According to Matthew

පාර්ලිමේන්තු කෑම වල සීනි, තෙල් .. යනු විකල්ප ක්‍රියා මාර්ගයකි. 😀

- යක්කයින්ගේ රට මේක -

ඔව් ඒක සහතික ඇත්ත, මේකෙ මිනිස්සුන්ට ඉඩක් නෑ.. යක්ෂයෝ, ප්‍රේතයෝ, භූතයෝ, කුම්භාණ්ඩයෝ..පිසාචයෝ හැම තැනම

කොහොමද ඒක

දේශපාලන සර්කස් එකේ ලස්සනම අංගය ජාතික ඇඳුම ඇඳගෙන කකුල් දෙකෙන් එල්ලිලා ගහන ගුවන් කරණම්

නින්දයි,ලාම්පුවයි,පොල්ලයි(රට රකිමු)

ධජ පතාක වටිනවා
චක්‍ර සළකුණු රකිනවා
ප්‍රදර්ශනයට වටිනවා
සුදර්ශන අපි රකිනවා

Finally

පොඩි රටක
පොඩි ළමයි!!!

බබාලා

ෂ්..
සද්ද එපා
...............
ඇස් ඇරගෙනම
හොඳටෝම
නිදි..

පළිගැනුමට මුල සිට

අතීතය මතකයට ගෙන
කඩුවක් තුවක්කුවක් අතින්ගෙන
යන්නෙමි හෙට උදෑසන ම නැව් නැග
පෘතුගීසි ලන්දේසි ඉංග්‍රීසි තව චෝළ පාණ්ඩියයන් හොයාගෙන

කුඩේ මුඩු

(අරටුවට ගුල්ලෝ ගසද්දී පොත්ත පාට කිරීම)

රටේ අරටුව මොකක්ද? ඒ අරටුවට ගුල්ලෝ විද්දේ අද ඊයේද? අපි හැමදා කළේ, කරන්නේ කුමක්ද? පොත්තේ කොළ, නිල් වර්ණය වෙනස් කිරීමයි. රටේ මිනිසුන්ගේ ජීවිත වැඩි ගණනක් අහිමි වූ හැම මොහොතකම රට කිනම් හෝ ව්‍යසනයකට පත් වූවා යැයි හැඟුණු හැම මොහොතකම "අද සිට අපි සියළුදෙනා එක්වෙමු" යන උච්ඡාරණය නැවත පුනරුච්චාරණය කරනවා පමණකි. මෙවැනි අවස්ථාවලදී කාගේ හෝ කරපිට වගකීම පවරා තමන් නිදහස් වීම, එකිනෙකාට ඇඟිලි දිගු කරගැනීම, කැකිල්ලේ ප්‍රකාශ යනු  සාමාන්‍ය තත්වයක් ලෙසට අප හුරුවී ඇත. එහි විරුද්ධාර්ථය නම් ධනය, බලය, කුලය, නිලය හෝ වෙනයම් ඕනෑම වල් පඳුරකට මුවාවී බඩ නිදහස් කරගෙන රට අපවිත්‍ර කිරීමට නොනිල අයිතිවාසිකමක් සදාකාලිකව මෙහි ඇති බව නොවෙද?
තවදුරටත් යල්පැන ගිය සාම්ප්‍රදායික මළ පනිනා සංස්කෘතිය මත ඔළුවෙන් හෙළුවෙන් හිටගන්නවා වෙනුවට අප ඒ සංස්කෘතිය දෙකකුලෙන් සිටවිය යුතුය. ඒ උදෙසා තේරුම් ගත යුත්තේ සැබෑ අභ්‍යන්තරික වෙනසක් තුළ චින්තනමය විප්ලවයකින් මළකෑ පුස් මොළ ශුද්ධ කර ගත යුතු බවය. ඊට තත්වයක් තරාතිරමක් නොව විනයක් ශික්ෂණයක් හදාගත යුතුය. ඒ විනය ශික්ෂණය යනු ආපසු පොත්ත පාට කරන්නක් නොවිය යුතුය. අරටුව යළි ශක්තිමත් වන්නේ නිවැරදි ලෙස යළි සැළසිය හැකි ආරක්ෂණය සහිත පෝෂණයකිනි.
රහතුන් හෝ ශුද්ධ වන්තයන් තරමට නැතත් අමු බොරුව නවතා සත්‍යවාදී යහපත් රට වැසි පදනමකින් මිස මෙරටේ මේ මුඩුමත්වය කිසිදා වෙනස් නොවනු ඇත.

වගකීමක් වගකීමෙන්..

මාව
ලාංකීය වෘත්තියේ යොදවන්න එපා,   "වගකීම" වගකීමෙන් ඉල්ලා සිටියාලු.
ඊට හොඳයි ගණිකා වෘත්තියේ යොදවන්න, තවදුරටත් කීවාලු.

බුර බුරා.. මුඛ

අමන සමණ රට වැසියකු වීමේ විභාගයේ නවතම ප්‍රශ්නෝත්තර  සංග්‍රහය
දැන් නිකුත් වුණා
-හැන්සාඩ් ප්‍රකාශන-

ශ්‍රී..

කාසියකට වටිනාකම දී
ජීවිතයකට වටිනාකම නොම දී
ප්‍රජාතන්ත්‍රවා දී සමාජවා දී ජනරජයක හු දී
හෙට සිටන් ආපසු කාසියම උඩ දමා පතනෙමු උත්තම කේතුම තී

ප යන්නෙන් ..

උපතේ සිට අත්විඳි ලාංකීය තුප්පහි අව ජාතික දේශපාලනයේ යටිපෙළ - මීළඟ ගොදුර මම විය නොහැකිද?

ර යන්නෙන් රට..

එදා හිට
නගා හිටු මට
බිබික්කමකුත් අරික්කාලක්
මදි වු රට... මගේ රට ඒ
මගේ රට..

වහල් ලු

නිවහල් චින්තනය
නිවහල් චින්තකයෝ
නිවහල් කමක්
නිවහල් රටක් ?

අවුරුද්දේ

සුබ වේවා
අලුත් වේවා
ආයු බෝ
ආ වඩා

හොක්කි හොක්කි.. උහූ

ඇත්ත කතා කළොත් පෙන්නයි කනත්ත
ප්රශ්න ඇසූවිට ඇයි උඹ පොරක්ද
දේශපාලනේ මෙහි සෙල්ලමක්ය
මරුවා සමඟ වාසය රජ කමක්ය

කොහූ

පච වගා කොට
වගාවට දිරි දී මනා කොට
සත්‍ය පුළුස්සා අළු ගා නළල් වට
යහපත සමඟ වළලන්නේ හෙටයි අද

කාක්

වංචා විනෝදේ

මෙෙත්‍රිය, මේ බැඳුම්කර වංචාව හැර තවත් බැඳුම්කර වංචා තිබේද

මෙෙත්‍රිය, ඒ බැඳුම්කර වංචාත් මේ බැඳුම්කර වංචාවත් හැර තවත් වංචා තිබේද

මෙෙත්‍රිය, ඒ බැඳුම්කර වංචාත් බැඳුම්කර නොවන වංචාවත් හැර තවත් වංචා තිබේද

සන්තෝෂවාදය

ෆ්රේම් ගැන දොඩති මිනිස්සු..මිනිහෙක් කියෙන්නෙම ෆ්රේම් එකක්. ෆ්රේම් නැත්නම් එතැනයි නිවන. අපි තනන තතනන ලෝකයෙන් මිදුණ.