මහරජ මමයි මහරජ මමමයි කියලා
ඉන්නට හැකියාව ඇත්නම් කල් බලලා
රටටම හොදයි හැමදෙන වේ රජගොල්ලා
ඉහළින් ඉන්න හැකි වේ දසතම හොල්ලා
සෝදා ගත් කලට මඩ ගොවි රජ වේලු
එහෙව් ගොවි පුතුන් අද දින නැති වීලු
රාජ සබේ වට පිට නම් මඩ වීලු
මෝඩ කමේ දුගදක් ඉන් හැමුවාලු
අහවල් රටේ අච්චර ධනපති සිටියේ
තවත් රටක මහාරාජා වරු සිටියේ
අපි හැමදෙනයි මහරජ නම්බුව ගත්තේ
වැඩකට අතගසන්නට නොම බිම බැස්සේ
ඉන්නට කැමතිනම් මහරජ සේ සුද්දෙන්
කාටත් හිස නොදී දන්ගෙඩියට සද්දෙන්
පිදුවොත් සවිය හැම විදිහට නිසි පැත්තෙන්
උඹ මෙන් මටත් ගමනක් ඇත රජ වංසෙන්
යන්නට තිබේ හදලා ගෙන බැදි පාර
හයිවේ නොවේ යන්නට ඇති එක පාර
සුදුස්සාට නියමිත තැන දෙන පාර
හැමෙකා වේය මහරජ දිරියෙන් සාර
No comments:
Post a Comment