භාරත මාතාවට ජය වේවා!

 වැඩි වැඩියෙන් ඉන්දියාවෙන් හිඟා කමු. අය-වැයෙන් අපට පංගුව වැඩිකර ගමු.

ෂෝ ටයිම්! - විහිළුවක් වූ ජනතාවක්?

වටේ හුණු කටේ

හප හපා හැමදා එකම විටේ

ගෲෂා යවමින් වැල් පාලම දිගේ

නටාලියා උඹයි එල්ලෙන කලිසම ඉණේ

පෙනුමයි හැඩය ඔබ රෝයල් නටාලියා

ගන්නට ‌එපා විහිළුවකට අපව සදා

බලය නොවෙයි බඩ ගින්නට කන්නෙ හිඟා

ඔබවන් අයට ඒ දුක දැක යයිද හිනා

බලවත් මිනිසුන්ය වැළඳුවෙ රට රෑට

බලයට සැවොම පොරකා ගැසුවෙම ගේම

රට ගැන හැඟුම මරු ජෝකරයක් වීම

දිනකදි වේය පෝරකයක මියැදීම

රෝග මලේ නටුවෙ කටූ ~

පාඩු නම් ක්‍රිකට් වුණත් විකුණනවා

මව වුණත් පියා වුණත් විකුණනවා

සමාජ රෝගයක් වුණත් මජර දේශපාලනේ

ඒ ලෙඩ රැක ගන්නට නම් රටම වුණත් බිලි දෙනවා

අද නොවේ හෙටයි ප්‍රජාතන්ත්‍රවාදේ 

අද නොවේ හෙටයි සංවර්ධන දේසේ 

ණයවීම අදත් හෙටත්  වැඩි වන වානේ

විකිණීම අදත් හෙටත් බඩු තියෙනව නේ

කාටවත්ම රට දෙන්නෑ පැළැන්තියට හැර

යන්නෙන් නෑ මේ දේශයෙ ගැලවුම්කරු මම

උගුලෙන් ගැලවෙන විසඳුම මගේ බුද්ධිය මිස

මෝඩ දනා මට කුමට ද ඡන්දයකට හැර

රැකගමු!

අතීත මතක මැදින් ඇස්වැද්දෙන හරි සුන්දර ඡන්දය! (බත්කන අපේ හත්වෙනි බබා නොහොත් අපේ ප්‍රාථමිකත්වය)

18 වැඩි ලියාපදිංචි උන්ගේ සුළැඟිල්ලට දම් පැහැ තීන්තෙන් හණ ගසා ජනපතියෙකු පිළිසිඳවීමට කෝටි ගණනක සිරිලක් වැසියෝ 16 දා රති කෙළියට සැරසෙන වගයි! 

ඔසප්චක්රයේ ප්රශ්න මත ඊයේ සිටද ඉදිරියේ තව දින කීපයකදීද තැපෑලෙන් ඔය වැඩය කිරීමට ඇතැමෙක් ට අවසර දී ඇත.

ආසන්න අතීතයේ සිට බලන කල ඔය කෙළිය දැන් හරි මොඩිෆයි වී ඇති සෙයකි.

ගිනි අවි සහ ගිනි කෙළි නැත

අවකෙළි සහ අංකෙළි ඇත

පෙරළි පෙරළි සුරතලි  අර

රති කෙළියට සුළැඟිලි වෙද

බබා වීර පුරන්අප්පු කෙනෙක් වේද? මද්දුම බණ්ඩාර වගේ වේද? කෙසේ වෙතත් දෙමාපියන්ගේ හැටි පාට කෙසේවෙතත් හොඳ පාට පිහිටන බබෙක් පිළිසිඳවීමට හැමට අවශ්‍ය සක්තිය ලැබේවා! සුබාවික උපතක් නොවුනොත් සීසේරියන් සැත්කමකදී පැලෝපීය නාළ ආරක්ෂා කොට දීමට තියටර් එකේ කොමසාරිස්තුමා වගබලාගනිත්වා! 

17 දා බබා බලන්නට රටම එනු ඇත බබාට තෑගි ගෙනෙනු ඇත. බබා අප වෙනුවෙන් සඳුන් ගැටයක් නැතත් දහම් ගැටයක් හෝ අත තබාගෙන එනු ඇත. අප ඒ ගැටය උලා නළලේ ගා වසර හැත්තෑගණනක් තිස්සේ හිසේ හිතේ රටේ ඇති ඇරියස් අමාරුව හිරු දුටු පිණි සේ එකසැණේ හමාර කර ගන්නට පෙරුම් පුරා හිඳිමු.

බබාට නමක් අපි දැන් තියාම හදාගෙන සිටින්නෙමු. ඒ දුවක වුනත් පුතෙකු වුනත් අපි ඒ තුමාට පුදන්නේ හදපත්ලෙන් නැගෙන මුග්ධත්වයේ එකම ආදරයයි. 

ජහ් මහ්.. යං පුතා..

ගොපලු අවතාරය
කළුවර අඳුන
රන් කෙවිටෙන්
ලැබෙන වරම
-ගාලේ වස්සන්ගේ එකම පැතුම-

මහා-වීර

යුද්ධයක් එන්න - ආසයි මටත් වීරයෙක් වෙන්න
ඡන්දයක් එන්න - ආසයි මටත් වීරයෙක් වෙන්න
වර්ජනේ එන්න - ආසයි මටත් වීරයෙක් වෙන්න
වීරයෙක් වෙන්න - ආසයි ලංකාවෙ පුරවැසිම වෙන්න

කණාවැකි

නිමාවූ ක්‍රිකට් ලෝක කුසලාන තරඟාවලියේ අවසන් තරඟය සේම එළැඹෙන ජනපතිවරණයේ අවසන් තරඟයත් අපට බොහෝ වික්ෂිප්තයන් ගෙන එනු ඇති..

නො දිනූ පෙම

ස්වප්නයෙන් දුටු මලකි ඔබ
සැබෑවෙහි සිහිනෙනුදු නොපැතූ
පැතුම් හැරදා සුසුම් පවනේ
විඩා හරිමින් උන්න වෙලේ
දිනක හිමිදිරි
අරුණෙ සුපිපුණු
නෙළාගනු බැරි දුරින් ළංවුණු
ස්වප්න මල නුඹ
සුවඳ නැංවූ
හදක සුමිහිරි හැඟුම් රැන්දූ
පින්බරට සරි - රොන්බරට පිපි
රන්සදිසි පෙති - මට සිඹිනු බැරි
අතක් තබනට - සිතක් නොමදෙන
මගේ නොමවුන - මටම හිමි මල
දුරින් හිඳ සිප ගනිමි ඔබ
ස්වප්නයේ දුටු අහිමි හිමි මල

ෆයිනිල් ඩිෂිෂන්

අපි දුවමු - අපි පනිමු
ගී කියමු - අපි නටමු
බල පොරයට අපි ඇහැ නොදෙමු
බාල වියට ගොස් ඉදිමු

උලයි

ජන විඥානය සමඟ රටේ පාලකයන්ගේ විඥානය පුළුල් නොවන්නේ නම් ඔවුන් උල හිඳුවිය යුතුය. එවිට ඔවුන්ගේ ඥාන මණ්ඩල විනිවිද විඥානයට මග කියනු ඇත.

Life styles

අවස්ථා, තත්ව කළමණාකරනය
පන්තිය, පැළැන්තිය, ගුරුකුලය
මමත්වය, අධ්‍යාත්මය
විනිද්‍රාව නොවේ මිහිමත නිවන...

ව ඩු ම ඩු ව

උඩ දමා වඳිමිනුත් පිහිටුවා පසඟ
රසකතා කියන්නේ හැම සභා මැදක
ගෙඩි පිටින් රහින්නට අවැසිතැන නියන
කිමද මේ වඩුබාස් වහන්නේ මඬුව

දත් නැති හිනා

තම නිල වගකීම අතහැර එය මහජනයාගේ කර්ම විපාකයක් බවට පත් කරන්නෝ එසේ කරන්නේ සැබවින්ම තමන් අදහන නිඝන්ට දහම රකිනු පිණිසමය.

හරි ජාති

මිනිහා මිනිස් ජාතියේය
බල්ලා බලු ජාතියේය
ගොනා හරක් ජාතියේය
කුඩා ළමුන් උගත යුතුය

සුදුස්සාට නුසුදුසු තැන

දේශපාලකයන් සේ ජාතික වගකීම ගන්නා ක්‍රීඩකයෝත් ක්‍රීඩකයන් සේ පිති පන්දු හරඹ කරන දේශපාලකයෝත් සිටීම අප ලද භාග්‍යකි.

සාධු..සාධු..සාධූ...

සබ්බේ පෘතග්ජනා උන්මත්තකා...

යමරජුනි,

මේ අපායේ අවනඩු විසඳීමට සිහසුනට පැමිණෙන්න..  නඩු විසඳන තුරු මා හට යමපල්ලෙකු ලෙස ස්වේඡචා සේවයේ යෙදීමට අවසර දෙන්න.

පැපොල් බට නළා

පැපොල් නාළ කෙළවර සියුම් දිගැති සැත්කම් කැපුම් යොදා නළා සෑදු කාලයක් මතක් විය.

සීසර්ට ස්තූතියි ජුලියස්.

ඉතිං අපි පෙරුම් පුරමු! සිරිබරී

සැබෑ හේතු මත පිළියම් නොකොට දේශපාලනය ඇතුළු සමාජ සංස්කෘතියට පණ පිහිටුවන්නන් විසින් හදන ඇතුළත තමන්ට පැවැත්මක් පමණක් ඇති හුඹස් මත සමාජ දේහය ස්ථාවර නොවන බවත් මේ කඩා වැටෙන්නේ ඒ හිස් බව මත පණ පිහිට වූ ප්රජාතන්ත්රවාදී සමාජ වාදී ධර්ම රාජ්‍ය බව මේ මොහොතේ දෙකෝටියකින් බහුතරයකට නොවැටහෙනවා යනු සැබවින්ම බොහෝ දෙනා මතු බුදුන් දැක මිස නිවන් නොදකින බවට කදිම සාක්ෂියකි. ☺ ස්තුතියි.