බුදුන්ගේ ධර්මය අපට ලැබුණේ යුද්ධය අත්හැරි උත්තම මනුෂ්‍යත්වය තුළින් මිස යුද්ධය පොදි බැඳ වීරත්වයක් දුටු මන්ද මනුෂ්‍යත්වයක් තුළින් නොවේ. එබැවින් අපද දැන් හෝ යුද්ධයේ ආදීනව වටහාගත යුතු අතර ඉන් ඛේදයට පත් සියළුම මනුෂ්‍ය වර්ගයා වෙත සුවපත් සිත පැතිරවිය යුතුය. එහි දී දිවි පිදූ සියල්ලන් වෙනුවෙන් එවන් යුද්ධයකට හේතු වූ කරුණු නැවත හට නොගන්නා පරිදි කටයුතු කිරීම ජීවත්වන්නන්ගේ මනුෂ්‍යත්වයේ වගකීම වන්නේය. සද්ධර්මයේ වගකීම් සම්භාරය හිස දරණ අති ගෞරවණීය, පූජනීය මහා සංඝරත්නය එහිදී අපේ පෙරගමන් කරුවන් වනු ඇත්තේමය.
ප්‍රාඥයෝ වැළලිලාය
අපේකම දේශපාලනයක් වෙලාය
පොඩි දරුවෝ පඬි වෙලාය
යුධෙන් උපන් රට වෙලාය
රවටන්නේ වාසියටයි
රැවටෙන්නේ වාසියටයි
උපයන්නේ අමනකමයි
ණයට පොළිය බොහෝ හැදෙයි
අද හෙට මතු අනාගතේ
උපන් රටේ ගෙවන පුතේ
වරද අපේ ඇස් මත්තේ
වැරදි කරන අප්පන්ගේ
කන බොන හා රති රමණය
අලෙවි කරණ ගති පමණය
උගෙන මෙවන් නව පන්නය
හැකිද අපට ජය ගන්නට
හිතට හිසට වද දීපන්
කල්පනාව ඔබ දමපන්
ඩිජිටල් හීනය බිඳපන්
නුඹ තුළ මිනිසා හදපන්
යුද්ධයක් එන්න - ආසයි මටත් වීරයෙක් වෙන්න
ඡන්දයක් එන්න - ආසයි මටත් වීරයෙක් වෙන්න
වර්ජනේ එන්න - ආසයි මටත් වීරයෙක් වෙන්න
වීරයෙක් වෙන්න - ආසයි ලංකාවෙ පුරවැසිම වෙන්න
ගමේ පාරට හරියට තාර ටික දමාගන්නට බැරි, ගමේ වතුර ප්‍රශ්නයට නිසි විසඳුමක් දෙන්නට බැරි, ගමේ සොහොන් පිටිය, පොළ භූමිය, රජයේ ඉඩම්, ගොඩනැගිලි හරියට නඩත්තුවක් කර ගන්නට බැරි, එලෙසින් ගමක් සංවර්ධනයට දැක්මක් උවමනාවක් හෝ වගකීමක් නැති, වගකීමක් ගන්නට බැරි, සැබෑ ප්රශ්න හමුවේ කල් මරණ, ගමේ තම ඥාති පරම්පරාව, තමාගේ පාක්ෂිකයා, මගේ ඡන්ද ගොඩ කියා බදාගැනීමකින් තොරව ගම රට ගැන සාමාන්‍ය දැනුමෙන් හිතන්නට, දකින්නට, ක්රියාකරන්නට හැකියාවක්
නැති බාර් කාරයෙක්, හෝටල් කාරයෙක්, මුදලාලියෙක් හෝ එවැන්නන්ගේ සහබන්ධනයෙන් පෝෂණය වන පාරම්පරික දේශපාලන ජාතකයන් හෝ අවජාතකයන් ගාගත් හෝ ගිලගත් අර්ධ මිනිස්සු කතා කරන ජාතික දේශපාලන කුමක්ද?
ඒ දේශපාලනයෙන් අපට රටට ලැබෙන්නේ මොනවාද?
ජාතික තලයේ යැයි මහා කොට දක්වන හොටබරි දේශපාලකයන්ගේ ගම්බැට්ටයන් සියයට අසූවක් පමණ එපරිදිය. ගමේ ප්රශ්න රට හමුවට එන පමණ දුටු විට ඒ බැව් පැහැදිලිය. අනෙක් අතට මෙබඳු ඇම්බැට්ටයන්ගෙන් අනුග්රහය පතන ජාතික නායකයන් යනු මහදැනමුත්තන්ම මිස අනෙකුන් නොවේ.
ඔවුන්ගේ මහා සමුළු අනාගතයේදී අතීත පචමුළු බවට පත්වන්නේ ඒ ඇම්බැට්ට අනුහසින්මය.
නිමාවූ ක්‍රිකට් ලෝක කුසලාන තරඟාවලියේ අවසන් තරඟය සේම එළැඹෙන ජනපතිවරණයේ අවසන් තරඟයත් අපට බොහෝ වික්ෂිප්තයන් ගෙන එනු ඇති..
රදළවාදයට ඇති බිය නැමති මානසික ව්‍යාධියකින් පෙළෙන ලාංකිකයා අලුත් අලුත් දෑ තැනුවත් කිසිදින ලොව තබා තම ස්වාධීනත්වයවත් නොදිනයි.
ස්වප්නයෙන් දුටු මලකි ඔබ
සැබෑවෙහි සිහිනෙනුදු නොපැතූ
පැතුම් හැරදා සුසුම් පවනේ
විඩා හරිමින් උන්න වෙලේ
දිනක හිමිදිරි
අරුණෙ සුපිපුණු
නෙළාගනු බැරි දුරින් ළංවුණු
ස්වප්න මල නුඹ
සුවඳ නැංවූ
හදක සුමිහිරි හැඟුම් රැන්දූ
පින්බරට සරි - රොන්බරට පිපි
රන්සදිසි පෙති - මට සිඹිනු බැරි
අතක් තබනට - සිතක් නොමදෙන
මගේ නොමවුන - මටම හිමි මල
දුරින් හිඳ සිප ගනිමි ඔබ
ස්වප්නයේ දුටු අහිමි හිමි මල
Being a gentleman according to english tradition...සිංහල සම්ප්රදායට අනුව ගුණවතෙකු වීම... APE k(r)ame hopes නමි!
මමත්වයෙන් යුතු හැම හැඟීමකමට මිලක් ඇත. ඉල්ලා ගැනීමේදී ප්‍රවේශම් වන්න.
ටීකා.. ටිප්පණි
බඩගින්න අප කාටත් පොදු කාරණයකි. ඒත් එකිනෙකා ආහාර ගන්නේ තම තමාගේ කුසට බඩගින්න දැනෙන වෙලාවටයි. මගේ බඩගින්න ගැන මට ඇතිවන හැඟීම අනෙකාටත් එලෙසින්ම දැනෙන බව තේරුම් ගත් තැනැත්තා තමාගේ බත් පත කුසගින්නේ සිටින්නෙකු හා බෙදා ගැනීමට මැළි නොවේ. ඔහු ඒ කෑම පංගුවට මිලක් නියම නොකරයි. එහෙත් කොපමණ බඩගින්නක් තිබුනත් හෝටලයකින් දන්සැල් තබා පන්සලකින් දුගියාට ලැබෙන දාන පංගුවෙන් කොටසක් පමණවත් නොලැබෙයි. ඒ කෑම හෝටලයට අයිති ඒවා නිසා මුදලට මිස ඒවා කුසගින්න යන හැඟීම මත පමණක් අලෙවි නොවෙයි. අපි හෝටලයට ගොස් ආහාර ඇණවුම් කරන්නේ අතේ ඇති මුදලට ගැළපෙන්නටය. හිතේ හැටියට කන්නට ඉල්ලා සිටියොත් ඉල්ලුමේ හැටියට ගෙවන්නට සිදුවීම අනිවාර්යය. වතුර ටිකත් අද පිපාසයටම ලැබෙන්නේ නැත. එපමණක් නොවේ, ඔබට.. ඔබට.. ඔබට..ම කියා ආකර්ශනීය වෙළඳ දැන්වීම් තුළ ඇඟේ ගසන කවරක් වුව කාගේ හෝ අයිතියක් අලෙවි කිරීමකි. හිත හොඳ බව පෙන්වන වෙළඳාමේ සමහර උපක්‍රම ගැන මෑතදී පුවත් බොහෝ විය. සක්විති හොඳම උදාහරණයකි. ඔහුගේ මමත්වය උදෙසා ක්‍රියාත්මක වූ හැම හැඟීමකට මිලක් තිබුණි, ඒ මුදල ජනතාවගෙන් ඔහු ලබාගත්තේය. ඒ ජනතාවගේ මමත්වයන් සංතර්පනය නොකර ඔහුට සැබෑ නිදහසක් කෙදිනක ලැබේවිද? ලෝකය මමත්වයෙන් යුතු පෘථග්ජනයන් ගේ නිවහනය. ඒ බව තේරුම් ගන්නා තරමට ජීවිතය පහසු වනු ඇත.
රටටම එක්ව නැටිය හැකි 'ජාතික නැටුමක්' තනන මී ළඟ ජනපති ටයි අපේ සහය.
"අපිට ඕන 'ජාතික නැටුමක්' සංසදය"
තමාට අවුරුදු හය හතකින් බාල තරුණ අයෙකුට වැඩිහිටියෙකු සිය ගෞරවාදරය පළ කළ යුත්තේ
ඒ තාරුණ්‍යයේ
වයස
ස්ත්‍රී පුරුෂභාවය
සමාජ තත්වය තරාතිරම
වෘත්තීමයභාවය
බුද්ධි මට්ටම
සහ
තමාගේ එම මට්ටම් හොඳින් සංසංදනය කිරීමෙන් අනතුරුවය.
බොහෝකොට ගෞරවාදරය පළ නොකර සිටීමට හැකි නම් වඩාත් හොඳය.
වැඩි ළෙන්ගතුකමට පිටට තට්ටුවක් දැමීම, පුංචි විහිළුවක් කිරීම,
සද්භාවික දිරිගැන්වීමක් කිරීමට යාම,
ඔබ වෙනුවෙන් නඩුවක් ගොනු වීමට හේතුවක් විය හැක.
මේ නව ලෝකයේ පුද්ගල සමාජභාවය, ගෞරවය මානය රැකීම රැකදීම රැකගැනීම සියල්ලට පළමුය. එබැවින් තමා තමා ගැන බලාගැනීම විනා පැරණි පන්නය නව පන්නයට ගලපන්නට යා යුතු නැත. එය පැරණි පන්නයට හිතන්නන්ගේ හිතසුව පිණිස වනු ඇත.
(පැරණි පන්නයේ මිනිහෙක්)
අහිංසක අංගුලිමාල වූයේ ගුරු වරදිනි. අංගුලිමාල රහත් වූයේ බුදු වදනිනි. සැබෑ යථාව ඔබට මට බොහෝ ඈතිනි.
*ඔබ .. වඩාත් කැමති චරිතය හෝ භූමිකාව?
ජාතිවාදී /ජාතිකවාදී /ජනතාවාදී /ජනහිතවාදී /මානවවාදී /මානවහිතවාදී
*ඒ කුමන අධ්‍යක්ෂකවරයා යටතේද?
සහස් අදහස් වැස්ස වැහැලා
අනෝරා මුරුගසන් වී දැන්
ගඟත් පිටාර ගිහින් යන්තම්
පාරුවක එමි ම'දිවි බේරන්
සුළඟ දියවන්නාව උඩහින්
හමන සැරයට කුණාටුවකින්
මෙපිට නොනැවත ඇදෙන සුළියෙන්
ගුහාගත වෙමි ම'දිවි බේරන්
විරිය අධික වු අයෝමය සෙන්
මාර සේනා ලෙසට යුධයෙන්
රට රකින්නට පෙරට බටුයෙන්
පසුපසට යමි ම'දිවි බේරන්
ආදරය කම් රාග සැපයෙන්
උදම් වී ලා විලිය සිඳිමින්
අනවරත රා ගින්න බුරමින්
අරණකට යමි ම'දිවි බේරන්
කොතැනකට ගිය පසුත් පස්සෙන්
ඒ පසින් පස්සෙනුත් පස්සෙන්
කර්මයේ කරු මතින් ගැස්සෙන්
නිවනටම යමි ම'දිවි නිස්සෙන්
