'මා විසින් ඉටු කළ යුතුව තිබූ යමක් වීද එය නොපිරිහෙලා ඉටු කළේය' ඒ බැව් ප්රත්යක්ෂ වේ නම් එපමණකි, මගේ පරම පැතුම.
Saturday, April 22, 2017
මිය යන්නට මොහොතකට පෙර (මරණය නියතයකි - අනියත ජීවිතයේ)
'මා විසින් ඉටු කළ යුතුව තිබූ යමක් වීද එය නොපිරිහෙලා ඉටු කළේය' ඒ බැව් ප්රත්යක්ෂ වේ නම් එපමණකි, මගේ පරම පැතුම.
Thursday, April 20, 2017
තරගයමයි...කුණු
සාපේක්ෂ. . මමයි, ඔබයි
ඉගෙන ගත්තෙ තරගයමයි
දියුණුවෙන්නෙ තරගයටයි
ජීවිතයම දුවගෙනමයි
ඇමරිකාව අප්රිකාව
අපි දැම්මා ආසියාව
මන්ද නාව කාරණාව
තරගයමයි වන්දනාව
බස් එකේදි කෝච්චියේ
කුණුමුල්ලේ හදිස්සියේ
තරගය මැද ලමිස්සියේ
දුවපන් උඹ හද්ස්සියේ
කොල්ලෝ බල්ලෝ මල්ලෝ
හදාගන්න දරුමල්ලෝ
වඩා ගන්න සුරතල්ලෝ
තරගයටම බැහැපන් ගෝ..
පොඩිවුන්හට පොතේ තරග
ලොක්කන් හට බඩේ තරග
හුස්මක් ගන්නේ කොතනද
සීරිස් එක තව නිම නැත
කුණු කණු මණු ඕන දෙයක්
කන බොන වහ ඕන දෙයක්
පෙරළන කොට බාල්දියක්
අපි දුන්නා ජන්ද ගොඩක්
රටේ වරද ආණ්ඩුවේ
අපි ඉන්නේ විපක්ෂයේ
තරගෙට එනු හදිස්සියේ
දිනනවන්නේ ඔබව ප්රියේ
එකට එකා තරග වැදෙයි
පොර පිටියෙදි සල්ලි ඇදෙයි
අන්න එතන නියම අගෙයි
රට නැගෙන්නෙ තරග මගෙයි
ගනුදෙනු හදලා පරහට
අයබදු ගහලා විගහට
තරගෙට වැටිලා අපහැම
ගේමම යමු දිග හරහට
අධ්යාපනේ හොල්ලා
ක්රීඩාවට ගල් පෙරළා
සවුක්කියට තෙල් ගහලා
තරග කරමු අපි බෙදිලා
...................
ඉන්නේ කන්නද නොදනී
කාලා උන්නෙද නොතැවී
අපිට වගේ වගක් නැතී
සැවොම කරන නිසා යමී
Sunday, April 16, 2017
__ Kg __ (කොලිටි ජපන් බඩු වලින් සදාකාලික ලාංකීය තකතීරුකමේ බර මනිමු)
යට වූ
පංචස්කන්ධ
පින්වතුනි,
................
කොහිද
මීළග
පුණ්යානුමෝදනාව
............
හේතු දැන
අනුදැන
තටමමු
හිරකරන්
දේශපාලන
පරිපාලන
හිතුවක්කාර
මෝඩකම්
.................
පව්කාර
මිනිස්සු
පව්කාර
අපි
..........
වන්දි
බෙදමු
පිරුවට
අදිමු
කියවමු
ලියමු
ඉවසමු
හඩමු
මැරෙනකම්
Friday, April 14, 2017
රබන් තෙල්, කොකිස් මල්..
නොරොක් නොවී
රොක් වේවා
අවුරුද්දේ
අලුත් පැතුම්
සමග කැවුම්
අවුරුද්දේ!!!
Monday, April 3, 2017
2500+ (රස කතාවකි)
මුවන් පස්සේ දුවමින
හණ මිටිය හිසින් ගෙන
පාරුවත් ඇති නදිය කොතැනද...
ඔවුහු දුවන මුවන් පස්සේ වැටී එතෙක් මහන්සියෙන් නෙලූ පලා මග විසිකොට දැම්මෝය. තවමත් ඔව්හු දුවමින් සිටින්නෝය. අහසින් ගොස් මුවන් දඩයමට පිඹුරුපත් දැන් සැකසෙමින්ලු. අභය භූමි සීමා නිර්ණයත් සිදු කෙරෙනවාලු.
හණ මිටියේ කතාව වෙනසයි. ඒ හණ මිටිය කිසිවකට හුවමාරු නොකර හණ ලෙසින්ම ගමනේ නිමාවට ආවේ කිසිදු නිෂ්පාදනයක් සිදු නොවෙමිනි. තවම එයින් නූල් පොටක් සාදා නැත. එය කෞතුකාගාරකට යැවෙන බවට ගොසිප් අඩවියක් අදත් අනාවැකි පල කර තිබිණි.
බුදුන්ගේ දහම පාරුවක් කොට ගන්නට කියූවකි. පාරුව ඔසවාගෙන මදාවියෝ පිරිසක් මේ ගම්ගොඩේ දැනුත් සරති. එබැවින් නදිය අසල මහ පිරිසක් තවම රැස්කති එතෙර විය නොහැකිව. පුලුවන්නම් පොලිස්පතිට පණිවිඩේ දෙන්න.
Thursday, March 23, 2017
කකුළුවන්ගෙන් බිහි නොවෙති කිකිළි පැටවුන්
Wednesday, March 22, 2017
රටේ අනාගතය කිසිවෙක් නොදනී...මේ මගේ රටයි!
Tuesday, March 21, 2017
Monday, March 20, 2017
සී පද වී පද කව් පද ගී අද .. (ලේවායකි?)
කවියන් කළ කෙතේ හී
අරුත් සරු සාර වී
පැසුනලු ගොයම් කෙත ගී
අස්වනු සකස් කර සදා
රසට රස පිස සොදා
වින්දලු දෙනෙත් පියවසා
ඒ කෙතත් මොඩිෆයි වුනා
සල්ලි කොළ පැල වුණා
රසය අති අතිරස වුණා
වතු පිටින් කෙත් වැළලුණා දෝ
බඩසරණ ගී ලියවුණා දෝ
කෙත ගි දැන් ලුණු මුදවනා දෝ
Saturday, March 18, 2017
ඇල්සයිමර් නොවේ (නිපන්දු)
Sunday, March 12, 2017
ම යන්න..
- පොදු බසයෙන් ම ගමන් යාම එක්තරා ඉංග්රීසියකි.
- සාධාරනීකරණයට ම හේතු හැදීම එක්තරා විහිළුවකි.
- අතීතය විකෘතියෙන් ම දකින්නා එක්තරා නිවටයෙකි.
Wednesday, January 4, 2017
Qquchi ගොසිප් (හිත ඉල්ලන මං ආසම)
ඇගේ
....... උණ තද වෙලා
.......බංඩිය කොර වෙලා......
.....නාසිය බුරුල් වෙලා... හ්කචකචපච....
ගෙදර..කාණුව බ්ලොක් වෙලා .....සත්තයි
..හෙට මැරෙනවා.......
මූණ කොට්ටෙට හිරවෙලා
Apita ලයික් කර යන්න Qquchi Qquchi..ගොපිස් උණු උණුවෙම දෙන්නෙ අපි මයි
Monday, January 2, 2017
හෝඩි හෙළෙයි හෙළෙයි යා! ((ගලප්පා ගලපා ගතිමි, ම' බසින්))
අ
කාලයේ
කලු කුහරයක් තුළින් කාලයම අතික්රමණය වන කාලයක් ඇවිත්.
ආ
ලයත්
තාලයකි, මධ්ය ලය, විලම්බ ලය වගේම දාදරා, ත්රිතාල ද මතක් කරන්නේ පාසලය. සංගීත කාලය ය.
ඇ
ස
කියන්නේම නෙතක් නොවේද, සප්තකය ඇසක් වගේ ඇරෙන්නේද ස වලින් ය.
ඈ
ත
ඒක ඇත්තය. තයන්නත් ටයන්නත් පොඩිකල පැටලෙනවාය. එවිට ඈතත් ඈට මය.
ඉ
තාලිය
කිව්වාම මතක් වන්නේ රන් ය. නැත්නම් පින් ය. රන් වලින් රන් තාලිය හැදෙද්දී පින් තකා පින්තාලිය හැදුනි. සමහරු වතුරෙන් මැරුණි.
ඊ
තණ
පදුරකින් ජල මුල හොයාගත් කතාවක් ජාතක පොතෙහි ඇත. විද්දේ හාවාට වැදුනේ පදුරට ලෙස ජන වහරේ එන කතාවක් ඇත.
උ
රා
බොති මධු සේ සමහරු, මත් වෙතිලු තවත් සමහරු. ... ..... වගේලු බොන්නෙ තවත් සමහරු.
ඌ
රා
පිළිකුල් කරති සමහරු. නැතිවම බැරිව සොයති සමහරු. තලුමරති තවත් සමහරු.
එ
කල කීවාම ආපහු කාලය මැයි. මැයි කල කීවාම වෙසක්ද මතක් වෙයි.
ඒ
කල
කීවාම ගමක් මතක් වෙයි. පැරණි බවක්ද එහි වෙයි.
ඔ
තැන
යනු කොතැනද හදුනා ගත යුතුය. නොතැන කියා තැනැක් නැති මුත් එතැන හදුනා ගත යුතුව ඇත.
ඕ
ං
කීවාම බිංදුවටත් වටිනා කමක් ඇත. බිංදුටත් එහෙමය. සිබිල් නැන්දාගේ බිංදු තාමත් ඔබට මතකද? ඕං..... නෑ නොකියා මතක් කොරං.
Monday, August 22, 2016
සිංහල භාෂාව - නොරැක!?
තේරෙන සිංහලය දේශපාලන භාෂාවෙන් රැකිය නොහැකිය. ඉංග්රීසියෙන් හිතා සිංහල කතා කිරීමටත්, සිංහලයෙන් හිතා ඉංගිරිසියෙන් කතා කිරීමටත් වඩා සිංහලයෙන් හිතා සිංහලෙන් කතා කිරීමෙන් සිංහලය රැකෙනු ඇත. ඉංගිරිසියෙන් හිතන්නන් ඉංගිරිසියෙන් චැට් කළාවේ. අනිකුත් ලාංකිකයන් තමන්ගේ බස රැක්කාවේ, සිංහල දන්නවුන්වත් සිංහලෙන් දොඩත්ද? අපි මහා ජාතිආලයෙන් මරා ගන්නට පෙර අපේ බස රැකගෙන සිංහලකමට හයියක් දෙමු. සියල්ල ඉංගිරිසියෙන් සරිකර ජාතිවාදයට පමණක් සිංහලෙන් කතා නොදමනු. නැවතත්, දේසපාලන ජාතිවාද බසින් නොනැසී කළ යුතුදේ කරමු. රැකගත් යුතුදේ රැකය යුත්තේ භාවිතාවෙන් මිස චෝදනාවෙන් හෝ මාන්නයෙන් හෝ මෝඩ අහ්ංකාරයෙන් නොවේ. දෙස, බස, රැස මිස එක එක පුද්ගයන් මත්තේ ජාතිය හිලව් නොකොට අඩු තරමේ දන්නා සිංහලෙන් දන්නා අය සමගවත් කතා කරමු. බසේ රස හෝ රැකගමු. දැන් දැන් ඉංගිරිසිය සිංහලයට වඩා සරලවී ඇති බැව් පෙනෙන නිසා දැන්ම කියමි, මව් බස පළමුව...