළට ඔසවනවා නම් ප්රවේශම් විය යුත්තේ ඒ නිසා.
Sunday, April 20, 2025
පත්තු කරමින්!! සමරන්නට එන්න..
ලෝකයා ලෝකය ජය ගන්නට හඳ අල්ලද්දී අපට තිබුණේ ලෝකය ජයගන්න හද අල්ලන්න. නමුත් අපි තාමත් බඩඋලාන!
Saturday, April 19, 2025
අයාලේ අවුරුදු.... (නැකතේ සිට සංස්කෘතික කැත දක්වා පැමිණි අප)
සියල්ල තම අණසක ලෙසට ඉදිමුණු පසු මානවයාට ඉතිරිව ඇත්තේ පිපිරීයාම පමණි. පුස් වෙඩිල්ලක සිට සියලු සත්වයාට මෙත් වඩන අවුරුදු රතිඤ්ඤාවක් දක්වා ඉඩ කඩක පිපිරී යාමට සුබ පතමි! ඉතිං පිපිරෙන්න....
Thursday, April 17, 2025
Friday, April 11, 2025
Thursday, April 10, 2025
Sunday, April 6, 2025
මේ ජන්දෙට මං එනවා - එකෙන් ම
දෙපයින් හිටගන්නට, පුරවැසි යුතුකම පුරවැසි වගකීමක් ලෙස සළකා ඔබේ ජන්දය මට දෙන්න.
Wednesday, April 2, 2025
ඩිප්රෙෂන් - ඇයි!
තිරිසන් කමෙන් මිනිසත් කම මතුවූයේ යම් කාලයක දිනෙක තැනක යම් ලෙසකින් ද නැවත කාලයක දිනෙක තැනක යම් ලෙසකින් මිනිසත් කම තිරිසන් කමට බිලි වී වැළලී යනවා ඇත. ඒ ඔබ තුළින් නොවීමට නම් ඔබ ශක්තිමත් විය යුතුය. ඒ ශක්තිය අනෙකාට ද ශක්තියක් කළ යුතුය.
Friday, March 28, 2025
ජීවත් වීමේ අයිතිය - එන්න අපි බණ කතා කරමු!
හිංසාවේ පීඩාවේ කෙළවර... ජිවත් වීමට ඇති අයිතිය... ආරක්ෂා කිරීමට ජීවිත පරදුවට තබන්නට බිය වෙමුද? සැම විටම අපගේ ජීවිත උදෙසා තම ජීවිත/ජිවිතය පරදුවට තැබූ අයෙක් නැතිද... හිතන්න වේලාවක් වෙන් කර ගන්න..
Saturday, March 22, 2025
මැටිවරණ, හඳ සහ ඇඟිල්ල
මැටිවරණ වලින් එහා හිතන්න... අතැඟිල්ල දෙස නොබලා හඳ දෙස බලන්න... හෙට අමාවක විය හැක!
Sunday, March 16, 2025
Wednesday, March 12, 2025
තවදුටත්...
https://youtube.com/shorts/8LORSlwJ0Pk
තවදුටත්...
වාද කරමු
කියවමු ලියමු
සුසුම් හෙළමු
හඬමු වැළපෙමු
කෑ මොර දෙමු
වෙනස් නොකරමු ද?
Saturday, March 8, 2025
අද
කාන්තාව + මිතුරු කම =.....................................
කාන්තාව + සාහිත්ය =.........................................
කාන්තාව + දේශපාලනය =...............................
Sunday, March 2, 2025
කවි කට - රට තොට
ජන කවි හා කොට කවි -
කොට කාලේ කීම් සොඳට
පෙර කාලේ නැත මෙහෙමට
සිත කෝලේ වගෙයි මෙමට
අපි රාළේ කපමු නොසිට
අපි නම් වෙස්වෙයි, රට නොහදා!
අහක යන නයි රෙද්ද අස්සට
ගෙදරට එන නයි අල්ලපු වත්තට
ගල් පාර දෙන්නෙ පාරෙ යන බල්ලන්ට
බලු කපුටු දානෙ නම් පන්සලේ බල්ලන්ට
(නයි ඇල්ලීමට බැරි බොහෝ දෙනා අල්ලා ගත හැකි බල්ලෝ පන්සලට ගෙනැවිත් දැමීමට නිර්දේශ කරති)
Saturday, March 1, 2025
Monday, February 24, 2025
Friday, February 21, 2025
නව යෞවනයට ප්රතිවිෂ - අල්ප මාත්රාවක්!
ලෝක, ලාංකීය සාහිත කෙත - ළමා, යොවුන් සාහිත්ය පෝෂණය කළ සියලු කනෘන්ට උපහාරයක් වේවා! සියලු පාඨක සමූහයාට උපකාරයක් වේවා!
(ලේඛක, ප්රකාශක, පාඨක සියලු අයිතීන් ඔවුනොවුන් සතුය.)
Thursday, February 20, 2025
සිරිමත් වගේ නම් - එපා
Tuesday, February 11, 2025
Saturday, February 8, 2025
වත කැත වූ හැටි
අකලට නාකි වූ මුණුබුරාගේ කතාව!
(ඇටය අමතක වූනා, ආයුබෝවන් මතක නැති වුනා)
Wednesday, January 29, 2025
ඉඩෝරය කල්පිරි!
Thursday, January 23, 2025
Tuesday, January 21, 2025
යන්නේ කොහෙද ? පොළේ...
මනෝ පුබ්බංගමා ධම්මා! සිතන්න පොඩ්ඩක් හිතන්න, දුවන්නෙ ඇයි ඔයා.... පනින්න ඉස්සර බලන්න.....
Sunday, January 12, 2025
Saturday, January 11, 2025
Friday, January 3, 2025
Wednesday, January 1, 2025
ක්ලීන් ශ්රී ලංකා Vs නොකවුට් ශ්රී ලංකා (cleanout and findout people)
වැරදි හොය හොයා නොකළොත් හරි තැනට පිළියම් හෝ දඬුවම්
හරි මිනිස්සු හෙටත් හිටගෙන තට්ට තනියෙන් හෝ අවුලෙන්
තනි තනිව තනිවම කැරකෙන දැති රෝද වෙනකම් වෙල්කම්
රට කැරකෙන්නෙ එක තැන එරි එරී මඩ වලම කලතන්
*දඬුවම පිළියමක් ද පිළියම් දඬුවමක් ද විය හැකි බව කරුණාවෙන් සළකන්න.
Wednesday, December 25, 2024
ආණ්ඩුවෙන් ලද තෑග්ග
https://youtube.com/shorts/PSEg7aHF9tU
උපන් දිනයට / නත්තලට හරි, පියවරක් හරි... මට හරි කාට හරි....
Friday, December 20, 2024
සතියට එකක්..step up
තූන් ඈවර බැරිනම් එක සතියට ඈවර දෑවර හරි කියන්න.. අත තබන්න.. ඉවරයක් වෙන්න ඕන ප්රශ්න කෝටියක් ඇත රටේ !
Sunday, December 15, 2024
Friday, December 13, 2024
Monday, November 25, 2024
Sunday, November 24, 2024
අත්පොඩියට👏
බහුතර ජනතාවක් යහපත් අරමුණු වෙනුවෙන් ආණ්ඩුවක් වෙනස් කිරීමට සමත් නම් ඒ ආණ්ඩුවද යහපත් අරමුණු වෙනුවෙන් බහුතර ජනතාවක් වෙනස් කිරීමට සමත් විය යුතුය!
Friday, November 22, 2024
මළ කඩ කඩ... ශුද්ධ වූ රස්තියාදුව
අප ශ්රම දානයට අත ගසා බොහෝ කල්ය. අපට වැදගත් වූයේ පුද්ගලයා නොව නිවැරදි කාරණාය. එනයින් සකස් කෙරෙන මාවත නිවැරදි දිශාවකට නම් ගමනාන්තයේ අරුතක් දැකිය හැකි වනු නොඅනුමානය.
Wednesday, November 20, 2024
Monday, November 11, 2024
බලු නොවටිනා සමාජයක් ! අපි වැදගත් මිනිස්සු..?
බල්ලොත් නොයන තැනකට යන මිනිස්සු...! සිදුවීමේ කැත හැර අන්එඩිටඩ් (පොලිසියේ ද සත්ව කරුණාව ඇති මිනිසුන් සිටීම පොලිසියට ගෞරවයකි)
Thursday, October 31, 2024
බල්ලට ගිය සමාජයක් සමඟ...! පුරවැසියා..
හිංසාව පීඩාව බලවත් වූ සමාජයක මනුෂ්යත්වය බියෙන් මුළුගැන්වුනහොත් තවදුරටත් එතැන බිහිවන්නේ තිරිසන් සමාජයක්ම පමණි!
Saturday, October 26, 2024
Monday, October 14, 2024
දිය යට ගින්දර - මේ වැහි වතුර නෑ සීතල!!!
වතුර රැස් කර ගොවිතැන් කරන අතරේ - වතුර හිර කර අවතැන් කරති මිතුරේ...
Sunday, October 13, 2024
වතුරේ ඇඳෙන විසඳුම්!
ඇති පදම් ඇති නිසාම නිසි ඇගැයුමක් ගැළපූමක් විසඳුමක් නැතිව වතුරේ යන අපි සහ පරිසරය?
Friday, October 11, 2024
Thursday, October 10, 2024
Monday, October 7, 2024
Wednesday, October 2, 2024
Monday, September 30, 2024
අමු සින්දු - වල් බල්ලන් ට මොන සෞඛ්ය ද...
Tuesday, September 17, 2024
පාණාතිපාතා -1 / පාණාතිපාතා -2 (අදින්නාදානා) මනුස්සකම හොයා ගමු
චූන් පාන් මල්ලිගෙත් සත්ව කරුණාව තිබුණා, සමහරු කෑම ටිකක් හරි දැම්මා, ඇස් කන් නැති හදවත් නැති සමහර අය අවම සදාචාරෙත් බිඳලම දැම්මා!
Monday, September 9, 2024
ෂේප්... ෂේප් ! ගෝල් ෆේස් ! -කතාව අවසන් වනතුරු ෂේප් නොවන්න-
Sunday, September 8, 2024
ඒ ඔබද ?
රට ජාතිය ආගම රැකගත හැකි එකම තැනැත්තා
රටේ ජාතික ආරක්ෂාව භාරගත හැකි එකම තැනැත්තා
රටේ ආර්ථිකය ගොඩ දැමිය හැකි එකම තැනැත්තා
ect.
මේ සියලුම තැනැත්තන් හමුවේ හොඳටම ඇඳගත් එකම තැනැත්තා
Thursday, September 5, 2024
Thursday, August 29, 2024
මගේ ප්රතිපත්ති-ය ප්රාකාශය..!
රටේ දේශ-පාලනය හා පාලකයන් වරණය උදෙසා පුරවැසියාට ප්රතිපත්තියක් තිබිය යුතුය!
Sunday, August 25, 2024
වෙනසකට සූදානම්! රට...
https://youtu.be/aEnCzB8L0Ug?si=wK4_WeYbZnhhZ6jG
හදවතින්ම වෙනසකට නම් සටකපට දේශපාලනයේ බොහෝ සීමා බිඳ දැමිය යුතුය. තවත් සීමා බැද දැමිය යුතුය. සැබෑ වෙනසක් සමඟ රටක් යළි පිබිදෙන්නේ එවිටය.
Thursday, August 22, 2024
දොන් ජුවන්ගේ ට්රෝජන්-ධර්ම රාජ්ය පාලන තියරිය පරදවමු!
Monday, August 19, 2024
ඇයි ? බයද ? 1/ඇයි ? බයද ? 2
අපිට කව්ද බය? අවිහිංසාවාදියෝ බොහෝ කොට බියෙන් අගතියට නොයති!
අපි කාටද බය? අවිහිංසාවාදියෝ බොහෝ කොට බියෙන් අගතියට නොයති!
Saturday, August 17, 2024
Thursday, August 15, 2024
_converted%20-%20frame%20at%201m6s.jpg)
නිධාන ගොඩගන්නවනම්! හා..!
මේක මඟුල් සක්වළක් ! ? යැ *මෙහි සඳහන් "වර්ග හැටපන්දහස් ගණනක" යනු වර්ගප්රමාණය කිලෝමීටර වලින් බවත් ඇප මුදල් තැන්පත් කළ හතළිහ අතුරෙන් අවසන් වශයෙන් නාමයෝජනා ලබා දී ඇත්තේ තිස් නවදෙනෙකු පමණක් බවත් කරුණාවෙන් සළකන්න - ස්තූතියි.
එක් අපේක්ෂකයෙකු 23/08/2024 දින වන විට අභාවප්රාප්ත වී ඇත.
Friday, August 2, 2024
Thursday, August 1, 2024
_converted%20-%20frame%20at%201m14s.jpg)
Wednesday, July 31, 2024
Tuesday, July 30, 2024
මේක නම් පිස්සුවක්!
Monday, July 29, 2024
_converted%20-%20frame%20at%203m55s.jpg)
Saturday, July 27, 2024
Thursday, July 25, 2024
ජීවිතය විඳින මළ මිනිස්සුන් සිටින!
හදවතට එකඟව සුබ ප්රාර්ථනා කරන්න මිනිහෙක් මැරෙනකම් බලාන ඉන්න තවත් රටක් තිබේද?
Tuesday, July 23, 2024
Friday, July 19, 2024
Thursday, July 18, 2024
Wednesday, July 17, 2024
Monday, July 15, 2024
Saturday, July 13, 2024
Friday, July 12, 2024
ෆේල් පීපල්!(එතුමා වැරදි නැත)
තාලයකට අත් පොඩියක් ගහන්ඩ බැරි මිනිහෙක්ට කාලයකට රටක් හදන්ඩ බාර වෙනවා කියන්නේ ඇත්තටම ඒ රටේ මිනිස්සුන්ට බෑ!
Thursday, July 11, 2024
Tuesday, July 9, 2024
Monday, July 8, 2024
Friday, July 5, 2024
Thursday, July 4, 2024
Wednesday, July 3, 2024
Tuesday, July 2, 2024
ෂෝ ටයිම්! - විහිළුවක් වූ ජනතාවක්?
වටේ හුණු කටේ
හප හපා හැමදා එකම විටේ
ගෲෂා යවමින් වැල් පාලම දිගේ
නටාලියා උඹයි එල්ලෙන කලිසම ඉණේ
