වැරැද්ද මගේ...
දෙනෝ දහක් ඉදිරියේ මම සපථ කොට සිටිමි
නිවැරදි කරුවා මම බවට
ගැහුවේ මට අනෙකාය
බැන්නේ මට අනෙකාය
හෙලා දැක්කේ අනෙකාය
ඊර්ෂ්‍යා කළේ අනෙකාය
වපරැසින් බැලුවේ අනෙකාය
මම පිරිසිදුවෙමි
මම සුපිරිසිදු වෙමි
සියල්ලෝ වැරදිය සිතේ
අසල්වැසියාද වැරදිය
ගමේ බොහෝ අයද වැරදිය
රටේ බහුතරයද වැරදිය
ලෝකයේ අති මහත් බහුතරයද වැරදිය
මම නිවැරදි වෙමි
සියලුදෙනා ඉදිරියේ මම සපථ කොට කියා සිටින්නේ
මම නිවැරදි කරු බවය
ඔබ වැරදි කරු බවය
මා කළ වැරැද්දේ වග උත්තර කරුවා ඔබය
ඔබ මගේ අයිතිය දිනා දිය යුතුය
ඔබ මගේ නිවැරදි බව පෙන්වා දිය යුතුය
මා නිවැරදිය
වරද ඔබ අතය
නැතිනම් පවසන්න
වරද කාගේද?
No comments:
Post a Comment