රටම ලෙඩ කරවපු මිනිසුන් පිරිසක් රට කරවන තැන ~ ප්‍රධාන වශයෙන් 225 ක් අතර ~ අසුන් අරා ඉන්නවාය. ඉන් එක අසුනක නියෝජනය සාමාන්‍ය මිනිසුන් වෙනුවෙන් ලබා ගන්නට ලක්‍ෂ ගණන් මිනිසුන් පාරට බැස අරගල කළද අවස්ථාවක් නැත. ඔවුන් ඒ vip අසුනක් කිසිඳු සාධාරණ හේතුවක් මත අත්හැර යන්නේ නැත. අඩු තරමින් ඡන්දයකදී හෝ සාමාන්‍ය පුරවැසියාගේ නියෝජනයට අමතර අසුනක් හෝ ලබා දෙන්නේ නැත.
රටට මාතෘකා කොට ගත් icu ඇඳ තබා ජන අරගලයකට තබා මහජන ඡන්දයටවත් සාධාරණ වගවීමක් නැති බහුතර මන්ත්‍රීන්ගේ පශ්චාත්භාගය දරන්නා වූ පුටුව යනු අසුනම ද නොවේ. පුටුවට ලැබෙන වරප්‍රසාද දීමනා කාර්යමණ්ඩලය බලය ඇතුළු කාරණා ගණනාවක එකතුව අසුන නම් වේ.
මැරෙන්නට යන මිනිසුන් ගලවා ගන්නට හදන තැන ඇති අමු කෙස් පැලෙන තර්ක අතරේ පිල් බෙදා මිනිසුන් මරා හෝ බලය හා වරප්‍රසාද දිනා ගැනීම උදෙසා කැප වන උන් තවදුරටත් ස්වකීය අසුන් බදා යෙහෙන් වැජඹේ.
තවමත් ඵලයේ ගඳ සුවඳ ගැන මිස හේතුව ගැන වදවෙන්නට, එක්වෙන්නට ඇති හේතු අතහැර දැමීම රටක ජාතියක අහේතුව යැයි දිස් වේ, සිත් වේ. තව තවත් ඇස් පනා පිට ප්‍රත්‍යක්‍ෂ වේ.
No comments:
Post a Comment