මේ අසිරිමත් සත්තු වත්තකි

කාලයක් සතුන් කූඩු කෙරු

කාලෙකදි එ් කූඩු කැඩු

මිනිසුන් කිසිවෙකුත් 

නැත, සතුන්මය

බමුණෝ...

උගත් බමුණෝ 

නූගත් බමුණෝ 

දේශපාලන බමුණෝ

දිළිදු බමුණෝ

පෙ‍ාහොසත් බමුණෝ

පොෂ් හා හද්ද බමුණෝ

හැම බමුණෙක්ම එක්වෙති

බමුණු පංතිය රැක්මට

සම්ප්‍රදාය රැක්මට
රැක්ක යුතුදේ හැර
රකින තාක් පුස් හිස් හා හිස් පුස්

විචාර නොවන තාක් ආර්ථිකයක් හැර

අප එකතැනමය ගමනක් ඇත්තේම නැත...

අපට!

සුමට නැති ජීවිතය
ගොම මැටි ගෑ පොළොව වගෙයි
සාටෝපය නැති

අමදින තරමට
මුදුවෙයි
දිනූ ජීවිතයක් පරිදි

පහර වැදුනු තැන
බිදී විසිරී යතත් පස්
පිරියම් කළ හැක පෙර පරිදි

එයා ඉරක්
ඉරබටු තරුවක්
පැය විසිහතරෙන් වෙලාව නොකීවට
ඇය මට
නොපෑයු සදක්
තවමත්

මම මට බය නෑ
ඇස් පිය යටින් පේන තරහා රුස්සන් නෑ
මේක කීවෙ කාටද කවුරුත් දන්නෑ
අඩන්න ඕන විටත් හිනාවෙලා
ජීවත් වෙන්න ඕන නිසා
මිනිස්සු ජීවත් වෙනවා

අවසන් විනිශ්චයට (පාපෝච්චාරණ)

අභි‍ෂේකාට ටෙක්ස්ට් කළෙමි
උදාරාට චැට් කළෙමි
මතකයට අාලය කළෙමි
ළගින් උන්නෝ විශ්වාස කළෙමි

ටිකක් රස්තියාදු වුනෙමි
තව ටිකක් ජාලයේ සැරුවෙමි
ආයාලයට එබී බැලුවෙමි
බොහෝ වැඩියෙන් නිදි මැරුවෙමි

එක එකා නොඇන්දුවෙමි
දන්නා ඇත්තක්ම කීවෙමි
පැවරුණු කාරිය හරියට කළෙමි
නිවැරැදි දේ සොයා ගියෙමි

වැඩියෙන් ‍දුක මත නොගියෙමි
සතුට පසුපසත් නොගියෙමි
පෘතග්ජන බවින් සිතුවෙමි
ස්වාමිනී, මම වැරදිකරුවෙක් නොවෙමි

දරුවෙකුගෙන් තෑගි (පුවතක්)

මෙහෙ එන්න
බලු වෑන්
දාගන්න
තාත්තව

කැත කුණූයි
හැමතැනම
ලෙඩ වේවි
බල්ලන්ව

එ් නිසා
ඉක්මණින්
ගෙනියන්න
මා පියා

බල්ලන්ව
රැකගන්න
මා වින්ද
දුක් කන්ද

කූඩුවට
වී හිටිය
ඔය පියා
දන්නවද

ඉල්ලන ගාණක්.... දෙන්නම් - ෂෝ එකකට එනවද ඔබ (සෝ.. සෝ..දුක)

එන නිදහස් දිනය දවසෙ
හවසට අගනුවර පැත්තෙ
අලුත්ම තරු රැසක් එක්ක
ෂෝ එකකට එනවද ඔබ

එනවානම් මට කියන්න
ඉල්ලන ගාණක්.... දෙන්නම්
ඒ ගාණට එන් නැතිනම්
තව වැඩි ගාණක්.... දෙන්නම්

............................................
....................................................
..........................................
.......................................

ස්කූලුත් නෑ එදාට
ප්‍රශ්නයකුත් නෑ ඔයාට
හොද ෆුල් ෆන් එකක් ගන්න
අනිවා අග-නුවර එන්න

ඒ නිදහස් දිනය තමා
අගනුවරේ තැනක තමා
පහුවදාට එළි වෙනකම්
එකම පිස්සුවක්ය බබා

අල්ලට පහ පහ සිග‍ා
වල්කොල බිමදා නටා
කල්ගිය රෙදි වැරළි ඇදන්
ඇල්මෙන් ෆන් ගනු පුතා

ඩී.එන්.එ්. එල්ලා මරමු - පව්... මිනිස්සු

වැරදි එකා අල්ල ගන්න කලින්ම ඌ මරා දමමු
රැකෙනු පිණිස පගා දිදී අල්ලස් හොරු උලේ තියමු
ආතල් පිරි ජීවිතයේ රිසි නිදහස භුක්ති විදිමු
මිනිහා හැදී රට හදන්ට බැහැ! ඒ නිසා රට හදා මිනිහාට හැදෙන්න දෙමු!

නටමු...

වතුර නටන තුරු
වතුරෙ නටමු අපි
වතුර නටන යුරු
බලා නටමු අපි
වතුර උණු උණූ
තව හොට්ව නටමු අපි
කකුළු අඩු තබා
දිය සැලියෙ නටමු අපි