නිරුත්තරද - අරුත්බරද

අපි ඉන්නෙ හුණ්ඩුවේ

තම්බල කන්නෙ වන්ඩුවේ

පිල් බෙදිල රණ්ඩුවේ

රවුමට වටේ වංගුවේ

කොළනිල්දම්රතුකහ

එක එකට පූට්ටුවේ

උන් බෙදිල රණ්ඩුවේ

තම්බයි අපිව වණ්ඩුවේ

එක දෙක තුන බණ ධර්මේ

නොදන්න මුත් සාර ධර්මේ

ගෙවන්නේම පාප කර්මේ

නොකර තවම ශාන්ති කර්මේ

මුරගලුත් රැක්කා වැඳගෙන

අරගලුත් දැක්කා බැඳගෙන

හොරගලුත් ඇහිඳ රහසෙම

ගහන්නෙම ඉක්ක ඒකද

විසඳුමට කපල ලජ්ජ නහර

බයට දමල වටෙන් පාර

හොර පාරෙන් බාර හාර

ඔහෙ ගියාම හරිද පාර

ලොජික් එක මැජික් කොට මැජික් අරිෂ්ඨ කිරීම = දෂ්ඨයට දෙස් දීම පිණිස වල්ගයෙන් ම ඇල්ලීම!

මැරෙන මිනිස්සු ජීවමාන කොට පෙන්වීම මැජික් ය.

ලෙඩ වන මිනිස්සු නිරෝගීවම පැවැත්ම මැජික්ය.

මහලුවන මිනිස්සු තාරුණ්‍යයේ ම තැබීම මැජික්ය.

මැජික් සැප මාළිගා මැද ඒ මැජික් බව වැටහීම ලොජික්ය.

Fore

තොග වශයෙන් රංග ගත වන ජාතික නර්තන අංග අතරේ

අදේශපාලනික යුක්තිය උදෙසා නායක සොල්දාදුවන් ගණන මද වේ

හිංසක පීඩක ඝාතක තිරිසන් නාමික මිනිස් කතරේ

සිල්ලරව මියැදෙන මිල නැති අංකිත මිනිසුන් සතුන් අපවේ

5 හේ කණුව

 දාගෙන පහක් ලෝලේ

දෙනෝ දාහක් ලෝලේ

අපේ හිත් කෝලේ

අපි වාසගම් නැති ඉස්කෝලේ

කවි කට - රට තොට

ජන කවි හා කොට කවි -

කොට කාලේ කීම් සොඳට

පෙර කාලේ නැත මෙහෙමට

සිත කෝලේ වගෙයි මෙමට

අපි රාළේ කපමු නොසිට

අපි නම් වෙස්වෙයි, රට නොහදා!

අහක යන නයි රෙද්ද අස්සට 

ගෙදරට එන නයි අල්ලපු වත්තට

ගල් පාර දෙන්නෙ පාරෙ යන බල්ලන්ට

බලු කපුටු දානෙ නම් පන්සලේ බල්ලන්ට

(නයි ඇල්ලීමට බැරි බොහෝ දෙනා අල්ලා ගත හැකි බල්ලෝ පන්සලට ගෙනැවිත් දැමීමට නිර්දේශ කරති)

ඉඩෝරය කල්පිරි!

අහස කළු කරා

සූළං හැමුවා හිරිගඬු නගා

රීදී ඉරකින් දෙපලු කරන් නුබ ගැබ

මහ හඬින් පුපුරා ගියා අකුණු සැර

හිතුවේ වහී වැස්ස දෙගොඩතලා

මහපොළවේ කුණුකඳු හෝදා 

කරයි ක්ලීන් ශ්‍රී ලංකා

...............!

ඉතිං දැන් හෙණ ඇති 

ආණ්ඩුව වස්සන්න මහ වැසි

දොන් ජුවන්ගේ ට්‍රෝජන්-ධර්ම රාජ්‍ය පාලන තියරිය පරදවමු!

ප්‍රතිස්ථාපනය උදෙසා 

ප්‍රතිසංවිධානය කෙරෙන 

ප්‍රතිගාමී දේශපාලනය 

ප්‍රතිව්‍යූහගත කරමින් 

පණ අදින බඩ වඩන 

මජරත්වයට හුස්ම දෙමින්  

අනාගතයට තාල තබා 

අතීතයට පාද සලා 

අවස්ථාවාදීන්ට ලකුණු දමා 

අවස්ථාවාදයට පවන් සලන

වරණ්න

ට්‍රෝජන් අස්සයෙක් 

ජනපති වරණෙට

ෆේල් පීපල්!(එතුමා වැරදි නැත)

තාලයකට අත් පොඩියක් ගහන්ඩ බැරි මිනිහෙක්ට කාලයකට රටක් හදන්ඩ බාර වෙනවා කියන්නේ ඇත්තටම ඒ රටේ මිනිස්සුන්ට බෑ! 

බෑ ... බෑ ‍‍‍... උම් බෑ! (ආපහු හැරෙන්න බෑ - නායකතුමා අනුව යමු)

මමත් දුවනව හිතින් හරි
උඹත් දුවපන් පයින් හරි
නවතින්න බෑ කන්නෙ පොරි
ඔහොම දුවපන් කොහොම හරි
    පණ කඩාගෙන හති හලාගෙන
    හිත හදාගෙන කට වසාගෙන
    බැහැයි නොකියා එහෙයි කියලා
    පිම්මෙ දුවපන් නගුට වනලා
ජාත්‍යන්තර මූල්‍ය අරමුදල අප ලුහුබඳිනවා
දිනන්නට බෑ හැරෙන්නට බෑ කෝටු පාරක් වදිනවා
නාස් ලණුවද වියගහද වැඩි පූරුවේ පව ගෙවනවා
කියන වේගෙට දුවගෙනම යමු අනේ වෙන මක් කොරනවා

රටට ගැලපෙන ක්‍රමයක් ද ක්‍රමයකට ගලපන රටක් ද (කන් කන් බූරු - සිංගප්පූරු)

ඇමරිකානු රසයට ඉන්දියානු අච්චාරු සමඟ ලෝක පාලක දෙවියන්ගේ සහනාධාර සහලින් පිසූ කිරිබත් ද රන්වන් පැහැ වනතුරු ඉන්දියානු ගැඹුරු තෙලේ බදින ලද ලංකා හැඩ කොකිස් ද සිංගප්පූරු ගෑරුප්පුවක් භාවිතයෙන් නැකතට අනුභව කොට යා දෙක නොරත රත යා කොට හදන්නට යන මිත්‍රත්ව පාලමේ සිට බල්ටියක් ගසා ඉන්දියානු සාගරයට පැන රැළ්ළේ ගිලී හොඳින් නා පිරිසිදු වී 2048 අලුත් රටක් හදනු පිණිස එළඹෙන ජනපති වරණයේදී සුදුසු ඇඟිල්ලක කලින් ඉන්දියාවෙන් ගෙන්වූ තීන්ත ගා කතිරය බූරුවා ගසා අපේ නොවන අපේම රටේ අතපය බැද වැඩ ඇල්ලීමට හැකි නම්... සාතිශයින්ම මැනවී!

ඕනෑ නෑ අපිට පාරක්...(රටේ නායකත්වයට ටයරයක් ඕනෑ කර තිබේ)

ස්පෙයා වීලයෙන් යන ඕෆ්රෝඩ් ගමනක් 

නොහොත් කැමැත්තෙන් හොල්ල හොල්ලා ආතල් ගන්නා වැල් පාලමේ ඇඩ්වෙන්චරයක් 

ටයර් සමඟ බැඳුනු ඉතිහාසයක් 

ටයර් සමඟ බැඳෙන වර්තමානයක්

ටයර් සමඟ  පෑහෙන අනාගතයක් 

ඔබේ තේරීමට

අමතර ටයරයක් (ස්පෙයා වීල්)

නැවත පිරවූ ටයරයක් 

අලුත් ටයරයක් ?

පදින්න

බැරි නම් 

පළදින්න

මිත්‍රවරුනි, මේක ටයර් ආකරයක් 

නීරස දේශපාලන සාගරයක් 

හෙන පතිත නොවීමේ විද්‍යාත්මක හේතු! (රටට හෙන)

හැම ජඩ මජර දේශපාලනයක අඛණ්ඩ පැවැත්ම පිටුපස ප්‍රබල අකුණු සන්නායක ස්ථාපිත කොට තිබේ. ඒ අකුණු සන්නායක වල අඛණ්ඩ පැවැත්ම පිටුපස අනුග්‍රාහකත්ව පෝලිමක් ස්ථාපිත වී තිබේ. අකුණු සන්නායක සඳහා වන පිරිවැය මහ ජනතාවගෙන් ඍජුව හා වක්‍රව අයකර ගනු ලැබේ.

💀

 ලංකාවෙ ඇත්තටම මහ ‌මොළකරුවො නෑ, හිටියනම් මෙහෙම වෙන්නෙ නෑ@ සාමදානයේ සැතපෙන කුඩා මොළ!

ලංකාව! (...)

චරිත සහතික 

සහතික චරිත මැද

අහේතුවට හේතුවක් ය

පොත නොකියවූ කවරයේ කථාව

අසරණ මී ජීවිත !

විධායකයේ පර්යේෂණාගාරය

ව්‍යවස්ථාදායකයේ භොජනාගාරය

අනිත් එකේ බන්ධනාගාරය

ඇහැරුණොත් ආදාහනාගාරය

අවස්ථා සම්බන්ධයක් නැති බව පෙන්වා ආඳා ලකුණෙන් එන විධායක සේදුම් යන්ත්‍රයක් සමඟ රාජකීය ගල් බමුණු ලකුණෙන් එන අග මැටි ෆිල්ටරයක් දිනා ගන්න.

කෙළ වෙලා

බොහෝම ස්තූතියි

ඔබතුමා ඉඳගන්න

වණ වෙලා

බොහෝම ස්තූතියි

ඔබතුමා ඉඳගන්න

හෙණ ගහලා

බොහෝම ස්තූතියි,

කෙළ වෙලා වණ වෙලා නේ හෙණ ගැහුවේ

ඒක නිසා දැන් වැඩක් නෑ

ඔබතුමා ඉඳගන්න

හිත ඇත්නම් බුද්ධිය උනයි (නැත්නම් බුද්ධියට උණයි)

අර 225 

+ විධායකය 

+ නිළධාරීන්

තුළයි ලංකාවේ සුපිරිම බුද්ධිය තියෙන්නේ. ඒත් ඒ හැමෝම තුළත් නෙමෙයි. ඇතැම් අය තුළ. වාසනාවට ඒ අය රැක ගන්න ඇප කැප වෙන ජනතාවකුත් රටේ ඉන්නව.

ඉතිරි කෝටි දෙකට අංශුමාත්‍ර බුද්ධියක් තිබුණ නම් ආයෙ ආයේ ආයෙත් එයාලටම රට දීල මෙහෙම ඉල්ලගෙන කන්නෙ නෑ.

බුද්ධිය ගලන්නේ එහෙම එකක් තියෙන තැනකින් නේ! රටේ බහුතර සාමාන්‍ය මහජනයාට බුද්ධියක් ඇත්තේම නෑ. ඒ නිසා ඒ ජනතාව කොතැන ගියත් මග මැරුණත් රට කෙළින්, වැටෙන් නෑ.

හැබැයි අර සම්පත්ධාරී VlP ටික ගියොත් සහතිකයි පහුවදා සිට අපි බංකොලොත් !

ඒක පිත්තල වුණොත් ඇති !

චුයිංගම් වුණාට පස්සෙ රට 

ආස්වාදය හැපෙන තරමට

හවයක් වෙලා විසිවෙන හෙට

කෙළපිඩක් විට පඩික්කමකට

එය මෙසේ සිදුවිය ~ කෙසේද යත්!

රටට 'මෙහෙම' වුණේ

ඔබ 'එහෙම' කළ නිසා

ඔබට 'මෙහෙම' වුණේ

රටට 'එහෙම' වුණ නිසා