මාර්කට්ටු

මා කට් වෙන මාර්කට්
මා කට් නැති මාර්කට්
මාර කට් මාර්කට්
මාර්කට්

අනුනාද

වැනසුමට මං තනන්නෝ 
සැනසුමට ලංසු තබද්දී 
දසතින්ම අත්පොළසන්
අතකින් නොව, අත් දෙකෙන්ම

එක් වෙනු ජාතික දියුණ පතා...

කොළ නම් ගහකොලයි මිහිමව පුබුදන්නේ
නිල නම් ගගනතයි අණසක පතුරන්නේ
රතු නම් හදගැබයි රුධිරය කළතන්නේ
හැත්තෑවත් පෙනෙයි ඇයි තව ළතවෙන්නේ

නොදන්න වෙලාවක් - අපේ වෙලාව

ජීවිතය කියන්නෙ ඉපදෙනකොටම වෙලාව තියපු වැලි ඔර්ලෝසුවක්, හැම කෙනා‍ටම තමන්ගෙම වෙලාවක්, අන්තිම වැලි කැටයට පෙර ඒක කළමනාකරණය අමුතු කලාවක්