🅾🅾🅾🅾🅾🅾🅾🅾🅾🅾🅾🅾🅾🅾🅾
ද්‍රවිඩ දේශපාලකයෝ තම ජනයා අතර කොතරම් බේදයක් වැපිරුවෝද?
මුස්ලිම් දේශපාලකයෝ තම ජනයා අතර කොතරම් බේදයක් වැපිරුවෝද?
සිංහල දේශපාලකයෝ තම ජනයා අතර කොතරම් බේදයක් වැපිරුවෝද?
අපි බෙදෙද්දී දේශපාලකයෝ වශයෙන් උනුන් එක්ව වසර පහකින් නිර්ලජ්ජිතවම පාර්ලිමේන්තු විශ්‍රාමය ද ගන්නෝ වරප්‍රසාද උපරිමයෙන් භුක්තියට ගන්නේ එය ඡන්දයෙන් ලැබෙන පරම උරුමයක් සේ ගෙනයි.
ආගමික නායකයින් කියනා කොටස් තම ආගමිකයන් අතර යම් බේදයක් වපුරද්ද, ඔවුන් අවසන කරන්නේ තම පුද්ගල අරමුණු වෙනුවෙන් පිරිස් බලය හදාගැනීමට සිය ආගමික කතෘන් බිලි දීමයි.
රාජ්‍ය නොවන සංවිධාන යම් බේදයක් පොදු ජනයා අතර වපුරත්ද, යුද්ධය මෙන්ම සාමය ද ඩොලර් ඉපයිය හැකි තමන්ගේම බූදලයක් කොට පවත්වා ගැනීමයි ඔවුන්ගේ අවශ්‍යතාවය.
තවත් රටක් අපව බෙදන්නට හදනවා නම් ඒ ඉන් ඔවුන්ට වාසි ලැබෙන නිසාමයි.
මේ සියල්ලන්ගේ උවමනාවන් පරිදි අපි බෙදනවා නම් ඒ අපට ලැබෙන වාසිය තකායි.
ඒ වාසි මොනවාද?
සුදුසුකම් වලට එහා රස්සාවක්
නීති විරෝධී අනුමැතියක්
වරදකින් නිදහසක්
සල්ලි
නම්බුවක්
ඉතිහාසගතවීමක්
වෛරය පිරිමැහීමක්
නන්විද කාරණා...
සර්ව සාධාරණ නැති නන්විධ පුද්ගල අවශ්‍යතා මත බෙදි බෙදී අපි රටක දියුණුවක් ගැන කතා කිරීම තව දුරටත් ඵලක් නැති දෙයකි. විද්‍යාත්යාමක නැති දෙයකි. විහිළුවකි. එනිසා කපටින්ගේ ගුණ්ඩු මත නොබෙදීම පමණි රටත් අපත් දියුණුවක් පතන පළමු පදනම විය යුත්තේ, සුද්දා දුන් නිදහසට පෙරද පසුද අප නොහැරුනු හැරවුම් ලකුණ ඔතැනයි.
🅾🅾🅾🅾🅾🅾🅾🅾🅾🅾🅾🅾🅾🅾🅾
No comments:
Post a Comment