මිනිහා යනු කවරෙක්ද? ආර්ථික , දේශපාලනික , සමාජීය , සංස්කෘතික , විද්‍යාත්මක , ධර්මාත්මක , කලාත්මක , චින්තනාත්මක , විවාදාත්මක , සංවාදාත්මක වශයෙන් හා තවතත් නා නා විධ විෂය පථයන් ඔස්සේ ගත්විට සමස්ථ වශයෙන් කිසිම අර්ථයක් ගත නොහැකි බවත්
මිනිහා‍ගේ කාර්යභාරය පිළිබද තීරණය වනුයේ ඒ ඒ විෂය පථය ඔස්සේම බැවින් එය නන්විධාකාරයැයි හෝ සංකීරණයැයි පැවසීම සුද‍සුවන බවත්
කාලයක් තිස්සේ මේ පිළිබද දීර්ඝකාලීන පර්යේෂණයෙහි යෙදී සිටින පර්යේෂකයෝ පවසති.
මේ මිනිහා පිළිබද ඇති සංකීරණත්වය නිසා වෙනත් ජීවි ආදේශනයන් හරහා මිනිහා යනු කවරෙක් විය හැකිද යන්න හා ඔහුගේ කාර්යභාරය පිළිබද වටහා ගැනීමට හෙවත් ගවේෂණයට මග සළසා ගත හැකියැයි ඔව්හු වැඩි දුරටත් පවසා සිටිති.
මිනිසා ආශ්‍රයේ සිටින සතුන් අතරින් වඩාත් කිට්ටුවෙන්ම හිදින්නේ බල්ලා හා පූසාය. එමෙන්ම මීයාද මිනිස් වාසස්ථාන ආශ්‍රයේ නිරන්තරයෙන් හිදින්නෙකි. එබැවින් උන්ගේ චර්යා අධ්‍යයනය හා උන් එදිනෙදා ජීවිතයේදී මිනිසා වෙත දක්වන ප්‍රතික්‍රියා හා ප්‍රතිචාර තුළින් මිනිහා පිළිබද අධ්‍යයනය කිරීම වඩාත් පහසුවන බව ඔවුන් මේ වන විට සොයාගෙන ඇත. මෙය හැදින්වෙන්නේ විරුද්ධාභාස ක්‍රමයට චරිතායන අධ්‍යනය යනුවෙනි යැයි මේ පිළිබද පර්යේෂණ කරන ප්‍රධාන මානව විශේෂඥ අනාර්ය අනාර්ය අප හා පැවසුවේය. පොදුවේ තෝරාගන්නා මේ සතුන්ට අමතරව එක් එක් මිනිසා විශේෂත්වයක් දක්වන්නා වූ තවත් සතුන් ආශ්‍රයෙන්ද මේ ගවේෂණය පුළුල් වශයෙන් සිදුකළ හැකියැයි ඔහු වැඩිදුරටත් පවසා සිටියේය.
ඉතිහාසයේ සිදුකෙරුනු මෙබදු පර්යේෂණ ආශ්‍රයෙන් සොයාගත් තොරතුරු වලට අනුව මෙතාක් හෙළිදරව් කරගෙන ඇති කිසිම තොරතුරක නැවත නැවතත් දැකිය හැකි සමානාතාවයක් දකින්නට නොහැකී වීම නිසා තවමත් මිනිසා හදුනාගැනීමට සතුන් ආදේශයෙන් විරුද්ධාභාස ක්‍රමයට චරිතායන අධ්‍යයනයන් පුළුල්ව සිදුකරන්නට කටයුතු කරන බවත් නුදුරු දිනෙක මිනිහා යනු කවරෙක්ද යන්නත් ඔහුගේ කාර්යභාරය කුමක් විය හැකිද යන්න පිළීබද යම් ඉගියක් ලබා ගැනීමට තමන් ඇතුළු පර්යේෂකයින්ට හැකිවේයැයි අවසන් වශයෙන් ඔහු අප හා පැවසීය.
1 comment:
මේක අමුම අමු විහිළුවක් බව තේරුම් ගන්න බැරි අය සිටිත්ද!! එ‍සේ නම් අපිටම අපි ගැන සරලව වටහා ගන්නට බැරි මහප්‍රාණ පර්යේෂණ ක්‍රමය තුළ හිරවීම පිළිබද කෙරෙන අනාර්ය විහිළුවක් බව සැළකුව මනාය.
Post a Comment