රැවුල කොණ්ඩය නිසා වූවා නොවේ
ස්නානය අකුරට කළ නිසා හෝ එක්තැන් වීමෙන් වූවාද නොවේ
යහමින් පෝෂණ සත්කාර ඇති බව නොදැනීමෙන් බිනුවාද නොවේ
ශුද්ධ වූ මිනිසුන් දැක්මෙන් ම සිතෙන්නක්ද නොවේ
මා ගැන අනුන්ට වඩා දන්නා නිසා සිතෙන්නකි
රංගනය සන්නිවේදනයට මිස ජීවිතයට ආලෝකයක් නොවන බව දැක කියන්නකි
නමුත්, ඔබට වඩා අහිංසක මිනිසෙකි මා
එලෙසම දරුණු මිනිසෙකි මා
එනිසාම එතරම් අශුද්ධ මිනිසෙකි මා
එනමුත්, තවමත් චෝදනා පත්රයක් නොමැත
යෝජනා පත්රයක්ද නො දමනු මැනවි
මා කුප්රකට ඇලෝසියස් හැර තවත් ඇලෝසියස්ලා කිහිපදෙනෙකු නම් හඳුනමි
ප්රකට මහින්ද, ගෝඨාභය තබා රනිල් මෙෙත්රීත් නොහඳුනමි
යමරජ, සාතන්, යමයන් හැර සමයන් ගැනද අසා ඇතිවා පමණය
එනමුත්, නැවත කියමි
මම අශුද්ධය
සෙම්, සොටු, කිලි, බලි, බිලි නිසා නොවේ ඔබට සාපේක්ෂවද නොවේ
නිරපේක්ෂව මිනිසෙක් ලෙස
පවිත්‍රත්වය පෙනෙන තැනක
දැනෙන තැනක
අවැසි තැනක
No comments:
Post a Comment